RE ಕ್ಲಾಸಿಕ್ 350 Vs ಹಂಟರ್ 350 ಯಾವುದು ಬೆಸ್ಟ್: ಎರಡರಲ್ಲಿದೆ ವಿಭಿನ್ನ ಡಿಸೈನ್, ಫೀಚರ್ಸ್, ಪರ್ಫಾಮೆನ್ಸ್

ರಾಯಲ್ ಎನ್‌ಫೀಲ್ಡ್ ಹಂಟರ್ 350ಗೆ ರಾಯಲ್ ಎನ್‌ಫೀಲ್ಡ್ ಮೆಟಿಯರ್ 350 ಮತ್ತು ಕ್ಲಾಸಿಕ್ 350 ನಲ್ಲಿ ನೀಡಲಾದ ಅದೇ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 349cc, ಸಿಂಗಲ್-ಸಿಲಿಂಡರ್, ಏರ್-ಕೂಲ್ಡ್, ಕೌಂಟರ್ ಬ್ಯಾಲೆನ್ಸ್ಡ್ ಎಂಜಿನ್‌ನ ಅದೇ ಪವರ್ (6100rpm ನಲ್ಲಿ 20.2PS) ಮತ್ತು ಟಾರ್ಕ್ ಅನ್ನು ಹೊರಹಾಕುತ್ತದೆ. 4000rpm ನಲ್ಲಿ 27Nm ಟಾರ್ಕ್, 5-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಬರಲಿದೆ.

ಈ ಮೋಟರ್ ಅನ್ನು ವಿಭಿನ್ನವಾಗಿ ಟ್ಯೂನ್ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ. ಎಂಜಿನ್ "ಫ್ಲಾಟ್ ಟಾರ್ಕ್ ಕರ್ವ್ ಮತ್ತು ಉತ್ತಮವಾಗಿ ಆಯ್ಕೆಮಾಡಿದ ಗೇರ್ ರೇಷಿಯೋಗಳು ಉತ್ತಮ ಪರ್ಫಾಮೆನ್ಸ್ ನೀಡುತ್ತದೆ" ಎಂದು ರಾಯಲ್ ಎನ್‌ಫೀಲ್ಡ್ ಹೇಳಿಕೊಂಡಿದೆ.

ಕ್ಲಾಸಿಕ್ 350 ನಗರದಲ್ಲಿ 41.55kmpl ಮತ್ತು ಹೆದ್ದಾರಿಯಲ್ಲಿ 37.77kmpl ಮೈಲೇಜ್ ನೀಡುತ್ತದೆ. ಇನ್ನು ರಾಯಲ್ ಎನ್‌ಫೀಲ್ಡ್ ಹಂಟರ್ 350 36.2kmpl ಮೈಲೇಜ್ ನೀಡಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಎರಡೂ ಬೈಕ್‌ಗಳು 13 ಲೀಟರ್‌ಗಳಷ್ಟು ಒಂದೇ ರೀತಿಯ ಇಂಧನ ಟ್ಯಾಂಕ್ ಸಾಮರ್ಥ್ಯವನ್ನು ಹೊಂದಿವೆ, ಆದರೆ ಟ್ಯಾಂಕ್‌ನ ಆಕಾರವು ವಿಭಿನ್ನವಾಗಿದೆ.

ಎಕ್ಸಾಸ್ಟ್ ನೋಟ್‌ಗೆ ಸಂಬಂಧಿಸಿದಂತೆ, ಹಂಟರ್ ಕರ್ಕಶವಾಗಿ ಸೌಂಡ್ ಮಾಡುತ್ತದೆ. ಕ್ಲಾಸಿಕ್ 350 ಗಿಂತ ಸ್ವಲ್ಪ ಸ್ಪೋರ್ಟಿಯರ್ ಆಗಿದೆ. ಕ್ಲಾಸಿಕ್‌ನಲ್ಲಿರುವ ಉದ್ದವಾದ ಬಟನ್-ಶೂಟರ್ ಘಟಕದಂತೆ, ಹಂಟರ್‌ನಲ್ಲಿನ ಎಕ್ಸಾಸ್ಟ್ ವಿನ್ಯಾಸವು ಹೆಚ್ಚು ಸ್ಟೈಲಿಷ್ ಆಗಿದೆ.

ರಾಯಲ್ ಎನ್‌ಫೀಲ್ಡ್ ಹಂಟರ್ 350 ಮತ್ತು ಕ್ಲಾಸಿಕ್ 350 ಎರಡನ್ನೂ ಟ್ವಿನ್ ಡೌನ್‌ಟ್ಯೂಬ್ ಸ್ಪೈನ್ ಫ್ರೇಮ್‌ನಲ್ಲಿ ನಿರ್ಮಿಸಲಾಗಿದೆ. ಆದರೂ 25 ಡಿಗ್ರಿಗಳಲ್ಲಿ, ರೇಕ್ ಆ್ಯಂಗಲ್‌ನಲ್ಲಿ ಕ್ಲಾಸಿಕ್ 350 ಗಿಂತ ಹಂಟರ್ 1 ಡಿಗ್ರಿ ತೀಕ್ಷ್ಣವಾಗಿರುತ್ತದೆ. ಪರಿಣಾಮವಾಗಿ, ಕ್ಲಾಸಿಕ್‌ 111.7mm ನಿಂದ 96.4mm ಗೆ ಇಳಿದಿದೆ. ಹಂಟರ್‌ನ ವೀಲ್‌ಗಳು ಕ್ಲಾಸಿಕ್‌ನಲ್ಲಿ ನೀಡಲಾದ 19-ಇಂಚಿನ ಮುಂಭಾಗ ಮತ್ತು 18-ಇಂಚಿನ ಹಿಂಭಾಗದ ವೀಲ್ ಸೆಟಪ್‌ಗೆ ವಿರುದ್ಧವಾಗಿದ್ದು, 17-ಇಂಚಿನಲ್ಲಿ ನೀಡಲಾಗಿದೆ.

ಹಂಟರ್‌ನಲ್ಲಿ ಸಿಂಗಲ್-ಪೀಸ್ ಸೀಟನ್ನು ಸರಿಹೊಂದಿಸಲು ಸಬ್‌ಫ್ರೇಮ್ ಅನ್ನು ಸಹ ಟ್ವೀಕ್ ಮಾಡಲಾಗಿದೆ. ಆದರೆ, ಕ್ಲಾಸಿಕ್ 350 ಸ್ಪ್ಲಿಟ್ ಸೀಟ್ ಸೆಟಪ್ ಅನ್ನು ಪಡೆಯುತ್ತದೆ. ಕುತೂಹಲಕಾರಿಯಾಗಿ, 800mm ನಲ್ಲಿ, ಹಂಟರ್‌ನ ಸ್ಥಾನವು ಕ್ಲಾಸಿಕ್‌ಗಿಂತ 5mm ಕಡಿಮೆಯಿದೆ.

ಕಡಿಮೆಯಾದ ರೇಕ್ ಆಂಗಲ್‌ನಿಂದಾಗಿ ಹಂಟರ್ 350 ನಲ್ಲಿ (1,370mm ನಲ್ಲಿ) 20mm ಕಡಿಮೆ ವೀಲ್‌ಬೇಸ್‌ ಪಡೆದುಕೊಂಡಿದೆ. 150.5mm ನಲ್ಲಿ, ಗ್ರೌಂಡ್ ಕ್ಲಿಯರೆನ್ಸ್ ಕ್ಲಾಸಿಕ್‌ಗಿಂತ 19.5mm ಕಡಿಮೆಯಾಗಿದೆ. ಮುಖ್ಯವಾಗಿ ಹಂಟರ್ 181 ಕೆ.ಜಿ ಕೆರ್ಬ್ ತೂಗುತ್ತದೆ, ಇದು ಕ್ಲಾಸಿಕ್‌ಗಿಂತ 14 ಕೆ.ಜಿಯಷ್ಟು ಹಗುರವಾಗಿದೆ. ವಾಸ್ತವವಾಗಿ, ಇದು ಪ್ರಸ್ತುತ ರಾಯಲ್ ಎನ್‌ಫೀಲ್ಡ್ ಸ್ಟೇಬಲ್‌ನಲ್ಲಿ ಹಗುರವಾದ ಬೈಕು ಕೂಡ ಆಗಿದೆ.

ವಿನ್ಯಾಸ ಮತ್ತು ವೈಶಿಷ್ಟ್ಯಗಳು:

ಕ್ಲಾಸಿಕ್ ನೋಟದಲ್ಲಿ ತನ್ನ ಹಳೆಯ ರಾಜಸವನ್ನು ಹೊಂದಿದ್ದರೆ, ಹಂಟರ್ ಸ್ವಲ್ಪ ಆಧುನಿಕವಾಗಿ ಸ್ಪೋರ್ಟಿ ಲುಕ್‌ನಲ್ಲಿ ಕಾಣುತ್ತದೆ. ಈ ಕಾಂಪ್ಯಾಕ್ಟ್ ರೋಡ್‌ಸ್ಟರ್ ಶೈಲಿಯು ಕ್ಲಾಸಿಕ್‌ನ ಸೊಗಸಾದ ವಿಂಟೇಜ್ ಲುಕ್‌ಗೆ ವಿರುದ್ಧವಾಗಿದ್ದು, ಇದನ್ನು ಹಲವು ಬಣ್ಣಗಳಲ್ಲಿ ಡಿಸೈನ್‌ ಮಾಡಲಾಗದೆ.

ಎತ್ತರಿಸಿದ ಹ್ಯಾಂಡಲ್‌ಬಾರ್ ಮತ್ತು ಸ್ವಲ್ಪ ಹಿಂಬದಿಯ ಫುಟ್‌ಪೆಗ್‌ಗಳಿಗೆ ಸ್ವಲ್ಪ ವಿಭಿನ್ನವಾಗಿದೆ. ಎರಡೂ ಬೈಕ್‌ಗಳು ಹ್ಯಾಲೊಜೆನ್ ಹೆಡ್‌ಲೈಟ್ ಅನ್ನು ಪಡೆಯುತ್ತವೆ. ಆದರೆ ಹಂಟರ್ 350 ರ ಮೆಟ್ರೋ ಮತ್ತು ಮೆಟ್ರೋ ರೆಬೆಲ್ ರೂಪಾಂತರಗಳಲ್ಲಿ ಟೈಲ್‌ಲೈಟ್ ಎಲ್‌ಇಡಿ ಆಗಿದೆ.

ಎರಡು ಮೋಟಾರ್‌ಸೈಕಲ್‌ಗಳಲ್ಲಿ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್‌ನ ವಿನ್ಯಾಸವು ವಿಭಿನ್ನವಾಗಿದ್ದರೂ, ಅವೆರಡೂ ವೇಗ, ಓಡೋಮೀಟರ್ ರೀಡೌಟ್, ಡ್ಯುಯಲ್ ಟ್ರಿಪ್ ಮೀಟರ್ ರೀಡಿಂಗ್‌ ಜೊತೆಗೆ ಕಡಿಮೆ ಫ್ಯೂಯಲ್ ಟ್ರಿಪ್ ಮೀಟರ್, ಫ್ಯೂಯಲ್ ಲೆವೆಲ್, ಟೈಮ್ ಮತ್ತು ಎಕೋ ಇಂಡಿಕೇಟರ್ಸ್‌ಗಳನ್ನು ಹೊಂದಿವೆ. ಆದರೆ ಹಂಟರ್ ಹೆಚ್ಚುವರಿಯಾಗಿ ಕನ್ಸೋಲ್ ಗೇರ್ ಪೊಸಿಷನ್ ಇಂಡಿಕೇಟರ್ ಅನ್ನು ಪಡೆದುಕೊಂಡದೆ. ಇದರಲ್ಲಿ ಟ್ರಿಪ್ಪರ್ ನ್ಯಾವಿಗೇಷನ್ ಪಾಡ್ ಅನ್ನು ಐಚ್ಛಿಕ ಫಿಟ್‌ಮೆಂಟ್ ಆಗಿ ಆಯ್ಕೆ ಮಾಡಿಕೊಳ್ಳಬಹುದು.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ರಾಯಲ್ ಎನ್‌ಫೀಲ್ಡ್ ಕ್ಲಾಸಿಕ್ 350 ಸಿಂಗಲ್-ಚಾನೆಲ್ ಎಬಿಎಸ್ ರೂಪಾಂತರಕ್ಕೆ ರೂ. 1,90,092 ಮತ್ತು ಡ್ಯುಯಲ್-ಚಾನೆಲ್ ಎಬಿಎಸ್ ರೂಪಾಂತರಕ್ಕಾಗಿ ರೂ.1,98,971 (ಎರಡೂ ಎಕ್ಸ್ ಶೋ ರೂಂ ದೆಹಲಿ) ನಿಂದ ಪ್ರಾರಂಭವಾಗುತ್ತದೆ. ಬೈಕ್ ತಯಾರಕರು ಹಂಟರ್ 350 ಬೆಲೆಯನ್ನು ಸುಮಾರು 1.7 ಲಕ್ಷ ರೂಪಾಯಿಗಳಿಂದ (ಎಕ್ಸ್ ಶೋ ರೂಂ) ಆರಂಭಿಸುವ ನಿರೀಕ್ಷೆಯಿದೆ. ಒಂದು ವೇಳೆ ಇದೆ ಬೆಲೆಯಲ್ಲಿ ಬೈಕ್ ಲಭ್ಯವಾದರೆ ಜೆ ಪ್ಲಾಟ್‌ಫಾರ್ಮ್ ಬಳಸಿ ತಯಾರಿಸಿದ ಅತ್ಯಂತ ಕೈಗೆಟುಕುವ ಬೈಕ್ ಇದೇ ಆಗಿರಲಿದೆ.