ಕೈಗೆಟುಕುವ ಬೆಲೆಯಲ್ಲಿ ಬಿಡುಗಡೆಯಾಗಲಿದೆ ಹೊಸ ಎಪ್ರಿಲಿಯಾ ಟೈಫೂನ್ 125 ಸ್ಕೂಟರ್

ಪಿಯಾಜಿಯೊ ಇಂಡಿಯಾ ಭಾರತದಲ್ಲಿ 25 ವರ್ಷಗಳ ಕಾರ್ಯಾಚರಣೆಯನ್ನು ಆಚರಿಸುತ್ತಿದೆ. ಈ ಸಂದರ್ಭದಲ್ಲಿ ಪಿಯಾಜಿಯೊ ಇಂಡಿಯಾ ಕಂಪನಿಯು ದೇಶದಲ್ಲಿ ಅನೇಕ ಹೊಸ ಮಾದರಿಗಳನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ. ಶೀಘ್ರದಲ್ಲೇ ಭಾರತದಲ್ಲಿ ಎಪ್ರಿಲಿಯಾ ಟೈಫೂನ್ 125 ಎಂಟ್ರಿ ಲೆವೆಲ್ ಸ್ಕೂಟರ್ ಅನ್ನು ಬಿಡುಗಡೆ ಮಾಡಲಿದೆ.

ಪಿಯಾಜಿಯೊ ಇಂಡಿಯಾ ಕಂಪನಿಯು ತನ್ನ ಟೈಫೂನ್ 125 ಸ್ಕೂಟರ್ ಅನ್ನು 2023ರ ಮಾರ್ಚ್ ತಿಂಗಳಿನಲ್ಲಿ ಭಾರತದಲ್ಲಿ ಬಿಡುಗಡೆ ಮಾಡಲಾಗಿದೆ. ಎಪ್ರಿಲಿಯಾ ಟೈಫೂನ್ 125 ಅನ್ನು ಅಂತರಾಷ್ಟ್ರೀಯವಾಗಿ ಚಿಲ್ಲರೆ ಮಾರಾಟ ಮಾಡುತ್ತದೆ, ಇದು ಕಳೆದ ವರ್ಷದವರೆಗೆ ಭಾರತದಲ್ಲಿ ಮಾರಾಟದಲ್ಲಿದ್ದ ಎಪ್ರಿಲಿಯಾ ಸ್ಟಾರ್ಮ್ 125 ನಂತೆಯೇ ಇದೆ. ಮುಂಬರುವ ಇಂಡಿಯಾ-ಸ್ಪೆಕ್ ಟೈಫೂನ್ 125 ಎಲ್ಲಾ-ಹೊಸ ಮಾದರಿಯಾಗಿದೆ ಮತ್ತು ಹೊಸ ವಿನ್ಯಾಸ, ವರ್ಧಿತ ವೈಶಿಷ್ಟ್ಯಗಳ ಪಟ್ಟಿ ಮತ್ತು ಸುಧಾರಿತ ಮೆಕ್ಯಾನಿಕಲ್‌ಗಳ ರೂಪದಲ್ಲಿ ನವೀಕರಣಗಳನ್ನು ಪಡೆಯುತ್ತದೆ.

ಹೊಸ ಎಪ್ರಿಲಿಯಾ ಟೈಫೂನ್ 125 ಸ್ಕೂಟರ್ ಫೀಚರ್ಸ್ ಗಳ ಬಗ್ಗೆ ಹೇಳುವುದಾದರೆ, ಈ ಸ್ಕೂಟರ್ ನಲ್ಲಿ ಎಲ್ಇಡಿ ಹೆಡ್‌ಲ್ಯಾಂಪ್, ಯುಎಸ್‌ಬಿ ಚಾರ್ಜರ್ ಮತ್ತು ಸಂಯೋಜಿತ ಬ್ರೇಕಿಂಗ್ ಸಿಸ್ಟಮ್‌ನೊಂದಿಗೆ ಸುಸಜ್ಜಿತವಾಗಿದೆ. ವೆಚ್ಚವನ್ನು ಕಡಿಮೆ ಮಾಡಲು, ಎಪ್ರಿಲಿಯಾ ಟೈಫೂನ್ 125 ಸ್ಕೂಟರ್ ನಲ್ಲಿ ಫುಲ್ ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್ ಅನ್ನು ನೀಡುವುದಿಲ್ಲ. ಇದು ಎಪ್ರಿಲಿಯಾ SR 125 ಸ್ಕೂಟರ್ ನಲ್ಲಿ ಸ್ಟ್ಯಾಂಡರ್ಡ್ ಫಿಟ್‌ಮೆಂಟ್‌ ನಂತೆ ಲಭ್ಯವಿದೆ.

ಎಪ್ರಿಲಿಯಾ ಟೈಫೂನ್ 125 ಸ್ಕೂಟರ್ ಮೆಕ್ಯಾನಿಕಲ್‌ಗಳಿಗೆ ಸಂಬಂಧಿಸಿದಂತೆ, ಇದರಲ್ಲಿ ಪರಿಷ್ಕರಿಸಿದ i-get Euro-5 ಎಂಜಿನ್‌ ಅನ್ನು ಅಳವಡಿಸಲಾಗುವುದು ಎಂದು ನಿರೀಕ್ಷಿಸಲಾಗಿದೆ, ಇದು OBD-II ಕಂಪ್ಲೈಂಟ್ ಆಗಿರುತ್ತದೆ. ಈ ಹೊಸ ಮೋಟಾರ್ ಸುಧಾರಿತ ವೇಗವರ್ಧಕವನ್ನು ನೀಡುತ್ತದೆ ಎಂದು ಹೇಳಲಾಗುತ್ತದೆ. ಮೊದಲೇ ಹೇಳಿದಂತೆ, ಟೈಫೂನ್ 125 ಎಪ್ರಿಲಿಯಾ ಎಸ್‌ಆರ್ 125 ಕ್ಕಿಂತ ಕಡಿಮೆ ಸ್ಥಾನದಲ್ಲಿರುತ್ತದೆ. ಈ ಹೊಸ ಎಪ್ರಿಲಿಯಾ ಟೈಫೂನ್ 125 ಸ್ಕೂಟರ್ ಬೆಲೆಯು ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ಸುಮಾರು 1.10 ಲಕ್ಷವಾಗಿರಬಹುದು ಎಂದು ಹೇಳಲಾಗುತ್ತಿದೆ.

ಇನ್ನು ಭಾರತದಲ್ಲಿ ಮಾರಾಟವಾಗುವ ಜನಪ್ರಿಯ ಎಪ್ರಿಲಿಯಾ ಎಸ್‌ಎಕ್ಸ್‌ಆರ್ 125 ಮ್ಯಾಕ್ಸಿ-ಸ್ಕೂಟರ್ ಬಗ್ಗೆ ಹೇಳುವುದಾದರೆ, ಈ ಜನಪ್ರಿಯ ಎಪ್ರಿಲಿಯಾ ಎಸ್‌ಎಕ್ಸ್‌ಆರ್ 125 ಸ್ಕೂಟರ್ ವಿನ್ಯಾಸವು ಅದರ ಹಿರಿಯ ಸಹೋದರ ಎಸ್‌ಎಕ್ಸ್‌ಆರ್ 160 ನಂತಯೇ ಇದೆ. ಅಲ್ಲದೇ ಫೀಚರ್ ಗಳನ್ನು ಈ ಎರಡು ಸ್ಖೂಟರ್ ಗಳು ಪರಸ್ಪರ ಹಂಚಿಕೊಂಡಿದೆ. ಈ ಏಪ್ರಿಲಿಯಾ ಎಸ್‌ಎಕ್ಸ್‌ಆರ್ 125 ಮ್ಯಾಕ್ಸಿ-ಸ್ಕೂಟರ್ ಮುಂಭಾಗದಲ್ಲಿ ಇಂಟಿಗ್ರೇಟೆಡ್ ಎಲ್ಇಡಿ ಡಿಆರ್‌ಎಲ್‌ಗಳೊಂದಿಗೆ ಟ್ರಿಪಲ್ ಹೆಡ್‌ಲ್ಯಾಂಪ್ ಅನ್ನು ಹೊಂದಿದೆ.

ಇದರೊಂದಿಗೆ ಮುಂಭಾಗದ ಏಪ್ರನ್, ಬಣ್ಣದ ವಿಸರ್, ಎಲ್ಇಡಿ ಟೈಲ್ ಲೈಟ್ಸ್ ಮತ್ತು ಅಲಾಯ್ ವ್ಹೀಲ್ ಅನ್ನು ಹೊಂದಿದೆ. ಇನ್ನು ಈ ಮ್ಯಾಕ್ಸಿ-ಸ್ಕೂಟರ್ ಮಸ್ಕಲರ್ ಲುಕ್ ಅನ್ನು ಹೊಂದಿದೆ. ಇನ್ನು ಈ ಸ್ಕೂಟರ್‌ನಲ್ಲಿ ಸಂಪೂರ್ಣವಾದ ಡಿಜಿಟಲ್ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್, ರೈಡರ್ ಮತ್ತು ಪಿಲಿಯನ್‌ಗಾಗಿ ವಿಶಾಲ ಸೀಟುಗಳು, ಮುಂಭಾಗದ ಏಪ್ರನ್‌ನ ಎರಡೂ ಬದಿಯಲ್ಲಿ ಗ್ಲೋವ್‌ಬಾಕ್ಸ್, ಒಂದು ಬದಿಯಲ್ಲಿ ಯುಎಸ್‌ಬಿ ಚಾರ್ಜರ್, ಪ್ರಕಾಶದೊಂದಿಗೆ ದೊಡ್ಡ ಅಂಡರ್-ಸೀಟ್ ಸ್ಟೋರೆಂಜ್ ಸ್ಪೆಸ್ ಅನ್ನು ಹೊಂದಿದೆ. ಇನ್ನು ಈ ಸ್ಕೂಟರ್‌ನಲ್ಲಿ ಬ್ಲೂಟೂತ್ ಕನೆಕ್ಟಿವಿಟಿಯನ್ನು ಒಳಗೊಂಡಿವೆ.

ಈ ಮ್ಯಾಕ್ಸಿ-ಸ್ಕೂಟರ್‌ನಲ್ಲಿ 125 ಸಿಸಿ ಸಿಂಗಲ್-ಸಿಲಿಂಡರ್ ಫ್ಯೂಯಲ್-ಇಂಜೆಕ್ಟ್ ಎಂಜಿನ್ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ ,600 ಆರ್‌ಪಿಎಂನಲ್ಲಿ 9.3 ಬಿಹೆಚ್‌ಪಿ ಮತ್ತು 6250 ಆರ್‌ಪಿಎಂನಲ್ಲಿ ಟಾರ್ಕ್ 9.2 ಎನ್ಎಂ ಉತ್ಪಾದಿಸುತ್ತದೆ. ಈ ಮ್ಯಾಕ್ಸಿ-ಸ್ಕೂಟರ್ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಟ್ವಿನ್-ಶಾಕ್ ಸಸ್ಪೆಂಕ್ಷನ್ ಸೆಟಪ್ ಅನ್ನು ಹೊಂದಿದೆ. ಇನ್ನು ಈ ಹೊಸ ಮ್ಯಾಕ್ಸಿ-ಸ್ಕೂಟರ್ ಮುಂಭಾಗದಲ್ಲಿ 220 ಎಂಎಂ ಡಿಸ್ಕ್ ಬ್ರೇಕ್ ಮತ್ತು ಹಿಂಭಾಗದಲ್ಲಿ 140 ಎಂಎಂ ಡ್ರಮ್ ಬ್ರೇಕ್ ಹೊಂದಿದೆ.

ಎಪ್ರಿಲಿಯಾ ಮೋಟಾರ್‌ಸ್ಪೋರ್ಟ್ ಉದ್ಯಮದಾದ್ಯಂತ ತನ್ನ ರೇಸಿಂಗ್ ಪರಂಪರೆಯಿಂದ ಬಹಳ ಹೆಸರುವಾಸಿಯಾಗಿದೆ. ಇದರ ಸ್ಪೋರ್ಟ್ಸ್ ಪರಂಪರೆಯು ಪ್ರಪಂಚದಾದ್ಯಂತ ಗಣನೀಯ ಗ್ರಾಹಕರನ್ನು ಹೊಂದಿರುವ ಮೋಜಿನ ಮತ್ತು ವೇಗದ ಬೈಕ್‌ಗಳಿಂದ ಜನಪ್ರಿಯವಾಗಿದೆ. ಇಟಾಲಿಯನ್ ಬ್ರ್ಯಾಂಡ್ ಭಾರತದಲ್ಲಿ ಮೋಟಾರು ಸೈಕಲ್‌ಗಳ ಅತ್ಯಂತ ಕಡಿಮೆ ಸರಣಿಯನ್ನು ಹೊಂದಿದ್ದರೂ, ಇದು ಇತರ ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ತನ್ನ ಅಸ್ತಿತ್ವವನ್ನು ಹೆಚ್ಚಿಸುತ್ತಲೇ ಇದೆ.ಪಿಯಾಜಿಯೊ ನೇತೃತ್ವದ ಎಪ್ರಿಲಿಯಾ ಕಂಪನಿಯು ಚೀನಾದಲ್ಲಿ ಎಪ್ರಿಲಿಯಾ ಟ್ಯುನೊ 250 ಅನ್ನು ಕಲೆದ ವರ್ಷ ಬಿಡುಗಡೆಗೊಳಿಸಿತು.