ಸರಕು ಸಾಗಾಣಿಕೆಗಾಗಿ ಹೊಸ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಬಿಡುಗಡೆಗೊಳಿಸಿದ ಕೋಮಕಿ

ಕಂಪನಿಯು ದೇಶಿಯ ಮಾರುಕಟ್ಟೆಯಲ್ಲಿ ಕೋಮಕಿ ಡಿಎನ್ 95, ಕೋಮಕಿ ಎಸ್ಇ ಹಾಗೂ ಕೋಮಕಿ ಎಂ 5 ಸೇರಿದಂತೆ ಹಲವಾರು ವಾಹನಗಳನ್ನು ಬಿಡುಗಡೆಗೊಳಿಸಿದೆ. ಈಗ ಕಂಪನಿಯು ಎಕ್ಸ್‌ಜಿಟಿ ಕ್ಯಾಟ್ 2.0 ಎಂಬ ಹೊಸ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನವನ್ನು ಬಿಡುಗಡೆಗೊಳಿಸಿದೆ.

ಈ ವಾಹನವು ಕಮರ್ಷಿಯಲ್ ಸೆಗ್'ಮೆಂಟಿಗೆ ಸೇರಿದ್ದು, ಹೆಚ್ಚು ತೂಕವನ್ನು ಹೊರಬಲ್ಲದು. ಈ ವಾಹನವು 300ರಿಂದ 350 ಕೆ.ಜಿ ತೂಕದ ಸರಕುಗಳನ್ನು ಸಾಗಿಸಬಲ್ಲದು ಎಂದು ಕಂಪನಿ ಹೇಳಿಕೊಂಡಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ವಾಹನವನ್ನು ಎರಡು ಮಾದರಿಗಳಲ್ಲಿ ಮಾರಾಟ ಮಾಡಲಾಗುತ್ತದೆ. ಜೆಲ್ 72 ವಿ 42 ಎಹೆಚ್ ಹಾಗೂ ಲಿ-ಐಯಾನ್ 72 ವಿ 30 ಎಹೆಚ್‌ನ ಬ್ಯಾಟರಿ ಸಾಮರ್ಥ್ಯಗಳ ಮೇಲೆ ಈ ಮಾದರಿಗಳು ಮಾರಾಟವಾಗಲಿವೆ.

ಕೋಮಕಿ ಎಕ್ಸ್‌ಜಿಟಿ 2.0 ಜೆಲ್ ಬ್ಯಾಟರಿ ಮಾದರಿಯ ಬೆಲೆ ರೂ.75 ಸಾವಿರಗಳಾದರೆ, ಲಿ-ಐಯಾನ್ ಮಾದರಿಯ ಬೆಲೆ ರೂ.85,000ಗಳಾಗಿದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ವಾಹನವು ಪೂರ್ತಿಯಾಗಿ ಚಾರ್ಜ್ ಆದ ನಂತರ ಎಷ್ಟು ದೂರ ಚಲಿಸುತ್ತದೆ?

ಕೋಮಕಿ ಕಂಪನಿಯ ಹೊಸ ವಾಹನವು ಹಲವು ಸಾಮರ್ಥ್ಯಗಳನ್ನು ಹೊಂದಿದೆ. ಈ ಹೊಸ ವಾಹನವು ಹೆಚ್ಚಿನ ತೂಕವನ್ನು ಕೊಂಡೊಯ್ಯುವುದರ ಜೊತೆಗೆ ಹೆಚ್ಚಿನ ಶ್ರೇಣಿಯನ್ನು ಸಹ ನೀಡುತ್ತದೆ. ಈ ವಾಹನವು ಪೂರ್ತಿಯಾಗಿ ಚಾರ್ಜ್ ಆದ ನಂತರ 125 ಕಿ.ಮೀಗಳವರೆಗೆ ಚಲಿಸುತ್ತದೆ.

ಈ ವಾಹನದ ಟಾಪ್ ಸ್ಪೀಡ್ ಪ್ರತಿ ಗಂಟೆಗೆ 25 ಕಿ.ಮೀಗಳಿಂದ 30 ಕಿ.ಮೀಗಳಾಗಿದೆ. ಈ ವಾಹನದಲ್ಲಿ ಡ್ಯುಯಲ್ ಡಿಸ್ಕ್ ಬ್ರೇಕಿಂಗ್ ಸಿಸ್ಟಂ, 6 ಸ್ಪ್ರಿಂಗ್ ಅಸಿಸ್ಟೆಡ್ ಹೈಡ್ರಾಲಿಕ್ ಶಾಕ್ ಅಬ್ಸಾರ್ವರ್, 12 ಇಂಚಿನ ಟ್ಯೂಬ್ ಲೆಸ್ ಟಯರ್, ಸೈಡ್ ಸ್ಟ್ಯಾಂಡ್ ಮೌಂಟೆಡ್ ಫೂಟ್ ರೆಸ್ಟ್ ಹಾಗೂ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಗಳನ್ನು ಅಳವಡಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಇಷ್ಟೊಂದು ಫೀಚರ್'ಗಳನ್ನು ಹೊಂದಿರುವ ವಾಹನವನ್ನು ಕೋಮಕಿ ಕಂಪನಿಯು ಕೈಗೆಟಕುವ ಬೆಲೆಯಲ್ಲಿ ಬಿಡುಗಡೆಗೊಳಿಸಿದೆ. ಕೋಮಕಿ ಕಂಪನಿಯ ಈ ಹೊಸ ವಾಹನವು ಟಿವಿಎಸ್ ಕಂಪನಿಯ ಎಕ್ಸ್‌ಎಲ್‌ ವಾಹನಕ್ಕೆ ಪೈಪೋಟಿ ನೀಡಲಿದೆ.

ಗಮನಿಸಿ: ಎರಡನೇ ಚಿತ್ರವನ್ನು ಹೊರತುಪಡಿಸಿ ಉಳಿದ ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.