ಹೊಸ ಕವಾಸಕಿ MY26 ವಲ್ಕನ್ S ಕ್ರೂಸರ್ ಬಿಡುಗಡೆ: ಬೆಲೆ ಕೇಳಿದ್ರೆ ಶಾಕ್ ಆಗ್ತೀರ!

ಇಂಡಿಯಾ ಕವಾಸಕಿ ಮೋಟಾರ್ಸ್ ಪ್ರೈ. ಲಿಮಿಟೆಡ್ (ಐಕೆಎಂ) ಹೊಸ MY26 ವಲ್ಕನ್ ಎಸ್ (MY26 Vulcan S) ಮೋಟಾರ್‌ಸೈಕಲ್ ಅನ್ನು ಬಿಡುಗಡೆ ಮಾಡಿದೆ. ಹೊಸ MY26 ವಲ್ಕನ್ ಎಸ್ ಕ್ರೂಸರ್ ಆಗಿದ್ದು, ಇದು ತನ್ನ ಸ್ಪೋರ್ಟಿ ಲುಕ್, ಹಗುರ ಮತ್ತು ರೈಡರ್-ಕೇಂದ್ರಿತ ಡಿಸೈನ್‌ನೊಂದಿಗೆ ಆಕ್ರಮಣಕಾರಿ ಡಿಸೈನ್ ಹೊಂದಿದೆ. ಇದು 649 ಸಿಸಿ ಪ್ಯಾರಲಲ್-ಟ್ವಿನ್ ಎಂಜಿನ್‌ನಿಂದ ನಡೆಸಲ್ಪಡುವ ವಲ್ಕನ್ ಎಸ್ ಸ್ಪೋರ್ಟಿ ಪರ್ಫಾಮೆನ್ಸ್ ಮತ್ತು ದೈನಂದಿನ ಬಳಕೆಯ ವಿಶಿಷ್ಟ ಮಿಶ್ರಣವನ್ನು ನೀಡುತ್ತದೆ ಎಂದು ಕವಾಸಕಿ ಕಂಪನಿ ತಿಳಿಸಿದೆ.

MY26 ವಲ್ಕನ್ S "ಮೆಟಾಲಿಕ್ ಫ್ಲಾಟ್ ಸ್ಪಾರ್ಕ್ ಬ್ಲ್ಯಾಕ್" ನಲ್ಲಿ ಲಭ್ಯವಿದ್ದು, ಇದರ ಬೆಲೆ ರೂ. 8,13,000 (ಎಕ್ಸ್ - ಶೋರೂಂ) ದಿಂದ ಪ್ರಾರಂಭವಾಗುತ್ತದೆ. ಡೆಲಿವರಿಗಳು ಜನವರಿ 2026 ರ ಮಧ್ಯಭಾಗದಿಂದ ಪ್ರಾರಂಭವಾಗುತ್ತವೆ. ಹಗುರವಾದ ಎಂಜಿನ್ ಮತ್ತು ಚಾಸಿಸ್ ಸಂಯೋಜನೆಯು ತ್ವರಿತ ವೇಗವರ್ಧನೆ, ಸುಲಭ ಕುಶಲತೆ ಮತ್ತು ಆತ್ಮವಿಶ್ವಾಸದಿಂದ ಕೂಡಿದ ಬ್ರೇಕಿಂಗ್ ಅನ್ನು ನೀಡುತ್ತದೆ. ಇದು ಹೊಸ ಮತ್ತು ಅನುಭವಿ ಸವಾರರಿಗೆ ಹೊಂದಿಕೊಳ್ಳುತ್ತದೆ.

MY26 ವಲ್ಕನ್ S ವಿಶೇಷಣಗಳು: ಹೊಸ MY26 ವಲ್ಕನ್ S ಮೋಟಾರ್‌ಸೈಕಲ್ 649cc ಲಿಕ್ವಿಡ್-ಕೂಲ್ಡ್, 2 - ಸಿಲಿಂಡರ್, DOHC, 4ವಾಲ್ವ್ ಎಂಜಿನ್ ಹೊಂದಿದೆ. ಇದು 44.7 kW (61 PS) ಪವರ್ ಹಾಗೂ 62.4 Nm ಟಾರ್ಕ್ ಹೊರಹಾಕುತ್ತದೆ. 6 - ಸ್ಪೀಡ್ ರಿಟರ್ನ್, ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್ ಹೊಂದಿದೆ. ಮುಂಭಾಗ ಟೆಲಿಸ್ಕೋಪಿಕ್ ಫೋರ್ಕ್, ಹಿಂಭಾಗದಲ್ಲಿ ಬ್ಯಾಕ್-ಲಿಂಕ್ ಸ್ವಿಂಗರ್ಮ್ ಸಸ್ಪೆನ್ಷನ್‌ನೊಂದಿಗೆ ಬರುತ್ತದೆ.

ವಿವಿಧ ಶ್ರೇಣಿಯ ಸವಾರರಿಗೆ ಸರಿಹೊಂದುವಂತೆ ನಿರ್ಮಿಸಲಾದ ಹಿಂಭಾಗದ ಶಾಕ್ ಅಬ್ಸಾರ್ಬರ್ 7 - ಸ್ಟೇಜ್ ಪ್ರೀ ಲೋಡ್ ಅಡ್ಜಸ್ಟಬಲ್ ಹೊಂದಿದ್ದು, ಅತ್ಯುತ್ತಮ ಸೌಕರ್ಯ ಮತ್ತು ನಿಯಂತ್ರಣಕ್ಕಾಗಿ ಸಸ್ಪೆನ್ಷನ್ ಟ್ಯೂನಿಂಗ್ ಅನ್ನು ಅನುಮತಿಸುತ್ತದೆ. ಸವಾರರು ಪ್ಲಶರ್ ಸವಾರಿಗಾಗಿ ಮೃದುವಾದ ಸೆಟ್ಟಿಂಗ್ ಅಥವಾ ಹೆಚ್ಚು ಸ್ಪೋರ್ಟಿ ಭಾವನೆಗಾಗಿ ಗಟ್ಟಿಯಾದ ಸೆಟಪ್ ಅನ್ನು ಆಯ್ಕೆ ಮಾಡಬಹುದು, ಇದು ವಿಭಿನ್ನ ಸವಾರಿ ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳುತ್ತದೆ.

1,575 ಎಂಎಂ ವೀಲ್‌ಬೇಸ್, ಕಡಿಮೆ ಒಟ್ಟಾರೆ ತೂಕ, ಉತ್ತಮವಾಗಿ ಟ್ಯೂನ್ ಮಾಡಲಾದ ಚಾಸಿಸ್, 18 - ಇಂಚಿನ ಮುಂಭಾಗ ಮತ್ತು 17 - ಇಂಚಿನ ಹಿಂಭಾಗದ ರೇಡಿಯಲ್ ಟೈರ್‌ಗಳು, ಉತ್ತಮವಾಗಿ ಹೊಂದಿಕೆಯಾಗುವ ಸಸ್ಪೆನ್ಷನ್ ಸೆಟ್ಟಿಂಗ್‌ಗಳು ದೈನಂದಿನ ಸವಾರಿಗೆ ಉತ್ತಮವಾಗಿ ಸಹಕರಿಸುತ್ತವೆ. ಇದರ ದೊಡ್ಡ ಡಿಸ್ಕ್ ಬ್ರೇಕ್‌ಗಳು ಆರಂಭಿಕ ಸವಾರರಿಗೆ ಸುಲಭ ನಿಯಂತ್ರಣದೊಂದಿಗೆ ಹಠಾತ್‌ ನಿಲ್ಲಿಸುವ ಪವರ್ ಹೆಚ್ಚಿಸುತ್ತವೆ.

ಓದಲು ಸುಲಭವಾದ ಮೂಲ ವಿನ್ಯಾಸದ ಇನ್‌ಸ್ಟ್ರೂಮೆಂಟ್ ಕ್ಲಸ್ಟರ್, ಅನಲಾಗ್ - ಶೈಲಿಯ ಟ್ಯಾಕೋಮೀಟರ್ ಮತ್ತು ಬಹುಪಯೋಗಿ LCD ಅನ್ನು ಒಳಗೊಂಡಿದೆ. ಅನುಕೂಲಕರ ವೈಶಿಷ್ಟ್ಯಗಳು ಸವಾರರಿಗೆ ಕಾರ್ಯಾಚರಣೆಯ ಪರಿಸ್ಥಿತಿಗಳ ಬಗ್ಗೆ ಸಂಪೂರ್ಣವಾಗಿ ತಿಳಿಸುತ್ತವೆ. ಗೇರ್ ಸೂಚಕವನ್ನು ಒಳಗೊಂಡಂತೆ ವಾಹನ ಕುರಿತ ಎಲ್ಲಾ ಮಾಹಿತಿಯನ್ನು ಸ್ಪಷ್ಟವಾಗಿ ತಿಳಿಸುತ್ತದೆ.

ಪರಿಪೂರ್ಣ ಫಿಟ್: ಇದರ ಮತ್ತೊಂದು ಹೈಲೆಟ್ ಎಂದರೆ 'ERGO-FIT' ಎರ್ಗೋ ಫಿಟ್ ಎಂಬುದು ವಿಶೇಷ ಗಾತ್ರದ ವ್ಯವಸ್ಥೆಯಾಗಿದ್ದು, ಇದು ಎಲ್ಲಾ ಗಾತ್ರದ ಸವಾರರಿಗೆ ಪರಿಪೂರ್ಣ ಫಿಟ್ ಅನ್ನು ಸೃಷ್ಟಿಸುತ್ತದೆ. ಸವಾರನ ಎತ್ತರ ಮತ್ತು ವ್ಯಾಪ್ತಿಗೆ ಅನುಗುಣವಾಗಿ ಬೈಕ್‌ನ ಸೀಟ್, ಫುಟ್‌ಪೆಗ್‌ಗಳು ಮತ್ತು ಹ್ಯಾಂಡಲ್‌ಬಾರ್‌ಗೆ ಹೊಂದಾಣಿಕೆಗಳನ್ನು ನೀಡುತ್ತದೆ.

ಅಕ್ಸೆಸೊರಿಗಳು: ಮೇಲೆ ತಿಳಿಸಲಾದ ಅಕ್ಸೆರೊಗಳ ಜೊತೆಗೆ, ಹಲವಾರು ಇತರ ಅಕ್ಸೆಸೊರಿಗಳು ಸವಾರರಿಗೆ ದೀರ್ಘ ಸವಾರಿಗಳಿಗೆ ಸೌಕರ್ಯವನ್ನು ಸೇರಿಸಲು (ವಿಂಡ್‌ಶೀಲ್ಡ್‌ಗಳು, ಗೇರ್ ಸ್ಥಾನ ಸೂಚಕ, DC ಸಾಕೆಟ್), ಸಾಮಾನುಗಳನ್ನು ಸಾಗಿಸಲು (ಲಗೇಜ್ ರ್ಯಾಕ್‌ಗಳು, ಸ್ಯಾಡಲ್‌ಬ್ಯಾಗ್‌ಗಳು) ಅಥವಾ ಪ್ರಯಾಣಿಕರಿಗೆ ಸ್ಥಳಾವಕಾಶ ಕಲ್ಪಿಸಲು (ಪ್ರಯಾಣಿಕರ ಆಸನ, ಫುಟ್‌ಪೆಗ್‌ಗಳು, ಬ್ಯಾಕ್‌ರೆಸ್ಟ್) ಅವಕಾಶ ಮಾಡಿಕೊಡುತ್ತವೆ ಎಂದು ಕವಾಸಕಿ ತಿಳಿಸಿದೆ.