ಅತ್ಯಂತ ಅಗ್ಗದ ಬೆಲೆಗೆ ಸ್ಪೋರ್ಟ್ಸ್ ಬೈಕ್ ಬಿಡುಗಡೆ: ಕೇವಲ 1.18 ಲಕ್ಷ... ಆಧುನಿಕ ಫೀಚರ್ಸ್

ಭಾರತದಲ್ಲಿ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ಗಳಿಗೆ ಬೇಡಿಕೆ ಹೆಚ್ಚಾಗಿದೆ, ಕಳೆದ ಐದು ವರ್ಷಗಳಲ್ಲಿ ಹಲವು ಹೊಸ ಬ್ರಾಂಡ್‌ಗಳು ಹುಟ್ಟಿಕೊಂಡಿವೆ. ಗ್ರಾಹಕರ ಆದ್ಯತೆಗಳಿಗೆ ಅನುಗುಣವಾಗಿ ಹೊಸ ಎಲೆಕ್ಟ್ರಿಕ್ ಬೈಕ್‌ಗಳು ಕೈಗೆಟುಕುವ ಬೆಲೆಯಲ್ಲಿ ಖರೀದಿಗೆ ಲಭ್ಯವಾಗುತ್ತಿವೆ. ಇದೀಗ ಇದೇ ಸಾಲಿಗೆ ಬರುವ ಹೊಸ ಎಲೆಕ್ಟ್ರಿಕ್ ಬೈಕ್ ಕಂಪನಿಯಾದ 'ಒಡಿಸ್ಸಿ' ತನ್ನ ಇವೊಕ್ಯೂಐಎಸ್ (EVOQIS) ಫೇರ್ಡ್ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್‌ನ್ನು ಹೆಚ್ಚು ಕೈಗೆಟುಕುವ ಬೆಲೆಗೆ ಬಿಡುಗಡೆ ಮಾಡಿದೆ. ಇದನ್ನು ಒಡಿಸ್ಸಿ ಇವೊಕಿಸ್ ಲೈಟ್ (Odysse Evoqis Lite) ಎಂದು ಸಹ ಕರೆಯಲಾಗುತ್ತದೆ.

ಈ ಬೈಕ್ ಗಂಟೆಗೆ 75 ಕಿ.ಮೀ ಗರಿಷ್ಠ ವೇಗವನ್ನು ತಲುಪಬಲ್ಲದು, ಒಂದು ಬಾರಿ ಚಾರ್ಜ್ ಮಾಡಿದರೆ 90 ಕಿ.ಮೀ ಓಡಬಲ್ಲದು. ಇದು ಪೂರ್ಣ - ಫೇರ್ಡ್ ಎಲೆಕ್ಟ್ರಿಕ್ ಮೋಟಾರ್ ಸೈಕಲ್ ಆಗಿದ್ದು, ಅನೇಕ ಡ್ರೈವಿಂಗ್ ಮೋಡ್ ಗಳು, ಕೀಲೆಸ್ ಇಗ್ನಿಷನ್, ಮೋಟಾರ್ ಕಟ್ - ಆಫ್ ಸ್ವಿಚ್, ಆಂಟಿ - ಥೆಫ್ಟ್ ಲಾಕ್ ಮತ್ತು ಸ್ಮಾರ್ಟ್ ಬ್ಯಾಟರಿಯೊಂದಿಗೆ ಬರುತ್ತದೆ.

ಬೈಕ್‌ನ ಟಾಪ್ ಸ್ಪೀಡ್ ಕೇವಲ 75 ಕಿ.ಮೀ ಆಗಿದ್ದರೂ, ಮುಂಭಾಗದಲ್ಲಿ ಡ್ಯುಯಲ್ ಡಿಸ್ಕ್ ಬ್ರೇಕ್ ಸೆಟಪ್ ನೀಡಲಾಗಿದೆ. ಹಿಂಭಾಗದಲ್ಲಿ ಸಿಂಗಲ್ ಡಿಸ್ಕ್ ಬ್ರೇಕ್ ಸೆಟಪ್ ಇದ್ದು, ಚಕ್ರಗಳು ಕವಾಸಕಿ ನಿಂಜಾ 300 ಬೈಕಿನಂತೆಯೇ ಕಾಣುತ್ತವೆ. ಇವೊಕಿಸ್ ಲೈಟ್ ಎಲೆಕ್ಟ್ರಿಕ್ ಬೈಕ್ ಕೋಬಾಲ್ಟ್ ಬ್ಲೂ, ಫೈರ್ ರೆಡ್, ಲೈಮ್ ಗ್ರೀನ್, ಮ್ಯಾಗ್ನಾ ವೈಟ್ ಮತ್ತು ಬ್ಲ್ಯಾಕ್ ಎಂಬ ಐದು ಬಣ್ಣಗಳ ಆಯ್ಕೆಗಳಲ್ಲಿ ಸಿಗಲಿದೆ.

ಒಡಿಸ್ಸಿ ಇವೊಕಿಸ್ ಲೈಟ್ ಬೆಲೆಯು ರೂ.1.18 ಲಕ್ಷಗಳಾಗಿದೆ. ಒಡಿಸ್ಸಿ ಇದನ್ನು ಭಾರತದ ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ಸ್ಪೋರ್ಟ್ಸ್ ಬೈಕ್ ಎಂದು ಜಾಹೀರಾತು ನೀಡುತ್ತಿದೆ. ಆದರೆ 1.18 ಲಕ್ಷ ರೂ.ಗಳ ಬೆಲೆಯು ಎಕ್ಸ್-ಶೋರೂಂ ಆಗಿದೆಯೇ ಅಥವಾ ಸಬ್ಸಿಡಿಗಳು ಸೇರಿದಂತೆ ಆಗಿದೆಯೇ ಎಂದು ಒಡಿಸ್ಸಿ ಕಂಪನಿ ಇನ್ನೂ ತಿಳಿಸಿಲ್ಲ.

ವಿನ್ಯಾಸಕ್ಕೆ ಸಂಬಂಧಿಸಿದಂತೆ, ಇದು ಒಂದು ನೋಟದಲ್ಲಿ ಕವಾಸಕಿ ನಿಂಜಾ 300 ನಂತೆ ಕಾಣುತ್ತದೆ. ಇದು ಡ್ಯುಯಲ್ ಹೆಡ್ ಲೈಟ್ ಗಳು, ಫೇರಿಂಗ್-ಮೌಂಟೆಡ್ ಸೈಡ್ ಟರ್ನ್ ಇಂಡಿಕೇಟರ್‌ಗಳು, ಕ್ಲಿಪ್-ಆನ್ ಹ್ಯಾಂಡಲ್ ಬಾರ್‌ಗಳು, ದೊಡ್ಡ ವಿಂಡ್ ಸ್ಕ್ರೀನ್, ಫೇರಿಂಗ್-ಮೌಂಟೆಡ್ ಒಆರ್‌ವಿಎಂಗಳು, ಸ್ಟೆಪ್ಡ್ ಪಿಲಿಯನ್ ಸೀಟ್ ನೊಂದಿಗೆ ಸ್ಪ್ಲಿಟ್ ಸೀಟ್ ಸೆಟಪ್, ಸಬ್ ಫ್ರೇಮ್ ನಲ್ಲಿ ಟೈಲ್ ಲೈಟ್ ಗಳು ಮತ್ತು ಹೆಚ್ಚಿನದನ್ನು ಹೊಂದಿದೆ.

ಕೆಲವು ಕಾರಣಗಳಿಂದಾಗಿ, ಒಡಿಸ್ಸಿ ಹೆಡ್ ಲೈಟ್‌ಗಳ ನಡುವಿನ ಮುಂಭಾಗದ ಫೇರಿಂಗ್ ನಲ್ಲಿ ಆಟೋಬಾಟ್ಸ್ ಲೋಗೋವನ್ನು (ಮೈಕೆಲ್ ಬೇ ನಿರ್ದೇಶಿಸಿದ ಟ್ರಾನ್ಸ್ ಫಾರ್ಮರ್ಸ್ ಚಲನಚಿತ್ರ) ಅನ್ವಯಿಸಲು ಆಯ್ಕೆ ಮಾಡಿದೆ. ಈ ಕ್ಲಿಪ್-ಆನ್ ಘಟಕಗಳ ಹ್ಯಾಂಡಲ್‌ಬಾರ್ ಗ್ರಿಪ್‌ಗಳು ದಪ್ಪವಾಗಿರುತ್ತವೆ. ಹ್ಯಾಂಡಲ್‌ಬಾರ್ ತುದಿಗಳು ಕೆಂಪು ಬಣ್ಣದಲ್ಲಿರುತ್ತವೆ. ಲೋವರ್ ಫೇರಿಂಗ್ ನಲ್ಲಿ ಸ್ಪೀಡ್ ಮಾಸ್ಟರ್ ಗ್ರಾಫಿಕ್ ಇದೆ.

ಬಿಡುಗಡೆಯ ಬಗ್ಗೆ ಮಾತನಾಡಿದ ಒಡಿಸ್ಸಿ ಎಲೆಕ್ಟ್ರಿಕ್ ಸಂಸ್ಥಾಪಕ ನೆಮಿನ್ ವೋರಾ, "ಈ ಬಿಡುಗಡೆಯೊಂದಿಗೆ, ನಾವು ಸ್ಪೋರ್ಟಿ ಸವಾರಿಗಳನ್ನು ಹಿಂದೆಂದಿಗಿಂತಲೂ ಹೆಚ್ಚು ಅಗ್ಗದ ಬೆಲೆಗೆ ನೀಡುತ್ತಿದ್ದೇವೆ. ಇದು ಪರ್ಫಾಮೆನ್ಸ್ ಮತ್ತು ಕೈಗೆಟುಕುವ ಪರಿಪೂರ್ಣ ಮಿಶ್ರಣವಾಗಿದ್ದು, ಪರಿಸರಕ್ಕೆ ಹಾನಿಯಾಗದಂತೆ ರೋಮಾಂಚನವನ್ನು ಬಯಸುವವರಿಗಾಗಿ ನಿರ್ಮಿಸಲಾಗಿದೆ'' ಎಂದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊ ಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.