ದಸರಾ ಆಫರ್: ಈ ಬೈಕ್‌ಗಳ ಮೇಲೆ ರೂ. 10,000 ರಿಯಾಯಿತಿ: 2ದಿನ ಉಚಿತ ಗೋವಾ ಟ್ರಿಪ್!

ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ತಯಾರಕ ಕಂಪನಿಯಾದ ಕಬೀರಾ ಮೊಬಿಲಿಟಿ, ತನ್ನ KM3000 ಮತ್ತು KM4000 ಮಾರ್ಕ್ 2 ವಾಹನಗಳಿಗೆ ಹಣ ಉಳಿತಾಯದ ಪ್ರಯೋಜನಗಳನ್ನು ನೀಡುವ ದಸರಾ ಹಬ್ಬದ ಅಭಿಯಾನವನ್ನು ಘೋಷಿಸಿದೆ. ಈ ಅಭಿಯಾನವು 10ನೇ ಅಕ್ಟೋಬರ್‌ನಿಂದ 15ನೇ ನವೆಂಬರ್ 2024 ರವರೆಗೆ ನಡೆಯಲಿದ್ದು, ಗ್ರಾಹಕರಿಗೆ ಗಮನಾರ್ಹ ರಿಯಾಯಿತಿಗಳು, ವಿಸ್ತೃತ ವಾರಂಟಿ ಮತ್ತು ವಿಶೇಷ ಬಹುಮಾನಗಳನ್ನು ಗೆಲ್ಲುವ ಅವಕಾಶವನ್ನು ಕಲ್ಪಿಸಲಾಗಿದೆ. ಕಂಪನಿಯು ವಾಹನಗಳ ಮೇಲೆ ಯಾವೆಲ್ಲಾ ರಿಯಾಯಿತಿ ಹಾಗೂ ವಾರೆಂಟಿಗಳನ್ನು ನೀಡುತ್ತಿದೆ ಎಂಬುದರ ವಿವರವಾದ ಮಾಹಿತಿ ಇಲ್ಲಿದೆ.

ದಸರಾ ಅಭಿಯಾನದ ಭಾಗವಾಗಿ, ಕಬೀರಾ ಮೊಬಿಲಿಟಿ ತನ್ನ ಪ್ರಮುಖ KM3000 ಮತ್ತು KM4000 ಮಾರ್ಕ್ 2 ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳ ಮೇಲೆ ರೂ. 10,000 ರಿಯಾಯಿತಿಯನ್ನು ನೀಡುತ್ತಿದೆ. ಇದು ಎಕ್ಸ್-ಶೋರೂಂ ಬೆಲೆಯನ್ನು ಕಡಿಮೆ ಮಾಡುತ್ತದೆ, ಪರಿಸರ ಸ್ನೇಹಿ ಮತ್ತು ವೆಚ್ಚ-ಪರಿಣಾಮಕಾರಿ ಸಾರಿಗೆ ಪರಿಹಾರಗಳ ಕಡೆಗೆ ಬದಲಾಗಲು ಬಯಸುವ ಭಾರತೀಯ ಗ್ರಾಹಕರಿಗೆ ಹಣ ಉಳಿಸುತ್ತದೆ.

ಉಳಿತಾಯದ ಜೊತೆಗೆ, ಗ್ರಾಹಕರು ತಮ್ಮ ಹೂಡಿಕೆಗೆ ತಕ್ಕಂತೆ ದೀರ್ಘಾವಧಿಯ ಮೌಲ್ಯವನ್ನು ಖಾತ್ರಿಪಡಿಸುವ ವಿಸ್ತೃತ ವಾರೆಂಟಿಯನ್ನು ಸಹ ಪಡೆಯಬಹುದು. ಪ್ರಮುಖ ವಾರಂಟಿ ಕಾರ್ಯಕ್ರಮವು ಗ್ರಾಹಕರಿಗೆ ಅವರ ಮಾಲೀಕತ್ವದ ಅನುಭವದ ಉದ್ದಕ್ಕೂ ಬೆಂಬಲಿಸಲು ವಿನ್ಯಾಸಗೊಳಿಸಲಾಗಿದೆ, ವಿಶ್ವಾಸಾರ್ಹ ಮತ್ತು ಉನ್ನತ-ಕಾರ್ಯಕ್ಷಮತೆಯ ಎಲೆಕ್ಟ್ರಿಕ್ ವಾಹನಗಳನ್ನು ತಲುಪಿಸಲು ಬ್ರ್ಯಾಂಡ್‌ನ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಹಬ್ಬದ ಋತುವನ್ನು ಇನ್ನಷ್ಟು ವಿಶೇಷವಾಗಿಸಲು, ಕಬೀರಾ ಮೊಬಿಲಿಟಿ ಈ ಅವಧಿಯಲ್ಲಿ ತಮ್ಮ ಎಲೆಕ್ಟ್ರಿಕ್ ಬೈಕ್‌ಗಳನ್ನು ಬುಕ್ ಮಾಡುವ ಗ್ರಾಹಕರಿಗೆ ಹಲವಾರು ಅತ್ಯಾಕರ್ಷಕ ಬಹುಮಾನಗಳು ಮತ್ತು ಬೋನಸ್‌ಗಳನ್ನು ನೀಡುತ್ತಿದೆ. KM3000 ಅಥವಾ KM4000 ಮಾರ್ಕ್ 2 ಅನ್ನು ಖರೀದಿಸುವ ಪ್ರತಿಯೊಬ್ಬ ಗ್ರಾಹಕರು ಸ್ವೀಕರಿಸಬಹದಾಗಿದ್ದು, ಅವುಗಳನ್ನು ನೋಡುವುದಾದ್ರೆ:

ಕಾಂಪ್ಲಿಮೆಂಟರಿ ಗೋವಾ ಗೆಟ್‌ವೇ: ಗೋವಾದಲ್ಲಿ ಎರಡು ದಿನಗಳ ಉಚಿತ ವಾಸ್ತವ್ಯ ನೀಡಲಾಗುತ್ತಿದೆ. ಹಾಗೆಯೇ ಪ್ರತಿ ಖರೀದಿಯು ರೂ. 999 ಮೌಲ್ಯದ ಪರಿಕರಗಳ ಬಂಡಲ್ ಅನ್ನು ಒಳಗೊಂಡಿರುತ್ತದೆ. ಹಬ್ಬದ ಉತ್ಸಾಹವನ್ನು ಆಚರಿಸಲು ಮೆಚ್ಚುಗೆಯ ಸಂಕೇತವಾಗಿ ಪ್ರತಿ ಬೈಕ್‌ನೊಂದಿಗೆ ವಿಶೇಷ ಬ್ರಾಂಡೆಡ್ ಅಕ್ಸೆಸೊರಿಸ್‌ಗಳನ್ನು ಒದಗಿಸಲಾಗುತ್ತದೆ ಎಂದು ಕಂಪನಿ ತಿಳಿಸಿದೆ.

ಕಬೀರಾ ಮೊಬಿಲಿಟಿಯು ಮೂರು ಪ್ರಮುಖ ನಗರಗಳಲ್ಲಿ ವಿಶೇಷ ದಸರಾ ಶೋರೂಮ್ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದೆ. ಗೋವಾ (ಅಕ್ಟೋಬರ್ 10), ಪುಣೆ (20 ಅಕ್ಟೋಬರ್), ಮತ್ತು ಬೆಂಗಳೂರು (ಅಕ್ಟೋಬರ್ 25). "ಕಬೀರಾ ಫೆಸ್ಟಿವ್ ರೈಡ್ ಡೇಸ್" ಎಂದು ಕರೆಯಲ್ಪಡುವ ಈ ಕಾರ್ಯಕ್ರಮಗಳು ಗ್ರಾಹಕರಿಗೆ KM3000 ಮತ್ತು KM4000 ಮಾರ್ಕ್ 2 ಮಾದರಿಗಳನ್ನು ಖುದ್ದಾಗಿ ಅನುಭವಿಸಲು ಅವಕಾಶವನ್ನು ನೀಡುತ್ತದೆ.

ಪರೀಕ್ಷಾ ಸವಾರಿಗಳು, ಉತ್ಪನ್ನ ಪ್ರದರ್ಶನಗಳು ಮತ್ತು ಕಬಿರಾ ಮೊಬಿಲಿಟಿ ತಂಡದೊಂದಿಗೆ ಸಂವಾದಾತ್ಮಕ ಅವಧಿಗಳನ್ನು ಇದು ಒಳಗೊಂಡಿರುತ್ತದೆ. ಪಾಲ್ಗೊಳ್ಳುವವರು ವಿಶೇಷವಾದ ಹಬ್ಬದ ರಿಯಾಯಿತಿಗಳಿಗೆ ಅರ್ಹರಾಗುತ್ತಾರೆ, ಇದರಲ್ಲಿ ಭಾಗವಹಿಸುವ ಮೂಲಕ ಗ್ರಾಹಕರು ತಮ್ಮ ಉಳಿತಾಯವನ್ನು ಗರಿಷ್ಠಗೊಳಿಸಲು ಮತ್ತು ಸೀಮಿತ ಸಮಯದ ಡೀಲ್‌ಗಳ ಲಾಭವನ್ನು ಪಡೆದುಕೊಳ್ಳಬಹುದು ಎಂದು ಕಂಪನಿ ತಿಳಿಸಿದೆ.

ಗೋವಾ, ಪುಣೆ, ಮುಂಬೈ, ಅಹಮದಾಬಾದ್, ವಡೋದರಾ, ಜೈಪುರ, ಬೆಂಗಳೂರು, ದೆಹಲಿ ಮತ್ತು ಚೆನ್ನೈ ಸೇರಿದಂತೆ ಪ್ರಮುಖ ನಗರಗಳಲ್ಲಿ ಪ್ರಮುಖ ಅನುಭವ ಕೇಂದ್ರಗಳೊಂದಿಗೆ ತನ್ನ ಅಸ್ತಿತ್ವವನ್ನು ವಿಸ್ತರಿಸಲು ಕಂಪನಿಯು ಯೋಜಿಸಿದೆ. ಈ ಕೇಂದ್ರಗಳು ಗ್ರಾಹಕರಿಗೆ ತಲ್ಲೀನಗೊಳಿಸುವ ಉತ್ಪನ್ನದ ಅನುಭವವನ್ನು ನೀಡುತ್ತವೆ. KM3000 ಮತ್ತು KM4000 ಮಾರ್ಕ್ 2 ಮಾದರಿಗಳ ವಿಶಿಷ್ಟ ವೈಶಿಷ್ಟ್ಯಗಳನ್ನು ಪ್ರದರ್ಶಿಸುತ್ತವೆ ಎಂದು ಕಬೀರಾ ತಿಳಿಸಿದೆ.