Best EV Bikes: 1 ರೂ. ಖರ್ಚಿಲ್ಲದೆ ನಿತ್ಯ 100 ಕಿ.ಮೀ ಓಡಿಸಬಹದು: ಫುಲ್ ಡಿಮ್ಯಾಂಡ್, ಬೆಸ್ಟ್ ಇವಿಗಳು!

ಭಾರತದಲ್ಲಿ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ವಿಭಾಗವು ಭಾರೀ ಬೇಡಿಕೆಯೊಂದಿಗೆ ಮುನ್ನುಗ್ಗುತ್ತಿದೆ. ಕೇವಲ ಸ್ಕೂಟರ್‌ಗಳು ಮಾತ್ರವಲ್ಲ ಇವಿ ಬೈಕ್‌ಗಳು ಕೂಡ ಗ್ರಾಹಕರಲ್ಲಿ ತುಂಬಾ ಜನಪ್ರಿಯತೆ ಗಳಿಸುತ್ತಿವೆ. ಅಗ್ಗದ ಬೆಲೆ, ಕಡಿಮೆ ನಿರ್ವಹಣ ವೆಚ್ಚ ಎಲ್ಲದಕ್ಕಿಂತ ಮುಖ್ಯವಾಗಿ ಪೆಟ್ರೋಲ್ ಖರ್ಚು ಇಲ್ಲದಿರುವುದರಿಂದ ಎಲೆಕ್ಟ್ರಿಕ್ ವಾಹನಗಳು ವೇಗವಾಗಿ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸುತ್ತಿವೆ. ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಈ ವಿಭಾಗದಲ್ಲಿ ಹೆಚ್ಚು ಸದ್ದು ಮಾಡುತ್ತಿವೆ, ಆದರೆ ಮಾರುಕಟ್ಟೆಯಲ್ಲಿ ಎಲ್ಲಾ ಎಲೆಕ್ಟ್ರಿಕ್ ಮೋಟಾರ್ ಸೈಕಲ್‌ಗಳು ಸಹ ಲಭ್ಯವಿದೆ. 1 ಲಕ್ಷ ರೂ.ಗಿಂತ ಕಡಿಮೆ ಬೆಲೆಯ ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ಮೋಟಾರ್ ಸೈಕಲ್‌ಗಳ ಪಟ್ಟಿ ಇಲ್ಲಿದೆ.

ರಿವೋಲ್ಟ್ RV1: ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ಬೈಕ್ ಪಟ್ಟಿಯಲ್ಲಿ ಕೇವಲ 90,000 ರೂ. (ಎಕ್ಸ್‌ ಶೋರೂಂ)ಗೆ ರಿವೋಲ್ಟ್ ಮೋಟಾರ್ಸ್ ಕಂಪನಿಯ ತನ್ನ RV1 ಬೈಕ್ ನೀಡುತ್ತಿದೆ. ಕಂಪನಿಯು ಈ ಎಲೆಕ್ಟ್ರಿಕ್ ಮೋಟಾರ್ ಸೈಕಲ್ ಮತ್ತು ಬ್ಯಾಟರಿಯ ಮೇಲೆ 5 ವರ್ಷ ಅಥವಾ 75,000 ಕಿ.ಮೀ ವಾರಂಟಿಯನ್ನು ನೀಡುತ್ತಿದೆ. ಇದಲ್ಲದೆ, ಚಾರ್ಜರ್ ಮೇಲೆ 2 ವರ್ಷಗಳ ವಾರಂಟಿ ಇದೆ.

ರಿವೋಲ್ಟ್ RV1 ಮೋಟಾರ್‌ಸೈಕಲ್ ಕೇವಲ 2 ಗಂಟೆ 15 ನಿಮಿಷಗಳಲ್ಲಿ ಶೇ80 ರಷ್ಟು ಚಾರ್ಜ್ ಆಗುತ್ತದೆ. ಇದು ಸಂಪೂರ್ಣ ಚಾರ್ಜ್ ಆದರೆ ಬರೋಬ್ಬರಿ 100 ಕಿ.ಮೀ ಓಡಿಸಬಹುದು ಎಂದು ಕಂಪನಿ ತಿಳಿಸಿದೆ. ಇದರಲ್ಲಿ 2.2 ಕಿಲೋವ್ಯಾಟ್ ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಹಾಗೂ 2.8 ಕಿಲೋವ್ಯಾಟ್ ಮೋಟರ್ ಅನ್ನು ಅಳವಡಿಸಲಾಗಿದೆ.

ಒಬೆನ್ ರೋರ್ ಇಝಡ್: ಒಬೆನ್ ರೋರ್ ಇಝಡ್ 2.6 ಕಿಲೋವ್ಯಾಟ್ ಬ್ಯಾಟರಿ ಪ್ಯಾಕ್‌ನ ಬೈಕ್ ಬೆಲೆಯು 90,000 ರೂ. (ಎಕ್ಸ್‌ ಶೋರೂಂ) ಇದೆ. ಇದರ ಬ್ಯಾಟರಿಯನ್ನು ಒಮ್ಮೆ ಚಾರ್ಜ್ ಮಾಡಿದರೆ 110 ಕಿ.ಮೀ ಓಡಿಸಬಹುದು. ಕೇವಲ 2 ಗಂಟೆಗಳಲ್ಲಿ ಶೇ80 ವರೆಗೆ ಚಾರ್ಜ್ ಆಗುತ್ತದೆ. 8 ವರ್ಷಗಳು ಅಥವಾ 80,000 ಕಿ.ಮೀ ಕ್ಲಾಸ್-ಲೀಡಿಂಗ್ ಬ್ಯಾಟರಿ ವಾರಂಟಿಯನ್ನು ಹೊಂದಿದೆ.

ಓಲಾ ರೋಡ್ ಸ್ಟರ್ ಎಕ್ಸ್: ಓಲಾ ಎಲೆಕ್ಟ್ರಿಕ್ ರೋಡ್ ಸ್ಟರ್ ಎಕ್ಸ್ 2.5 ಕಿಲೋವ್ಯಾಟ್ ಬ್ಯಾಟರಿ ಪ್ಯಾಕ್ ಹೊಂದಿರುವ ಬೈಕ್ ಬೆಲೆಯು 99,999 ರೂ. (ಎಕ್ಸ್‌ ಶೋರೂಂ) ಇದೆ. ಓಲಾ ಎಲೆಕ್ಟ್ರಿಕ್ 3 ವರ್ಷ ಅಥವಾ 50,000 ಕಿ.ಮೀ ಬ್ಯಾಟರಿ ವಾರಂಟಿಯನ್ನು ನೀಡುತ್ತಿದೆ.

ಚಾರ್ಜಿಂಗ್ ವಿಷಯಕ್ಕೆ ಬಂದರೆ, ಒಮ್ಮೆ ಈ ಬೈಕ್ ಅನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಿದರೆ 140 ಕಿ.ಮೀ ಓಡಿಸಬಹುದು. ಇದು 6.2 ಗಂಟೆಗಳಲ್ಲಿ ಶೇ 80 ರಷ್ಟು ಚಾರ್ಜ್ ಆಗುತ್ತದೆ. ಇದರ ಮೋಟಾರ್ 7 ಕಿಲೋವ್ಯಾಟ್ (9.4 ಬಿಎಚ್ ಪವರ್) ಹೊಂದಿದೆ. ಈ ಬೈಕ್ ಕೇವಲ 3.4 ಸೆಕೆಂಡುಗಳಲ್ಲಿ 40 ಕಿ.ಮೀ ವೇಗವನ್ನು ತಲುಪುವ ಸಾಮರ್ಥ್ಯ ಹೊಂದಿದೆ.

ಪ್ಯೂರ್ ಇವಿ ಇಕೋ ಡ್ರೈಫ್ಟ್ ಝಡ್: ಪ್ಯೂರ್ ಇವಿ ಕಂಪನಿಯ ಇಕೋ ಡ್ರೈಫ್ಟ್ ಝಡ್ ಬೈಕ್ ಬೆಲೆಯು 99,999 ರೂ. (ಎಕ್ಸ್‌ ಶೋರೂಂ) ಇದೆ. 3 ಕಿಲೋವ್ಯಾಟ್ ಬ್ಯಾಟರಿ ಹೊಂದಿದ್ದು, ಇದು ಡ್ರೈವ್, ಕ್ರಾಸ್‌ ಓವರ್, ಥ್ರಿಲ್ ಎಂಬ ಮೂರು ರೈಡ್ ಮೋಡ್ ಗಳಲ್ಲಿ ಲಭ್ಯವಿದೆ. ಇದು 3 ಗಂಟೆಗಳಲ್ಲಿ ಶೇ 80 ರಷ್ಟು ಮತ್ತು 6 ಗಂಟೆಗಳಲ್ಲಿ ಶೇ100 ರಷ್ಟು ಚಾರ್ಜ್ ಆಗುತ್ತದೆ. ಈ ಮೋಟಾರ್ ಸೈಕಲ್ 80 ಮೈಲಿ ಟಾಪ್ ಸ್ಪೀಡ್ ಹೊಂದಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.