Just In
- 51 min ago ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- 1 hr ago ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- 2 hrs ago Mahindra Thar: ಸುಲಭವಾಗಿ ಆಫ್ರೋಡ್ ಕಿಂಗ್ ಖರೀದಿಸಬೇಕೆ?: ಆನ್ರೊಡ್ ಬೆಲೆ, EMI ಸಂಪೂರ್ಣ ಮಾಹಿತಿ!
- 2 hrs ago Mahindra: ಫ್ಯಾಮಿಲಿ ಕಾರು ಮಹೀಂದ್ರಾ ಎಕ್ಸ್ಯುವಿ700 ಖರೀದಿಸುವವರಿಗೆ ಸಿಹಿಸುದ್ದಿ.. ಇನ್ನೂ ತಿಂಗಳೇ ಸಾಕು!
Don't Miss!
- Technology vivo: ವಿವೋ Y200i ಸ್ಮಾರ್ಟ್ಫೋನ್ ಲಾಂಚ್! 12GB RAM.. 6000mAh ಬ್ಯಾಟರಿ
- News Bengaluru Rain: ಬೆಂಗಳೂರಿನ ಹಲವೆಡೆ ಗುಡುಗು ಸಹಿತ ಜಿನುಗು ಮಳೆ.. ಮನೆಯಿಂದ ಹೊರಬಂದು ಕುಣಿದು ಕುಪ್ಪಳಿಸಿದ ಮಕ್ಕಳು
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ 2022ರ Indian Chief line-up
ಅಮೆರಿಕ ಮೂಲದ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾದ Indian Motorcycle ಶೀಘ್ರದಲ್ಲೇ ತಮ್ಮ ಹೊಸ ಸುಧಾರಿತ ಬೈಕ್ಗಳನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಿದೆ. ಈ ಬೈಕ್ಗಳು ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ಗ್ರಾಹಕರಿಗೆ ಕಸ್ಟಮೈಸ್ ಮಾಡಬಹುದಾದ ಆಕ್ಸೆಸರೀಸ್ಗಳ ಆಯ್ಕೆಗಳನ್ನು ಕೂಡ ನೀಡಲಾಗುತ್ತದೆ.
Indian Motorcycle ಕಂಪನಿಯು ಹೊಸ Chief line-up ಅನ್ನು ಇದೇ ತಿಂಗಳ 27ರಂದು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಿದೆ. ಈ Indian Chief line-up ನಲ್ಲಿ ಮೂರು ಮಾದರಿಗಳನ್ನು ಒಳಗೊಂಡಿದೆ. ಈ ಮೂರು ಮಾದರಿಗಳು ಇಂಡಿಯನ್ ಚೀಫ್ ಡಾರ್ಕ್ ಹಾರ್ಸ್, ಚೀಫ್ ಬಾಬರ್ ಡಾರ್ಕ್ ಹಾರ್ಸ್ ಹಾಗೂ ಸೂಪರ್ ಚೀಫ್ ಲಿಮಿಟೆಡ್ ಬೈಕುಗಳಾಗಿವೆ. ಈ ಮೂರು ಮಾದರಿಗಳು ದೊಡ್ಡ ಥಂಡರ್ ಸ್ಟ್ರೋಕ್ 116 ಮೋಟರ್ ಗಳನ್ನು ಒಳಗೊಂಡಿವೆ. Chief line-up ಬೈಕ್ಗಳ ಖರೀದಿಗಾಗಿ ಬುಕ್ಕಿಂಗ್ ಆರಂಭವಾಗಿದೆ.
ಈ ಬೈಕ್ಗಳನ್ನು ಖರೀದಿಸಲು ಬಯಸುವ ಗ್ರಾಹಕರು ರೂ.3 ಲಕ್ಷ ಪಾವತಿಸಿ ಬುಕ್ಕಿಂಗ್ ಮಾಡಿಕೊಳ್ಳಬಹುದು. Indian Chief line-up ಹೊಸ ಬೈಕ್ಗಳ ಆರಂಭಿಕ ಬೆಲೆ ಎಕ್ಸ್ ಶೋರೂಂ ಪ್ರಕಾರ ರೂ.20,75,922ಗಳಾಗಿದೆ. ಹೊಸ ಬೈಕುಗಳಲ್ಲಿ ವಿಭಿನ್ನ ವಿನ್ಯಾಸ, ಫೀಚರ್'ಗಳ ಜೊತೆಗೆ ಹಲವಾರು ತಾಂತ್ರಿಕ ಅಪ್ಡೇಟ್ಗಳನ್ನು ನೀಡಲಾಗುತ್ತದೆ.
ಹೊಸ ಬೈಕ್ಗಳ ಜೊತೆಗೆ ಒರಿಜಿನಲ್ ಬಿಡಿಭಾಗಗಳನ್ನು ಸಹ ನಿಡುವುದರಿಂದ ಗ್ರಾಹಕರು ವಿಭಿನ್ನ ಸವಾರಿ ಅನುಭವವನ್ನು ಪಡೆಯಬಹುದಾಗಿದೆ. Indian Chief line-up ಹೊಸ ಬೈಕ್ 64 ಇಂಚಿನ ಶಾರ್ಟ್ ವ್ಹೀಲ್ ಬೇಸ್ ಹಾಗೂ 26 ಇಂಚಿನ ಎತ್ತರದ ಸೀಟ್ ಅನ್ನು ಹೊಂದಿದೆ.
Chief line-up ನಲ್ಲಿರುವ ಬೈಕ್ 46 ಎಂಎಂ ಫ್ರಂಟ್ ಅಡ್ಜಸ್ಟಬಲ್ ಫೋರ್ಕ್ ಹೊಂದಿದೆ. ಈ ಬೈಕಿನಲ್ಲಿ 28.5 ಡಿಗ್ರಿ ಲೀನ್ ಆಂಗಲ್ ನೀಡಲಾಗಿದೆ. ಸವಾರನ ಅನುಕೂಲಕ್ಕಾಗಿ ಈ ಬೈಕಿನಲ್ಲಿ ವಿವಿಧ ಕಸ್ಟಮೈಸ್ ಆಯ್ಕೆಗಳನ್ನು ಕೂಡ ನೀಡಲಾಗುತ್ತದೆ.
ಹೊಸ Indian Chief line-up ಬೈಕ್ಗಳು ಹಳೆಯ ಮಾದರಿಯಲ್ಲಿರುವಂತಹ ಸಾಂಪ್ರದಾಯಿಕ ವಿ-ಟ್ವಿನ್ ಎಂಜಿನ್ ಹೊಂದಿದೆ. ಈ ಬೈಕ್ ಪವರ್ ಉತ್ಪಾದನೆ ಹಾಗೂ ತಂತ್ರಜ್ಞಾನದ ದೃಷ್ಟಿಯಿಂದ ದೇಶಿಯ ಮಾರುಕಟ್ಟೆಯಲ್ಲಿರುವ ಇತರ ಕಂಪನಿಯ ಬೈಕ್ಗಳಿಗೆ ಕಠಿಣ ಪೈಪೋಟಿ ನೀಡಲಿದೆ.
ಈ ಐಕಾನಿಕ್ ಬೈಕ್ಗಳು ಕ್ರೂಸ್ ಕಂಟ್ರೋಲ್, ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್'ನಂತಹ ಫೀಚರ್ಸ್ ಗಳನ್ನು ಹೊಂದಿರಲಿವೆ. ಭಾರತದಲ್ಲಿ ಇಂಡಿಯನ್ ಮೋಟಾರ್ಸೈಕಲ್ ಕಂಪನಿಗೆ ಬೈಕ್ಗಳಿಗೆ ಇಂಗ್ಲೆಂಡ್ ಮೂಲದ ಟ್ರಯಂಫ್ ಕಂಪನಿಯ ಬೈಕ್ಗಳು ನೇರ ಪ್ರತಿಸ್ಪರ್ಧಿಗಳಾಗಿವೆ.
Indian Motorcycle ಕಂಪನಿಯು 2022ರ ಇಂಡಿಯನ್ ಚೀಫ್ ಬಾಬರ್ ಡಾರ್ಕ್ ಹಾರ್ಸ್ ಬೈಕಿನ ಟೀಸರ್ ಚಿತ್ರವನ್ನು ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆಗೊಳಿಸಿತು. ಈ ಚಿತ್ರದಲ್ಲಿ ಈ ಬೈಕಿನ ವಿ-ಟ್ವಿನ್ ಎಂಜಿನ್, ಫ್ಯೂಯಲ್ ಟ್ಯಾಂಕ್ ಮತ್ತು ಹಿಂಭಾಗದ ಕೌಲ್ನ ಲುಕ್ ಅನ್ನು ಬಹಿರಂಗಪಡಿಸಿದೆ. ಇದರೊಂದಿಗೆ ಈ ಹೊಸ ಬೈಕಿನ ರಿಯರ್ವ್ಯೂ ಮೀರರ್ಸ್, ಹೆಡ್ಲೈಟ್ ಮಾಸ್ಕ್, ಫ್ರಂಟ್ ಫೆಂಡರ್ ಮತ್ತು ಟರ್ನ್ ಸಿಗ್ನಲ್ಗಳು ಟೀಸರ್ ಚಿತ್ರದಲ್ಲಿ ಕಾಣಸಿಗುತ್ತದೆ.
Indian Motorcycle ಕಂಪನಿಯು ತನ್ನ 2021ರ line-up ಬೈಕುಗಳನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಕಳೆದ ವರ್ಷ ಬಿಡುಗಡೆಗೊಳಿಸಲಾಗಿತ್ತು. ಈ ಜನಪ್ರಿಯ ಮಾದರಿಗಳನ್ನು ಅಪ್ಡೇಟ್ ಮಾಡಿ ಭಾರತದಲ್ಲಿ ಪರಿಚಯಿಸಿತು. ಇದರಲ್ಲಿ 2021ರ ಸ್ಕೌಂಟ್ ಸರಣಿಯಲ್ಲಿನ ನವೀಕರಣಗಳು ರಿಫ್ರೆಶ್ ಮಾಡಿದ ಹೊಸ ಬಣ್ಣದ ಬಣ್ಣಗಳನ್ನು ಒಳಗೊಂಡಿರುತ್ತವೆ. ಸ್ಕೌಟ್ ಮಾದರಿಯನ್ನು ಬಾಬರ್, ಸ್ಟ್ಯಾಂಡರ್ಡ್ ಮತ್ತು ಬಾಬರ್ ಟ್ವೆಂಟಿ ಎಂಬ ಮೂರು ರೂಪಾಂತರಗಳಲ್ಲಿ ಮಾರಾಟ ಮಾಡಲಾಗುತ್ತದೆ.
ಸ್ಕೌಟ್ ಬೈಕ್ ಥಂಡರ್ ಬ್ಲ್ಯಾಕ್, ಡೀಪ್ ವಾಟರ್ ಮೆಟಾಲಿಕ್, ವೈಟ್ ಸ್ಮೋಕ್, ಮರೂನ್ ಮೆಟಾಲಿಕ್ ಓವರ್ ಕ್ರಿಮ್ಸನ್ ಮೆಟಾಲಿಕ್, ಬ್ಲೂ ಸ್ಲೇಟ್ ಮೆಟಾಲಿಕ್/ಕೋಬ್ರಾ ಸಿಲ್ವರ್, ಮತ್ತು ಸ್ಟೆಲ್ತ್ ಗ್ರೇ/ಥಂಡರ್ ಬ್ಲ್ಯಾಕ್ ಎಂಬ ಬಣ್ಣಗಳಲಿ ಲಭ್ಯವಿರುತ್ತದೆ. ಸ್ಕೌಟ್ ಲೈನ್-ಅಪ್ ವಿ-ಟ್ವಿನ್ 1133 ಸಿಸಿ ಎಂಜಿನ್ ಅನ್ನು ಹೊಂದಿದೆ, ಈ ಎಂಜಿನ್ 5600 ಆರ್ಪಿಎಂನಲ್ಲಿ 97 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಎಂಜಿನ್ ಆರು-ವೇಗದ ಗೇರ್ಬಾಕ್ಸ್ಗೆ ಜೋಡಿಸಲಾಗಿದೆ.
ಇನ್ನು ವಿಂಟೇಜ್ ಮಾದರಿಯು ಕ್ರಿಮ್ಸನ್ ಮೆಟಾಲಿಕ್ ಮತ್ತು ಡೀಪ್ ವಾಟರ್/ಡರ್ಟ್ ಟ್ರ್ಯಾಕ್ ಟ್ಯಾನ್ ಎಂಬ ಎರಡು ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. ವಿಂಟೇಜ್ ಡಾರ್ಕ್ ಹಾರ್ಸ್ ಒಂದೇ ಥಂಡರ್ ಬ್ಲ್ಯಾಕ್ ಸ್ಮೋಕ್ ಬಣ್ಣದಲ್ಲಿ ಲಭ್ಯವಿದೆ. ಇದರೊಂದಿಗೆ ಇಂಡಿಯನ್ ಸ್ಪ್ರಿಂಗ್ಫೀಲ್ಡ್ ಲೈನ್ಅಪ್ ಬೈಕ್ಗಳು ಸ್ಟ್ಯಾಂಡರ್ಡ್ ಮತ್ತು ಡಾರ್ಕ್ ಹಾರ್ಸ್ ಎಂಬ ಎರಡು ರೂಪಾಂತರಗಳಲ್ಲಿ ಲಭ್ಯವಿದೆ.
Indian Chief line-up ಬೈಕ್ಗಳು ಬಿಡುಗಡೆಯಾದ ನಂತರ ಅಮೆರಿಕಾ ಮೂಲದ ಇಂಡಿಯನ್ ಮೋಟಾರ್ಸೈಕಲ್ಸ್ ಕಂಪನಿಯು ದೇಶಿಯ ಮಾರುಕಟ್ಟೆಯಲ್ಲಿರುವ ಇತರ ಕ್ರೂಸರ್ ಬೈಕ್ ಕಂಪನಿಗಳಿಗೆ ಯಾವ ರೀತಿಯಲ್ಲಿ ಪೈಪೋಟಿ ನೀಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ. ಒಟ್ಟಿನಲ್ಲಿ ಬಹುನಿರೀಕ್ಷಿತ Indian Chief line-up ಬೈಕ್ಗಳು ಇದೇ ತಿಂಗಳ 27ರಂದು ಭಾರತೀಯ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ.