ಭರಪೂರ ಫೀಚರ್‌ಗಳೊಂದಿಗೆ ಮಾರುಕಟ್ಟೆಗೆ ಬಜಾಜ್‌ ಪಲ್ಸರ್‌ N250 ಲಗ್ಗೆ: 1.5 ಲಕ್ಷಕ್ಕೆ ಇನ್ನೇನು ಬೇಕು?

ಭಾರತೀಯ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿ ಬಹುನಿರೀಕ್ಷಿತ ಬಜಾಜ್‌ ಪಲ್ಸರ್‌ N250 ಬೈಕ್‌ ಕೊನೆಗೂ ಅಪ್‌ಡೇಟ್‌ ಹೊಂದಿ ಲಾಂಚ್ ಆಗುವ ಮೂಲಕ ಬಹುಕಾಲದಿಂದ ಬಜಾಜ್‌ ಪ್ರೇಮಿಗಳ ಕಾಯುವಿಕೆಗೆ ಪೂರ್ಣ ವಿರಾಮ ನೀಡಿದೆ. ಈಗಾಗಲೇ ಮಾರುಕಟ್ಟೆಯಲ್ಲಿ N250 ಜೊತೆಗೆ ಬಜಾಜ್‌ ಪಲ್ಸರ್‌ ಎನ್‌160 ಸಹ ಇದೇ ಡಿಸೈನ್‌ ಮತ್ತು ನೋಟವನ್ನು ಹೊಂದಿದೆ.

ಮೊದಲಿಗೆ ಈ ಬೈಕ್‌ನ ಬೆಲೆಯನ್ನು ನೋಡುವುದಾದರೆ, ಭಾರತೀಯ ಮಾರುಕಟ್ಟೆಯಲ್ಲಿ ಬಜಾಜ್‌ ತನ್ನ ಹೊಸ ಅಪ್‌ಡೇಟೆಡ್‌ N250 (Bajaj Pulsar N250) ಯನ್ನು ಸುಮಾರು 1.51 ಲಕ್ಷ ರೂ ಎಕ್ಸ್‌ ಶೋ ರೂಮ್‌ ಬೆಲೆಗೆ ಬಿಡುಗಡೆ ಮಾಡಿದೆ. ಹಲವಾರು ಫೀಚರ್‌ ಮತ್ತು ಉತ್ತಮ ಪರ್ಫಾಮೆನ್ಸ್‌ ಇರುವ ಈ ಬೈಕ್‌, ಭಾರತೀಯ ಮಾರುಕಟ್ಟೆಯಲ್ಲಿ ಈ ಬೆಲೆಗೆ ಸಾಕಷ್ಟು ಹೆಚ್ಚಿನ ಸಂಖ್ಯೆಯಲ್ಲಿ ಬಿಕರಿಯಾಗುವ ಸಾಧ್ಯತೆ ಇದೆ.

ಈ ಬೈಕ್ನಲ್ಲಿ, ಟ್ರಾಕ್ಷನ್‌ ಕಂಟ್ರೋಲ್‌, ಸಂಪೂರ್ಣ ಡಿಜಿಟಲ್‌ ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌, ಬ್ಲೂಟೂತ್‌ ಕನೆಕ್ಟಿವಿಟಿ ಮತ್ತು ಎಬಿಎಸ್‌ ಮೋಡ್‌ಗಳು ಸಿಗುತ್ತಿದೆ. ಈ ಬೈಕ್‌ನಲ್ಲಿ ರೈನ್‌, ರೋಡ್‌ ಮತ್ತು ಆಫ್‌ ರೋಡ್‌ ಎಂಬ ಮೂರು ಮೋಡ್‌ನಲ್ಲಿ ಎಬಿಎಸ್‌ ಲಭ್ಯವಿದೆ. ಸವಾರ, ABS ಮೋಡ್ ಬದಲಾಯಿಸಿದಂತೆ ಅದಕ್ಕೆ ತಕ್ಕದಾದ ರೀತಿಯಲ್ಲಿ ಎಬಿಎಸ್‌ ತನ್ನ ಲಕ್ಷಣಗಳನ್ನು ಬದಲಾಯಿಸುತ್ತದೆ.

ಈ ಬೈಕ್‌ನ ಡಿಸೈನ್‌ ಕುರಿತಾಗಿ ನೋಡುವುದಾದರೆ, ಬೈಕ್‌ನ ಮುಂಭಾಗದಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಈ ಹಿಂದೆ ಇದ್ದಂತಹ N250 ಯ ಅದೇ ಡಿಸೈನ್‌ ಇದ್ದು, ಅದಕ್ಕೆ ಹೆಚ್ಚುವರಿಯಾಗಿ ಫೀಚರ್‌ಗಳನ್ನಷ್ಟೇ ಸೇರಿಸಿದ್ದಾರೆ. ಈ ಮೇಲೆ ತಿಳಿಸಿದಂತೆ ಎಲ್‌ಸಿಡಿ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌, ಕರೆ ಮತ್ತು ಎಸ್‌ಎಂಎಸ್‌ಗಳಿಗಾಗಿ ಬ್ಲೂಟೂತ್‌ ಕನೆಕ್ಟಿವಿಟಗಳು, ಮತ್ತು ಇದರಲ್ಲಿ ಟರ್ನ್‌ ಬೈ ಟರ್ನ್‌ ನಾವಿಗೇಷನ್ ಸಹ ಹೊಂದಿದೆ.

ಇದರ ಜೊತೆಗೆ ಈ ಬೈಕ್‌ ಅಪ್‌ಡೇಟೆಡ್‌ 27mm ನ ಇನ್ವರ್ಟೆಡ್‌ ಫೋರ್ಕ್‌ಗಳನ್ನು ಹೊಂದಿದೆ. ಕಳೆದ ಬಾರಿಯ ಬಜಾಜ್‌ ಪಲ್ಸರ್‌ N250 ಮಾದರಿಯಲ್ಲಿ ಟೆಲಿಸ್ಕೋಪಿಕ್‌ ಫೋರ್ಕ್‌ಗಳನ್ನು ನಾವು ಕಾಣಬಹುದಾಗಿತ್ತು. ಇದು ಬೈಕ್‌ ಸವಾರನಿಗೆ ಹೆಚ್ಚು ಆರಾಮದಾಯಕ ರೈಡಿಂಗ್‌ ಅನುಭವವನ್ನು ನಿಡುತ್ತದೆ ಎಂಬುದರಲ್ಲಿ ಎರಡು ಮಾತಿಲ್ಲ.

ಇನ್ನು ಈ ಬೈಕ್‌ನಲ್ಲಿ ಬದಲಾಗದೇ ಉಳಿದಿರುವ ವಿಷಯಗಳೆಂದರೆ ಅದು ಇದರ ಎಂಜಿನ್‌ ಮತ್ತು ಇತರ ಕಾರ್ಯಗಳು. ಈ ಬೈಕ್‌ನಲ್ಲಿ ಅದೇ 249cc ಸಿಂಗಲ್‌ ಸಿಲಿಂಡರ್‌ ಏರ್‌ ಕೂಲ್ಡ್‌ ಎಂಜಿನ್‌ ಬರುತ್ತಿದ್ದು, ಇದರ ಸಹಾಯದಿಂದ ಈ ಬೈಕ್‌ ಸುಮಾರು 24.5 PS ಪವರ್‌ ಮತ್ತು 21.5 ಎನ್‌ಎಮ್ ಟಾರ್ಕ್‌ ಸಹ ಉತ್ಪಾದಿಸುತ್ತದೆ. 5-ಸ್ಪೀಡ್‌ ಗೇರ್‌ ಬಾಕ್ಸ್‌ ಅನ್ನು ಇದರಲ್ಲಿ ಅಳವಡಿಸಲಾಗಿದ್ದು. ಸ್ಲಿಪರ್‌ ಕ್ಲಚ್‌ ಸಹ ಲಭ್ಯವಿದೆ.

ಈ ಬೈಕ್‌ನಲ್ಲಿ ಡ್ಯುಯಲ್‌ ಚಾನಲ್‌ ಎಬಿಎಸ್ ಸ್ಟಾಂಡರ್ಡ್‌ ಆಗಿ ಲಭ್ಯವಿದೆ. ಸುಮಾರು 165mm ಗ್ರೌಂಡ್‌ ಕ್ಲಿಯರೆನ್ಸ್‌ ಈ ಬೈಕ್‌ಗೆ ಸಿಗುತ್ತಿದ್ದು, ಹೆಚ್ಚಿನ ಹೊಂಡ ಗುಂಡಿಗಳ ಬಗ್ಗೆ ಯೋಚನೆ ಮಾಡಬೇಕಾಗಿಲ್ಲ. ಸುಮಾರು 14 ಲೀಟರ್‌ಗಳ ಪೆಟ್ರೋಲ್‌ ಟ್ಯಾಂಕ್‌ ಇರುವುದರಿಂದ ಆಗಾಗ ಪಡಟ್ರೋಲ್‌ ಬಂಕ್‌ಗಳಿಗೆ ಭೇಟಿ ನೀಡುವುದು ತಪ್ಪುತ್ತದೆ.

ಬಜಾಜ್ ತನ್ನ ಪಲ್ಸರ್‌ N250 ಗೆ ಈ ಎಲ್ಲಾ ಹೊಸ ಫೀಚರ್‌ಗಳು ಸೇರಿಸುವ ಮೂಲಕ, ತನ್ನ ಇತರ ಸ್ಪರ್ಧಿಗಳಿಗೆ ಪ್ರಭಲ ಸ್ಪರ್ಧೆಯೊಡ್ಡಲಿದೆ. ಸಂಪೂರ್ಣ ಇನ್ಸ್ಟ್ರುಮೆಂಟ್‌ ಕ್ಲಸ್ಟರ್‌, ಎಬಿಎಸ್‌ ಮೋಡ್‌ ಮತ್ತು ಟ್ರಾಕ್ಷನ್‌ ಕಂಟ್ರೋಲ್‌ ಇರುವ ಬಜಾಜ್‌ನ ಮೊದಲ ಬೈಕ್‌ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವುದರಿಂದ 250cc ಬೈಕ್‌ ಕೊಳ್ಳಬೇಕು ಎಂದುಕೊಂಡಿರುವವರಿಗೆ ಇದೊಂದು ಉತ್ತಮ ಆಯ್ಕೆಯಾಗಬಹುದು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.