Bajaj: ಬಜಾಜ್ ಪಲ್ಸರ್ NS 400 ಬಿಡುಗಡೆಗೆ ಸಜ್ಜು: ಬೆಲೆ ಕೇವಲ 2 ಲಕ್ಷ? ವಿಶೇಷತೆಗಳೇನು?

ಬಜಾಜ್ ಕಂಪನಿಯು ಸದ್ಯ ಯುವಕರ ಹಾಟ್‌ ಫೇವರೆಟ್ ಬೈಕ್ ಆಗಿ ತನ್ನ ಪಲ್ಸರ್ NS200 ಅನ್ನು ನೀಡುತ್ತಿದೆ. ಇದು ಅಗ್ಗದ ಬೆಲೆಗೆ ಉತ್ತಮ ಪರ್ಫಾಮೆನ್ಸ್ ಹಾಗೂ ಫೀಚರ್ಸ್ ಒಳಗೊಂಡಿರುವ ಬೈಕ್ ಆಗಿ ಜನಪ್ರಿಯತೆ ಪಡೆದಿದೆ. ಇದೀಗ ಬಜಾಜ್, ಪಲ್ಸರ್ NS 400 ಅನ್ನು ಕೂಡ ಬಿಡುಗಡೆ ಮಾಡಲು ಸಜ್ಜಾಗಿಬಿಟ್ಟಿದೆ.

ಬಜಾಜ್ ಆಟೋ ಕಂಪನಿಯು ಕಳೆದ ಕೆಲವು ತಿಂಗಳುಗಳಿಂದ ತನ್ನ ಪಲ್ಸರ್ ಸರಣಿಯನ್ನು ನವೀಕರಿಸುವ ಭಾಗವಾಗಿ ಇತ್ತೀಚೆಗಷ್ಟೆ ಪರಿಷ್ಕೃತ ಪಲ್ಸರ್ N250 ಅನ್ನು ಪರಿಚಯಿಸಿತು. ಇದೀಗ ಕಂಪನಿಯು, ಅತಿದೊಡ್ಡ ಸಾಮರ್ಥ್ಯದ ಪಲ್ಸರ್ ಅನ್ನು ಮೇ 3, 2024 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಾಗುವುದು, ಇದು ಅಗ್ಗದ ಬೆಲೆಯನ್ನು ಹೊಂದಿರುತ್ತದೆ ಎಂದು ಘೋಷಿಸಿದೆ. ಇದಲ್ಲದೆ, ಮೊದಲ ಬಜಾಜ್ CNG ಬೈಕ್ ಕೂಡ ಈ ವರ್ಷದ ಮಧ್ಯಭಾಗದಲ್ಲಿ ಬಿಡುಗಡೆಯಾಗಲಿದೆ. ಇವೆಲ್ಲದರ ಜೊತೆಗೆ ಬಜಾಜ್ ಕಂಪನಿಯು ಭಾರತದಲ್ಲಿ ಕೆಟಿಎಂ, ಟ್ರಯಂಫ್ ಮತ್ತು ಹಸ್ಕ್‌ವರ್ನಾ ಕೊಡುಗೆಗಳ ಶ್ರೇಣಿಯನ್ನು ಸಕ್ರಿಯವಾಗಿ ವಿಸ್ತರಿಸುತ್ತಿರುವುದಾಗಿ ಹೇಳಿದೆ.

ಇತ್ತೀಚೆಗೆ ನಡೆದ ಸಂದರ್ಷನವೊಂದರಲ್ಲಿ ಅಧ್ಯಕ್ಷ ರಾಜೀವ್ ಬಜಾಜ್ ಅವರು ಕೂಡ, 2024 ರಲ್ಲಿ ಅತಿದೊಡ್ಡ ಪಲ್ಸರ್ ಬರಲಿದೆ ಎಂದು ಬಹಿರಂಗಪಡಿಸಿದ್ದರು. ಇವರ ಈ ಘೋಷಣೆಯು 400 ಸಿಸಿ ಪಲ್ಸರ್ ಬಗ್ಗೆ ನಿರೀಕ್ಷೆಗಳನ್ನು ಹೆಚ್ಚಿಸಿವೆ. ಯಾವುದೇ ಅಧಿಕೃತ ತಾಂತ್ರಿಕ ವಿಶೇಷಣಗಳನ್ನು ಬಹಿರಂಗಪಡಿಸದಿದ್ದರೂ, ಸಾಕಷ್ಟು ಊಹಾಪೋಹಗಳು ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡುತ್ತಿವೆ.

ನಿರೀಕ್ಷೆಗಳು: NS 400 ಪಲ್ಸರ್ NS 200 ನ ಸ್ಟೈಲಿಂಗ್ ನಿಂದ ಹೆಚ್ಚು ಸ್ಫೂರ್ತಿ ಪಡೆಯಲಿದೆ. ಜೊತೆಗೆ ಪಲ್ಸರ್ N ಸೀರೀಸ್ ನಿಂದಲೂ ಕೆಲವು ಡಿಸೈನ್ ಎಲಿಮೆಂಟ್‌ಗಳನ್ನು ಪಡೆಯುವ ಸಾಧ್ಯತೆಯಿದೆ. ಬಜಾಜ್ ಸರಣಿಯಲ್ಲಿ ಡೊಮಿನಾರ್ 400 ಬೈಕಿಗಿಂತ ಕೆಳಗಿರುವ ಪಲ್ಸರ್ NS 400 ಬೈಕಿನ ಬೆಲೆಯು ಭಾರತದ ಎಕ್ಸ್ ಶೋರೂಂ ದರದಂತೆ ರೂ.2 ಲಕ್ಷವಿರಬಹುದು ಎಂದು ನಿರೀಕ್ಷಿಸಲಾಗಿದೆ.

ಎಂಜಿನ್: ಬಜಾಜ್ ಪಲ್ಸರ್ NS 400 ಬೈಕಿನಲ್ಲಿ ಡೊಮಿನಾರ್ 400 ಬೈಕಿನಲ್ಲಿದ್ದಂತೆಯೇ 373.2 ಸಿಸಿ ಲಿಕ್ವಿಡ್ ಕೂಲ್ಡ್ ಎಂಜಿನ್ ಅನ್ನು ಹೊಂದಿರಬಹುದು ಅಥವಾ ಹೊಸ 390 ಡ್ಯೂಕ್ ಬೈಕಿನಲ್ಲಿ ಅಳವಡಿಸಲಾದ ಇತ್ತೀಚಿನ 399 ಸಿಸಿ ಎಂಜಿನ್ ಅನ್ನು ಹೊಂದಿರಬಹುದು ಎಂಬ ಊಹಾಪೋಹಗಳು ಹೆಚ್ಚಾಗಿವೆ. ಪವರ್ ಔಟ್‌ಪುಟ್‌ಗಳಲ್ಲಿ ಸ್ವಲ್ಪ ಹೊಂದಾಣಿಕೆ ನಿರೀಕ್ಷಿಸಲಾಗಿದ್ದು, ಇದನ್ನು 6 - ಸ್ಪೀಡ್ ಟ್ರಾನ್ಸ್‌ಮಿಷನ್, ಸ್ಲಿಪ್ಪರ್ ಮತ್ತು ಅಸಿಸ್ಟ್ ಕ್ಲಚ್ ಜೊತೆಗೆ ನೀಡುವ ಸಾಧ್ಯತೆಗಳು ಹೆಚ್ಚಾಗಿವೆ. ಆದರೆ ಕಂಪನಿ ಇನ್ನೂ ಯಾವುದೇ ಅಧಿಕೃತ ಮಾಹಿತಿಯನ್ನು ಹೊರಬಿಟ್ಟಿಲ್ಲ.

ಏನೆಲ್ಲಾ ಇರಬಹುದು?: ಈ ಬೈಕಿನಲ್ಲಿ ನಯವಾಗಿ ಕಾಣುವ ಬಾಡಿವರ್ಕ್, USD ಫೋರ್ಕ್‌ಗಳು, ಡ್ಯುಯಲ್-ಚಾನೆಲ್ ಎಬಿಎಸ್ ಸಿಸ್ಟಮ್, ಮುಂಭಾಗ-ಹಿಂಭಾಗ ಡಿಸ್ಕ್‌ ಬ್ರೇಕ್, ಪ್ರಿಲೋಡ್ ಅಡ್ಜಸ್ಟ್ ಮೊನೊಶಾಕ್ ರಿಯರ್ ಸಸ್ಪೆಂಷನ್, ಸ್ಪ್ಲಿಟ್ ಸೀಟ್ ವ್ಯವಸ್ಥೆ, ಸ್ಪ್ಲಿಟ್ ಗ್ರಾಬ್ ರೈಲ್‌ಗಳು, ಸ್ಪ್ಲಿಟ್ ಹ್ಯಾಂಡಲ್ ಬಾರ್, ಬಜಾಜ್ ಪಾರ್ಟ್ಸ್ ಬಿನ್ ನಿಂದ ಸ್ವಿಚ್ ಗೇರ್, ಸ್ಪೋರ್ಟಿ ಬಾಡಿ ಗ್ರಾಫಿಕ್ಸ್, ಅಲಾಯ್ ವೀಲ್‌ಗಳು, ಅಗಲವಾದ ಸೆಕ್ಷನ್ ಟೈರ್‌ಗಳನ್ನು ಪಡೆಯುವ ನಿರೀಕ್ಷೆಯಿದೆ.

ಬ್ಲೂಟೂತ್ ಕನೆಕ್ಟಿವಿಟಿ ಮತ್ತು ಟರ್ನ್ - ಬೈ - ಟರ್ನ್ ನ್ಯಾವಿಗೇಷನ್ ಹೊಂದಿರುವ ಆಲ್-ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಎಲ್ಇಡಿ ಡೇಟೈಮ್ ರನ್ನಿಂಗ್ ಲೈಟ್‌ಗಳೊಂದಿಗೆ ಎಲ್ಇಡಿ ಹೆಡ್ಲೈಟ್, ಟ್ವಿನ್ ಎಲ್ಇಡಿ ಟೈಲ್ ಲ್ಯಾಂಪ್ ಗಳು ಮತ್ತು ಎಲ್ಇಡಿ ಟರ್ನ್ ಸಿಗ್ನಲ್‌ ಗಳನ್ನು ಒಳಗೊಂಡಿರಲಿದೆ.