USB: ಕೇವಲ ರೂ. 194 ಇದ್ದರೆ ಹಳೇ ದ್ವಿಚಕ್ರ ವಾಹನಕ್ಕೆ ಹೊಸ ಆಧುನಿಕ ಫೀಚರ್... ಏನದು?

ಮೊಬೈಲ್ ಫೋನ್‌ಗಳಿಲ್ಲದೆ ಇಂದು ಜೀವನ ನಡೆಸುವುದೇ ಕಷ್ಟವಾಗಿಬಿಟ್ಟಿದೆ. ಯಾವ ಮಟ್ಟಿಗೆ ಅಂದರೆ ಮೊಬೈಲ್‌ಗಳನ್ನು ಚಾರ್ಜ್‌ ಮಾಡಲು ವಾಹನ ತಯಾರಕ ಕಂಪನಿಗಳು ದ್ವಿಚಕ್ರ ವಾಹನಗಳಲ್ಲಿ ಯುಎಸ್‌ಬಿ ಪೋರ್ಟ್ ನೀಡುತ್ತಿವೆ. ಈ ಮೂಲಕ ವಾಹನಗಳು ಚಾಲನೆಯಲ್ಲಿರುವಾಗಲೇ ಮೊಬೈಲ್‌ಗಳನ್ನು ಚಾರ್ಜ್ ಮಾಡಿಕೊಳ್ಳಬಹುದು. ಆದರೆ ಇದು ಇತ್ತೀಚಿನ ವಾಹನಗಳಲ್ಲಿ ಮಾತ್ರ ಕಂಡುಬರುತ್ತದೆ, ಹಳೇ ವಾಹನಗಳನ್ನು ಓಡಿಸುವವರ ಪರಿಸ್ಥಿತಿ ಏನು? ಅದು ಮೊನ್ನೆಯವರೆಗೆ ಈಗ ಹಳೇ ದ್ವಿಚಕ್ರ ವಾಹನ ಸವಾರರು ಕೂಡ ಚಾಲನೆಯಲ್ಲಿರುವಾಗಲೆ ಮೊಬೈಲ್‌ಗಳನ್ನು ಚಾರ್ಜ್‌ ಮಾಡಿಕೊಳ್ಳಬಹುದು.

ಭಾರತೀಯ ಆಫ್ಟರ್‌ಮಾರ್ಕೆಟ್‌ನಲ್ಲಿ ದ್ವಿಚಕ್ರ ವಾಹನಗಳಿಗಾಗಿ ಹ್ಯಾಂಡಲ್‌ ಬಾರ್‌ನಲ್ಲಿ ಅಳವಡಿಸಿಕೊಳ್ಳಲು ತನ್ನ ಅತ್ಯಾಧುನಿಕ ಡ್ಯುಯಲ್ ಪೋರ್ಟ್ USB ಮೊಬೈಲ್ ಫೋನ್ ಫಾಸ್ಟ್ ಚಾರ್ಜಿಂಗ್ ಅನ್ನು 'ಯುನೊ ಮಿಂಡಾ' ಕಂಪನಿ ಇತ್ತೀಚೆಗೆ ಬಿಡುಗಡೆ ಮಾಡಿದೆ. ಈ ಮೂಲಕ ಹಳೇ ವಾಹನ ಸವಾರರು ಕೂಡ ಪ್ರಯಾಣದಲ್ಲಿರುವಾಗ ತಮ್ಮ ಫೋನ್‌ಗಳನ್ನು ಚಾರ್ಜ್ ಮಾಡಲು ಇದು ಅನುವು ಮಾಡಿಕೊಡುತ್ತದೆ.

ಯುನೊ ಮಿಂಡಾ ಪರಿಚಯಿಸಿರುವ 2 - ವೀಲರ್ ಡ್ಯುಯಲ್ ಪೋರ್ಟ್ ಯುಎಸ್‌ಬಿ ಫಾಸ್ಟ್ ಚಾರ್ಜಿಂಗ್ ಬೆಲೆಯು ರೂ. 194 ಇದೆ. ಕಂಪನಿಯ ಪ್ರಕಾರ "ಈ ವೇಗದ ಚಾರ್ಜರ್ 30W /2.4A ಗರಿಷ್ಠ ಪವರ್ ಉತ್ಪಾದನೆಯಲ್ಲಿ ಕಾರ್ಯನಿರ್ವಹಿಸಲು ವಿನ್ಯಾಸಗೊಳಿಸಲಾಗಿದೆ. ಇದು ಸುರಕ್ಷತೆ, ಅನುಕೂಲತೆ ನೀಡುವ ಜೊತೆಗೆ ಮೊಬೈಲ್ ಬ್ಯಾಟರಿ ಖಾಲಿಯಾಗುವ ಬಗ್ಗೆ ಭಯವಿಲ್ಲದಂತೆ ಮಾಡಿ, ಆರಾಮ ಸವಾರಿ ಅನುಭವ ನೀಡುತ್ತದೆ.

ಯುನೊ ಮಿಂಡಾದ ಇತ್ತೀಚಿನ ಈ ಉಪಕರಣವು ಸಂಪರ್ಕಿತ, ಸುರಕ್ಷತೆ - ಪ್ರಜ್ಞೆಯುಳ್ಳ ರೈಡರ್ ಬೇಸ್‌ನ ಬೇಡಿಕೆಗಳೊಂದಿಗೆ ಹೊಂದಿಕೆಯಾಗುವ ಮುಂದಿನ-ಪೀಳಿಗೆಯ ಸಾಧನವಾಗಿದೆ. ಇದು 1 ವರ್ಷದ ವಾರೆಂಟಿ ಮತ್ತು ದೃಢವಾದ ನಿರ್ಮಾಣ ಗುಣಮಟ್ಟದೊಂದಿಗೆ, ಆಫ್ಟರ್‌ಮಾರ್ಕೆಟ್ ಡೊಮೇನ್‌ನಲ್ಲಿ ಯುನೊ ಮಿಂಡಾದ ನಾವೀನ್ಯತೆಯ ಪರಂಪರೆಯನ್ನು ಪ್ರತಿಬಿಂಬಿಸುತ್ತವೆ ಎಂದ ಕಂಪನಿ ಹೇಳಿಕೊಂಡಿದೆ.

ಹೊಸ ಡ್ಯುಯಲ್ ಪೋರ್ಟ್ ಯುಎಸ್‌ಬಿ ಫಾಸ್ಟ್ ಚಾರ್ಜಿಂಗ್ ಪೋರ್ಟ್, BS6 ಎಮಿಷನ್ ಮಾನದಂಡಗಳಿಗೆ ಹೊಂದಿಕೊಳ್ಳುತ್ತದೆ. ಈಗ ಅಮೆಜಾನ್, ಫ್ಲಿಪ್‌ಕಾರ್ಟ್ ಮತ್ತು ಯುನೊ ಮಿಂಡಾ ಕಾರ್ಟ್‌ನಂತಹ ಪ್ರಮುಖ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹಾಗೂ ಭಾರತದಾದ್ಯಂತದ ಪ್ರಮುಖ ಆಫ್‌ಲೈನ್ ಮಾರಾಟ ಮಳಿಗೆಗಳಲ್ಲಿ ಲಭ್ಯವಿದೆ. ಆಧುನಿಕ ದ್ವಿಚಕ್ರ ವಾಹನಗಳಿಗೆ ಪ್ರಮಾಣೀಕೃತ ಮತ್ತು ವಿಶ್ವಾಸಾರ್ಹ ಪರಿಹಾರವನ್ನು ನೀಡುತ್ತದೆ.

"ನಮ್ಮ ಹೊಸ ಡ್ಯುಯಲ್ - ಪೋರ್ಟ್ ಯುಎಸ್‌ಬಿ ಮೊಬೈಲ್ ಫೋನ್ ಚಾರ್ಜರ್‌ಗಳನ್ನು ವೇಗದ ಚಾರ್ಜಿಂಗ್ ಸಾಮರ್ಥ್ಯಗಳೊಂದಿಗೆ, ಅವು ಯಾವಾಗಲೂ ಚಲನೆಯಲ್ಲಿರುವ ಬೈಕ್ ಸವಾರರಿಗೆ ಚಿಂತೆ ಮುಕ್ತ ಪ್ರಯಾಣ ಅನುಭವವನ್ನು ನೀಡುತ್ತವೆ. ಸವಾರರ ಸೌಕರ್ಯ ಮತ್ತು ದಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಇವನ್ನು ನಿರ್ಮಿಸಲಾಗಿದೆ.

ಪ್ರೀಮಿಯಂ - ಗ್ರೇಡ್ ಎಬಿಎಸ್ (ಅಕ್ರಿಲೋನಿಟ್ರೈಲ್ ಬ್ಯುಟಾಡೀನ್ ಸ್ಟೈರೀನ್), ಪ್ರಭಾವ ನಿರೋಧಕತೆ ಮತ್ತು ಹವಾಮಾನ ನಿರೋಧಕ ವಿಶ್ವಾಸಾರ್ಹತೆಯನ್ನು ನೀಡುತ್ತವೆ. ಬಾಳಿಕೆ ಬರುವ ಥರ್ಮೋಪ್ಲಾಸ್ಟಿಕ್ ಪಾಲಿಮರ್ ಬಳಸಿ ರಚಿಸಲಾದ ಈ ಚಾರ್ಜರ್‌ಗಳು ಉತ್ತಮ ಗಡಸುತನದೊಂದಿಗೆ ಇವು ಭಾರತೀಯ ಸವಾರಿ ಪರಿಸ್ಥಿತಿಗಳಿಗೆ ಸೂಕ್ತವಾಗಿವೆ" ಎಂದು ಯುನೊ ಮಿಂಡಾ ಲಿಮಿಟೆಡ್‌ನ ಆಫ್ಟರ್‌ಮಾರ್ಕೆಟ್‌ನ ಮಾರಾಟ ಮತ್ತು ಮಾರುಕಟ್ಟೆ ಮುಖ್ಯಸ್ಥ ಆನಂದ್ ಕುಮಾರ್ ಹೇಳಿದರು.

ಇತ್ತೀಚಿನ ಕೆಲವು ಹೊಸ ದ್ವಿಚಕ್ರ ವಾಹನಗಳು USB ಪೋರ್ಟ್‌ಗಳೊಂದಿಗೆ ಬರುತ್ತವೆಯಾದರೂ ಹಳೆಯ ವಾಹನಗಳಿಗೆ ಈ ಸೌಕರ್ಯವಿಲ್ಲ. ಹಾಗೆಯೇ ಕಾರು ಚಾಲಕರು ಅಂತರ್ನಿರ್ಮಿತ ಡ್ಯುಯಲ್ USB ಪೋರ್ಟ್‌ಗಳಿಂದ ಪ್ರಯೋಜನ ಪಡೆದರೂ, ಹಳೆಯ ವಾಹನ‌ಗಳಿಗೆ ಈ ಅನುಕೂಲತೆ ಸುಲಭವಾಗಿ ಲಭ್ಯವಿರಲಿಲ್ಲ. ಕೊಗೆಗೂ ಅತ್ಯಾಧುನಿಕ ಡ್ಯುಯಲ್ ಪೋರ್ಟ್ USB ಮೊಬೈಲ್ ಫೋನ್ ಫಾಸ್ಟ್ ಚಾರ್ಜಿಂಗ್ ಪರಿಚಯಿಸಿರುವ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ನಲ್ಲಿ ತಿಳಿಸಿ.