ರೈಸ್ ಮೋಟೋ ಸಂಸ್ಥಾಪಕ ಯೋಗೇಶ್ ಮಹನ್ಸಾರಿಯಾ ಅವರೊಂದಿಗೆ ಡ್ರೈವ್‌ಸ್ಪಾರ್ಕ್ ವಿಶೇಷ ಸಂದರ್ಶನ

ಗುಜರಾತ್ ಮೂಲದ ಟೈರ್ ತಯಾರಕರಾದ ಮಹನ್ಸಾರಿಯಾ ಗ್ರೂಪ್‌ನವರು ಇತ್ತೀಚೆಗೆ ತಮ್ಮ ಹೊಸ ಟೈರ್ ಬ್ರ್ಯಾಂಡ್ - ರೈಸ್ ಮೋಟೋವನ್ನು ಬಹಿರಂಗಪಡಿಸಿದ್ದಾರೆ. ಈ ಹೊಸ ಟೈರ್ ಮಾರ್ಕ್ ಮಹನ್ಸಾರಿಯಾ ಗ್ರೂಪ್ ಮತ್ತು ಯುರೋಪಿಯನ್ ಮೋಟಾರ್ ಸ್ಪೋರ್ಟ್ಸ್ ತಜ್ಞರಾದ ಮಿಟಾಸ್ ನಡುವೆ ಪಾಲುದಾರಿಕೆಯನ್ನು ಹೊಂದಿದೆ.

Mitas ಈಗ ವಯಸ್ಕರು ಹಾಗೂ ವಯಸ್ಸಾದವರಿಗಾಗಿ ದ್ವಿಚಕ್ರ ವಾಹನಗಳಿಗೆ ಟೈರ್‌ಗಳನ್ನು ತಯಾರಿಸುತ್ತಿರುವುದರ ಜೊತೆಗೆ ಡಕರ್ ರ್ಯಾಲಿಗಳ ಸವಾರರಿಗೆ ಟೈರ್‌ಗಳನ್ನು ಒದಗಿಸುವಲ್ಲಿ ಹೆಚ್ಚು ಜನಪ್ರಿಯವಾಗಿದೆ. ಸಾಮಾನ್ಯವಾಗಿ ಡಕರ್ ರ್ಯಾಲಿಗಳ ಟೈರ್ ನಿರ್ಮಾಣವು ವಿಶ್ವದ ಅತ್ಯಂತ ಕಠಿಣವೆಂದು ಪರಿಗಣಿಸಲಾಗಿದೆ. ಮಹನ್ಸಾರಿಯಾ ಗ್ರೂಪ್ ಭರೂಚ್‌ನಲ್ಲಿರುವ ತಮ್ಮ ಸೌಲಭ್ಯದಲ್ಲಿ ಮಿಟಾಸ್‌ಗಾಗಿ ಟೈರ್‌ಗಳನ್ನು ಉತ್ಪಾದಿಸುತ್ತಿದೆ. ಈ ಸೌಲಭ್ಯದಿಂದಲೇ ಹೊಸ ರೈಸ್ ಮೋಟೋ ಟೈರ್‌ಗಳನ್ನು ಕೂಡ ತಯಾರಿಸಲಾಗಿದೆ.

Reise Moto TrailR ಟೈರ್ ಟೆಸ್ಟ್ ರೈಡ್‌ಗೆ ನಮ್ಮ ಡ್ರೈವ್‌ಸ್ಪಾರ್ಕ್ ತಂಡವನ್ನು ಕೂಡ ಇತ್ತಿಚೆಗೆ ಆಹ್ವಾನಿಸಲಾಗಿತ್ತು. ಟೆಸ್ಟ್ ರೈಡ್ ಬಳಿಕ ಈ ಹೊಸ ಉತ್ಪನ್ನದ ಮೇಲೆ ನಮ್ಮ ತಂಡಕ್ಕೆ ಆಸಕ್ತಿ ಹೆಚ್ಚಾದ ಕಾರಣ ನಾವು Reise Moto ಸಂಸ್ಥಾಪಕ ಮತ್ತು MD ಯೋಗೇಶ್ ಮಹನ್ಸಾರಿಯಾ ಅವರೊಂದಿಗೆ ಸಂದರ್ಶನವನ್ನು ಮಾಡಿದೆವು. ಕಂಪನಿಯ ಹೊಸ ಟೈರ್ ಶ್ರೇಣಿ ಮತ್ತು EV ಗಳಿಗೆ ಟೈರ್ ಸೇರಿದಂತೆ ಭವಿಷ್ಯದ ಯೋಜನೆಗಳನ್ನು ಸಂಸ್ಥಾಪಕರೊಂದಿಗೆ ಚರ್ಚಿಸಿದೆವು.

ಈ ಸಂದರ್ಶನದಲ್ಲಿ ನಮ್ಮ ತಂಡದೊಂದಿಗೆ ಮಾತನಾಡಿದ Reise Moto ನ ಸಂಸ್ಥಾಪಕ ಮತ್ತು MD ಯೋಗೇಶ್ ಮಹನ್ಸಾರಿಯಾ, ಪ್ರಸ್ತುತ ಭಾರತೀಯ ಮಾರುಕಟ್ಟೆಗೆ ನೀಡಲಾಗುವ ಟೈರ್‌ಗಳ ಬಗ್ಗೆ ವಿವರಗಳನ್ನು ಬಹಿರಂಗಪಡಿಸಿದರು. Reise Moto ಪ್ರಸ್ತುತ ಮೋಟಾರ್‌ಸೈಕಲ್ ಮಾರುಕಟ್ಟೆಗೆ 4 ಆವೃತ್ತಿಯ ಟೈರ್‌ಗಳನ್ನು ನೀಡುತ್ತದೆ. ಇವುಗಳಲ್ಲಿ ನಾವು ಇತ್ತೀಚೆಗೆ ರೈಡ್ ಮಾಡಿದ ಪ್ರಮುಖ TrailR ಟೈರ್‌ಗಳನ್ನು ಒಳಗೊಂಡಿದ್ದು, ಇದು ರಸ್ತೆ ಮತ್ತು ಆಫ್-ರೋಡ್ ನಡುವೆ 50-50 ಉಪಯುಕ್ತತೆಯನ್ನು ನೀಡುತ್ತದೆ.

ಆದರೆ ಇತರ ಮೋಟಾರ್‌ಸೈಕಲ್ ಟೈರ್‌ಗಳು ಹೆಚ್ಚು ರಸ್ತೆ ಪಕ್ಷಪಾತವನ್ನು ಹೊಂದಿರುತ್ತವೆ. ಅಂದರೆ ಇತರ ಬೈಕ್‌ಗಳಲ್ಲಿ ನಾವು ನೋಡುವ ಟೈರ್‌ಗಳು 50-50 ಉಪಯುಕ್ತತೆಯನ್ನು ಹೊಂದಿರುವುದಿಲ್ಲ. ಅವು ಕೇವಲ ಆಫ್‌ರೋಡ್‌ ಅಥವಾ ಸಿಟಿ ರಸ್ತೆಗಳಿಗೆ ಸೀಮಿತವಾಗಿ ಶೇ 70 ರಷ್ಟು ಸಹಕರಿಸುತ್ತವೆ. ಈ ನಿಟ್ಟಿನಲ್ಲಿ ನಾವು ರೈಸ್ ಮೋಟೋ ಟೈರ್‌ಗಳನ್ನು ನೋಡಿಕೊಂಡಾಗ ಇವು 50-50 ಉಪಯುಕ್ತತೆಯನ್ನು ನೀಡುವುದರಿಂದ ಆಫ್‌ರೋಡ್‌ ಹಾಗೂ ಸಿಟಿ ರಸ್ತೆಗಳಲ್ಲಿ ಉತ್ತಮ ರೈಡ್ ಅನುಭವ ಪಡೆಯಬಹುದು.

Reise Moto ಸಹ ಭಾರತದಲ್ಲಿ ಸ್ಕೂಟರ್‌ಗಳಿಗಾಗಿ ಎರಡು ರೀತಿಯ ಟೈರ್‌ಗಳನ್ನು ಮಾರಾಟ ಮಾಡುತ್ತದೆ. EV ಗಳಿಗೆ ಟೈರ್‌ಗಳನ್ನು ಒದಗಿಸಲು ಬ್ರ್ಯಾಂಡ್‌ಗೆ ಹೆಚ್ಚಿನ ಆಸಕ್ತಿಯಿದೆ ಎಂದು Reise Moto ಸಂಸ್ಥಾಪಕರು ಬಹಿರಂಗಪಡಿಸಿದ್ದಾರೆ. ಸಂಸ್ಥೆಯು ನಿರ್ದಿಷ್ಟವಾಗಿ ದ್ವಿಚಕ್ರ EV ಗಳಿಗಾಗಿ ಟೈರ್‌ಗಳ ಮೇಲೆ ಕೆಲಸ ಮಾಡುತ್ತಿದೆ. ಭವಿಷ್ಯದಲ್ಲಿ ಅದೇ ಗುರಿಯನ್ನು ಹೊಂದಿರುವ ಉತ್ಪನ್ನಗಳೊಂದಿಗೆ ಬರಲಿದೆ ಎಂದು ಮಹನ್ಸಾರಿಯಾ ಬಹಿರಂಗಪಡಿಸಿದರು.

ಎಲ್ಲಾ ಟೈರ್‌ಗಳಿಗೆ ಒಂದೇ ಗಾತ್ರವನ್ನು ಒದಗಿಸುವ ಬದಲು ಉತ್ಪನ್ನದ ನಿರ್ದಿಷ್ಟ ಅಪ್ಲಿಕೇಶನ್‌ಗಳ ಮೇಲೆ ಕೇಂದ್ರೀಕರಿಸುವ ಮೂಲಕ ರೈಸ್ ಮೋಟೋ ತನ್ನ ಪ್ರತಿಸ್ಪರ್ಧಿಗಳಿಂದ ತನ್ನನ್ನು ತಾನು ಭಿನ್ನಗೊಳಿಸುತ್ತದೆ ಎಂದು ಮಹನ್ಸಾರಿಯಾ ಹೇಳಿದ್ದಾರೆ. Reise Moto ಪ್ರಸ್ತುತ ದೇಶಾದ್ಯಂತ ತನ್ನ ವಿತರಣಾ ಜಾಲವನ್ನು ವಿಸ್ತರಿಸುವ ಪ್ರಕ್ರಿಯೆಯಲ್ಲಿದೆ ಎಂದು ಮಹನ್ಸಾರಿಯಾ ಬಹಿರಂಗಪಡಿಸಿದ್ದಾರೆ (ಬ್ರಾಂಡ್ ಪ್ರಸ್ತುತ ಸುಮಾರು 60% ರಾಜ್ಯಗಳನ್ನು ಒಳಗೊಂಡಿದೆ).

Reise Moto ಶೀಘ್ರದಲ್ಲೇ ತನ್ನ ಟೈರ್‌ಗಳನ್ನು ಆನ್‌ಲೈನ್‌ನಲ್ಲಿ ಮಾರಾಟ ಮಾಡಲಿದೆ ಎಂದು ಅವರು ತಿಳಿಸಿದರು. ಈ ಮೂಲಕ ತಮ್ಮ ಉತ್ಪನ್ನಗಳನ್ನು ಖರೀದಿಸಲು ಬಯಸುವ ಗ್ರಾಹಕರಿಗೆ ಇನ್ನಷ್ಟು ಸುಲಭವಾಗಿ ಕೈಸೇರುವಂತೆ ಮಾಡುತ್ತದೆ. ಗ್ರಾಹಕರ ವಿಶ್ವಾಸಾರ್ಹತೆಯನ್ನು ಉಳಿಸಿಕೊಳ್ಳಲು ಮಧ್ಯವರ್ತಿಗಳಿಲ್ಲದೇ ನೇರವಾಗಿ ನಮ್ಮಿಂದ ಖರೀದಿಸಿದ ಅನುಭವ ನೀಡುತ್ತದೆ. ಇದನ್ನು ಶೀಘ್ರದಲ್ಲೇ ಕಾರ್ಯರೂಪಕ್ಕೆ ತಂದು ನಮ್ಮ ಜಾಲವನ್ನು ವಿಸ್ತರಿಸಲಿದ್ದೇವೆ ಎಂದರು.