ಹೊಸ ಟಿವಿಎಸ್ ಬೈಕ್ ಬಿಡುಗಡೆ: ಅಪಾಚೆ RTR 160 4V ನಲ್ಲಿ ಆಧುನಿಕ ಫೀಚರ್ಸ್!

ಜನಪ್ರಿಯ ದ್ವಿಚಕ್ರ ವಾಹನ ತಯಾರಕರಾದ ಟಿವಿಎಸ್ ಮೋಟಾರ್, ತನ್ನ ಅಪಾಚೆ ಆರ್‌ಟಿಆರ್ 160 4ವಿನ ಇತ್ತೀಚಿನ ಆವೃತ್ತಿಯನ್ನು ನವೀನ ರೈಡರ್-ಸ್ನೇಹಿ ವೈಶಿಷ್ಟ್ಯಗಳೊಂದಿಗೆ ತುಂಬಿ ಬಿಡುಗಡೆ ಮಾಡಿದೆ. ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಕಾಲ್ ಮತ್ತು SMS ಅಲರ್ಟ್, TVS SmartXonnect TM ತಂತ್ರಜ್ಞಾನ, ಬ್ಲೂಟೂತ್ ಸಂಪರ್ಕ ಸೇರಿದಂತೆ ಧ್ವನಿ ಸಹಾಯ (ಅವಾಯಿಸ್ ಅಸಿಸ್ಟ್)ವನ್ನು ನೀಡಲಾಗಿದೆ. ಇದು ಮಾತ್ರವಲ್ಲದೇ ಗ್ಲೈಡ್ ಥ್ರೂ ಟೆಕ್ನಾಲಜಿ (GTT)ಯನ್ನು ಸಹ ಹೊಸ ಅಪಾಚೆ ಆರ್‌ಟಿಆರ್ 160 4ವಿ (TVS Apache RTR 160 4V) ಮೋಟಾರ್‌ಸೈಕಲ್‌ನ ಅಪ್‌ಡೇಟ್ ಭಾಗವಾಗಿ ನೀಡಲಾಗಿದೆ.

ಕಾರ್ಯಕ್ಷಮತೆ, ತಂತ್ರಜ್ಞಾನ ಮತ್ತು ಶೈಲಿಯನ್ನು ಸಂಯೋಜಿಸುವ ಮೂಲಕ ನಮ್ಮ ಗ್ರಾಹಕರ ವಿಕಾಸದ ಅಗತ್ಯಗಳನ್ನು ಪೂರೈಸಲು ನಾವು ಬದ್ಧರಾಗಿದ್ದೇವೆ. ಅತ್ಯಾಧುನಿಕ ವೈಶಿಷ್ಟ್ಯಗಳು ಮತ್ತು ಸುಧಾರಿತ ತಂತ್ರಜ್ಞಾನದೊಂದಿಗೆ TVS Apache RTR 160 4V ನ ಅಪ್‌ಗ್ರೇಡ್ ಅನ್ನು ಘೋಷಿಸಲು ನಾವು ಉತ್ಸುಕರಾಗಿದ್ದೇವೆ ಎಂದು ಟಿವಿಎಸ್ ಮೋಟಾರ್ ಕಂಪನಿಯ ಪ್ರೀಮಿಯಂ ವ್ಯವಹಾರ ವಿಭಾಗದ ಮುಖ್ಯಸ್ಥ ವಿಮಲ್ ಸುಂಬ್ಲಿ ಹೇಳಿದರು.

ಸೆಗ್ಮೆಂಟಿನಲ್ಲಿಯೇ ಮೊದಲ ಬಾರಿಗೆ 37mm ಅಪ್‌ಸೈಡ್ ಡೌನ್ (USD) ಸಸ್ಪನ್ಷನ್ ಮತ್ತು ಸ್ಪೋರ್ಟ್, ಅರ್ಬನ್ ಮತ್ತು ರೈನ್ ಎಂಬ ಮೂರು ವಿಭಿನ್ನ ರೈಡ್ ಮೋಡ್‌ಗಳನ್ನು ಸಹ ಈ ಬೈಕ್ ಹೊಂದಿದೆ. ಹಾಗೆಯೇ ಹೊಸ ಟಿವಿಎಸ್ ಅಪಾಚೆ ಆರ್‌ಟಿಆರ್ 160 4ವಿ ಮೋಟಾರ್‌ಸೈಕಲ್ 159.7cc, ಆಯಿಲ್-ಕೂಲ್ಡ್, ಫ್ಯೂಯಲ್-ಇಂಜೆಕ್ಟೆಡ್, 4-ವಾಲ್ವ್ ಎಂಜಿನ್ ಅನ್ನು ಹೊಂದಿದೆ. ಈ ಎಂಜಿನ್ 17.55 PS ಪವರ್ ಮತ್ತು 14.73 Nm ಟಾರ್ಕ್ ಉತ್ಪಾದಿಸುತ್ತದೆ. ಜೊತೆಗೆ

ಈ ಹೊಸ ರೈಡ್‌ ಮೋಡ್‌ಗಳು ಮೋಟಾರ್‌ಸೈಕಲ್‌ಗೆ ವಿವಿಧ ಸವಾರಿ ಪರಿಸ್ಥಿತಿಗಳಲ್ಲಿಯೂ ನಿಯಂತ್ರಣ, ಸ್ಥಿರತೆ ಮತ್ತು ಹೊಂದಾಣಿಕೆಯನ್ನು ಹೆಚ್ಚಿಸುತ್ತದೆ. ಈ ಸುಧಾರಿತ ಪರ್ಫಾಮೆನ್ಸ್ ಸೆಟಪ್ ಮುಕ್ತ ಹೆದ್ದಾರಿಗಳಲ್ಲಿ ಆಗಿರಲಿ ಅಥವಾ ನಗರದ ಬೀದಿಗಳಲ್ಲಿ ಆಗಿರಲಿ ಸವಾರರಿಗೆ ಆತ್ಮವಿಶ್ವಾಸದಿಂದ ಓಡಿಸಲು ಅನುವು ಮಾಡಿಕೊಡುತ್ತದೆ. ಜೊತೆಗೆ ಅಡ್ಜಸ್ಟಬಲ್ ಬ್ರೇಕ್ ಮತ್ತು ಕ್ಲಚ್ ಲಿವರ್‌ಗಳು ಸೌಕರ್ಯವನ್ನು ಹೆಚ್ಚಿಸುತ್ತವೆ.

ಈ ಬೈಕ್ ಗ್ರಾನೈಟ್ ಗ್ರೇ, ಮ್ಯಾಟ್ ಬ್ಲ್ಯಾಕ್ ಮತ್ತು ಪರ್ಲ್ ವೈಟ್ ಎಂಬ ಮೂರು ಗಮನ ಸೆಳೆಯುವ ಬಣ್ಣದ ಆಯ್ಕೆಗಳನ್ನು ಒಳಗೊಂಡಿರುವುದರ ಜೊತೆಗೆ, ಈ ಡೈನಾಮಿಕ್ ಬಣ್ಣಗಳು ಸ್ಪೋರ್ಟಿ, ರೇಸ್-ಪ್ರೇರಿತ ಗ್ರಾಫಿಕ್ಸ್, ಗೋಲ್ಡನ್-ಫಿನಿಶ್ USD ಫೋರ್ಕ್‌ಗಳು ಮತ್ತು ರೆಡ್ ಅಲಾಯ್ ವೀಲ್‌ಗಳೊಂದಿಗೆ ಬರುತ್ತವೆ. ಸ್ಟ್ರೈಕಿಂಗ್ ಸೌಂದರ್ಯದೊಂದಿಗೆ ವಿನ್ಯಾಸ್ಕಕೆ ಮತ್ತಷ್ಟು ಸ್ಪೋರ್ಟಿ ಲುಕ್ ನೀಡುತ್ತವೆ.

ಹೊಸ ವೈಶಿಷ್ಟ್ಯಗಳು ಮತ್ತು ತಂತ್ರಜ್ಞಾನದೊಂದಿಗೆ, ಸುಧಾರಿತ ಕಾರ್ಯಕ್ಷಮತೆ ಮತ್ತು ಗ್ರಾಹಕರಿಗೆ ಸಾಟಿಯಿಲ್ಲದ ಆಕರ್ಷಕ ಡಿಸೈನ್‌ನೊಂದಿಗೆ ಪ್ರಬಲ ಮಿಶ್ರಣವನ್ನು ಹೊಸ ಅಪಾಚೆ ಆರ್‌ಟಿಆರ್ 160 4ವಿ ನೀಡುತ್ತದೆ. ವಿನ್ಯಾಸ, ಚುರುಕುತನ ಮತ್ತು ನಿಖರತೆಯನ್ನು ಬಯಸುವ ಹೊಸ ಪೀಳಿಗೆಯ ಸವಾರರಿಗಾಗಿ ಈ ಮೋಟಾರ್‌ಸೈಕಲ್ ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ಹೇಳಿದೆ.

TVS Apache RTR 160 4V ನ ಹೊಸ ಆವೃತ್ತಿಯು ಆಕರ್ಷಕ ಸೌಂದರ್ಯ ಮತ್ತುಅತ್ಯುತ್ತಮ-ದರ್ಜೆಯ ವೈಶಿಷ್ಟ್ಯಗಳೊಂದಿಗೆ, ಈ ಮೋಟಾರ್‌ಸೈಕಲ್ ಸವಾರಿ ಅನುಭವವನ್ನು ಮರು ವ್ಯಾಖ್ಯಾನಿಸಲು ಸಿದ್ಧವಾಗಿದೆ. ಪ್ರಪಂಚದ ನಾವೀನ್ಯತೆ ಮತ್ತು ವಿನ್ಯಾಸಕ್ಕೆ ಸಾಕ್ಷಿಯಾಗಿದೆ, ಕಾರ್ಯಕ್ಷಮತೆಯು ಶೈಲಿಯನ್ನು ಪೂರೈಸುತ್ತದೆ. ದೇಶಾದ್ಯಂತ ಇರುವ ಉತ್ಸಾಹಿಗಳಿಗೆ ಈ ಬೈಕ್‌ನೊಂದಿಗೆ ಪ್ರಯಾಣವು ಒಂದು ಸಾಹಸವಾಗಲಿದೆ ಎಂದು ಕಂಪನಿ ಹೇಳಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.