ಇಂಧನ ಬೆಲೆ ಏರಿಕೆ ಚಿಂತೆ ಬಿಡಿ: ಕವಾಸಕಿಯ ಹೊಸ ಹೈಡ್ರೋಜನ್ ಬೈಕ್ ಪ್ರದರ್ಶನ

ಜನಪ್ರಿಯ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾದ ಕವಾಸಕಿ (Kawasaki) ತನ್ನ ಮೊದಲ ಹೈಡ್ರೋಜನ್ ಚಾಲಿತ ದ್ವಿಚಕ್ರ ವಾಹನ ಮಾದರಿಯನ್ನು ಅನಾವರಣಗೊಳಿಸಿದೆ. ಪೆಟ್ರೋಲ್ ಮತ್ತು ಡೀಸೆಲ್ ವಾಹನಗಳಿಗೆ ಪರ್ಯಾಯ ವಾಹನಗಳ ಬಳಕೆಯತ್ತ ಜಗತ್ತು ವೇಗವಾಗಿ ಚಲಿಸುತ್ತಿರುವ ಸಮಯದಲ್ಲಿ, ಕವಾಸಕಿ ಹೈಡ್ರೋಜನ್ ದ್ವಿಚಕ್ರ ವಾಹನವನ್ನು ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಕವಾಸಕಿ ತನ್ನ ಹೈಡ್ರೋಜನ್ ಚಾಲಿತ ಬೈಕ್ ಅನ್ನು ನಿಂಜಾ H2 SX ಮಾದರಿಯನ್ನು ಆಧರಿಸಿ ಸಿದ್ಧಪಡಿಸಿದೆ. ಕವಾಸಕಿ ತನ್ನ ಹೈಡ್ರೋಜನ್ ಬೈಕನ್ನು (Hydrogen bike) ಮೊದಲ ಬಾರಿಗೆ ಸಾರ್ವಜನಿಕವಾಗಿದೆ ಪ್ರದಋಶಿಸಿದೆ. ಇದನ್ನು ನಡೆಯುತ್ತಿರುವ ಸಂಶೋಧನಾ ಉಪಕ್ರಮದ ಭಾಗವಾಗಿ ಅಭಿವೃದ್ಧಿಪಡಿಸಲಾಗಿದೆ.

ಕವಾಸಕಿ ಕಂಪನಿಯು ದೀರ್ಘಕಾಲದವರೆಗೆ ಹೈಡ್ರೋಜನ್ ಸ್ಮಾಲ್ ಮೊಬಿಲಿಟಿ ಮತ್ತು ಎಂಜಿನ್ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವಲ್ಲಿ ಕೆಲಸ ಮಾಡುತ್ತಿದೆ. ಕವಾಸಕಿ ಕಳೆದ ವರ್ಷ ಈ ಬಗ್ಗೆ ಸಂಶೋಧನೆ ಆರಂಭಿಸಿದರು. ಇದರ ನಂತರ, ಈ ವರ್ಷದ ಆರಂಭದಲ್ಲಿ ಹೈಡ್ರೋಜನ್ ಬೈಕ್‌ನ ಮೊದಲ ಪರೀಕ್ಷಾರ್ಥ ಪ್ರಯೋಗ ನಡೆಸಿತು. ಕಂಪನಿಯು ಶೀಘ್ರದಲ್ಲೇ ಮಾರುಕಟ್ಟೆಗೆ ತರುವ ಸಾಧ್ಯತೆಗಳಿದೆ ಎಂದು ವರದಿಯಾಗಿದೆ.

ಹೈಡ್ರೋಜನ್ ಎಂಜಿನ್ ಕವಾಸಕಿಯ 998cc ಇನ್-ಲೈನ್-ಫೋರ್ ಸೂಪರ್ಚಾರ್ಜ್ಡ್ ಮೋಟಾರ್ ಅನ್ನು H2 ಲೈನ್-ಅಪ್‌ನಲ್ಲಿ ಆಧರಿಸಿದೆ. ಸಿಲಿಂಡರ್‌ಗಳಿಗೆ ಹೈಡ್ರೋಜನ್ ಅನ್ನು ನೇರವಾಗಿ ಇಂಜೆಕ್ಷನ್ ಮಾಡಲು ಮೋಟರ್ ಅನ್ನು ಮಾರ್ಪಡಿಸಲಾಗಿದೆ. ಈ ಮೂಲಮಾದರಿಯು ಕವಾಸಕಿ H2 SX ಅನ್ನು ಆಧರಿಸಿದೆ ಆದರೆ ಹೊಸ ಇಂಧನ ಪ್ರಕಾರವನ್ನು ಅಳವಡಿಸಲು ಗಮನಾರ್ಹವಾದ ನವೀಕರಣವನ್ನು ನಡೆಸಲಾಗುತ್ತದೆ.

ಹೈಡ್ರೋಜನ್ ಇಂಧನ ಕ್ಯಾನಿಸ್ಟರ್‌ಗಳು ಮತ್ತು ಆನ್-ಬೋರ್ಡ್ ಹೈಡ್ರೋಜನ್ ಇಂಧನ ಪೂರೈಕೆ ಸಿಸ್ಟಂ ಅನ್ನು ಇರಿಸಲು ಚಾಸಿಸ್ ಅನ್ನು ನಿರ್ದಿಷ್ಟವಾಗಿ ರಚಿಸಲಾಗಿದೆ ಎಂದು ಕವಾಸಕಿ ಹೇಳಿಕೊಂಡಿದೆ. ಹೈಡ್ರೋಜನ್ ಅನ್ನು ಬಳಸಿಕೊಂಡು ದಹನವನ್ನು ರಚಿಸುವ ಮೂಲಕ ಮೋಟಾರ್ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳುತ್ತದೆ, ಇದು ನೀರನ್ನು ಉಪಉತ್ಪನ್ನವಾಗಿ ಹೊರಸೂಸುತ್ತದೆ ಮತ್ತು ಮೂಲಮಾದರಿಯು ಎಕ್ಸಾಸ್ಟ್ ನಿಂದ ತೇವವಾದ ಗಾಳಿಯಾಗಿ ಹೊರಸೂಸುತ್ತದೆ.

ಜಪಾನಿನ ದೈತ್ಯ ಹೈಡ್ರೋಜನ್ ಪೆಟ್ರೋಲ್‌ಗಿಂತ ಹೆಚ್ಚು ವೇಗವಾಗಿ ಮತ್ತು ವ್ಯಾಪಕವಾದ ತಾಪಮಾನದಲ್ಲಿ ಉರಿಯುತ್ತದೆ ಎಂದು ಹೇಳುತ್ತದೆ, ಆದ್ದರಿಂದ ಇದು ಹೆಚ್ಚು ಸ್ಪಂದಿಸುವ ಅನುಭವವನ್ನು ನೀಡುತ್ತದೆ. ಬೈಕ್‌ನ ಪರ್ಫಾಮೆನ್ಸ್ ಮತ್ತು ವಿಶೇಷಣಗಳ ಬಗ್ಗೆ ಯಾವುದೇ ನಿಖರವಾದ ವಿವರಗಳು ಬಹಿರಂಗವಾಗಿಲ್ಲ. ಆದರೆ ಈ H2 SX ಮಾದರಿಯು 210 hp ಪವರ್ ಮತ್ತು 137 Nm ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಯೋಜನೆಯು ಕಾರ್ಬನ್ ನ್ಯೂಟ್ರಾಲಿಟಿಗೆ ಕವಾಸಕಿಯ ಬದ್ಧತೆಗೆ ಅನುಗುಣವಾಗಿದೆ ಮತ್ತು 2030ರ ದಶಕದ ಆರಂಭದಲ್ಲಿ ಸುಸ್ಥಿರ ಸಾರಿಗೆ ಪರಿಹಾರವಾಗಿ ಹೈಡ್ರೋಜನ್ ICE ಬೈಕ್ ಗಳನ್ನು ನೀಡಲು ಉದ್ದೇಶಿಸಿದೆ. ಈ ಉಪಕ್ರಮವು HySE (ಹೈಡ್ರೋಜನ್ ಸ್ಮಾಲ್ ಮೊಬಿಲಿಟಿ & ಎಂಜಿನ್ ತಂತ್ರಜ್ಞಾನ) ಭಾಗವಾಗಿದೆ. ಇದು ಜಪಾನಿನ ತಯಾರಕರಾದ ಕವಾಸಕಿ, ಯಮಹಾ, ಹೋಂಡಾ, ಸುಜುಕಿ ಮತ್ತು ಟೊಯೋಟಾದ ಜಂಟಿ ಉದ್ಯಮವಾಗಿದೆ.

ಇನ್ನು ಕವಾಸಕಿ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ 2024ರ ಕವಾಸಕಿ KLX230 ಆವೃತ್ತಿಯನ್ನು ಭಾರತದಲ್ಲಿ ಬಿಡುಗಡೆಗೊಳಿಸಲು ಸಜ್ಜಾಗುತ್ತಿದೆ. ಕವಾಸಕಿ ಈ ಬೈಕ್ ಅನ್ನು ಸ್ಪರ್ಧಾತ್ಮಕ ಬೆಲೆಯಲ್ಲಿ ಬಿಡುಗಡೆಗೊಳಿಸಿದರೆ ಈ ಮುಂಬರುವ ಮಾದರಿಯು ಹೀರೋ ಎಕ್ಸ್‌ಪಲ್ಸ್ ಬೈಕಿಗೆ ನೇರವಾಗಿ ಪ್ರತಿಸ್ಪರ್ಧಿಯಾಗಲಿದೆ. ಈ ಕವಾಸಕಿ KLX230 S ಭರ್ಜರಿ ಪರ್ಫಾಮೆನ್ಸ್ ನೀಡುವ ಆಫ್-ರೋಡ್ ಬೈಕ್ ಆಗಿದೆ. ಈ ಕವಾಸಕಿ ಬೈಕ್ ಬಜೆಟ್ ಬೆಲೆಯಲ್ಲಿ ಬಿಡುಗಡೆಯಾದರೆ ಹೆಚ್ಚು ಯುವ ಗ್ರಾಹಕರನ್ನು ಸೆಳೆಯಬಹುದು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.