Keeway K300 SF: ಹೊಸ 300cc ಪ್ರೀಮಿಯಂ ಬೈಕ್ ಬಿಡುಗಡೆ: ಮೊದಲ 100 ಮಂದಿಗೆ ಕೇವಲ 1.69 ಲಕ್ಷ!

ಆದೀಶ್ವರ್ ಆಟೋ ರೈಡ್ ಇಂಡಿಯಾ ಅಡಿಯಲ್ಲಿ ಬರುವ 'ಕೀವೇ ಇಂಡಿಯಾ' (Keyway India) ಕಂಪನಿಯು, ತನ್ನ ಜನಪ್ರಿಯ K300 ಮೋಟಾರ್‌ಸೈಕಲ್ ಸಿರೀಸ್‌ನ ವಿಶೇಷ ಆವೃತ್ತಿಯಾದ ಕೀವೇ ಕೆ300 ಎಸ್‌ಎಫ್‌ (Keeway K300 SF) ಬೈಕ್ ಬಿಡುಗಡೆ ಮಾಡಿದೆ. ಈ K300 SF ಮೋಟಾರ್‌ಸೈಕಲ್‌ K300N ಬೈಕ್‌ನ ನವೀಕರಿಸಿದ ಆವೃತ್ತಿಯಾಗಿದೆ. ವಿಶೇಷ ಆಫರ್ ಭಾಗವಾಗಿ, ಮೊದಲ 100 ಗ್ರಾಹಕರು ಈ ಅದ್ಭುತ ಮೋಟಾರ್‌ಸೈಕಲ್ ಅನ್ನು ಕೇವಲ ರೂ. 1.69 ಲಕ್ಷ (ಎಕ್ಸ್-ಶೋರೂಂ) ವಿಶೇಷ ಬೆಲೆಯಲ್ಲಿ ಖರೀದಿಸಿಬಹುದು.

ಈ ಪರ್ಫಾಮೆನ್ಸ್ ಮೋಟಾರ್‌ಸೈಕಲ್, ಹಣಕ್ಕೆ ಉತ್ತಮ ಮೌಲ್ಯದ ಬೈಕ್ ಆಗಿದೆ. ನಿರಂತರವಾಗಿ 300cc ವಿಭಾಗದಲ್ಲಿ ಬೆಳೆಯುತ್ತಿರುವ ಬೇಡಿಕೆಯು, K300 SF ಮೋಟಾರ್‌ಸೈಕಲ್ ವಿಶೇಷ ಬೆಲೆಯೊಂದಿಗೆ ಮೊದಲ 100 ಗ್ರಾಹಕರಿಗೆ ಪ್ರೀಮಿಯಂ 300cc ವಿಭಾಗಕ್ಕೆ ಕಾಲಿಡಲು ಒಂದು ಅನನ್ಯ ಅವಕಾಶವಾಗಿದೆ. ಅಲ್ಲದೇ ಈ ಮೋಟಾರ್‌ಸೈಕಲ್ ಭಾರತೀಯ ಮಾರುಕಟ್ಟೆಯಲ್ಲಿ ಉಳಿದವುಗಳಿಂದ ಭಿನ್ನವಾಗಿದೆ ಎಂದು ಕಂಪನಿ ಹೇಳಿದೆ.

ಬೈಕ್ ವಿಶೇಷತೆಗಳು: ಹೊಸ ಕೀವೇ ಕೆ300 ಎಸ್‌ಎಫ್‌ ಮೋಟಾರ್‌ಸೈಕಲ್ ವಿನ್ಯಾಸ ಮತ್ತು ನಿರ್ಮಾಣದ ಬಗ್ಗೆ ಹೇಳುವುದಾದ್ರೆ ತೀಕ್ಷ್ಣವಾದ LED ಹೆಡ್‌ಲ್ಯಾಂಪ್, ಆಕರ್ಷಕ ಪ್ಯೂಲ್ ಟ್ಯಾಂಕ್ ಮತ್ತು ಉತ್ತಮ ಸೀಟ್‌ಗಳಿಂದ ಹೈಲೈಟ್ ಮಾಡಲಾದ ಸ್ಪೋರ್ಟಿ ಮತ್ತು ಆಕ್ರಮಣಕಾರಿ ನೇಕೆಡ್ ಸ್ಟ್ರೀಟ್‌ಫೈಟರ್ ವಿನ್ಯಾಸವನ್ನು ಹೊಂದಿದೆ. ಉತ್ತಮ ನಿಲುಗಡೆ ಮತ್ತು ಸುರಕ್ಷತೆಗಾಗಿ ಡಿಸ್ಕ್ ಬ್ರೇಕ್‌ಗಳೊಂದಿಗೆ ಸುಧಾರಿತ ಡ್ಯುಯಲ್-ಚಾನೆಲ್ ABS ಹೊಂದಿದೆ.

ಎಂಜಿನ್ ಬಗ್ಗೆ ಹೇಳುವುದಾದ್ರೆ, ಅಸಾಧಾರಣ ಕಾರ್ಯಕ್ಷಮತೆಯನ್ನು ನೀಡುವ ದೃಢವಾದ 292.4cc, ಲಿಕ್ವಿಡ್-ಕೂಲ್ಡ್, ಸಿಂಗಲ್-ಸಿಲಿಂಡರ್, 4-ಸ್ಟ್ರೋಕ್ ಎಂಜಿನ್‌ನೊಂದಿಗೆ ಸಜ್ಜುಗೊಂಡಿದೆ. ಈ ಎಂಜಿನ್ 8,750 RPM ನಲ್ಲಿ 27.5 HP ಗರಿಷ್ಠ ಪವರ್ ಮತ್ತು 7,000 RPM ನಲ್ಲಿ 25 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ವರ್ಧಿತ ರೈಡಿಂಗ್ ಡೈನಾಮಿಕ್ಸ್‌ಗೆ ನಿಖರವಾದ ಗೇರ್ ಶಿಫ್ಟ್‌ಗಳನ್ನು ನೀಡುವ ನಯವಾದ 6-ಸ್ಪೀಡ್ ಗೇರ್‌ಬಾಕ್ಸ್ ಜೊತೆಗೆ ಬರುತ್ತದೆ.

ಅತ್ಯುತ್ತಮ ಸ್ಥಿರತೆ ಮತ್ತು ಸೌಕರ್ಯಕ್ಕಾಗಿ ಮುಂಭಾಗದ USD (ತಲೆಕೆಳಗಾಗಿ) ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಮೊನೊ-ಶಾಕ್ ಸಸ್ಪೆನ್ಷನ್ ಹೊಂದಿದೆ. ವರ್ಧಿತ ನಿಯಂತ್ರಣಕ್ಕಾಗಿ 17-ಇಂಚಿನ ಅಲಾಯ್ ಚಕ್ರಗಳು, ಟ್ಯೂಬ್‌ಲೆಸ್ ಟೈರ್‌ಗಳನ್ನು ಅಳವಡಿಸಲಾಗಿದೆ. ಸ್ಪೀಡ್, ಗೇರ್ ಇಂಡಿಕೇಟರ್, ಇಂಧನ ಮಟ್ಟ ಸೇರಿದಂತೆ ಹೆಚ್ಚಿನವುಗಳ ಮಾಹಿತಿಯನ್ನು ಒದಗಿಸುವ ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ನೀಡಲಾಗಿದೆ.

ಒಟ್ಟಾರೆ ಕೀವೇ K300 SF ಸಾಟಿಯಿಲ್ಲದ ಸವಾರಿ ಅನುಭವವನ್ನು ಒದಗಿಸಲು ಸ್ಪೋರ್ಟಿ ವಿನ್ಯಾಸ ಮತ್ತು ಉನ್ನತ ಕಾರ್ಯಕ್ಷಮತೆಯ ಮಿಶ್ರಣವನ್ನು ಹೊಂದಿದೆ. ಇದರ ಗಮನಾರ್ಹ ಹೊಸ ಹೆಸರು, ಅತ್ಯಾಧುನಿಕ ವೈಶಿಷ್ಟ್ಯಗಳು ಮತ್ತು ವಿಶೇಷ ಬೆಲೆಯೊಂದಿಗೆ, ಇದು ಪ್ರತ್ಯೇಕತೆ ಮತ್ತು ಅಡ್ರಿನಾಲಿನ್-ಇಂಧನ ಪ್ರಯಾಣಗಳನ್ನು ಗೌರವಿಸುವ ಸವಾರರಿಗೆ ಅಂತಿಮ ಆಯ್ಕೆಯಾಗಿದೆ ಎಂದು ಕಂಪನಿ ಹೇಳಿದೆ.

ಕೀವೇ 300 SF ಶೀಘ್ರದಲ್ಲೇ ಭಾರತದಾದ್ಯಂತ ಅಧಿಕೃತ ಕೀವೇ ಡೀಲರ್‌ಶಿಪ್‌ಗಳಲ್ಲಿ ಲಭ್ಯವಿರುತ್ತದೆ. ವಿವರವಾದ ಉತ್ಪನ್ನ ವಿಶೇಷಣಗಳು, ಡೀಲರ್ ಸ್ಥಳಗಳು ಮತ್ತು ಬುಕಿಂಗ್ ಮಾಹಿತಿಗಾಗಿ ಗ್ರಾಹಕರು ಅಧಿಕೃತ ಕೀವೇ ಇಂಡಿಯಾ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು. ಪ್ರೀಮಿಯಂ 300cc ವಿಭಾಗಕ್ಕೆ ಎಂಟ್ರಿ ಕೊಟ್ಟಿರುವ ಹೊಸ ಕೀವೇ 300 SF ಕುರಿತು ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.