Bajaj: ಅಗ್ಗದ ಬೆಲೆಯ ಹೊಸ ಸ್ಪೋರ್ಟಿ ಬಜಾಜ್ ಬೈಕ್: ಪಲ್ಸರ್ RS200 ವಿಶೇಷತೆಗಳು!

ಭಾರತೀಯ ಮೋಟಾರ್‌ಸೈಕಲ್ ವಿಭಾಗದಲ್ಲಿ ಭಾರೀ ಬೇಡಿಕೆ ಪಡೆದಿರುವ ಬೈಕ್‌ಗಳಲ್ಲಿ ಪಲ್ಸರ್ ಶ್ರೇಣಿ ಕೂಡ ಒಂದು. ಬಜಾಜ್ ಕಂಪನಿಯು ಇತ್ತೀಚೆಗೆ ತನ್ನ ಪಲ್ಸರ್ RS200 ಬೈಕ್ ಅನ್ನು ಅಪ್‌ಡೇಟ್‌ ಮಾಡಿ ಬಿಡುಗಡೆ ಮಾಡಿದೆ. ಇದೀಗ ಆಕರ್ಷಕ ಲುಕ್‌ ಹಾಗೂ ಹೊಸ ಅಪ್‌ಡೇಟ್‌ಗಳನ್ನು ಪಡೆದು ಬಿಡುಗಡೆಯಾಗಿದೆ. ಇದು ಮೊದಲ ಬಾರಿಗೆ 2015 ರಲ್ಲಿ ಬಿಡುಗಡೆಯಾಗಿ ತನಗೆಂದೆ ವಿಶೇಷ ಅಭಿಮಾನಿಗಳನ್ನು ಹೊಂದಿತ್ತು. ಇದರ ಜನಪ್ರಿಯತೆಯನ್ನು ಮುಂದುವರಿಸಲು ಕಂಪನಿಯು ಈಗ ಹೊಸ ನವೀಕರಣಗಳೊಂದಿಗೆ ಬಿಡುಗಡೆ ಮಾಡಿದೆ. ಹೊಸ ನವೀಕೃತ ಮೋಟಾರ್‌ಸೈಕಲ್ ವಿಶೇಷತೆಗಳನ್ನು ಇಲ್ಲಿ ತಿಳಿಯೋಣ.

ಹೊಸ ವಿನ್ಯಾಸ ಮತ್ತು ಗ್ರಾಫಿಕ್ಸ್‌ ಪಡೆದುಕೊಳ್ಳುವ ಮೂಲಕ ನವೀಕೃತ ಪಲ್ಸರ್ RS200 ಮೋಟಾರ್‌ಸೈಕಲ್‌ ಬೀದಿಗಳಲ್ಲಿ ಎಲ್ಲರ ಗಮನ ಸೆಳೆಯುವುದರಲ್ಲಿ ಯಾವುದೇ ಅನುಮಾನವಿಲ್ಲ ಎಂದು ಕಂಪನಿ ಭರವಸೆ ನೀಡಿದೆ. ತೀಕ್ಷ್ಣವಾದ ವಿನ್ಯಾಸ, ಆಕ್ರಮಣಕಾರಿ ಮುಂಭಾಗದ ಪ್ರೊಫೈಲ್, ಸಂಯೋಜಿತ LED ಟೈಲ್ ಲ್ಯಾಂಪ್‌ಗಳು ಮತ್ತು ನೇಕೆಡ್ ಹಿಂಭಾಗದ ವಿಭಾಗದೊಂದಿಗೆ RS200 ಮತ್ತಷ್ಟು ಸ್ಪೋರ್ಟಿ ಲುಕ್ ಪಡೆದುಕೊಂಡಿದೆ.

ಫೀಚರ್ಸ್ ವಿಷಯಕ್ಕೆ ಬಂದರೆ ಇದು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಕಾಲ್ ಮತ್ತು SMS ಎಚ್ಚರಿಕೆಗಳು, ಗೇರ್ ಇಂಡಿಕೇಟರ್ ಸೇರಿದಂತೆ ಹೆಚ್ಚಿನ ವಿವರಗಳನ್ನು ಒದಗಿಸುವ ಸಂಪರ್ಕಿತ ಕನ್ಸೋಲ್‌ನೊಂದಿಗೆ ಬರುತ್ತದೆ. ಹೊಸ ಪಲ್ಸರ್ RS200 ಮೋಟಾರ್‌ಸೈಕಲ್‌ನಲ್ಲಿ ಬ್ಲೂಟೂತ್ - ಸಕ್ರಿಯಗೊಳಿಸಿದ ಬಂಧಿತ ಗಾಜಿನ (Bluetooth - enabled bonded glass) LCD ಪ್ಯಾನಲ್ ನೀಡಲಾಗಿದೆ.

200cc ಶ್ರೇಣಿಯಲ್ಲಿ ಅತ್ಯುತ್ತಮ ಎಂಜಿನ್ ಹೊಂದಿರುವ ಹೊಸ ಪಲ್ಸರ್ RS200 ಮೋಟಾರ್‌ಸೈಕಲ್ ಫ್ಯೂಯಲ್-ಇಂಜೆಕ್ಟೆಡ್, ಸಿಂಗಲ್-ಸ್ಪಾರ್ಕ್, 4-ವಾಲ್ವ್ 199.5cc BSVI ಎಂಜಿನ್‌ ಹೊಂದಿದೆ. ಸುಧಾರಿತ ಲಿಕ್ವಿಡ್ ಕೂಲಿಂಗ್ ಸಿಸ್ಟಮ್ ತೀವ್ರ ಪರಿಸ್ಥಿತಿಗಳಲ್ಲಿಯೂ ಸಹ ಸ್ಥಿರವಾದ ಪರ್ಫಾಮೆನ್ಸ್ ಖಚಿತಪಡಿಸುತ್ತದೆ ಎಂದು ಬಜಾಜ್ ಹೇಳಿದೆ. ಪ್ರಭಾವಶಾಲಿ 24.5 PS ಪವರ್ ಮತ್ತು 18.7 Nm ಟಾರ್ಕ್ ಅನ್ನು ಹೊರಹಾಕುತ್ತದೆ.

ಹೊಸ ಪಲ್ಸರ್ RS200 ಬೈಕ್ ಡ್ಯುಯಲ್ - ಚಾನೆಲ್ ABS, ಕಸ್ಟಮೈಸ್ ಮಾಡಬಹುದಾದ ರೋಡ್, ರೈನ್ ಮತ್ತು ಆಫ್‌ರೋಡ್ ಎಂಬ ರೈಡ್ ಮೋಡ್‌ಗಳನ್ನು ಹೊಂದಿದೆ. ಹೊಸ ಅಗಲವಾದ ಟೈರ್‌ಗಳು (140/70-17 ಹಿಂಭಾಗ ಮತ್ತು 110/70-17 ಮುಂಭಾಗ), ಜೊತೆಗೆ RS200 ಅಸಾಧಾರಣ ಗ್ರಿಪ್, ಬ್ರೇಕಿಂಗ್ ಮತ್ತು ವಿವಿಧ ಭೂಪ್ರದೇಶಗಳಲ್ಲಿ ಸುರಕ್ಷತೆಯನ್ನು ನೀಡುತ್ತದೆ.

ಹೊಸ ಮುಂಭಾಗ ಮತ್ತು ಹಿಂಭಾಗದ ಲೈಟ್‌ಗಳನ್ನು ನೀಡಲಾಗಿದ್ದು, ಹೊಸದಾಗಿ ವಿನ್ಯಾಸಗೊಳಿಸಲಾದ ಸಂಯೋಜಿತ ಹಿಂಭಾಗದ ಟೈಲ್‌ಲ್ಯಾಂಪ್ ಹೊಸ RS200 ಗೆ ಭವ್ಯವಾದ ಹಿಂಭಾಗದ ನೋಟ ನೀಡುತ್ತದೆ. ಅತ್ಯಾಧುನಿಕ LED ಪ್ರೊಜೆಕ್ಟರ್ ಹೆಡ್‌ಲ್ಯಾಂಪ್‌ಗಳು ಮತ್ತು ಹಗಲಿನ ವೇಳೆಯಲ್ಲಿ ಚಾಲನೆಯಲ್ಲಿರುವ LED ಗಳು, ಹೆಚ್ಚುವರಿ ಸುರಕ್ಷತೆಗಾಗಿ ವರ್ಧಿತ ಗೋಚರತೆ ಮತ್ತು ಏಕರೂಪದ ಬೆಳಕನ್ನು ನೀಡುತ್ತವೆ.

ಹೊಸ ಪಲ್ಸರ್ RS200 ಮೋಟಾರ್‌ಸೈಕಲ್ ಈಗ ಮತ್ತಷ್ಟು ಸ್ಪೋರ್ಟಿಯಾಗಿರುವುದರಿಂದ ಬೆಲೆ ಕೂಡ ತುಸು ಹೆಚ್ಚಾಗಿದೆ. ಅಂದಹಾಗೆ ಹೊಚ್ಚ ಹೊಸ ಪಲ್ಸರ್ ಆರ್ಎಸ್ 200 ಬೆಲೆಯು 1,84,115 (ಎಕ್ಸ್‌ಶೋರೂಂ) ಇದೆ. ಹಾಗೆಯೇ ಗ್ಲಾಸಿ ರೇಸಿಂಗ್ ರೆಡ್, ಪರ್ಲ್ ಮೆಟಾಲಿಕ್ ವೈಟ್ ಮತ್ತು ಆಕ್ಟಿವ್ ಸ್ಯಾಟಿನ್ ಬ್ಲ್ಯಾಕ್ ಎಂಬ ಮೂರು ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದೆ.

ಸುಗಮ ಗೇರ್ ಶಿಫ್ಟ್‌ಗಳು ಮತ್ತು ಉತ್ತಮ ನಿಯಂತ್ರಣವು ಡೈನಾಮಿಕ್ ರೈಡಿಂಗ್ ಅನುಭವವನ್ನು ಹೆಚ್ಚಿಸಲು ಹೊಸ ಪಲ್ಸರ್ RS200 ಮೋಟಾರ್‌ಸೈಕಲ್‌ನಲ್ಲಿ ಈಗ ಅಸಿಸ್ಟ್ ಮತ್ತು ಸ್ಲಿಪ್ಪರ್ ಕ್ಲಚ್ ನೀಡಲಾಗಿದೆ. ಹೊಸ ಅಪ್‌ಡೇಟ್‌ಗಳೊಂದಿಗೆ ಬಿಡುಗಡೆಯಾದ ಈ ಮೋಟಾರ್‌ಸೈಕಲ್‌ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್‌ನಲ್ಲಿ ತಿಳಿಸಿ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.