ಯಾವುದೇ ಬೆಟ್ಟ, ಗುಡ್ಡಗಳು ಇದರ ಮುಂದೆ ಲೆಕ್ಕಕ್ಕಿಲ್ಲ: ಈ ಸುಜುಕಿ ಬೈಕ್‍‍ಗಾಗಿ ಅಕ್ಸೆಸರೀಸ್ ಬಿಡುಗಡೆ

ಜನಪ್ರಿಯ ದ್ವಿಚಕ್ರ ತಯಾರಕ ಕಂಪನಿಯಾದ ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ತನ್ನ ಬಹುನಿರೀಕ್ಷಿತ ಸುಜುಕಿ V-Strom 800 DE (Suzuki V-Strom 800 DE) ಬೈಕ್ ಅನ್ನು ಇತ್ತೀಚೆಗೆ ಬಿಡುಗಡೆಗೊಳಿಸಿತು ಈ ಹೊಸ ಸುಜುಕಿ V-Strom 800 DE ಬೈಕ್ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.10.30 ಲಕ್ಷವಾಗಿದೆ. ಇದು ಪರಿಚಯಾತ್ಮಕ ಬೆಲೆಯಾಗಿದೆ.

ಇದೀಗ ಸುಜುಕಿ ಮೋಟಾರ್‌ಸೈಕಲ್ ಭಾರತದಲ್ಲಿ ಸುಜುಕಿ V-Strom 800 DE ಬೈಕ್‍‍ಗಾಗಿ ಅಕ್ಸೆಸರೀಸ್ ಘೋಷಿಸಿದೆ. ಈ ಬೈಕಿಗೆ 15 ಅಧಿಕೃತ ಅಕ್ಸೆಸರೀಸ್ ಗಳನ್ನು ನೀಡಲಾಗಿಗುತ್ತದೆ. ದೇಶಕ್ಕೆ ಆಮದು ಮಾಡಿಕೊಳ್ಳುವುದರಿಂದ ಬಿಡಿಭಾಗಗಳ ಬೆಲೆ ವಿಪರೀತವಾಗಿದೆ. ಉದಾಹರಣೆಗೆ, 37-ಲೀಟರ್ ಅಲ್ಯೂಮಿನಿಯಂ ಸೈಡ್ ಕೇಸ್‌ಗಳ ಬೆಲೆ ರೂ. ಒಂದು ಜೋಡಿಗೆ 1.38 ಲಕ್ಷ ರೂ. ಆದರೆ ಸೈಡ್ ಕೇಸ್‌ಗಳಿಗೆ ಸ್ಯಾಡಲ್ ಸ್ಟೇಸ್ಗೆ ರೂ.64,453 ಆಗಿದೆ.

ರೂ. 64,453. 56-ಲೀಟರ್ ಪ್ಲಾಸ್ಟಿಕ್ ಟಾಪ್ ಕೇಸ್ ನಿಮಗೆ ರೂ. 54,188, ಅಲ್ಯೂಮಿನಿಯಂ ಟಾಪ್ ಬಾಕ್ಸ್ ಬೆಲೆ ರೂ. 64,416 ಆಗಿದೆ. ಇನ್ನು ಇದರೊಂದಿಗೆ ಅಲ್ಯೂಮಿನಿಯಂ ಸ್ಕಿಡ್ ಪ್ಲೇಟ್, ಹೈ ವಿಂಡ್ ಷೀಲ್ಡ್, ಸೆಂಟರ್ ಸ್ಟ್ಯಾಂಡ್, ಟಾಪ್ ಕೇಸ್ ಕ್ಯಾರಿಯರ್ ರ್ಯಾಕ್, ಪ್ಲಾಸ್ಟಿಕ್ ಟಾಪ್ ಕೇಸ್, ಪ್ಲಾಸ್ಟಿಕ್ ಟಾಪ್ ಕೇಸ್ ರ್ಯಾಕ್ ಮತ್ತು ಬ್ರೇಕ್ ಪೆಡಲ್ ಎತ್ತರ ಅಡ್ಜಸ್ಟರ್ ನಂತಹ ಅಕ್ಸೆಸರೀಸ್ ಲಭ್ಯವಿದೆ.

ಸುಜುಕಿ V-Strom 800 DE ಬೈಕ್ ಈಗಾಗಲೇ ಅಂತರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ತನ್ನ ಛಾಪು ಮೂಡಿಸಿದ್ದು, ಭಾರತೀಯ ಸವಾರರಲ್ಲಿ ಭಾರೀ ನಿರೀಕ್ಷೆಯನ್ನು ಹುಟ್ಟುಹಾಕಿದೆ. ಈ ಹೊಸ ಸುಜುಕಿ V-Strom 800 DE ಬೈಕ್ ಅನ್ನು GSX-8S ನಿಂದ ಪಡೆದ ಹೊಸ ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾಗಿದೆ. ಈ ಹೊಸ ಮಾದರಿಯು V-Strom 650 XT ಸ್ಥಾನವನ್ನು ತೆಗೆದುಕೊಳ್ಳುತ್ತದೆ, ಇದು ಭಾರತದಲ್ಲಿ ಸುಜುಕಿಯ ಅಡ್ವೆಂಚರ್ ಬೈಕ್ ವಿಭಾಗದಲ್ಲಿ ಗಮನಾರ್ಹವಾದ ನವೀಕರಣವಾಗಿದೆ.

ಈ ಸುಜುಕಿ V-Strom 800 DE ಬೈಕಿನಲ್ಲಿ 776cc ಪ್ಯಾರಲಲ್-ಟ್ವಿನ್ ಎಂಜಿನ್‌ ಅನ್ನು ಹೊಂದಿದೆ. ಈ ಲಿಕ್ವಿಡ್-ಕೂಲ್ಡ್ ಎಂಜಿನ್, 270-ಡಿಗ್ರಿ ಕ್ರ್ಯಾಂಕ್ ಅನ್ನು ಹೊಂದಿದ್ದು, 8,500 rpm ನಲ್ಲಿ 83bhp ಮತ್ತು 6,800 rpm ನಲ್ಲಿ 78Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಈ ಎಂಜಿನ್ ನೊಂದಿಗೆ 6-ಸ್ಪೀಡ್ ಗೇರ್‌ಬಾಕ್ಸ್ ಅನ್ನು ನೀಡಲಾಗಿದೆ.

ಈ ಸುಜುಕಿ V-Strom 800 DE ಬೈಕ್ ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್ (STCS) ಮತ್ತು ABS, ಆಯ್ಕೆ ಮಾಡಬಹುದಾದ ಮೋಡ್‌ಗಳೊಂದಿಗೆ, ರೈಡರ್‌ಗೆ ಸುರಕ್ಷತೆ ಮತ್ತು ಕಂಟ್ರೋಲ್ ಡಿಸ್ ಪ್ಲೇಯನ್ನು ಹೊಂದಿದೆ. ಇದಲ್ಲದೆ, ಈ ಮಾದರಿಯು ಬೈ-ಡೈರೆಕ್ಷನಲ್ ಕ್ವಿಕ್-ಶಿಫ್ಟರ್ ಅನ್ನು ಸ್ಟ್ಯಾಂಡರ್ಡ್ ಆಗಿ ಹೊಂದಿದ್ದು, ಒಟ್ಟಾರೆ ಸವಾರಿ ಅನುಭವವನ್ನು ಹೆಚ್ಚಿಸಲಾಗುತ್ತಿದೆ.

ಈ ಹೊಸ ಅಡ್ವೆಂಚರ್ ಬೈಕ್ ಸಂಪೂರ್ಣವಾಗಿ ಹೊಂದಾಣಿಕೆ ಮಾಡಬಹುದಾದ ಶೋವಾ USD ಅನ್ನು 220mm ಟ್ರವ್ಯೂಲ್ ನೊಂದಿಗೆ ಮುಂಭಾಗದಲ್ಲಿ ಮತ್ತು ಹಿಂಭಾಗದಲ್ಲಿ 260 mm ಡಿಸ್ಕ್ ಅನ್ನು ಹೊಂದಿದೆ. ಇದರೊಂದಿಗೆ 21-ಇಂಚಿನ ಸ್ಪೋಕ್ಡ್ ಫ್ರಂಟ್ ವೀಲ್ ಮತ್ತು 17-ಇಂಚಿನ ಹಿಂದಿನ ಸ್ಪೋಕ್ಡ್ ವೀಲ್ ಮೇಲೆ ಸವಾರಿ ಮಾಡುತ್ತದೆ.

ಇದರೊಂದಿಗೆ 230 ಕೆಜಿ ತೂಕದ ಹೊರತಾಗಿಯೂ, ಅದರ ವೈಶಿಷ್ಟ್ಯಗಳು ವಿವಿಧ ಭೂಪ್ರದೇಶಗಳಲ್ಲಿ ಆರಾಮದಾಯಕ ಮತ್ತು ನಿಯಂತ್ರಿತ ಸವಾರಿಯನ್ನು ಒದಗಿಸುವ ಗುರಿಯನ್ನು ಹೊಂದಿವೆ. ಭಾರತಕ್ಕೆ ಸಂಪೂರ್ಣವಾಗಿ ನಿರ್ಮಿಸಲಾದ ಯುನಿಟ್ (CBU) ಆಗಮಿಸುವ ನಿರೀಕ್ಷೆಯಿದೆ. ಈ ಹೊಸ ಸುಜುಕಿ V-Strom 800 DE ಬೈಕ್ ಪವರ್ ಫುಲ್ ಮತ್ತು ತಂತ್ರಜ್ಞಾನವನ್ನು ಒಳಗೊಂಡ ಬಹುಮುಖ ಬೈಕ್ ಆಗಿದೆ. ಪವರ್ ಪುಲ್ ಬೈಕ್ ಖರೀದಿಸಲು ಬಯಸುವ ಗ್ರಾಹಕರಿಗೆ ಉತ್ತಮ ಆಯ್ಕೆಯಾಗಿರುತ್ತದೆ.

ಇನ್ನು ಸುಜುಕಿ V-Strom 800 DE ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಟ್ರಯಂಫ್ ಟೈಗರ್ 900 ಮತ್ತು BMW F 850 ​​GS ಬೈಕ್ ಗಳಿಗೆ ಪೈಪೋಟಿ ನೀಡುತ್ತದೆ. ಹೊಸ ಸುಜುಕಿ V-Strom 800 DE ಬೈಕಿನಲ್ಲಿ ಡ್ರೈವ್ ಮೋಡ್ ಸೆಲೆಕ್ಟರ್ (SDMS) ನೊಂದಿಗೆ ಬರುತ್ತದೆ, ವಿವಿಧ ಸವಾರಿ ಅನುಭವಗಳಿಗಾಗಿ ಮೂರು ರೈಡ್ ಮೋಡ್‌ಗಳನ್ನು ಲಭ್ಯವಿರುತ್ತದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.