ಮೊನ್ನೆಯಷ್ಟೆ ಬಿಡುಗಡೆಯಾದ ಹೊಸ ಬಜಾಜ್ ಟೂರಿಂಗ್ ಮೋಟಾರ್‌ಸೈಕಲ್ ವಿಶೇಷತೆಗಳು

ಬಜಾಜ್ ಡೊಮಿನಾರ್ 250 ಮತ್ತು ಡೊಮಿನಾರ್ 400 ಎರಡನ್ನೂ ಒಳಗೊಂಡಂತೆ 2025 ರ ಬಜಾಜ್ ಡೊಮಿನಾರ್ ಶ್ರೇಣಿಯನ್ನು ಮೊನ್ನೆಯಷ್ಟೆ ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆ ಮಾಡಲಾಗಿದೆ. ತಂತ್ರಜ್ಞಾನ, ಏರ್ಗೊನಾಮಿಕ್ಸ್ ಮತ್ತು ರೂರಿಂಗ್ ವೈಶಿಷ್ಟ್ಯಗಳ ಮೇಲೆ ಕೇಂದ್ರೀಕರಿಸಿದ ಹಲವಾರು ಗಮನಾರ್ಹ ನವೀಕರಣಗಳೊಂದಿಗೆ ಈ ಬೈಕ್‌ಗಳನ್ನು ಬಿಡುಗಡೆ ಮಾಡಲಾಗಿದೆ. ರೈಡ್ - ಬೈ - ವೈರ್ ತಂತ್ರಜ್ಞಾನ, ರೈಡಿಂಗ್ ಮೋಡ್‌ಗಳು ಮತ್ತು ಹೊಸ ಬಾಂಡೆಡ್ ಸ್ಪೀಡೋಮೀಟರ್‌ನೊಂದಿಗೆ ಹೊಸ ಡೊಮಿನಾರ್ ಸಿರೀಸ್ ಈಗ ಮತ್ತಷ್ಟು ಸ್ಪೋರ್ಟಿಯಾಗಿ ಅಪ್‌ಡೇಟ್‌ ಆಗಿದೆ.

2025 ರ ಡೊಮಿನಾರ್ ಮುಖ್ಯಾಂಶಗಳು

ಡೊಮಿನಾರ್ 250 ರೂ. 1,91,654 ರಿಂದ ಪ್ರಾರಂಭವಾಗುತ್ತದೆ (ಎಕ್ಸ್-ಶೋರೂಂ) ಹಾಗೆಯೇ ಡೊಮಿನಾರ್ 400 ಬೆಲೆ ರೂ. 2,38,682 (ಎಕ್ಸ್-ಶೋರೂಂ) ಇದೆ. ಡೊಮಿನಾರ್ 250 ತನ್ನ 248.77 ಸಿಸಿ, ಲಿಕ್ವಿಡ್-ಕೂಲ್ಡ್, ಸಿಂಗಲ್-ಸಿಲಿಂಡರ್ DOHC ಎಂಜಿನ್‌ನೊಂದಿಗೆ 27 PS ಪವರ್ ಮತ್ತು 23.5 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ, ಇದನ್ನು 6-ಸ್ಪೀಡ್ ಗೇರ್‌ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ಡೊಮಿನಾರ್ 400 ತನ್ನ 373.3cc, ಲಿಕ್ವಿಡ್ - ಕೂಲ್ಡ್, ಸಿಂಗಲ್ - ಸಿಲಿಂಡರ್ DOHC ಎಂಜಿನ್ ಅನ್ನು ಉಳಿಸಿಕೊಂಡಿದ್ದು, 40 PS ಮತ್ತು 35 Nm ಟಾರ್ಕ್ ಅನ್ನು ನೀಡುತ್ತದೆ, ಇದನ್ನು ಸ್ಲಿಪ್ಪರ್ ಕ್ಲಚ್‌ನೊಂದಿಗೆ 6-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. ಶೀಘ್ರದಲ್ಲೆ ವಿತರಣೆಗಳು ಪ್ರಾರಂಭವಾಗಲಿವೆ ಮತ್ತು ಬೈಕ್‌ಗಳು ಭಾರತದ ಬಜಾಜ್ ಡೀಲರ್‌ಶಿಪ್‌ಗಳಲ್ಲಿ ಲಭ್ಯವಿದೆ.

ಹೊಸ ತಂತ್ರಜ್ಞಾನ ಮತ್ತು ಫೀಚರ್ಸ್

ಡೊಮಿನಾರ್ 400 ಈಗ ರೈಡ್ - ಬೈ - ವೈರ್ ತಂತ್ರಜ್ಞಾನವನ್ನು ಒಳಗೊಂಡಿದ್ದು, ನಾಲ್ಕು ರೈಡಿಂಗ್ ಮೋಡ್‌ಗಳಾದ ರೋಡ್, ರೈನ್, ಸ್ಪೋರ್ಟ್ ಮತ್ತು ಆಫ್-ರೋಡ್ ಮೋಡ್‌ಗಳನ್ನು ಬಳಸಿಕೊಳ್ಳಬಹುದು. ಡೊಮಿನಾರ್ 250 ಮೆಕಾನಿಕಲ್ ಥ್ರೊಟಲ್ ಅನ್ನು ಉಳಿಸಿಕೊಂಡಿದೆ. ವರ್ಧಿತ ಸುರಕ್ಷತೆಗಾಗಿ ನಾಲ್ಕು ABS ರೈಡ್ ಮೋಡ್‌ಗಳನ್ನು ಪರಿಚಯಿಸಲಾಗಿದೆ.

ಎರಡೂ ಮಾದರಿಗಳು ಬ್ಲೂಟೂತ್ ಸಂಪರ್ಕದೊಂದಿಗೆ ಹೊಸ ಬಾಂಡೆಡ್ ಗ್ಲಾಸ್ LCD ಸ್ಪೀಡೋಮೀಟರ್ ಅನ್ನು ಒಳಗೊಂಡಿವೆ. ಕರೆ ಮತ್ತು SMS ಎಚ್ಚರಿಕೆಗಳು, ರೈಡ್ ಡೇಟಾ ಮತ್ತು ಪಲ್ಸರ್ NS400Z ನಿಂದ ಎರವಲು ಪಡೆದ ಟರ್ನ್ - ಬೈ - ಟರ್ನ್ ನ್ಯಾವಿಗೇಷನ್ ಅನ್ನು ಹೊಂದಿವೆ. ಡೊಮಿನಾರ್ 400 ಜಾರು ಪರಿಸ್ಥಿತಿಗಳಲ್ಲಿ ಸುರಕ್ಷಿತ ಸವಾರಿಗಾಗಿ ಸ್ಟೆಬಿಲಿಟಿ ಕಂಟ್ರೋಲ್ ಸಿಸ್ಟಮ್ ಹೊಂದಿದೆ.

ಸುಧಾರಿತ ಸವಾರರ ಸೌಕರ್ಯ ಮತ್ತು ವಿಶೇಷವಾಗಿ ದೀರ್ಘ - ದೂರ ಪ್ರಯಾಣಕ್ಕಾಗಿ ಮರುವಿನ್ಯಾಸಗೊಳಿಸಲಾದ ಹ್ಯಾಂಡಲ್‌ಬಾರ್‌ಗಳನ್ನು ಒದಗಿಸಲಾಗಿದೆ. GPS ಟೂಲ್ ಮೌಂಟ್‌ನೊಂದಿಗೆ ಫ್ಯಾಟಕ್ಟರಿ - ಫಿಟೆಡ್ ಹಿಂಭಾಗದ ಲಗೇಜ್ ಕ್ಯಾರಿಯರ್ ಹಾಗೂ ಹೆಚ್ಚಿನ ಪ್ರೀಮಿಯಂ ಅನುಭವಕ್ಕಾಗಿ ಅಪ್‌ಗ್ರೇಡೆಡ್ ಕಂಟ್ರೋಲ್ ಸ್ವಿಚ್‌ಗಳನ್ನು ನೀಡಲಾಗಿದೆ.

ಡೊಮಿನಾರ್ 250 ಬೈಕ್ ಕ್ಯಾನ್ಯನ್ ರೆಡ್, ಸ್ಪಾರ್ಕ್ಲಿಂಗ್ ಬ್ಲ್ಯಾಕ್, ಸಿಟ್ರಸ್ ರಶ್ ಎಂಬ ಬಣ್ಣದ ಆಯ್ಕೆಗಳನ್ನು ಹೊಂದಿದ್ದರೆ, ಡೊಮಿನಾರ್ 400 ಬೈಕ್ ಕ್ಯಾನ್ಯನ್ ರೆಡ್, ಅರೋರಾ ಗ್ರೀನ್, ಚಾರ್ಕೋಲ್ ಬ್ಲ್ಯಾಕ್ ಬಣ್ಣಗಳೊಂದಿಗೆ ಬರುತ್ತದೆ. 2017 ರಲ್ಲಿ ಪರಿಚಯಿಸಲ್ಪಟ್ಟಾಗಿನಿಂದ, ಡೊಮಿನಾರ್ ಭಾರತದಲ್ಲಿ ಸ್ಪೋರ್ಟಿ ಟೂರಿಂಗ್ ವಿಭಾಗದಲ್ಲಿ ಮುನ್ನುಗ್ಗುತ್ತಿದೆ.

ಆಧುನಿಕ ಎಲೆಕ್ಟ್ರಾನಿಕ್ಸ್ ಮತ್ತು ಟೂರಿಂಗ್ ಪ್ರಾಯೋಗಿಕತೆಯನ್ನು ಮಿಶ್ರಣ ಮಾಡುವುದರ ಮೇಲೆ ಸ್ಪಷ್ಟವಾಗಿ ಕೇಂದ್ರೀಕರಿಸಿ 2025 ರ ಡೊಮಿನಾರ್ ಅನ್ನು ಅಪ್‌ಡೇಟ್ ಮಾಡಲಾಗಿದೆ. ಬೈಕ್‌ಗಳು ಪ್ರಮುಖ ಎಂಜಿನ್ ಪವರ್‌ ಹಾಗೆಯೇ ಉಳಿಸಿಕೊಂಡಿವೆ. ಕೈಗೆಟುಕುವ ಸ್ಪೋರ್ಟ್ಸ್ ಟೂರರ್ ಅನ್ನು ಬಯಸುವ ಸವಾರರಿಗೆ ಬೆಸ್ಟ್ ಆಯ್ಕೆ ಎಂದು ಹೇಳಬಹುದು.