ಕಡಿಮೆ ಬೆಲೆಗೆ ಅತ್ಯಂತ ಧೀರ್ಘ ಶ್ರೇಣಿಯ ಹೊಸ ಸ್ಕೂಟರ್ ಬಿಡುಗಡೆ ಮಾಡಿದ ಕೊಮಾಕಿ

ಕೊಮಕಿ ಎಲೆಕ್ಟ್ರಿಕ್ ಕಂಪನಿಯು ಭಾರತದಲ್ಲಿ ಹೊಸ XR7 ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ರೂ.89,999 ಎಕ್ಸ್-ಶೋರೂಂ ಬೆಲೆಯಲ್ಲಿ ಇತ್ತೀಚೆಗಷ್ಟೆ ಬಿಡುಗಡೆ ಮಾಡಿದೆ. XR7 ಭಾರತದಲ್ಲಿ ಅತಿ ಉದ್ದದ ಎಲೆಕ್ಟ್ರಿಕ್ ಸ್ಕೂಟರ್ ಶ್ರೇಣಿಯನ್ನು ಹೊಂದಿದೆ - ಒಂದೇ ಚಾರ್ಜ್‌ನಲ್ಲಿ 322 ಕಿ.ಮೀ ರೇಂಜ್ ನೀಡುತ್ತದೆ. ಇದು 3,000-ವ್ಯಾಟ್ BLDC ಹಬ್ ಮೋಟಾರ್‌ನಿಂದ ನಿಯಂತ್ರಿಸಲ್ಪಡುತ್ತದೆ. 3,000 ರಿಂದ 5,000 ಚಕ್ರಗಳ ಬ್ಯಾಟರಿ ಬಾಳಿಕೆ ಹಾಗೂ ಹೀಟ್ ಸುರಕ್ಷತೆಗೆ ಹೆಸರುವಾಸಿಯಾದ Lipo4 (LiFePO4) ಬ್ಯಾಟರಿ ಪ್ಯಾಕ್ ಅನ್ನು ಹೊಂದಿದೆ.

ಕೊಮಕಿ XR7 ಎಲೆಕ್ಟ್ರಿಕ್ ಸ್ಕೂಟರ್ ಗಂಟೆಗೆ ಗರಿಷ್ಠ 55 ಕಿ.ಮೀ ವೇಗದಲ್ಲಿ ಓಡಬಲ್ಲದು, ಮುಂಭಾಗದಲ್ಲಿ ಡಿಸ್ಕ್ ಬ್ರೇಕ್‌ಗಳು ಮತ್ತು ಹಿಂಭಾಗದಲ್ಲಿ ಡ್ರಮ್ ಬ್ರೇಕ್‌ಗಳನ್ನು ಒಳಗೊಂಡಿದೆ. ವೇಗದ ಚಾರ್ಜಿಂಗ್ ಸಾಮರ್ಥ್ಯ, ಸ್ಪೀಡೋಮೀಟರ್ ಮತ್ತು ಟ್ರಿಪ್ ಮೀಟರ್‌ನೊಂದಿಗೆ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಈ ಸ್ಕೂಟರ್ ನಲ್ಲಿ ಒದಗಿಸಲಾಗಿದೆ.

ರೆಟ್ರೊ - ಪ್ರೇರಿತ ಸ್ಟೈಲಿಶ್ ವಿನ್ಯಾಸದೊಂದಿಗೆ ಬ್ಲಾಕ್, ರೆಡ್, ಗ್ರೇ ಮತ್ತು ಬ್ಲೂ ಎಂಬ ನಾಲ್ಕು ಬಣ್ಣಗಳಲ್ಲಿ ಲಭ್ಯವಿದೆ. ಪಾರ್ಕ್ ಅಸಿಸ್ಟ್, ಆಟೋ ರಿಪೇರಿ ಸ್ವಿಚ್ ಮತ್ತು ವಿವಿಡ್ ಸ್ಮಾರ್ಟ್ ಡ್ಯಾಶ್‌ಬೋರ್ಡ್‌ನಂತಹ ಹೆಚ್ಚುವರಿ ವೈಶಿಷ್ಟ್ಯಗಳನ್ನು ಹೊಂದಿದೆ. 30 ಲೀಟರ್‌ಗಳ ಸೀಟಿನ ಕೆಳಗೆ ಶೇಖರಣಾ ಸಾಮರ್ಥ್ಯವನ್ನು ಹೊಂದಿದೆ. ಬ್ಯಾಟರಿ, ಮೋಟಾರ್ ಮತ್ತು ಚಾರ್ಜರ್ ಮೇಲೆ 3 ವರ್ಷಗಳ ವಾರೆಂಟಿ ನೀಡಲಾಗುತ್ತಿದೆ.

XR7 ಆಧುನಿಕ ಎಲೆಕ್ಟ್ರಿಕ್ ವಾಹನ ತಂತ್ರಜ್ಞಾನದೊಂದಿಗೆ ಕ್ಲಾಸಿಕ್ ಸ್ಕೂಟರ್ ಸೌಂದರ್ಯದ ಮಿಶ್ರಣವನ್ನು ಒದಗಿಸುತ್ತದೆ. ಇದು ದೈನಂದಿನ ಪ್ರಯಾಣವನ್ನು ಆರ್ಥಿಕ, ಆರಾಮದಾಯಕ ಮತ್ತು ಪರಿಸರ ಸ್ನೇಹಿಯನ್ನಾಗಿ ಮಾಡುತ್ತದೆ. ಈ ಕೈಗೆಟುಕುವ ಎಲೆಕ್ಟ್ರಿಕ್ ಸ್ಕೂಟರ್ ವಿಭಾಗದಲ್ಲಿ ದೀರ್ಘ ಶ್ರೇಣಿ ಮತ್ತು ಸ್ಮಾರ್ಟ್ ವೈಶಿಷ್ಟ್ಯಗಳೊಂದಿಗೆ ಸ್ಪರ್ಧಾತ್ಮಕವಾಗಿ ಬಜೆಟ್ ಸ್ನೇಹಿ ಬೆಲೆಯಲ್ಲಿ ಸಿಗುವ ಬೆಸ್ಟ್ ಆಯ್ಕೆಯಾಗಿದೆ.

ಸ್ಮಾರ್ಟ್ ಮತ್ತು ಸ್ಟೈಲಿಶ್ ಸವಾರಿಗೆ ಹೇಳಿಮಾಡಿಸಿದಂತಿದೆ. ಸ್ವಯಂಚಾಲಿತ ನವೀಕರಣಗಳು ಮತ್ತು ಹೊಸ ಸುಧಾರಿತ ವೈರ್‌ಲೆಸ್ ವೈಶಿಷ್ಟ್ಯಗಳೊಂದಿಗೆ ಸುಸಜ್ಜಿತವಾಗಿದೆ. ವಾಹನವು ಸವಾರಿ ಮಾಡಲು ಸುಲಭ ಮತ್ತು ನಿರ್ವಹಿಸಲು ಸುಗಮವಾಗಿದೆ, ಇದು ಸವಾರಿಯನ್ನು ವಿಶ್ವಾಸಾರ್ಹ ಮತ್ತು ಪರಿಣಾಮಕಾರಿಯಾಗಿ ಮಾಡುತ್ತದೆ. ಅದೇ ಸಮಯದಲ್ಲಿ ಕಾರ್ಯಕ್ಷಮತೆಯನ್ನು ಅತ್ಯುತ್ತಮವಾಗಿಸುತ್ತದೆ.

ಹೊಸ ಯುಗದ ಎಲೆಕ್ಟ್ರಿಕ್ ವಾಹನದ ಡಿಸೈನ್ ಅನ್ನು ಮನಸ್ಸಿನಲ್ಲಿಟ್ಟುಕೊಂಡು ಕ್ಲಾಸಿಕ್ ಸ್ಕೂಟರ್ ಮಿಶ್ರಣದಲ್ಲಿ ಈ ಕೊಮಕಿ XR7 ಎಲೆಕ್ಟ್ರಿಕ್ ಸ್ಕೂಟರ್ ನಿರ್ಮಿಸಲಾಗಿದೆ. ಪೆಟ್ರೋಲ್ ಹಾಕಿಸುವ ಚಿಂತೆಯನ್ನು ಬಿಟ್ಟು ವಿಂಟೇಜ್ ಲುಕ್ ಬಯಸುವ ಜನರನ್ನು ಆಕರ್ಷಿಸಲು ಈ ಸ್ಕೂಟರ್ ಬಿಡುಗಡೆ ಮಾಡಲಾಗಿದೆ ಎಂದು ಕೊಮಾಕಿ ಎಲೆಕ್ಟ್ರಿಕ್ ಹೇಳಿದೆ.

ಕೊಮಕಿ XR7 ಎಲೆಕ್ಟ್ರಿಕ್ ಸ್ಕೂಟರ್ ಅಧಿಕ ಬಿಸಿಯಾಗುವುದು, ಬೆಂಕಿ ಮತ್ತು ಸ್ಫೋಟದ ಅಪಾಯಗಳನ್ನು ವಿರೋಧಿಸುವ ಮೂಲಕ ವಾಹನಗಳ ಉತ್ತಮ ಸುರಕ್ಷತೆಯನ್ನು ಖಾತ್ರಿಗೊಳಿಸುತ್ತದೆ. ಪರಿಸರದ ಮೇಲೆ ಕಡಿಮೆ ಪರಿಣಾಮ ಬೀರುವ ವಾಹನದ ಪರಿಸರ ಸ್ನೇಹಿ ಪ್ರತಿಪಾದನೆಗೆ ಅನುಗುಣವಾಗಿದೆ ಎಂದು ಕಂಪನಿ ಭರವಸೆ ನೀಡಿದೆ.

ನಮ್ಮ ಸ್ಕೂಟರ್, ಇವಿ ವಿಭಾಗದಲ್ಲಿ ಅತ್ಯುತ್ತಮ ಮಾದರಿಯಾಗುವ ವಿಶ್ವಾಸವಿದೆ. ಕ್ಲಾಸಿಕ್ ಡಿಸೈನ್ ಮತ್ತು ಅತ್ಯಾಧುನಿಕ ನಾವೀನ್ಯತೆಯ ಸಂಗಮವನ್ನು ತರಲು ಸಂಪೂರ್ಣ ಪರಿಗಣನೆಯ ನಂತರ ಹೊಸ ಮಾದರಿಯನ್ನು ವಿನ್ಯಾಸಗೊಳಿಸಲಾಗಿದೆ. ಸೊಗಸಾದ ಮತ್ತು ಪರಿಸರ ಸ್ನೇಹಿ ಸವಾರಿಗೆ ಬೆಸ್ಟ್ ಆಯ್ಕೆಯಾಗಿದೆ. ನಮ್ಮ ವಾಹನ ಪೋರ್ಟ್ ಫೋಲಿಯೋ ಹೀಗೆಯೇ ಮುಂದುವರಿಯಲಿದೆ ಎಂದು ಕೊಮಾಕಿ ಎಲೆಕ್ಟ್ರಿಕ್ ವೆಹಿಕಲ್ಸ್‌ನ ಸಹ-ಸಂಸ್ಥಾಪಕ ಗುಂಜನ್ ಮಲ್ಹೋತ್ರಾ ಹೇಳಿದರು.

ಕೊಮಾಕಿ ಬಗ್ಗೆ: 32 ವರ್ಷಗಳ ಹಿಂದೆ ಸ್ಥಾಪನೆಯಾದ ಕೆಎಲ್‌ಬಿ ಕೊಮಾಕಿ, ಡ್ರೈವ್‌ಶಾಫ್ಟ್‌ಗಳು ಮತ್ತು ಬೇರಿಂಗ್‌ಗಳಲ್ಲಿ ಪರಿಣತಿ ಹೊಂದಿದೆ. 2016 ರಲ್ಲಿ, ಸುಸ್ಥಿರ ಚಲನಶೀಲತೆಯ ಅಗತ್ಯವನ್ನು ಗುರುತಿಸಿ, ಕಂಪನಿಯು ಕೊಮಾಕಿ ಎಲೆಕ್ಟ್ರಿಕ್ ವಾಹನಗಳನ್ನು ಪ್ರಾರಂಭಿಸುವ ಮೂಲಕ ಇವಿ ವಲಯಕ್ಕೆ ಬಂದಿತು. ಕೊಮಕಿ ಸದ್ಯ ಪ್ರಮುಖ ಬ್ರಾಂಡ್ ಆಗಿದ್ದು, ಮಾಲಿನ್ಯವನ್ನು ಕಡಿಮೆ ಮಾಡಲು ಮತ್ತು ಸ್ವಚ್ಛ, ಹಸಿರು ಭವಿಷ್ಯಕ್ಕಾಗಿ ಕೈಗೆಟುಕುವ ವಾಹನಗಳನ್ನು ನೀಡುತ್ತಿದೆ.