Ultraviolette: ಕನ್ನಡಿಗರು ನಿರ್ಮಿಸಿದ ಬೈಕ್ 40 ದೇಶಗಳಲ್ಲಿ ಬಿಡುಗಡೆಗೆ ಸಜ್ಜು... ವಿಶ್ವವೇ ತಿರುಗಿ ನೋಡುತ್ತಿದೆ!

ಬೆಂಗಳೂರು ಮೂಲದ ಜನಪ್ರಿಯ ಎಲೆಕ್ಟ್ರಿಕ್ ದ್ವಿಚಕ್ರವಾಹನ ತಯಾರಕರಾದ ಅಲ್ಟ್ರಾವೈಲೆಟ್ ಕಂಪನಿಯು ತನ್ನ 'F77 MACH 2' ಮೋಟಾರ್‌ಸೈಕಲ್ ಅನ್ನು ಯುನೈಟೆಡ್ ನೇಷನ್ಸ್ ಎಕನಾಮಿಕ್ ಕಮಿಷನ್ ಫಾರ್ ಯುರೋಪ್ (UNECE)' ನಿಯಂತ್ರಣದ ಅಡಿಯಲ್ಲಿ ಜಾಗತಿಕ ಪ್ರಮಾಣೀಕರಣವನ್ನು ಸಾಧಿಸಿರುವುದಾಗಿ ಘೋಷಿಸಿದೆ. ಕಂಪನಿಯು L3e ಪ್ರಮಾಣೀಕರಣವನ್ನು ಸ್ವೀಕರಿಸಿದ್ದು, ಯುರೋಪಿಯನ್ ಯೂನಿಯನ್ ಸೇರಿದಂತೆ ವಿಶ್ವದಾದ್ಯಂತ 40 ದೇಶಗಳಲ್ಲಿ ರಸ್ತೆ ಬಳಕೆಗೆ ಅನುಮೋದನೆಯನ್ನು ಪಡೆದಿದೆ. ಈ ಸಾಧನೆಯು ಜಾಗತಿಕ ಮಟ್ಟದಲ್ಲಿ ಭಾರತದ ಅತ್ಯಾಧುನಿಕತೆ ಮತ್ತು ಇಂಜಿನಿಯರಿಂಗ್ ಅನ್ನು ಸಾಭೀತು ಪಡಿಸಿದೆ ಎಂದು ಅಲ್ಟ್ರಾವೈಲೆಟ್ ಹೇಳಿದೆ.

ಈ ಮೋಟಾರ್‌ಸೈಕಲ್ ಅನ್ನು ಬೆಂಗಳೂರಿನ ಅಲ್ಟ್ರಾವೈಲೆಟ್ ಅತ್ಯಾಧುನಿಕ ಸೌಲಭ್ಯದಲ್ಲಿ ವಿನ್ಯಾಸಗೊಳಿಸಿ, ತಯಾರಿಸಲಾಗಿದೆ. F77 MACH 2 ಮೋಟಾರ್‌ಸೈಕಲ್ ಜಾಗತಿಕ ಗುಣಮಟ್ಟ, ಸುರಕ್ಷತೆ ಮತ್ತು ಪರ್ಫಾಮೆನ್ಸ್ ಹೊಂದಿದೆ. ಜರ್ಮನಿ ಮತ್ತು ಟರ್ಕಿಯನ್ನು ಅನುಸರಿಸಿ, ಅಲ್ಟ್ರಾವೈಲೆಟ್ ಯುರೋಪಿಯನ್ ಯೂನಿಯನ್‌ಗೆ ಸನ್ನಿಹಿತವಾಗಿ ರವಾನೆಯನ್ನು ಪ್ರಾರಂಭಿಸುತ್ತಿದೆ. EICMA 2024 ರಲ್ಲಿ ಅದರ ಪ್ರದರ್ಶನದ ನಂತರ ಹಲವಾರು ದೇಶಗಳಿಗೆ ರವಾನಿಸಲಾಗುವುದು.

ಈ ಮೋಟಾರ್‌ಸೈಕಲ್‌ ಅನ್ನು UNECE L3e ವರ್ಗದ ಅಡಿಯಲ್ಲಿ ಪ್ರಮಾಣೀಕರಿಸಲಾಗಿದ್ದು, F77 MACH 2 ಈಗ A1 ಮತ್ತು A2 ಪರವಾನಗಿ ಹೊಂದಿರುವವರಿಗೆ ರಸ್ತೆ ಬಳಕೆಗಾಗಿ ಅನುಮೋದಿಸಲಾಗಿದೆ. ಈ ಪ್ರಮಾಣೀಕರಣವು ಭಾರತದಲ್ಲಿನ ಕಂಪನಿಯ ಬೆಳವಣಿಗೆ ಮತ್ತು ವಿಸ್ತರಣೆಯನ್ನು ಪ್ರತಿಬಿಂಬಿಸುವ 'ಮೇಕ್ ಇನ್ ಇಂಡಿಯಾ ಫಾರ್ ದಿ ವರ್ಲ್ಡ್'ಗೆ ಅಲ್ಟ್ರಾವೈಲೆಟ್ ತಂತ್ರದೊಂದಿಗೆ ಹೊಂದಿಕೆಯಾಗುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಇತ್ತೀಚೆಗೆ, ಯುರೋಪ್‌ಗೆ F77 MACH 2 ಮೋಟಾರ್‌ಸೈಕಲ್ ಅನ್ನು ರಫ್ತು ಮಾಡಲು ಕೇಂದ್ರ ಬೃಹತ್ ಕೈಗಾರಿಕೆ ಸಚಿವರಾದ ಹೆಚ್.ಡಿ. ಕುಮಾರಸ್ವಾಮಿ ಹಾಗೂ ರಾಜ್ಯ ಕೈಗಾರಿಕೆ ಮತ್ತು ವಾಣಿಜ್ಯ ಸಚಿವರಾದ ಎಂ.ಬಿ. ಪಾಟೀಲ್ ಅವರು ಚಾಲನೆ ನೀಡಿದ್ದರು. ಅಲ್ಟ್ರಾವೈಲೆಟ್ F77 MACH 2 ಮೋಟಾರ್‌ಸೈಕಲ್ ಅದರ ನವೀನ ವಿಧಾನ ಮತ್ತು ಎಲೆಕ್ಟ್ರಿಕ್ ವಾಹನ ಕ್ರಾಂತಿಗೆ ಕೊಡುಗೆಗಳಿಗಾಗಿ 'ಭಾರತದ ಟೆಸ್ಲಾ' ಎಂದು ಶ್ಲಾಘಿಸಿದ್ದರು.

ಅಲ್ಟ್ರಾವೈಲೆಟ್ ಸಿಇಒ ನಾರಾಯಣ ಸುಬ್ರಮಣ್ಯಂ ಮಾತನಾಡಿ, "ಈ ಅಂತರರಾಷ್ಟ್ರೀಯ ಪ್ರಮಾಣೀಕರಣವನ್ನು ಸಾಧಿಸಿರುವುದು ಹೆಮ್ಮೆಯಾಗಿದೆ, ಈ ಮೂಲಕ ನಮ್ಮ ಮೋಟಾರ್‌ಸೈಕಲ್ ಖರೀದಿಸಲು ಜಾಗತಿಕ ಗ್ರಾಹಕರಿಗೆ ಬಾಗಿಲು ತೆರೆದಂತಾಗಿದೆ. ಈ ಪ್ರಮಾಣೀಕರಣವು ಕೇವಲ ನಿಯಂತ್ರಕ ಮೈಲಿಗಲ್ಲು ಮಾತ್ರವಲ್ಲ, ನಮ್ಮ ಪ್ರತಿಬಿಂಬವಾಗಿದೆ. ವಿನ್ಯಾಸ-ನೇತೃತ್ವದ ಕಾರ್ಯಕ್ಷಮತೆಯಲ್ಲಿ ವಿಶ್ವ ದರ್ಜೆಯ ಮಾನದಂಡಗಳ ನಿರಂತರ ಅನ್ವೇಷಣೆಯು ಯುರೋಪಿನ ಬೇಡಿಕೆಯ ಮಾರುಕಟ್ಟೆಗಳಿಗೆ ಈ ಅದ್ಭುತ ವಾಹನವನ್ನು ಪರಿಚಯಿಸಲು ನಾವು ರೋಮಾಂಚನಗೊಂಡಿದ್ದೇವೆ ಎಂದರು.

CTO ಮತ್ತು Ultraviolet ಸಹ-ಸಂಸ್ಥಾಪಕ ನಿರಾಜ್ ರಾಜ್ ಮೋಹನ್ ಮಾತನಾಡಿ, "ಜಾಗತಿಕವಾಗಿ ಸ್ಪರ್ಧಾತ್ಮಕ ಮೋಟಾರ್‌ಸೈಕಲ್ ಪ್ಲಾಟ್‌ಫಾರ್ಮ್‌ಗಳನ್ನು ರಚಿಸುವುದು ನಮ್ಮ ದೃಷ್ಟಿಯಾಗಿದೆ. ಈ ಜಾಗತಿಕ ಪ್ರಮಾಣೀಕರಣವು ಭಾರತದಲ್ಲಿ ವಿನ್ಯಾಸಗೊಳಿಸಿದ ವಿಶ್ವದರ್ಜೆಯ ಉನ್ನತ ಕಾರ್ಯಕ್ಷಮತೆಯ ಎಲೆಕ್ಟ್ರಿಕ್ ವಾಹನಗಳನ್ನು ತಲುಪಿಸುವ ನಮ್ಮ ಬದ್ಧತೆಯನ್ನು ಒತ್ತಿಹೇಳುತ್ತದೆ. F77 MACH 2 ಮೋಟಾರ್‌ಸೈಕಲ್ ಜಾಗತಿಕ ಮಟ್ಟದಲ್ಲಿ ಭವಿಷ್ಯದ ಎಲೆಕ್ಟ್ರಿಕ್ ಮೊಬಿಲಿಟಿಯನ್ನು ಮರುವ್ಯಾಖ್ಯಾನಿಸುತ್ತದೆ ಎಂದು ನಂಬಿದ್ದೇವೆ ಎಂದರು.

ಕಂಪನಿಯ ಬಗ್ಗೆ: ಅಲ್ಟ್ರಾವೈಲೆಟ್ (UV) ಭವಿಷ್ಯದಲ್ಲಿ ಸಿದ್ಧವಾಗುವ ಎಲೆಕ್ಟ್ರಿಕ್ ವೆಹಿಕಲ್ ಪ್ಲಾಟ್‌ಫಾರ್ಮ್‌ಗಳು ಮತ್ತು ಬ್ಯಾಟರಿ ತಂತ್ರಜ್ಞಾನದಲ್ಲಿ ತೊಡಗಿಸಿಕೊಂಡಿದೆ. ಏವಿಯೇಷನ್ (ವೈಮಾನಿಕ) ವಿನ್ಯಾಸಗಳನ್ನು ಮೋಟಾರ್‌ಸೈಕಲ್‌ಗಳಲ್ಲಿ ಪರಿಚಯಿಸುವ ಮುಖ್ಯ ಗುರಿಯೊಂದಿಗೆ 2016 ರಲ್ಲಿ ಸಂಸ್ಥಾಪಕರಾದ ನಾರಾಯಣ್ ಸುಬ್ರಮಣ್ಯಂ ಮತ್ತು ನೀರಜ್ ರಾಜ್‌ಮೋಹನ್ ಈ ಕಂಪನಿಯನ್ನು ಸ್ಥಾಪಿಸಿದ್ದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.