Ducati: ಹೊಸ ಪವರ್‌ಫುಲ್ ಡುಕಾಟಿ ಮಲ್ಟಿಸ್ಟ್ರಾಡಾ V2 ಮೋಟಾರ್‌ಸೈಕಲ್ ಬಿಡುಗಡೆ

ಐಷಾರಾಮಿ ಮೋಟಾರ್‌ಸೈಕಲ್ ಬ್ರಾಂಡ್ ಡುಕಾಟಿ ಇಂದು ಹೊಚ್ಚ ಹೊಸ 2025 ಮಲ್ಟಿಸ್ಟ್ರಾಡಾ V2 (2025 Multistrada V2) ಅನ್ನು ಬಿಡುಗಡೆ ಮಾಡಿದೆ. ಇದು ಟ್ವಿನ್-ಸಿಲಿಂಡರ್ ಎಂಜಿನ್‌ನ ಬಹುಮುಖತೆಯನ್ನು ಇಷ್ಟಪಡುವವರಿಗಾಗಿ ವಿಶೇಷವಾಗಿ ವಿನ್ಯಾಸಗೊಂಡಿದ್ದು, ಎಲ್ಲಾ ರೀತಿಯ ರಸ್ತೆಗಳಲ್ಲಿ ಉಲ್ಲಾಸಕರ ಸವಾರಿ ಅನುಭವ ನೀಡುತ್ತದೆ. ಇದು ತನ್ನ ವಿಭಾಗದಲ್ಲಿಯೇ ಮುಂದುವರಿದ ತಂತ್ರಜ್ಞಾನ, ಅತ್ಯಾಧುನಿಕ ರೈಡರ್ ಅಸಿಸ್ಟ್‌ಗಳು ಮತ್ತು ಸಾಟಿಯಿಲ್ಲದ ಪವರ್ ಹೊಂದಿದೆ ಎಂದು ಕಂಪನಿ ಹೇಳಿದೆ.

2025 ಮಲ್ಟಿಸ್ಟ್ರಾಡಾ V2 ಸ್ಪೋರ್ಟಿ ಡಿಸೈನ್‌ನೊಂದಿಗೆ ಮಲ್ಟಿಸ್ಟ್ರಾಡಾ V4 ನಿಂದ ಸ್ಫೂರ್ತಿ ಪಡೆದ ಹೊಸ ಹೆಡ್‌ಲೈಟ್‌ಗಳು ಮತ್ತು DRL, ಆಕ್ರಮಣಕಾರಿ ಮುಂಭಾಗದ ನೋಟವನ್ನು ಹೊಂದಿದೆ. ಹೊಸ ಸೈಲೆನ್ಸರ್ ತೀಕ್ಷ್ಣವಾದ ಆಕಾರ ಮತ್ತು ಇನ್ನೂ ಹೆಚ್ಚು ಕಸ್ಟಮಯಸ್ಡ್ ಸೌಂಡ್ ಹೊಂದಿದೆ. ತನ್ನ ಹೆಸರಿಗೆ ತಕ್ಕಂತೆ, ಮಲ್ಟಿಸ್ಟ್ರಾಡಾ V2 S ಎಲ್ಲಾ ರಸ್ತೆಗಳನ್ನು ನಿಭಾಯಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಸುರಕ್ಷತೆ ಮತ್ತು ತಂತ್ರಜ್ಞಾನ: ಹೊಸ ಮಲ್ಟಿಸ್ಟ್ರಾಡಾ V2 ಮರುವಿನ್ಯಾಸಗೊಳಿಸಲಾದ ಹ್ಯಾಂಡಲ್‌ಬಾರ್ ಕಂಟ್ರೋಲ್‌ಗಳು ಮತ್ತು ಹೊಸ 5" TFT ಕಲರ್ ಡ್ಯಾಶ್‌ಬೋರ್ಡ್, ಮೂರು ವಿಭಿನ್ನ ಮಾಹಿತಿ ವಿಧಾನಗಳನ್ನು ಆಧರಿಸಿ ಸಂಪೂರ್ಣವಾಗಿ ನವೀಕರಿಸಿದ ಬಹುಭಾಷಾ ಇಂಟರ್ಫೇಸ್‌ನೊಂದಿಗೆ ಬರುತ್ತದೆ. ಲಭ್ಯವಿರುವ ಐದು ರೈಡಿಂಗ್ ಮೋಡ್‌ಗಳು (ಸ್ಪೋರ್ಟ್, ಟೂರಿಂಗ್, ಅರ್ಬನ್, ಎಂಡ್ಯೂರೋ ಮತ್ತು ವೆಟ್) ಎಲ್ಲಾ ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳುತ್ತವೆ.

ರೈಡಿಂಗ್ ಮೋಡ್‌ಗಳು, ಸಹಜವಾಗಿ, ಕಾರ್ನರಿಂಗ್ ABS, ಡುಕಾಟಿ ಟ್ರಾಕ್ಷನ್ ಕಂಟ್ರೋಲ್ (DTC), ಡುಕಾಟಿ ವೀಲಿ ಕಂಟ್ರೋಲ್ (DWC) ಮತ್ತು ಎಂಜಿನ್ ಬ್ರೇಕ್ ಕಂಟ್ರೋಲ್ (EBC) ಅನ್ನು ಪೂರ್ವ-ನಿರ್ಧರಿತ ಮಟ್ಟಗಳಿಗೆ ಹೊಂದಿಸುತ್ತವೆ. ಡ್ಯಾಶ್‌ಬೋರ್ಡ್‌ನಲ್ಲಿ ಸಂಯೋಜಿಸಲಾದ USB ಸಾಕೆಟ್, ಡುಕಾಟಿ ಬ್ರೇಕ್ ಲೈಟ್ EVO ಮತ್ತು V2 S ನ ಸಂದರ್ಭದಲ್ಲಿ, ಡುಕಾಟಿ ಮಲ್ಟಿಮೀಡಿಯಾ ಸಿಸ್ಟಮ್‌ನೊಂದಿಗೆ ಪ್ರಮಾಣಿತವಾಗಿ ಸಜ್ಜುಗೊಂಡಿದೆ.

ಎಂಜಿನ್: ಹೊಸ ಮಲ್ಟಿಸ್ಟ್ರಾಡಾ V2 ಎಂಜಿನ್‌, 90° V-ಟ್ವಿನ್, 890 cc, IVT ವೇರಿಯಬಲ್ ಇನ್‌ಟೇಕ್ ವಾಲ್ವ್ ಟೈಮಿಂಗ್ ಮತ್ತು ಡಿಸ್ಟ್ರಿಬ್ಯೂಷನ್ ಜೊತೆಗೆ ಕಾಯಿಲ್ ಸ್ಪ್ರಿಂಗ್ ವಾಲ್ವ್ ರೀಕಾಲ್ ಹೊಂದಿದೆ. ಈ ಹೊಸ ಎಂಜಿನ್, ಅತ್ಯಂತ ಹಗುರವಾಗಿರುತ್ತದೆ - ಕೇವಲ 54.9 ಕೆ.ಜಿ ತೂಕವಿದೆ. 10,750 rpm ನಲ್ಲಿ 115 hp ಪವರ್ ಮತ್ತು 8,250 rpm ನಲ್ಲಿ 92 Nm ಟಾರ್ಕ್ ಅನ್ನು ನೀಡುತ್ತದೆ.

ಲಭ್ಯತೆ: 2025 ರ ಡುಕಾಟಿ ಮಲ್ಟಿಸ್ಟ್ರಾಡಾ V2 ಮಾಡೆಲ್ ಬೈಕ್ ಇಂದಿನಿಂದ (ಅಕ್ಟೋಬರ್ 27) ಭಾರತದ ಎಲ್ಲಾ ಡೀಲರ್‌ಶಿಪ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ. ಮಲ್ಟಿಸ್ಟ್ರಾಡಾ V2 (ಡುಕಾಟಿ ರೆಡ್) ಮತ್ತು ಮಲ್ಟಿಸ್ಟ್ರಾಡಾ V2 S (ಡುಕಾಟಿ ರೆಡ್ ಮತ್ತು ಸ್ಟಾರ್ಮ್ ಗ್ರೀನ್) ಆಯ್ಕೆಗಳಲ್ಲಿ ಸಿಗಲಿದೆ. ಬೆಲೆಯು (ಎಲ್ಲಾ ಬೆಲೆಗಳು ಎಕ್ಸ್-ಶೋರೂಂ) ಈ ಕೆಳಗಿನಂತಿದೆ.

ಮಲ್ಟಿಸ್ಟ್ರಾಡಾ V2 ಡುಕಾಟಿ ರೆಡ್ - ರೂ. 18,88,000

ಮಲ್ಟಿಸ್ಟ್ರಾಡಾ V2 S ಡುಕಾಟಿ ರೆಡ್ - ರೂ. 20,99,800

ಮಲ್ಟಿಸ್ಟ್ರಾಡಾ V2 S ಸ್ಟಾರ್ಮ್ ಗ್ರೀನ್ - ರೂ. 21,29,700

ಮುಖ್ಯ ವೈಶಿಷ್ಟ್ಯಗಳು: ಡುಕಾಟಿ ರೆಡ್, ಸ್ಟಾರ್ಮ್ ಗ್ರೀನ್ ಬಣ್ಣಗಳಲ್ಲಿ ಲಭ್ಯ. ಅಲ್ಯೂಮಿನಿಯಂ ಮಾನೋಕೋಕ್ ಫ್ರೇಮ್ ಹೊಂದಿದ್ದು, 19-ಲೀಟರ್ ಇಂಧನ ಟ್ಯಾಂಕ್ ನೀಡಲಾಗಿದೆ. 19 ಇಂಚಿನ ಮುಂಭಾಗ ಮತ್ತು ಹಿಂಭಾಗದಲ್ಲಿ 17 ಇಂಚಿನ ಅಲ್ಯೂಮಿನಿಯಂ ರಿಮ್‌ಗಳನ್ನು ನೀಡಲಾಗಿದೆ. ಡಬಲ್ 320 mm ಮುಂಭಾಗದ ಡಿಸ್ಕ್ ಮತ್ತು 265 mm ಹಿಂಭಾಗದ ಡಿಸ್ಕ್‌ನೊಂದಿಗೆ ಬ್ರೆಂಬೊ ಬ್ರೇಕಿಂಗ್ ಸಿಸ್ಟಮ್ ಹೊಂದಿದೆ.

ಪಿರೆಲ್ಲಿ ಸ್ಕಾರ್ಪಿಯಾನ್ ಟ್ರಯಲ್ II ಟೈರ್‌ಗಳು, 6-ಆಕ್ಸಿಸ್ ಇನರ್ಶಿಯಲ್ ಮಾಪನ ಘಟಕದೊಂದಿಗೆ ಇತ್ತೀಚಿನ-ಪೀಳಿಗೆಯ ಎಲೆಕ್ಟ್ರಾನಿಕ್ಸ್ ಪ್ಯಾಕೇಜ್ (6D IMU): ಕಾರ್ನರಿಂಗ್ ಕಾರ್ಯದೊಂದಿಗೆ ABS; ಡುಕಾಟಿ ಟ್ರಾಕ್ಷನ್ ಕಂಟ್ರೋಲ್ (DTC); ಡುಕಾಟಿ ವೀಲಿ ಕಂಟ್ರೋಲ್ (DWC); ಡುಕಾಟಿ ಕ್ವಿಕ್ ಶಿಫ್ಟ್ (DQS) 2.0; ಎಂಜಿನ್ ಬ್ರೇಕ್ ಕಂಟ್ರೋಲ್ (EBC) ಒದಗಿಸಲಾಗಿದೆ.