Simple One vs Ather 450: ಬೆಂಗಳೂರು ಕಂಪನಿಗಳ ನಡುವೆ ಬಿಗ್ ಫೈಟ್

ಬೆಂಗಳೂರು ಮೂಲದ ಇವಿ ಸ್ಟಾರ್ಟ್‌ಅಪ್ ಸಿಂಪಲ್ ಎನರ್ಜಿ ತನ್ನ ಹೊಸ ಸಿಂಪಲ್ ಒನ್ ಎಂಬ ಆಕರ್ಷಕ ಸ್ಕೂಟರ್ ಅನ್ನು ಬಿಡುಗಡೆಗೊಳಿಸಿದೆ. ಈ ಹೊಸ ಸಿಂಪಲ್ ಒನ್ ಎಲೆಕ್ಟ್ರಿಕ್ ಸ್ಕೂಟರ್ ಮಾದರಿಯು ಬೆಂಗಳೂರಿನ ಮತ್ತೊಂದು ಬ್ರ್ಯಾಂಡ್ ಎಥರ್ ಕಂಪನಿಯ ಎಥರ್ 450X ಎಲೆಕ್ಟಿಕ್ ಸ್ಕೂಟರ್‌ಗೆ ಪೈಪೋಟಿ ನೀಡುತ್ತದೆ. ಈ ಎರಡೂ ಸ್ಕೂಟರ್‌ಗಳ ನಡುವಿನ ವ್ಯಾತ್ಯಾಸಗಳಿವು.

ವಿನ್ಯಾಸ: ಮೊದಲ ನೋಟದಲ್ಲಿ, ಸಿಂಪಲ್ ಒನ್ ಮತ್ತು ಎಥರ್ 450X ವಿನ್ಯಾಸದ ಭಾಷೆಯೊಂದಿಗೆ ಒಂದೇ ರೀತಿ ಕಾಣುತ್ತವೆ. ಸಿಂಪಲ್ ಒನ್ ಮುಂಭಾಗದಲ್ಲಿ ಸ್ವಲ್ಪ ವಿಸ್ತಾರವಾಗಿದೆ, ಎಥರ್ 450 ನಿಂದ ಎದ್ದು ಕಾಣುವಂತೆ ಮಾಡುವ ವಿಶಿಷ್ಟವಾದ DRL ಗಳನ್ನು ಹೊಂದಿದೆ. ಎಥರ್‌ನ ವಿನ್ಯಾಸವು ಈಗ ಹಲವು ವರ್ಷಗಳಿಂದಲೂ ಇದೆ ಮತ್ತು ಎಥರ್ ಅನ್ನು ಮತ್ತೊಂದು ಸ್ಕೂಟರ್ ಎಂದು ಯಾರೂ ತಪ್ಪಾಗಿ ಭಾವಿಸುವುದಿಲ್ಲ.

ಎಥರ್ 450X ಸ್ವಲ್ಪಮಟ್ಟಿಗೆ ಸ್ಪೋರ್ಟಿ ಆಸನದ ಭಂಗಿಯೊಂದಿಗೆ ಕನಿಷ್ಠ ವಿನ್ಯಾಸ ಭಾಷೆಯನ್ನು ಹೊಂದಿದೆ ಮತ್ತು ಸರಿಯಾದ ಪ್ರಮಾಣದ ಬಾಡಿ ಟ್ರಿಮ್ ಅನ್ನು ಹೊಂದಿದೆ ಮತ್ತು ಯಾವುದೇ ಹೆಚ್ಚಿನ ಪ್ರಮಾಣದಲ್ಲಿರುವುದಿಲ್ಲ. ಅಥರ್‌ಗೆ ಹೋಲಿಸಿದರೆ ಸಿಂಪಲ್ ಒನ್ ಸ್ವಲ್ಪ ದೊಡ್ಡದಾಗಿ ಕಾಣುತ್ತದೆ ಆದರೆ ಉತ್ತಮ ಪ್ರಮಾಣದಲ್ಲಿದೆ. ಒಟ್ಟಾರೆ ವಿನ್ಯಾಸ ವಿಷಯದಲ್ಲಿ ಈ ಎರಡೂ ಎಲೆಕ್ಟ್ರಿಕ್ ಸ್ಕೂಟರ್ ಆಕರ್ಷಕವಾಗಿದೆ.

ಬ್ಯಾಟರಿ ಪ್ಯಾಕ್: ಸಿಂಪಲ್ ಒನ್ ಹೀರೋ ವಿಡಾ ವಿ1 ಗೆ ಸಮಾನವಾದ ಬ್ಯಾಟರಿ ಸೆಟಪ್ ಅನ್ನು ಬಳಸುತ್ತದೆ. ಇದು ಸ್ಥಿರ ಬ್ಯಾಟರಿ ಮತ್ತು ತೆಗೆಯಬಹುದಾದ ಒಂದು ಹೈಬ್ರಿಡ್ ಸಿಸ್ಟಮ್ ಅನ್ನು ಬಳಸುತ್ತದೆ. ಸಂಯೋಜಿತ, 5kWh ಪ್ಯಾಕ್ ಆಗಿದ್ದು, ಇದು 212km ರೇಂಜ್ ಅನ್ನು ನೀಡುತ್ತದೆ. ಎಲೆಕ್ಟ್ರಿಕ್ ಸ್ಕೂಟರ್ 2.7 ಸೆಕೆಂಡುಗಳಲ್ಲಿ ಗಂಟೆಗೆ 0 ರಿಂದ 40 ಕಿಮೀ ವೇಗವನ್ನು ಪಡೆದುಕೊಳ್ಳುತ್ತದೆ. ಮತ್ತು 105 ಕಿಮೀ ಟಾಪ್ ಸ್ಪೀಡ್ ಹೊಂದಿದೆ.

ಇನ್ನು ಎಥರ್ 450X ಸ್ಥಿರವಾದ 3.4 kWh ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿದೆ. ಇದು 146km ರೇಂಜ್ ಅನ್ನು ನೀಡುತ್ತದೆ. ಆದರೆ ಇದು 0 ರಿಂದ 40kmph ವರೆಗೆ 3.3 ಸೆಕೆಂಡುಗಳಲ್ಲಿ ವೇಗವನ್ನು ಪಡೆಯುತ್ತದೆ ಮತ್ತು 90kmph ಟಾಪ್ ಸ್ಪೀಡ್ ಅನ್ನು ಹೊಂದಿದೆ. ಸಿಂಪಲ್ ಒನ್‌ಗೆ ಹೋಲಿಸಿದರೆ ಎಥರ್ ಲೋ-ಸ್ಪೆಕ್ಡ್ ಆಗಿದೆ, ಆದರೆ 450X ಬಳಕೆದಾರರ ಅಗತ್ಯತೆಯೊಳಗೆ ಉತ್ತಮವಾಗಿದೆ.

ಚಾರ್ಜಿಂಗ್: ಇನ್ನು ಚಾರ್ಜಿಂಗ್‌ಗೆ ಸಂಬಂಧಿಸಿದಂತೆ, ಸಿಂಪಲ್ ಒನ್ ಎಲೆಕ್ಟ್ರಿಕ್ ಸ್ಕೂಟರ್ ಡಿಟ್ಯಾಚೇಬಲ್ ಬ್ಯಾಟರಿಯನ್ನು 2 ಗಂಟೆ ಮತ್ತು 7 ನಿಮಿಷಗಳಲ್ಲಿ ಚಾರ್ಜ್ ಮಾಡಬಹುದು. ಆದರೆ ಸ್ಥಿರ ಪ್ಯಾಕ್ 3 ಗಂಟೆ 47 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಎಥರ್‌ನ ಬ್ಯಾಟರಿ ಪ್ಯಾಕ್ ಅನ್ನು ಮನೆಯಲ್ಲಿಯೇ 5 ಗಂಟೆ 40 ನಿಮಿಷಗಳಲ್ಲಿ ಸಂಪೂರ್ಣವಾಗಿ ಚಾರ್ಜ್ ಮಾಡಬಹುದು. ಇದು ಎಥರ್ ಸ್ಕೂಟರಿಗೆ ಇರುವ ಪ್ಲಸ್ ಪಾಯಿಂಟ್ ಆಗಿದೆ.

ಫೀಚರ್ಸ್: ಎಲೆಕ್ಟ್ರಿಕ್ ಸ್ಕೂಟರ್‌ಗಳಾದ ಸಿಂಪಲ್ ಒನ್ ಮತ್ತು ಎಥರ್ 450 ಎರಡೂ ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್‌ಗಳು, ಹಿಂಭಾಗದಲ್ಲಿ ಮೊನೊಶಾಕ್, ಎರಡೂ ತುದಿಗಳಲ್ಲಿ ಡಿಸ್ಕ್ ಬ್ರೇಕ್‌ಗಳು, 12-ಇಂಚಿನ ವ್ಹೀಲ್ ಗಳು, ಫೀಚರ್ ರೈಡ್ ಮೋಡ್‌ಗಳು ಮತ್ತು ದೊಡ್ಡ TFT ಇನ್ಸ್ ಟ್ರೂಮೆಂಟ್ ಕನ್ಸೋಲ್ ಅನ್ನು ಕನೆಕ್ಟಿವಿಟಿ ಫೀಚರ್ಸ್ ಗಳನ್ನು ಪಡೆಯುತ್ತವೆ. ನ್ಯಾವಿಗೇಷನ್ ಮತ್ತು ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ ಸೇರಿದೆ,

ಎಥರ್‌ನ ಬಳಕೆದಾರ ಇಂಟರ್ಫೇಸ್ ಆಕರ್ಷಕವಾಗಿದ್ದು, ಅಂದರೆ ಇದು ಸ್ಮಾರ್ಟ್‌ಫೋನ್ ಬಳಸುವಷ್ಟು ಸರಳವಾಗಿದೆ. ಸಿಂಪಲ್‌ಗಾಗಿ, ಇದು ತುಂಬಾ ಸರಳವಾಗಿದೆಯೇ ಎಂಬ ಪ್ರಶ್ನೆ ಉಳಿದಿದೆ, ಏಕೆಂದರೆ ರಿಯಲ್-ವರ್ಲ್ಡ್ ಪರಿಸ್ಥಿತಿಗಳಲ್ಲಿ ಸ್ಕೂಟರ್ ಅನ್ನು ಇನ್ನೂ ಪರೀಕ್ಷಿಸಬೇಕಾಗಿದೆ. ಇದರಲ್ಲಿ ಸಿಂಪಲ್ ಒನ್ ಮತ್ತು 450X ನಡುವೆ, ಯಾವ ಎಲೆಕ್ಟ್ರಿಕ್ ಸ್ಕೂಟರ್ ಬೆಸ್ಟ್ ಎಂಬುವುದು ಈ ಎಲ್ಲಾ ಅಂಶಗಳನ್ನು ಗಮನದಲ್ಲಿಟ್ಟು ನೀವು ನಿರ್ಧಿರಿಸಬಹುದು.