ಭಾರತದಲ್ಲಿ ಹೊಸ ಅಲೆ... ಇಂಡಿಯನ್ ಮೋಟಾರ್‌ಸೈಕಲ್ ಸ್ಕೌಟ್ ಲೈನ್ಅಪ್ ಬಿಡುಗಡೆ

ಅಮೆರಿಕಾ ಮೂಲದ ಮೋಟಾರ್‌ಸೈಕಲ್ ತಯಾರಕ ಕಂಪನಿಯಾದ 'ಇಂಡಿಯನ್', ತನ್ನ ಹೊಸ 2025 ಇಂಡಿಯನ್ ಸ್ಕೌಟ್ ಲೈನ್‌ಅಪ್‌ನ ಎಂಟು ವಿಶಿಷ್ಟ ಮಾಡಲ್‌ಗಳು, ಮೂರು ಬಹುಮುಖ ಟ್ರಿಮ್ ಹಂತಗಳು ಮತ್ತು 100 ಕ್ಕೂ ಹೆಚ್ಚು ಅಕ್ಸೆಸೊರಿಗಳ ಸಮಗ್ರ ಶ್ರೇಣಿಯನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಕೇವಲ ರೂ.12.99 ಲಕ್ಷದಿಂದ (ಎಕ್ಸ್ - ಶೋರೂಂ) ಪ್ರಾರಂಭವಾಗುವ ಹೊಸ ಸ್ಕೌಟ್ ಲೈನ್‌ಅಪ್‌ನೊಂದಿಗೆ, ಕೊನೆಗೂ ಭಾರತಕ್ಕೆ ಎಂಟ್ರಿ ಕೊಟ್ಟಿದೆ. ಪ್ರೀಮಿಯಂ ಅಮೇರಿಕನ್ ಎಂಜಿನಿಯರಿಂಗ್ ಮತ್ತು ಸ್ಪಷ್ಟ ವಿನ್ಯಾಸವನ್ನು ಭಾರತೀಯ ಸವಾರರಿಗೆ ಪರಿಚಯಿಸುತ್ತಿರುವುದಾಗಿ ಕಂಪನಿ ಹೇಳಿದೆ.

ಇಂಡಿಯನ್ ಸ್ಕೌಟ್ ಲೈನ್‌ಅಪ್‌ ಅನ್ನು ಎರಡು ಎಂಜಿನ್ ವಿಭಾಗಗಳಾಗಿ ವಿಂಗಡಿಸಲಾಗಿದೆ: ಸ್ಕೌಟ್ ಸಿಕ್ಸ್ಟಿ ಶ್ರೇಣಿಗೆ ಪವರ್‌ ತುಂಬುವ 999cc V - ಟ್ವಿನ್ ಎಂಜಿನ್‌ಗಳು ಮತ್ತು ಮುಖ್ಯ ಸ್ಕೌಟ್ ಶ್ರೇಣಿಗೆ ಪವರ್‌ ತುಂಬುವ 1250cc ಲಿಕ್ವಿಡ್ - ಕೂಲ್ಡ್ V - ಟ್ವಿನ್ ಎಂಜಿನ್‌ಗಳಾಗಿವೆ. ಈ ಎರಡೂ ಎಂಜಿನ್‌ಗಳ ಅಡಿಯಲ್ಲಿ ವಿವಿಧ ಮಾಡಲ್‌ಗಳು ಬರುತ್ತವೆ.

ವಿವರವಾಗಿ ಹೇಳುವುದಾದರೆ 85 hp ಪವರ್ ಉತ್ಪಾದಿಸುವ 999cc ಎಂಜಿನ್‌ನೊಂದಿಗೆ ಸ್ಕೌಟ್ ಸಿಕ್ಸ್ಟಿ ಬಾಬರ್, ಸ್ಪೋರ್ಟ್ ಸ್ಕೌಟ್ ಸಿಕ್ಸ್ಟಿ ಮತ್ತು ಸ್ಕೌಟ್ ಸಿಕ್ಸ್ಟಿ ಕ್ಲಾಸಿಕ್ ಬರುತ್ತವೆ. ಇನ್ನು 1250cc ಎಂಜಿನ್‌ನೊಂದಿಗೆ, ವೇರಿಯೆಂಟ್ ಅವಲಂಬಿಸಿ 106 hp ಪವರ್‌ ನಿಂದ 112.5 hp ಪವರ್‌ ಉತ್ಪಾದಿಸುವ ಸ್ಕೌಟ್ ಬಾಬರ್, ಸ್ಕೌಟ್ ಕ್ಲಾಸಿಕ್, ಸ್ಪೋರ್ಟ್ ಸ್ಕೌಟ್, ಸೂಪರ್ ಸ್ಕೌಟ್ ಮತ್ತು 101 ಸ್ಕೌಟ್ ಮಾಡಲ್‌ಗಳು ಬರುತ್ತವೆ.

ಫೀಚರ್ಸ್ ವಿಷಯಕ್ಕೆ ಬಂದರೆ ಹೊಸ ಟ್ಯೂಬ್ಯುಲರ್ ಸ್ಟೀಲ್ ಚಾಸಿಸ್, ಕ್ರೂಸ್ ಕಂಟ್ರೋಲ್, ಟ್ರಾಕ್ಷನ್ ಕಂಟ್ರೋಲ್ ಮತ್ತು ಮೂರು ರೈಡ್ ಮೋಡ್‌ಗಳಂತಹ ಆಧುನಿಕ ತಂತ್ರಜ್ಞಾನದೊಂದಿಗೆ ಬಹು ಟ್ರಿಮ್‌ಗಳು ಸೇರಿವೆ. ಸೂಪರ್ ಸ್ಕೌಟ್ ಸ್ಯಾಡಲ್‌ಬ್ಯಾಗ್‌ಗಳು ಮತ್ತು ಎತ್ತರದ ವೈಸರ್ ‌ನೊಂದಿಗೆ ಪ್ರವಾಸ-ಆಧಾರಿತವಾಗಿದೆ, ಹಾಗೆಯೇ 101 ಸ್ಕೌಟ್ ನವೀಕರಿಸಿದ ಸಸ್ಪೆನ್ಷನ್ ಮತ್ತು ಬ್ರೆಂಬೊ ಬ್ರೇಕ್‌ಗಳನ್ನು ಹೊಂದಿರುವ ಅತ್ಯಂತ ಸ್ಪೋರ್ಟಿ ಮಾಡಲ್ ಆಗಿದೆ.

ಇಂಡಿಯನ್ ಮೋಟಾರ್‌ ಸೈಕಲ್ ಸ್ಕೌಟ್ ಶ್ರೇಣಿಯನ್ನು ಪ್ರವೇಶ ಮಟ್ಟದ ಕ್ರೂಸರ್‌ಗಳಿಂದ ಪರ್ಫಾಮೆನ್ಸ್ ಮತ್ತು ಟೂರಿಂಗ್ ಮಾಡಲ್‌ಗಳವರೆಗೆ ಬಹುಮುಖ ಕೊಡುಗೆಯಾಗಿ ಇರಿಸಲಾಗಿದೆ. ಸ್ಕೌಟ್ ಶ್ರೇಣಿಯು ಹಾರ್ಲೆ-ಡೇವಿಡ್ಸನ್‌ನ ಸ್ಪೋರ್ಟ್‌ಸ್ಟರ್ ಶ್ರೇಣಿಯೊಂದಿಗೆ ಸ್ಪರ್ಧಿಸುತ್ತದೆ, ಕ್ಲಾಸಿಕ್ ಸ್ಟೈಲಿಂಗ್, ಘನ ಪವರ್‌ಟ್ರೇನ್‌ಗಳು ಮತ್ತು ಆಧುನಿಕ ವೈಶಿಷ್ಟ್ಯಗಳೊಂದಿಗೆ ಬಲವಾದ ಮೌಲ್ಯವನ್ನು ನೀಡುತ್ತದೆ.

ಇದೆಲ್ಲದರ ಜೊತೆಗೆ, ಪ್ರತಿಯೊಂದು ಬೈಕ್ ಬಹು ಟ್ರಿಮ್ ಹಂತಗಳಲ್ಲಿ ಲಭ್ಯವಿದೆ. ಸಿಕ್ಸ್ಟಿ ಮಾಡಲ್‌ಗಳು ಸ್ಟ್ಯಾಂಡರ್ಡ್ ಮತ್ತು ಲಿಮಿಟೆಡ್ ಎಂಬ ಎರಡು ಟ್ರಿಮ್ ಹಂತಗಳಲ್ಲಿ ಬರುತ್ತವೆ. ಸ್ಟ್ಯಾಂಡರ್ಡ್ ಮಾಡಲ್ ಡಿಜಿ-ಅನಲಾಗ್ ಗೇಜ್, ಆಲ್-ಎಲ್ಇಡಿ ಲೈಟಿಂಗ್, ಆಲ್-ಬ್ಲ್ಯಾಕ್ ಕಲರ್‌ವೇ ಮತ್ತು ಡ್ಯುಯಲ್-ಚಾನೆಲ್ ಎಬಿಎಸ್ ಅನ್ನು ಒಳಗೊಂಡಿವೆ.

ಇನ್ನು ಲಿಮಿಟೆಡ್ ಟ್ರಿಮ್ ವಿಷಯಕ್ಕೆ ಬಂದರೆ ಟ್ರಾಕ್ಷನ್ ಕಂಟ್ರೋಲ್, 3 ರೈಡಿಂಗ್ ಮೋಡ್‌ಗಳು (ಸ್ಪೋರ್ಟ್, ಸ್ಟ್ಯಾಂಡರ್ಡ್ ಮತ್ತು ಟೂರ್), ಕ್ರೂಸ್ ಕಂಟ್ರೋಲ್, ಇತರ ಪೇಂಟ್ ಸ್ಕೀಮ್‌ಗಳು ಮತ್ತು ಯುಎಸ್‌ಬಿ ಚಾರ್ಜರ್ ಅನ್ನು ಒಳಗೊಂಡಿದೆ. ಇದರ ಜೊತೆಗೆ, 101 ಸ್ಕೌಟ್ ಹೊರತುಪಡಿಸಿ ಎಲ್ಲಾ 1,250 ಸಿಸಿ ಸ್ಕೌಟ್ ಬೈಕ್‌ಗಳು ಲಿಮಿಟೆಡ್ + ಟೆಕ್ ಟ್ರಿಮ್ ಮಟ್ಟವನ್ನು ಪಡೆಯುತ್ತವೆ.

ಇದು ಡಿಜಿ-ಅನಲಾಗ್ ಡಿಸ್ಪ್ಲೇಯನ್ನು 4 - ಇಂಚಿನ ಟಚ್‌ಸ್ಕ್ರೀನ್ ಕಲರ್ ಟಿಎಫ್‌ಟಿ ಡಿಸ್ಪ್ಲೇಗೆ ಬದಲಾಯಿಸುತ್ತದೆ. ಕೀಲೆಸ್ ಇಗ್ನಿಷನ್ ಅನ್ನು ತರುತ್ತದೆ. ಈ ಟಿಎಫ್‌ಟಿ ಆನ್-ಬೋರ್ಡ್ ನ್ಯಾವಿಗೇಷನ್, ಟೋವಿಂಗ್/ಆಕ್ಸಿಡೆಂಟ್ ಅಲರ್ಟ್‌ಗಳು, ವೆಹಿಕಲ್ ಲೊಕೇಟರ್ ಮತ್ತು ಒಂದೆರಡು ವಿಭಿನ್ನ ಸ್ಕ್ರೀನ್ ಲೇಔಟ್‌ಗಳನ್ನು ಒಳಗೊಂಡಿದೆ.

ಸ್ಕೌಟ್ ಲೈನ್ ಅಪ್ ರೂ. 12.99 ಲಕ್ಷದಿಂದ ಪ್ರಾರಂಭವಾಗಿ ರೂ. 16.15 ಲಕ್ಷದವರೆಗೆ (ಎಕ್ಸ್ - ಶೋರೂಂ, ಭಾರತ) ಇರುತ್ತದೆ. ಮೋಟಾರ್‌ ಸೈಕಲ್‌ಗಳು ದೆಹಲಿ, ಚಂಡೀಗಢ, ಅಹಮದಾಬಾದ್, ಬೆಂಗಳೂರು, ಚೆನ್ನೈ ಮತ್ತು ಕೋಚ್‌ನಂತಹ ಪ್ರಮುಖ ನಗರಗಳಾದ್ಯಂತ ಇಂಡಿಯನ್ ಮೋಟಾರ್‌ಸೈಕಲ್ ಡೀಲರ್‌ಶಿಪ್‌ಗಳಲ್ಲಿ ಲಭ್ಯವಿದೆ.