Click it and Unblock the Notifications
ಭಾರತದಲ್ಲಿ ನಂ.1 ಆಗಲು ಎಥರ್ ಖಡಕ್ ಪ್ಲಾನ್: ಹೊಸ ಪಾಲುದಾರಿಕೆ ಘೋಷಣೆ... ಯಾರೊಂದಿಗೆ?
ಭಾರತದ ಪ್ರಮುಖ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾದ ಎಥರ್ ಎನರ್ಜಿ ಮತ್ತು ಸೆಮಿಕಂಡಕ್ಟರ್ ಪರಿಹಾರಗಳಲ್ಲಿ ಜಾಗತಿಕವಾಗಿ ಮುಂಚೂಣಿಯಲ್ಲಿರುವ ಇನ್ಫಿನಿಯನ್ ಟೆಕ್ನಾಲಜೀಸ್ ಏಷ್ಯಾ ಪೆಸಿಫಿಕ್ ಪ್ರೈವೇಟ್ ಲಿಮಿಟೆಡ್, ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನ (ಇವಿ) ಉದ್ಯಮದಲ್ಲಿ ಜಂಟಿಯಾಗಿ ನಾವೀನ್ಯತೆಯನ್ನು ಹೆಚ್ಚಿಸಲು ದಕ್ಷಿಣ ಕೊರಿಯಾದ ಸಿಯೋಲ್ನಲ್ಲಿ ತಿಳುವಳಿಕೆ ಒಪ್ಪಂದ (ಎಂಒಯು)ಕ್ಕೆ ಸಹಿ ಹಾಕಿವೆ. ಭಾರತದ ಬೆಳೆಯುತ್ತಿರುವ ಇವಿ ಪರಿಸರ ವ್ಯವಸ್ಥೆಗೆ ಕೊಡುಗೆ ನೀಡುವ ದೃಷ್ಟಿಯೊಂದಿಗೆ, ಲಘು ಎಲೆಕ್ಟ್ರಿಕ್ ವಾಹನಗಳು (ಎಲ್ಇವಿಗಳು), ಚಾರ್ಜಿಂಗ್ ಮೂಲಸೌಕರ್ಯ ಮತ್ತು ಸುರಕ್ಷತೆಯನ್ನು ಬೆಂಬಲಿಸಲು ಸೆಮಿಕಂಡಕ್ಟರ್ ತಂತ್ರಜ್ಞಾನಗಳನ್ನು ಮುಂದುವರಿಸುವುದರ ಮೇಲೆ ಈ ಸಹಯೋಗವು ಕೇಂದ್ರೀಕರಿಸುತ್ತದೆ.
ಈ ಪಾಲುದಾರಿಕೆಯು ವಿವಿಧ ತಂತ್ರಜ್ಞಾನಗಳು, ಮೈಕ್ರೋಕಂಟ್ರೋಲರ್ಗಳು ಮತ್ತು ಆಟೋಮೋಟಿವ್ ಸಂಬಂಧಿತ ಸೆನ್ಸಾರ್ಗಳ ಆಧಾರದ ಮೇಲೆ ಇನ್ಫಿನಿಯನ್ನಿಂದ ಅತ್ಯಾಧುನಿಕ ಸೆಮಿಕಂಡಕ್ಟರ್ಗಳನ್ನು ಬಳಸಿಕೊಳ್ಳುವ ಗುರಿಯನ್ನು ಹೊಂದಿದೆ. ಜೊತೆಗೆ ಅತ್ಯಾಧುನಿಕ LEV ಗಳನ್ನು (ಲೈಟ್ ಎಲೆಕ್ಟ್ರಿಕ್ ವಾಹನಗಳು) ವಿನ್ಯಾಸಗೊಳಿಸುವಲ್ಲಿ ಎಥರ್ ಪರಿಣತಿ ಹೊಂದಿದೆ. ಒಟ್ಟಾಗಿ ಈ ಕಂಪನಿಗಳು ವಿಶ್ವಾಸಾರ್ಹ ಮತ್ತು ವೆಚ್ಚ-ಪರಿಣಾಮಕಾರಿ ಇವಿಗಳನ್ನು ತಯಾರಿಸಲು ಕೆಲಸ ಮಾಡಲಿವೆ.
ಈ ಕುರಿತು ಮಾತನಾಡಿದ ಎಥರ್ ಎನರ್ಜಿಯ ಕಾರ್ಯನಿರ್ವಾಹಕ ನಿರ್ದೇಶಕ ಮತ್ತು ಸಿಟಿಒ ಸ್ವಪ್ನಿಲ್ ಜೈನ್, ಸೆಮಿಕಂಡಕ್ಟರ್ಗಳು ಮತ್ತು ಸಿಸ್ಟಮ್ ಪರಿಹಾರಗಳಲ್ಲಿ ಇನ್ಫಿನಿಯಾನ್ನ ನಾಯಕತ್ವವು ನಮ್ಮ ಎಂಜಿನಿಯರಿಂಗ್-ಮೊದಲ ವಿಧಾನದೊಂದಿಗೆ ಹೊಂದಿಕೆಯಾಗುವ ಆಳವಾದ ಪರಿಣತಿಯನ್ನು ತರುತ್ತದೆ. ಇನ್ಫಿನಿಯಾನ್ನೊಂದಿಗಿನ ನಮ್ಮ ಪಾಲುದಾರಿಕೆಯು ಚಾರ್ಜಿಂಗ್ನಿಂದ ಸುರಕ್ಷತೆಯವರೆಗೆ ಮತ್ತು ವೆಚ್ಚವನ್ನು ಕಡಿಮೆ ಮಾಡಲು ನಮಗೆ ಸಹಾಯ ಮಾಡಲು ಸಹಕಾರಿಯಾಗಲಿದೆ ಎಂದರು.
ಇನ್ಫಿನಿಯಾನ್ನ ಆಟೋಮೋಟಿವ್ನ ಕಾರ್ಯನಿರ್ವಾಹಕ ಉಪಾಧ್ಯಕ್ಷ ಮತ್ತು ಮುಖ್ಯ ಮಾರಾಟ ಅಧಿಕಾರಿ ಪೀಟರ್ ಸ್ಕೇಫರ್ ಮಾತನಾಡಿ "ಭಾರತವು ಜಾಗತಿಕವಾಗಿ ವೇಗವಾಗಿ ಬೆಳೆಯುತ್ತಿರುವ ಇವಿ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ನಮ್ಮ ಸುಧಾರಿತ SiC ಮತ್ತು GaN ತಂತ್ರಜ್ಞಾನಗಳು ಹೆಚ್ಚಿನ ಕಾರ್ಯಕ್ಷಮತೆಯ ಎಲೆಕ್ಟ್ರಿಕ್ ವಾಹನಗಳನ್ನು ತರಲು ಸಹಾಯ ಮಾಡುತ್ತದೆ. ಈ ಪಾಲುದಾರಿಕೆಯು 2030 ರ ವೇಳೆಗೆ ಇವಿಗಳಿಗೆ 30 ಪ್ರತಿಶತ ಮಾರಾಟ ಪಾಲನ್ನು ತಲುಪುವ ಭಾರತದ ಗುರಿಗೆ ಅರ್ಥಪೂರ್ಣವಾಗಿದೆ ಎಂದರು.
ಏನಿದು ಸೆಮಿಕಂಡಕ್ಟರ್?: ಆಧುನಿಕ ಎಲೆಕ್ಟ್ರಾನಿಕ್ಸ್ನಲ್ಲಿ ಸೆಮಿಕಂಡಕ್ಟರ್ಗಳು ಅತ್ಯಗತ್ಯ ಅಂಶಗಳಾಗಿವೆ. ಈ ಸೆಮಿಕಂಡಕ್ಟರ್ ಗಳನ್ನು ಸ್ಮಾರ್ಟ್ಫೋನ್ಗಳು, ಲ್ಯಾಪ್ಟಾಪ್ಗಳು, ಟ್ಯಾಬ್ಲೆಟ್ಗಳು ಮತ್ತು ಟಿವಿಗಳಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ. ಇವು ಎಲೆಕ್ಟ್ರಿಕ್ ಸಾಧನಗಳ ಬೆನ್ನೆಲುಬಾಗಿ ಕಾರ್ಯನಿರ್ವಹಿಸುತ್ತವೆ, ಸಂಸ್ಕರಣೆ, ಸಂಗ್ರಹಣೆ ಮತ್ತು ಸಂವಹನ ಕಾರ್ಯಗಳಿಗೆ ಆಧಾರವಾಗಿವೆ. ವಾಹನಗಳಲ್ಲಿಯೂ ಇನ್ಫೋಟೈನ್ಮೆಂಟ್ ಸಿಸ್ಟಮ್ಗೆ ಇದು ಪ್ರಮುಖ ಆಧಾರವಾಗಿದೆ.
ಸೆಮಿಕಂಡಕ್ಟರ್ಗಳನ್ನು ಕಂಪ್ಯೂಟರ್ಗಳ ಮೈಕ್ರೊಪ್ರೊಸೆಸರ್ಗಳು ಮತ್ತು ಮೆಮೊರಿ ಚಿಪ್ಗಳಲ್ಲಿ ಬಳಸಲಾಗುತ್ತದೆ. ವೈಯಕ್ತಿಕ ಕಂಪ್ಯೂಟರ್ಗಳು ಮತ್ತು ಸರ್ವರ್ಗಳ ಕಾರ್ಯಾಚರಣೆಗೆ ಇವು ನಿರ್ಣಾಯಕವಾಗಿವೆ. ಹಾಗೆಯೇ ರೂಟರ್ಗಳು ಮತ್ತು ಸ್ವಿಚ್ಗಳು ಸೇರಿದಂತೆ ಸಂವಹನ ಸಾಧನಗಳಿಗೆ ಅವಿಭಾಜ್ಯವಾಗಿದ್ದು, ಇಂಟರ್ನೆಟ್ ಮತ್ತು ಮೊಬೈಲ್ ನೆಟ್ವರ್ಕ್ಗಳ ಮೂಲಕ ಡೇಟಾ ಪ್ರಸರಣವನ್ನು ಸುಗಮಗೊಳಿಸುತ್ತದೆ.
ಆಧುನಿಕ ವಾಹನಗಳಲ್ಲಿ ಟೆಕ್ನಾಲಜಿಯನ್ನು ಹೇರಳವಾಗಿ ಬಳಸುತ್ತಿರುವ ಕಾರಣ ಎಲೆಕ್ಟ್ರಾನಿಕ್ ನಿಯಂತ್ರಣ ವ್ಯವಸ್ಥೆಗಳು, ಸೆನ್ಸಾರ್ಗಳು ಮತ್ತು ಇನ್ಫೋಟೈನ್ಮೆಂಟ್ ಸಿಸ್ಟಮ್ಗಳಿಗಾಗಿ ಸೆಮಿಕಂಡಕ್ಟರ್ ಮೇಲೆ ಹೆಚ್ಚು ಕಾರು ತಯಾರಕರು ಇವುಗಳ ಮೇಲೆ ಅವಲಂಬಿತವಾಗಿದ್ದಾರೆ. ಇವು ವಾಹನ ಕಾರ್ಯಕ್ಷಮತೆ, ಸುರಕ್ಷತೆ ಮತ್ತು ಸಂಪರ್ಕವನ್ನು ಹೆಚ್ಚಿಸುತ್ತವೆ. ವೈದ್ಯಕೀಯ ರಂಗದಲ್ಲೂ ಇಮೇಜಿಂಗ್ ಸಾಧನಗಳು, ರೋಗನಿರ್ಣಯ ಸಾಧನಗಳು ಮತ್ತು ಪೇಸ್ಮೇಕರ್ಗಳು ಮತ್ತು ಇನ್ಸುಲಿನ್ ಪಂಪ್ಗಳಂತಹ ಅಳವಡಿಸಬಹುದಾದ ತಂತ್ರಜ್ಞಾನಗಳಂತಹ ವಿವಿಧ ವೈದ್ಯಕೀಯ ಉಪಕರಣಗಳಲ್ಲಿ ಬಳಸಲಾಗುತ್ತದೆ.
ಡ್ರೈವ್ಸ್ಪಾರ್ಕ್ ಕನ್ನಡ ವೆಬ್ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್ ಬುಕ್, ಇನ್ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.
Continue with Google