ಟ್ರ್ಯಾಕ್ಟರ್ ರೀತಿಯ ಟಯರ್‌ಗಳೊಂದಿಗೆ ಮಾಡಿಫೈಗೊಂಡ ರಾಯಲ್ ಎನ್‌ಫೀಲ್ಡ್ ಬೈಕ್

ಕಂಪನಿಯು 350 ಸಿಸಿ ಎಂಜಿನ್ ಬೈಕುಗಳಿಂದ 650 ಸಿಸಿ ಎಂಜಿನ್ ಬೈಕುಗಳವರೆಗೆ ಹಲವು ರೀತಿಯ ಬೈಕುಗಳನ್ನು ಮಾರಾಟ ಮಾಡುತ್ತದೆ. ರಾಯಲ್ ಎನ್‌ಫೀಲ್ಡ್‌ ಕಂಪನಿಯ ಬೈಕ್‌ಗಳು ಆಟೋ ಉತ್ಸಾಹಿಗಳ ನೆಚ್ಚಿನ ಬೈಕುಗಳಾಗಿವೆ. ಈ ಕಾರಣಕ್ಕೆ ಹಲವು ರಾಯಲ್ ಎನ್‌ಫೀಲ್ಡ್ ಬೈಕುಗಳ ಮಾಲೀಕರು ತಮ್ಮ ಬೈಕ್‌ಗಳನ್ನು ಕಸ್ಟಮೈಸ್ ಮಾಡಿರುವುದನ್ನು ಕಾಣಬಹುದು.

ಇದೇ ರೀತಿಯಾಗಿ ಮಾಡಿಫೈಗೊಂಡಿರುವ ರಾಯಲ್ ಎನ್‌ಫೀಲ್ಡ್ ಬೈಕಿನ ವೀಡಿಯೊ ಯೂಟ್ಯೂಬ್'ನಲ್ಲಿ ವೈರಲ್ ಆಗಿದೆ. ಈ ಬೈಕಿನ ಮಾಲೀಕರಾದ ಮಣಿ ಗಿಲ್ ಎಂಬುವವರು ಈ ಬೈಕಿನಲ್ಲಿ ಟ್ರ್ಯಾಕ್ಟರ್'ಗಳಲ್ಲಿರುವಂತಹ ದೊಡ್ಡ ಗಾತ್ರದ ಟಯರ್‌ಗಳನ್ನು ಅಳವಡಿಸಿದ್ದಾರೆ.

MOST READ:ವಿಮಾನಗಳು ಹಾರಾಟ ನಡೆಸುವಾಗ, ಲ್ಯಾಂಡಿಂಗ್ ಆಗುವಾಗ ಉಂಟಾಗುವ ಶಬ್ದಗಳಿವು

ಈ ಬೈಕಿನ ಮುಂಭಾಗ ಹಾಗೂ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಅಗಲವಾದ ಟಯರ್‌ಗಳನ್ನು ಅಳವಡಿಸಲಾಗಿದೆ. ಈ ಬೈಕಿನಲ್ಲಿ ಆಫ್ಟರ್ ಮಾರ್ಕೆಟ್ ಹೆಡ್‌ಲ್ಯಾಂಪ್ ಎಲ್‌ಇಡಿ ಯುನಿಟ್ ಅಳವಡಿಸಲಾಗಿದೆ.

ಇದರ ಜೊತೆಗೆ ಈ ಬೈಕಿನಲ್ಲಿ ವಿಶಾಲವಾದ, ಸಿಂಗಲ್-ಪೀಸ್ ಹ್ಯಾಂಡಲ್‌ಬಾರ್ ಅನ್ನು ಸಹ ಕಾಣಬಹುದು. ಈ ಬೈಕಿನಲ್ಲಿ ದೊಡ್ಡ ಟಯರ್‌ಗಳನ್ನು ಅಳವಡಿಸಲು ಮುಂಭಾಗದ ಸಸ್ಪೆಂಷನ್ ಬದಲಿಸಲಾಗಿದ್ದು, ಕಸ್ಟಮ್ ಟ್ರಿಪಲ್ ಟ್ರೀ ಅಳವಡಿಸಲಾಗಿದೆ.

MOST READ:ಪ್ರವಾಸದ ಹುಚ್ಚಿಗಾಗಿ ವಾಹನ ಕದಿಯುತ್ತಿದ್ದ ಎಂಜಿನಿಯರಿಂಗ್ ಪದವೀಧರ ಕೊನೆಗೂ ಲಾಕ್

ಈ ಬೈಕಿನಲ್ಲಿದ್ದ ಫ್ಯೂಯಲ್ ಟ್ಯಾಂಕ್ ಅನ್ನು ಮಾಡಿಫೈಗೊಳಿಸಲಾಗಿದ್ದು, ಮಸ್ಕ್ಯುಲರ್ ಲುಕ್ ನೀಡಲಾಗಿದೆ. ಈ ಬೈಕಿನಲ್ಲಿ ವಿಶಿಷ್ಟವಾದ ಕಸ್ಟಮ್ ಸೀಟ್ ಅಳವಡಿಸಲಾಗಿದೆ. ಮಾಡಿಫೈಗೊಂಡಿರುವ ಈ ಬೈಕಿನ ಹಿಂಭಾಗದಲ್ಲಿ ಹೊಸ ರೇರ್ ಫೆಂಡರ್ ಅಳವಡಿಸಲಾಗಿದೆ.

ಈ ಬೈಕಿನಲ್ಲಿದ್ದ ಸ್ವಿಂಗ್ ಆರ್ಮ್ ಅನ್ನು ಸಹ ಕಸ್ಟಮೈಸ್ ಮಾಡಲಾಗಿದೆ. ಹಿಂದಿನ ಚಕ್ರವು ಮೊನೊಶಾಕ್ ಸಸ್ಪೆಂಷನ್ ಹೊಂದಿದ್ದು, ಟೇಲ್ ಲೈಟ್ ಹಾಗೂ ನಂಬರ್ ಪ್ಲೇಟ್ ಹೋಲ್ಡರ್ ಅನ್ನು ಎಡ ಸ್ವಿಂಗ್ ಆರ್ಮ್'ನಲ್ಲಿ ಇರಿಸಲಾಗಿದೆ.

MOST READ:ಭಾರತದಲ್ಲಿ ಹೆಚ್ಚು ಕಾರು ಮಾರಾಟವಾಗುವ ಹತ್ತು ಪ್ರಮುಖ ನಗರಗಳಿವು

ಈ ಬೈಕಿನಲ್ಲಿ ಆಫ್ಟರ್ ಮಾರ್ಕೆಟ್ ಟರ್ನ್ ಇಂಡಿಕೇಟರ್ ಹಾಗೂ ಕಸ್ಟಮ್ ಮೇಡ್ ಎಕ್ಸಾಸ್ಟ್ ಪೈಪ್ ಅಳವಡಿಸಲಾಗಿದೆ. ಗ್ಯಾಟ್ಲಿಂಗ್ ಗನ್ ಶೈಲಿಯ ಪಾಸ್ ಅನ್ನು ಬೈಕ್‌ನ ಬಲಭಾಗದಲ್ಲಿರುವ ಎಂಜಿನ್‌ನ ಪಕ್ಕದಲ್ಲಿ ಇರಿಸಲಾಗಿದೆ.

ಈ ಬೈಕಿನ ಎಂಜಿನ್‌ನಲ್ಲಿ ಯಾವುದಾದರೂ ಬದಲಾವಣೆ ಮಾಡಲಾಗಿದೆಯೇ ಇಲ್ಲವೇ ಎಂಬುದು ಸದ್ಯಕ್ಕೆ ತಿಳಿದು ಬಂದಿಲ್ಲ. ಮಾಡಿಫೈಗೊಂಡಿರುವ ಈ ಬೈಕಿನಲ್ಲಿರುವ ಎಲ್ಲಾ ಎಕ್ಸಾಸ್ಟ್'ಗಳು ವಿಶಿಷ್ಟವಾಗಿ, ಆಕರ್ಷಕವಾಗಿ ಕಾಣುತ್ತವೆ.

MOST READ:ಕರೋನಾ ಸೋಂಕಿತರ ಪಾಲಿಗೆ ದೇವರಾದ ಕರೋನಾ ಸೋಂಕಿನಿಂದ ಗುಣಮುಖರಾದ ವ್ಯಕ್ತಿ

ಬೈಕ್ ಅನ್ನು ಇಷ್ಟು ಪ್ರಮಾಣದಲ್ಲಿ ಮಾರ್ಪಾಡು ಮಾಡಿರುವುದು ಬೈಕಿನ ಸವಾರಿ, ಪರ್ಫಾಮೆನ್ಸ್ ಹಾಗೂ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀರುತ್ತದೆ.ಟ್ರಾಕ್ಟರುಗಳಲ್ಲಿರುವಂತಹ ದೊಡ್ಡ ಗಾತ್ರದ ಟಯರ್ ಅಳವಡಿಸಿರುವುದರಿಂದ ಈ ಬೈಕ್ ದೈತ್ಯಾಕಾರವಾಗಿ ಕಾಣುತ್ತದೆ.

ಮೂಲ: ಶಾಂತೊನಿಲ್ ನಾಗ್