TVS ಮೋಟಾರ್‌ಗೆ ಉತ್ತಮ ಲಾಭ: FY 2023-24 ರಲ್ಲಿ ಅತ್ಯಧಿಕ ಮಾರಾಟ

ಭಾರತದಲ್ಲಿ ದ್ವಿಚಕ್ರ ವಾಹನ ಮಾರಾಟವು ವರ್ಷದಿಂದ ವರ್ಷಕ್ಕೆ ಉತ್ತಮ ಬೆಳವಣಿಗೆ ಕಾಣುತ್ತಿದೆ. ಅದರಲ್ಲೂ ಸ್ವದೇಶಿ ಕಂಪನಿಯಾದ TVS ಮೋಟಾರ್ ಕಳೆದ ವರ್ಷ (2023)ಮಾರ್ಚ್ ರಲ್ಲೂ ಉತ್ತಮ ಮಾರಾಟವನ್ನು ಸಾಧಿಸಿತ್ತು. ಇದೀಗ ಮಾರ್ಚ್‌(2024)ನಲ್ಲಿ ಬರೋಬ್ಬರಿ 3,54,592 ಯುನಿಟ್‌ ಟಿವಿಎಸ್ ವಾಹನಗಳನ್ನು ಮಾರಾಟ ಮಾಡಿರುವುದಾಗಿ ಕಂಪನಿ ಘೋಷಿಸಿದೆ.

ಕಳೆದ ವರ್ಷ ಮಾರ್ಚ್‌ನಲ್ಲಿ 3,17,152 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು. ಈ ವರ್ಷ ಮಾರ್ಚ್ ನಲ್ಲಿ ಈ ಸಂಖ್ಯೆ 354,592 ಯುನಿಟ್‌ಗಳಿಗೆ ಏರಿಕೆಯಾಗಿದ್ದು, ಶೇ12 ರಷ್ಟು ಬೆಳವಣಿಗೆಯನ್ನು ಸಾಧಿಸಿದೆ. ತ್ರಿಚಕ್ರ ವಾಹನ ವಿಭಾಗ ಒಂದರಲ್ಲೆ ಮಾರ್ಚ್ 2024 ರಲ್ಲಿ 10,146 ಯೂನಿಟ್‌ ವಾಹನಗಳನ್ನು ಮಾರಾಟ ಮಾಡಿದೆ. ಕಂಪನಿಯ ತ್ರಿಚಕ್ರ ವಾಹನ ವಿಭಾಗವು ಶೇ6 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ.

ದ್ವಿಚಕ್ರ ವಾಹನ: ಮಾರ್ಚ್ 2023 ರಲ್ಲಿ 3,07,559 ಯುನಿಟ್‌ಗಳು ಮಾರಾಟವಾಗಿದ್ದು, ಈ ವರ್ಷ ಮಾರ್ಚ್ 2024 ರಲ್ಲಿ 3,44,446 ಯೂನಿಟ್‌ ವಾಹನಗಳು (ರಫ್ತು ಸೇರಿ) ಮಾರಾಟವಾಗಿವೆ. ಶೇ12 ರಷ್ಟು ಬೆಳವಣಿಗೆಯಾಗಿದೆ, ದೇಶೀಯ ದ್ವಿಚಕ್ರ ವಾಹನವು ಶೇ8 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಅಂದರೆ 2,40,780 ಯುನಿಟ್‌ಗಳು ಮಾರಾಟವಾಗಿವೆ.

ಮೋಟಾರ್‌ಸೈಕಲ್ ವಿಚಾರಕ್ಕೆ ಬಂದರೆ, ಮಾರ್ಚ್ 2023 ರಲ್ಲಿ 1,41,250 ಯುನಿಟ್‌ಗಳಿಂದ ಮಾರ್ಚ್ 2024 ರಲ್ಲಿ 1,71,611 ಯುನಿಟ್‌ ವಾಹನಗಳು ಮಾರಾಟವಾಗುವ ಮೂಲಕ ಮೋಟಾರ್‌ಸೈಕಲ್ ವಿಭಾಗದಲ್ಲಿ ಶೇ22 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಸ್ಕೂಟರ್ ವಿಭಾಗವು ಮಾರ್ಚ್ 2023 ರಲ್ಲಿ 1,28,817 ಯುನಿಟ್‌ಗಳಿಂದ ಈ ವರ್ಷ ಮಾರ್ಚ್ ನಲ್ಲಿ 1,31,472 ಯುನಿಟ್‌ಗಳಿಗೆ ಏರಿಕೆಯಾಗಿ ಶೇ2 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ.

ಎಲೆಕ್ಟ್ರಿಕ್ ವಾಹನ: ಕಂಪನಿಯು ಮಾರ್ಚ್ 2024 ರಲ್ಲಿ ಅತಿ ಹೆಚ್ಚು ವಾಹನ್ ರಿಟೇಲ್‌ಗಳನ್ನು ಸಾಧಿಸಿದೆ. ಸರ್ಕಾರದಿಂದ ಹೊಸ EV ಪ್ರೋತ್ಸಾಹಕ ಯೋಜನೆಗೆ ಸುಗಮ ಪರಿವರ್ತನೆಗಾಗಿ ಎಲೆಕ್ಟ್ರಿಕ್ ವಾಹನ ರವಾನೆಗಳನ್ನು ಮಾಡರೇಟ್ ಮಾಡಲಾಗಿದೆ. ಎಲೆಕ್ಟ್ರಿಕ್ ವಾಹನಗಳು ಮಾರ್ಚ್ 2023 ರಲ್ಲಿ 15,364 ಯುನಿಟ್‌ಗಳ ಮಾರಾಟಕ್ಕೆ ಹೋಲಿಸಿದರೆ ಮಾರ್ಚ್ 2024 ರಲ್ಲಿ 15,250 ಯುನಿಟ್‌ಗಳ ಮಾರಾಟವನ್ನು ದಾಖಲಿಸಿದೆ.

ಅಂತರರಾಷ್ಟ್ರೀಯ ವ್ಯಾಪಾರ: ಮಾರ್ಚ್ 2023 ರಲ್ಲಿ 75,037 ಯುನಿಟ್‌ಗಳಿಂದ ಮಾರ್ಚ್ 2024 ರಲ್ಲಿ 91,972 ಯುನಿಟ್‌ಗಳ ಮಾರಾಟದೊಂದಿಗೆ ಕಂಪನಿಯ ಒಟ್ಟು ರಫ್ತುಗಳ ಮೂಲಕ ಶೇ23 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ದ್ವಿಚಕ್ರ ವಾಹನ ರಫ್ತುಗಳು ಶೇ26 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಮಾರಾಟವು ಮಾರ್ಚ್ 2023 ರಲ್ಲಿ 66,779 ಯುನಿಟ್‌ಗಳಿಂದ ಮಾರ್ಚ್ 2024 ರಲ್ಲಿ 83,4 ಯುನಿಟ್‌ಗಳಿಗೆ ಏರಿಕೆಯಾಗಿದೆ.

2023-24 ರ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ, ಕಂಪನಿಯ ದ್ವಿಚಕ್ರ ವಾಹನ ವಿಭಾಗವು ಶೇ 23 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. 2022-23 ರ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ 8.40 ಲಕ್ಷ ಯುನಿಟ್‌ಗಳಿಂದ ಈಗ 10.32 ಲಕ್ಷ ಯುನಿಟ್‌ಗಳ ಏರಿಕೆಯಾಗಿದೆ. 2023-24ನೇ ಹಣಕಾಸು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ 0.30 ಲಕ್ಷ ಯುನಿಟ್‌ಗಳ ಮಾರಾಟದೊಂದಿಗೆ ಕಂಪನಿಯ ತ್ರಿಚಕ್ರ ವಾಹನವು ಶೇ4 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ.

FY 2022-23 ರ ಕೊನೆಯ ತ್ರೈಮಾಸಿಕದಲ್ಲಿ 1.85 ಲಕ್ಷ ಯೂನಿಟ್‌ಗಳಿಂದ ಪ್ರಸಕ್ತ ತ್ರೈಮಾಸಿಕದಲ್ಲಿ 2.50 ಲಕ್ಷ ಯುನಿಟ್‌ಗಳಿಗೆ ಮಾರಾಟವಾಗುವುದರೊಂದಿಗೆ ಒಟ್ಟು ರಫ್ತುಗಳು ಶೇ40 ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಒಟ್ಟಾರೆ ಟಿವಿಎಸ್ ಕಳೆದ ಆರ್ಥಿಕ ವರ್ಷಕ್ಕೆ ಹೋಲಿಸಿದರೆ ಉತ್ತಮ ಬೆಳವಣಿಗೆ ಕಂಡಿದ್ದು, ತನ್ನ ಉತ್ತಮ ಮಾರಾಟ ಅಂಕಿ ಅಂಶಗಳನ್ನು ಮುಂದುವರಿಸಿದೆ.