ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ 2021ರ Bajaj Pulsar 250 ಬೈಕ್

ಇದೀಗ ಹೊಸ ಬಜಾಜ್ ಪಲ್ಸರ್ ಬೈಕ್ ಅನ್ನು ಬಿಡುಗಡೆ ಮಾಡುವುದಕ್ಕೆ ಮುಂಚಿತವಾಗಿ ಮತ್ತೊಂದು ಅಧಿಕೃತ ಟೀಸರ್ ಅನ್ನು ಬಿಡುಗಡೆಗೊಳಿಸಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಬಜಾಜ್ ಆಟೋ ಕಂಪನಿಯ ಪಲ್ಸರ್ ಸರಣಿಯ ಬೈಕ್‌ಗಳು ಭಾರೀ ಜನಪ್ರಿಯತೆಯನ್ನು ಗಳಿಸಿದೆ. ಪಲ್ಸರ್ ಬೈಕ್‌ಗಳಿಗೆ ಭಾರತದಲ್ಲಿ ಪ್ರತ್ಯೇಕವಾದ ಅಭಿಮಾನಿ ವರ್ಗವಿದೆ. ಬಜಾಜ್ ಕಂಪನಿಯು ಭಾರತದಲ್ಲಿ ಪಲ್ಸರ್ ಸರಣಿಯನ್ನು ವಿಸ್ತರಿಸಲು ಸಜ್ಜಾಗಿದೆ. ಇದರ ಭಾಗವಾಗಿ ನ್ಯೂ ಜನರೇಷನ್ ಬಜಾಜ್ ಪಲ್ಸರ್ ಬೈಕಿನ ಟೀಸರ್ ಅನ್ನು ಬಿಡುಗಡೆಗೊಳಿಸಲಾಗಿದೆ. ಟೀಸರ್ ಪ್ರಕಾರ ಇದೇ ತಿಂಗಳ 28ರಂದು ನ್ಯೂ ಜನರೇಷನ್ ಬಜಾಜ್ ಪಲ್ಸರ್ ಬೈಕ್ ಬಿಡುಗಡೆಯಾಗಲಿದೆ. ಇದು ಬಜಾಜ್ ಪಲ್ಸರ್ 250 ಎಂದು ನಿರೀಕ್ಷಿಸುತ್ತೇವೆ.

ಕಂಪನಿಯ ಹೊಸ ಫ್ಲಾಗ್‌ಶಿಪ್ ಮಾದರಿಯಾಗಿದೆ. ಬಜಾಜ್ ಆಟೋ ವ್ಯವಸ್ಥಾಪಕ ನಿರ್ದೇಶಕರಾದ ರಾಜೀವ್ ಬಜಾಜ್, ಹೊಸ ಪಲ್ಸರ್ ಪ್ಲಾಟ್‌ಫಾರ್ಮ್ ನವೆಂಬರ್‌ನಲ್ಲಿ ಪ್ರಾರಂಭವಾಗಲಿದ್ದು, ಇದುವರೆಗೆ ಅತಿದೊಡ್ಡ ಸ್ಥಳಾಂತರ ಪಲ್ಸರ್ ಅನ್ನು ಹೊಂದಿದೆ ಎಂದು ಇತ್ತೀಚೆಗೆ ಬಹಿರಂಗಪಡಿಸಿದ್ದರು.

ಕೆಲವು ವರದಿಗಳ ಪ್ರಕಾರ, ಈ ಬೈಕ್ ನೇಕೆಡ್ ಮತ್ತು ಸೆಮಿ-ಫೇರ್ಡ್ ಎಂಬ ಎರಡು ಆವೃತ್ತಿಗಳಲ್ಲಿ ಲಭ್ಯವಿರುತ್ತದೆ .ಟೀಸರ್ ವೀಡಿಯೋದಲ್ಲಿರುವ ಬೈಕ್ ಸೆಮಿ ಫೇರ್ ಮಾಡೆಲ್ ಆಗಿದ್ದು ಇದನ್ನು ಪಲ್ಸರ್ 250ಎಫ್ ಎಂದು ಕರೆಯುವ ಸಾಧ್ಯತೆಯಿದೆ. ಈ ಹೊಸ ಬೈಕ್ ಎನ್ಎಸ್200 ನೇಕೆಡ್ ಸ್ಟ್ರೀಟ್ ಫೈಟರ್ ಮೇಲಿನ ಸ್ಥಾನದಲ್ಲಿ ಇರಿಸಬಹು. ಇನ್ನು ಎರಡನೆ ಮಾದರಿಯು 250ಎಫ್ ಬೈಕಿನ ಮೇಲಿನ ಸ್ಥಾನದಲ್ಲಿ ಇರಿಸಬಹುದು.

ಪ್ರಸ್ತುತ ಹೆಚ್ಚಿನ ಪಲ್ಸರ್‌ಗಳು ಸ್ಟೀಲ್ ಪಿರಿಮೀಟರ್ ಫ್ರೇಮ್ ಆಧಾರವಾಗಿವೆ. ಹೊಸ ಪ್ಲಾಟ್‌ಫಾರ್ಮ್ ಸ್ಟೀಫ್ ನೆಸ್ ಹೆಚ್ಚಿಸಲು ಮತ್ತು ಒಟ್ಟಾರೆ ಕರ್ಬ್ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇನ್ನು ಮುಂದಿನ 12 ತಿಂಗಳಲ್ಲಿ ಹೊಸ ಪಲ್ಸರ್ ಪ್ಲಾಟ್‌ಫಾರ್ಮ್ ಅನ್ನು ಇತರ ಬೈಕ್ ಗಳಿಗೆ ವಿಸ್ತರಿಸಲಾಗುತ್ತದೆ.

ಬಜಾಜ್ ಪಲ್ಸರ್ ಎನ್ಎಸ್250 ಮತ್ತು 250ಎಫ್ ಎಲ್ಲಾ ಹೊಸ 250 ಸಿಸಿ ಆಯಿಲ್-ಕೂಲ್ಡ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುವ ನಿರೀಕ್ಷೆಯಿದೆ. ಆದರೆ ನಿಖರವಾದ ಶಕ್ತಿ ಮತ್ತು ಟಾರ್ಕ್ ರೇಟಿಂಗ್‌ಗಳು ಇನ್ನೂ ತಿಳಿದಿಲ್ಲ, ಮತ್ತು ಇದು ಆರು-ಸ್ಪೀಡ್ ಟ್ರಾನ್ಸ್‌ಮಿಷನ್‌ನೊಂದಿಗೆ ಜೋಡಿಸಲ್ಪಡುತ್ತದೆ. ಪ್ರಸ್ತುತ ಪಲ್ಸರ್ ಸರಣಿಯನ್ನು ಹೋಲಿಸಿದರೆ ಬಜಾಜ್ ಪಲ್ಸರ್ ಎನ್ಎಸ್250 ಮತ್ತು 250ಎಫ್ ಉತ್ತಮ ಟೂರಿಂಗ್ ಸಾಮರ್ಥ್ಯಗಳನ್ನು ಹೊಂದಿದೆಯೆಂದು ನಿರೀಕ್ಷಿಸುತ್ತೇವೆ.

ವರದಿಗಳ ಪ್ರಕಾರ, ನ್ಯೂ ಜನರೇಷನ್ ಬಜಾಜ್ ಪಲ್ಸರ್ ಬೈಕಿನಲ್ಲಿ ಕೆಲವು ಖಚಿತವಾಗಿರುವ ಫೀಚರ್ಸ್ ಗಳಿವೆ. ಮೊದಲಿಗೆ ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್, ಹೊಸ ತಲೆಮಾರಿನ ಬಜಾಜ್ ಪಲ್ಸರ್ ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್ ಅನ್ನು ಹೊಂದಿರುತ್ತದೆ. ಪ್ರೊಜೆಕ್ಟರ್ ಯುನಿಟ್ ಮಾದರಿಯ ರೂಪಾಂತರಕ್ಕೆ ನಿರ್ದಿಷ್ಟವಾಗಿರಬಹುದು ಆದರೆ ಈ ವೈಶಿಷ್ಟ್ಯವನ್ನು ಪಡೆಯಲು ಹೊಸ ಬೈಕಿನ ಟ್ರಿಮ್‌ಗಳಲ್ಲಿ ನಿರೀಕ್ಷಿಸಬಹುದು.

ಈ ಬೈಕ್ ಎರಡೂ ತುದಿಯಲ್ಲಿ ನಯವಾಗಿ ಕಾಣುವ ಎಲ್ಇಡಿ ಇಂಡಿಕೇಟರ್ಸ್ ಗಳನ್ನು ಪಡೆದುಕೊಳ್ಳುತ್ತದೆ. ಈ ಇಂಡಿಕೇಟರ್ಸ್ ಸಾಂಪ್ರದಾಯಿಕ ಶೈಲಿಯ ಯುನಿಟ್ ಗಳೊಂದಿಗೆ ಅಸ್ತಿತ್ವದಲ್ಲಿರುವ ಪಲ್ಸರ್‌ಗಳಲ್ಲಿ ಬಳಸುವ ಸೆಟ್‌ಗಳಿಗಿಂತ ಹೆಚ್ಚು ಭಿನ್ನವಾಗಿರುತ್ತದೆ. ಇದರೊಂದಿಗೆ ಈ ನ್ಯೂ ಜನರೇಷನ್ ಬಜಾಜ್ ಪಲ್ಸರ್‌ನ ಸ್ಪೈ ಚಿತ್ರಗಳು ಅಲಾಯ್ ವ್ಹೀಲ್ ಗಳನ್ನು ಕಂಡುಬಂದಿದೆ. ಪಲ್ಸರ್ ಬೈಕಿನ ಅಲಾಯ್ ವ್ಹೀಲ್ ಗಳು ಬ್ರಾಂಡ್‌ನ ನೈಸರ್ಗಿಕ ಆಯ್ಕೆಯಾಗಿವೆ ಎಂದು ಬೇರೆ ಹೇಳಬೇಕಾಗಿಲ್ಲ. ಇದು ಹೆಚ್ಚಾಗಿ ಟ್ಯೂಬ್ ಲೆಸ್/ರೇಡಿಯಲ್ ಟೈರ್ ಗಳೊಂದಿಗೆ ಬರುತ್ತದೆ.

ಲಿಕ್ವಿಡ್-ಕೂಲ್ಡ್ ಬೈಕ್ ಗಳಲ್ಲಿ ಕಂಡುಬರುವ ರೇಡಿಯೇಟರ್ ಅನ್ನು ಬೈಕ್ ಹೊಂದಿರುವುದಿಲ್ಲ ಎಂದು ಸ್ಪೈ ಚಿತ್ರಗಳು ಈ ಹಿಂದೆ ತೋರಿಸಿದ್ದವು. ಈ ಎಂಜಿನ್ ಬಹುಶಃ ಪಲ್ಸರ್ 220 ಬೈಕಿನಲ್ಲಿ ಕಂಡುಬರುವ 220 ಸಿಸಿ ಪವರ್‌ಟ್ರೇನ್‌ನ ಪುನರ್ನಿರ್ಮಾಣದ ಆವೃತ್ತಿಯಾಗಿದ್ದು ಅದು ಆಯಿಲ್-ಕೂಲಿಂಗ್ ಆಗಿ ಬರುತ್ತದೆ. ಇನ್ನು ಹೊಸ ಬೈಕ್ ಮುಂಭಾಗದಲ್ಲಿ ಎಲ್‌ಇಡಿ ಡಿಆರ್‌ಎಲ್‌ಗಳನ್ನು ಅದರ ಹೆಡ್‌ಲ್ಯಾಂಪ್‌ನಲ್ಲಿ ಇರಿಸಲಾಗುವುದು. ಈ ಫೀಚರ್ ಇತ್ತೀಚಿನ ದಿನಗಳಲ್ಲಿ ಬೈಕ್‌ಗಳಲ್ಲಿ ಸಾಮಾನ್ಯವಾಗಿ ಕಂಡುಬರುತ್ತದೆ ಮತ್ತು ಇದರೊಂದಿಗೆ ಬರುವ ಹೊಸ ಪಲ್ಸರ್ ಹೇಗಾದರೂ ಆಶ್ಚರ್ಯವಾಗುವುದಿಲ್ಲ.

ಇನ್ನು ದೇಶದಲ್ಲಿ ಹೊಸ ಪಲ್ಸರ್ ಬೈಕಿನ ಟೆಸ್ಟ್ ಹಲವು ಬಾರಿ ನಡೆಸಿದೆ. ಹೊಸ ಬಜಾಜ್ ಪಲ್ಸರ್ 250 ಬೈಕ್ ಸೆಮಿ-ಫೇರ್ಡ್ ಮತ್ತು ನೇಕೆಡ್ ಮಾದರಿಗಳಲ್ಲಿ ನೀಡಲಾಗುವುದು. ಹಿಂದಿನ ಪಲ್ಸರ್ 220 ಎಫ್‌ಗೆ ಬದಲಿಯಾಗಿ ಕಂಪನಿಗೆ ಪರಿಮಾಣವನ್ನು ಉತ್ಪಾದಿಸುವ ಸಾಧ್ಯತೆಯಿದೆ. ಈ ಹೊಸ ಬೈಕ್ ಹೆಡ್‌ಲ್ಯಾಂಪ್ ವಿಭಾಗದ ಪಕ್ಕದಲ್ಲಿರುವ ಕ್ವಾರ್ಟರ್ ಫೇರಿಂಗ್, ಫ್ಯೂಯಲ್ ಟ್ಯಾಂಕ್, ಫೇರಿಂಗ್-ಮೌಂಟೆಡ್ ರಿಯರ್-ವ್ಯೂ ಮಿರರ್ಸ್, ಕ್ಲಿಪ್-ಆನ್ ಹ್ಯಾಂಡಲ್‌ಬಾರ್‌ ಅನ್ನು ಹೊಂದಿದೆ,

ಈ ಹೊಸ ಬೈಕಿನ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗದಲ್ಲಿ ಆಕ್ಸಲ್ಗಳಲ್ಲಿ ಸಾಂಪ್ರದಾಯಿಕ ಟೆಲಿಸ್ಕೋಪಿಕ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಮೊನೊಶಾಕ್ ಅನ್ನು ಒಳಗೊಂಡಿರುವ ಸಾಧ್ಯತೆಯಿದೆ. ಇನ್ನು ಈ ಬೈಕಿನ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗದ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ ಡಿಸ್ಕ್ ಬ್ರೇಕ್ ಅನ್ನು ಅಳವಡಿಸಲಾಗಿದೆ. ಇದರೊಂದಿಗೆ ಸ್ಟ್ಯಾಂಡರ್ಡ್ ಡ್ಯುಯಲ್-ಚಾನೆಲ್ ಎಬಿಎಸ್ (ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಂ) ಅನ್ನು ಹೊಂದಿರಬಹುದು.

ಈ ಹೊಸ ಬಜಾಜ್ ಪಲ್ಸರ್ 250 ಬೈಕ್ ಬಾರತೀಯ ಮಾರುಕಟ್ಟೆಯಲ್ಲಿ ಇದೇ ತಿಂಗಳ 28 ರಂದು ಬಿಡುಗಡೆಯಾಗಲಿದೆ. ಈ ನ್ಯೂ ಜನರೇಷನ್ ಹೊಸ ಬಜಾಜ್ ಪಲ್ಸರ್ 250 ಮಾದರಿಯು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾದ ಬಳಿಕ ಸುಜುಕಿ ಜಿಕ್ಸರ್ 250, ಯಮಹಾ ಎಫ್‌ಜೆಡ್ -25 ಮತ್ತು ಕೆಟಿಎಂ ಡ್ಯೂಕ್ 250 ಬೈಕ್‌ಗಳಿಗೆ ಪೈಪೋಟಿ ನೀಡುತ್ತದ.