ಆಕರ್ಷಕ ಬೆಲೆ, ತಿರುಗಿ ನೋಡುವಂತ ಡಿಸೈನ್‌ ಮೂಲಕ ಯುವಕರ ಹೃದಯ ಕದ್ದ ಜಾವಾ 42 ಎಫ್‌ಜೆ ಬೈಕ್

ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್ ತನ್ನ ಹೊಸ ಜಾವಾ 42 ಎಫ್‌ಜೆ (Jawa 42 FJ) ಬೈಕ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಈ ಹೊಸ ಜಾವಾ 42 ಎಫ್‌ಜೆ ಬೈಕಿನ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ. 1.99 ಲಕ್ಷವಾಗಿದೆ. ಜಾವಾದ 42 ಸರಣಿಯಲ್ಲಿ ಜಾವಾ 42 ಎಫ್‌ಜೆ ಮಾದರಿಯು ಸ್ಪೋರ್ಟಿಯರ್ ಮತ್ತು ಹೆಚ್ಚು ಶಕ್ತಿಶಾಲಿ ಮಾದರಿಯಾಗಿದೆ. ಇದು ಇತರ ಜಾವಾ 42 ಬೈಕುಗಳಿಗಿಂತ ಹಲವಾರು ಬದಲಾವಣೆಗಳೊಂದಿಗೆ ಮಾರುಕಟ್ಟೆಗೆ ಬಂದಿದೆ. ಈ ಹೊಸ ಜಾವಾ 42 ಎಫ್‌ಜೆ ಬೈಕ್ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲಿದೆ.

ವಿನ್ಯಾಸ: ಹೊಸ ಜಾವಾ 42 ಎಫ್‌ಜೆ ಬೈಕಿನ ವಿನ್ಯಾಸದ ಬಗ್ಗೆ ಹೇಳುವುದಾದರೆ, ಈ ಹೊಸ ಬೈಕ್ ಆಧುನಿಕ ರೆಟ್ರೊ ಥೀಮ್ ಹೊಂದಿದೆ. ಟಿಯರ್ ಡ್ರಾಪ್-ಆಕಾರದ ಇಂಧನ ಟ್ಯಾಂಕ್ ಬದಿಯಲ್ಲಿ ಅಲ್ಯೂಮಿನಿಯಂ ಪ್ಲೇಟ್‌ನಿಂದ ಇದು ಸ್ಪಷ್ಟವಾಗಿದೆ. ಬ್ರ್ಯಾಂಡ್‌ನ ಇತಿಹಾಸವನ್ನು ಇಟ್ಟುಕೊಂಡು ಇತರ Jawa 42s ನಲ್ಲಿರುವಂತೆ ಸೈಡ್ ಪ್ಯಾನೆಲ್ ಹೋಲುತ್ತದೆ. ಹಿಂಭಾಗದ ಫೆಂಡರ್‌ನಿಂದ ಚಾಚಿಕೊಂಡಿರುವ ವಿಶಿಷ್ಟವಾದ ಜಾವಾ ಟೈಲ್ ಲೈಟ್‌ನೊಂದಿಗೆ ಫೆಂಡರ್‌ಗಳನ್ನು ಸಾಕಷ್ಟು ಆಕರ್ಷಕವಾಗಿ ವಿನ್ಯಾಸಗೊಳಿಸಲಾಗಿದೆ.

ಇದರೊಂದಿಗೆ ಈ ಹೊಸ ಜಾವಾ 42 ಎಫ್‌ಜೆ ಬೈಕ್ ಮಲ್ಟಿ-ಸ್ಪೋಕ್ ಅಲಾಯ್ ವೀಲ್‌ಗಳು, ಬ್ಲ್ಯಾಕ್ಡ್-ಔಟ್ ಎಂಜಿನ್ ಮತ್ತು ಅಪ್‌ಸ್ವೆಪ್ಟ್ ಎಕ್ಸಾಸ್ಟ್ ಪೈಪ್‌ಗಳು ಬೈಕ್‌ನ ಸ್ಪೋರ್ಟಿ ಅಂಶಗಳನ್ನು ಸೇರಿಸುತ್ತವೆ. ಬೇಸ್ ಮಾಡೆಲ್ ವೈರ್-ಸ್ಪೋಕ್ ವ್ಹೀಲ್ ಗಳನ್ನು ಹೊಂದಿದೆ. ಒಟ್ಟಾರೆಯಾಗಿ, ಜಾವಾ 42 ಎಫ್‌ಜೆ ಉತ್ತಮವಾಗಿ ಕಾಣುತ್ತದೆ. 'ಜಾವಾ 42 FJ' ನಲ್ಲಿ 'FJ' ಎಂದರೆ, ಇದು ಜಾವಾ ಬೈಕುಗಳ ಸಂಸ್ಥಾಪಕ ಫ್ರಾಂಟಿಸೆಕ್ ಜಾನೆಕೆಕ್ ಅವರ ಹೆಸರು ಆಗಿದೆ ಎಂಬುವುದು ಆಸಕ್ತಿದಾಯಿಕ ವಿಷಯವಾಗಿದೆ.

ಬಣ್ಣಗಳ ಆಯ್ಕೆ: ಹೊಸ ಜಾವಾ 42 ಎಫ್‌ಜೆ ಬೈಕ್ ವಿಭಿನ್ನ ಬಣ್ಣಗಳ ಆಯ್ಕೆಗಳಲ್ಲಿ ಲಭ್ಯವಿದೆ. ಇವುಗಳು ಕಾಸ್ಮೊ ಬ್ಲೂ ಮ್ಯಾಟ್, ಅರೋರಾ ಗ್ರೀನ್ ಮ್ಯಾಟ್, ಮಿಸ್ಟಿಕ್ ಕಾಪರ್, ಡೀಪ್ ಬ್ಲ್ಯಾಕ್ ಮ್ಯಾಟ್ ರೆಡ್ ಕ್ಲಾಡ್ ಮತ್ತು ಡೀಪ್ ಬ್ಲ್ಯಾಕ್ ಮ್ಯಾಟ್ ಬ್ಲ್ಯಾಕ್ ಕ್ಲಾಡ್ ಎಂಬ ಬಣ್ಣಗಳಿವೆ. ಈ ಬೈಕ್ ಅನ್ನು ಖರೀದಿಸಲು ಬುಕ್ಕಿಂಗ್ ಪ್ರಾರಂಭವಾಗಿದ್ದು, ಇದು ಕೇವಲ 942 ರೂ. ಪಾವತಿಸಿ ಬುಕ್ ಮಾಡಬಹುದು.

ಎಂಜಿನ್: ಹೊಸ ಜಾವಾ 42 FJ ಬೈಕ್ ಆಲ್ಫಾ 2, 334cc, ಸಿಂಗಲ್-ಸಿಲಿಂಡರ್, ಲಿಕ್ವಿಡ್-ಕೂಲ್ಡ್, DOHC ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 21.45PS ಪವರ್ ಮತ್ತು 29.62Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಕ್ಲಾಸಿಕ್ ಲೆಜೆಂಡ್ಸ್ ಪ್ರಕಾರ, ಹೊಸ ಜಾವಾ 42 ಎಫ್‌ಜೆ 6-ಸ್ಪೀಡ್ ಗೇರ್‌ಬಾಕ್ಸ್ ಅನ್ನು ಹೊಂದಿರುವ ತನ್ನ ವಿಭಾಗದ ಮೊದಲ ಬೈಕ್ ಆಗಿದೆ.

ಸಸ್ಪೆನ್ಷನ್ ಸೆಟಪ್: ಹೊಸ ಜಾವಾ 42 FJ ಬೈಕ್ ಸ್ಪೋರ್ಟಿ ಹ್ಯಾಂಡ್ಲಿಂಗ್ ಗುಣಲಕ್ಷಣಗಳಿಗಾಗಿ ಡಬಲ್ ಕ್ರೇಡಲ್ ಫ್ರೇಮ್ ಅನ್ನು ಬಳಸುತ್ತದೆ. ಹೊಸ ಜಾವಾ 42 ಎಫ್‌ಜೆ ಬೈಕ್ ಸಸ್ಪೆಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗದಲ್ಲಿ 41 ಎಂಎಂ ಟೆಲಿಸ್ಕೋಪಿಕ್ ಸಸ್ಪೆನ್ಷನ್ ಮತ್ತು ಹಿಂಭಾಗದಲ್ಲಿ ಟ್ವಿನ್ ಶಾಕ್ ಅಬ್ಸಾರ ಅನ್ನು ಹೊಂದಿದೆ.

ಬ್ರೇಕಿಂಗ್ ಸಿಸ್ಟಂ: ಪ್ರಮುಖವಾಗಿ ಹೊಸ ಜಾವಾ 42 ಎಫ್‌ಜೆ ಬೈಕಿನ ಬ್ರೇಕಿಂಗ್ ಸೆಟಪ್ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗ ಮತ್ತು ಹಿಂಭಾಗದ ಡಿಸ್ಕ್ ಬ್ರೇಕ್‌ಗಳ ಜೊತೆ ಫ್ಲೋಟಿಂಗ್ ಕ್ಯಾಲಿಪರ್‌ಗಳಿವೆ. ಇದರೊಂದಿಗೆ ಹೆಚ್ಚಿನ ಸುರಕ್ಷತೆಗಾಗಿ ಎಬಿಎಸ್ ಅನ್ನು ನೀಡಿದೆ. ಇನ್ನು ಈ ಹೊಸ ಜಾವಾ 42 ಎಫ್‌ಜೆ ಬೈಕ್ 194 ಕೆಜಿ ಕರ್ಬ್ ತೂಕವನ್ನು ಹೊಂದಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.