ಅಗ್ಗದ ಬೆಲೆಗೆ ಭಾರತೀಯ ಬ್ರಾಂಡ್‌ನಿಂದ ಅಂತರಾಷ್ಟ್ರೀಯ ಗುಣಮಟ್ಟದ ಹೆಲ್ಮೆಟ್ ಬಿಡುಗಡೆ

ಭಾರತದ ಅತಿದೊಡ್ಡ ದ್ವಿಚಕ್ರ ವಾಹನ ಹೆಲ್ಮೆಟ್ ತಯಾರಕರಾದ 'ಸ್ಟಡ್ಸ್' (STUDDS), ಇಂದು ಸ್ಟಡ್ಸ್ ವೋಗ್ ಹೆಲ್ಮೆಟ್‌ನ ಮೊದಲ ಗ್ರಾಫಿಕ್ ಸಿರೀಸ್ ಆಗಿರುವ "ವೋಗ್ D1 ಸ್ಕ್ವೇರ್" ಅನ್ನು ಬಿಡುಗಡೆ ಮಾಡಿದೆ. ಸುರಕ್ಷತೆ, ಸೌಕರ್ಯ ಮತ್ತು ಮೌಲ್ಯದ ವಿಶ್ವಾಸಾರ್ಹ ಸಂಯೋಜನೆಗಾಗಿ ವೋಗ್ ಸಿರೀಸ್ ಸವಾರರಲ್ಲಿ ಜನಪ್ರಿಯವಾಗಿದೆ. BIS ಸುರಕ್ಷತಾ ಮಾನದಂಡಗಳನ್ನು ಪೂರೈಸುವ ಮೂಲಕ, ಹೆಲ್ಮೆಟ್ ISI ಪ್ರಮಾಣೀಕರಿಸಲ್ಪಟ್ಟಿದೆ. ಭಾರತೀಯ ಸುರಕ್ಷತಾ ಮಾನದಂಡಗಳಿಗೆ ಅನುಗುಣವಾಗಿ ರಕ್ಷಣೆಯನ್ನು ನೀಡುತ್ತದೆ. ಹೊಸ ವೋಗ್ D1 ಸ್ಕ್ವೇರ್ ವೇರಿಯೆಂಟ್‌ಗಳ ವಿಶೇಷತೆಗಳನ್ನು ಇಲ್ಲಿ ನೋಡೋಣ.

ಕ್ಲಾಸಿಕ್ ಸರಣಿಯ ಹೊಸ ಅವಲೋಕನ: ವೋಗ್ D1 ಸ್ಕ್ವೇರ್ ಸಿರೀಸ್, ಹೆಲ್ಮೆಟ್‌ನ ಸುರಕ್ಷತೆ ಮತ್ತು ಸೌಕರ್ಯ ವೈಶಿಷ್ಟ್ಯಗಳನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುತ್ತದೆ. ಹೊಸ ಗ್ರಾಫಿಕ್ಸ್‌ನೊಂದಿಗೆ 6 ಬಣ್ಣ ಆಯ್ಕೆಗಳನ್ನು ನೀಡುತ್ತದೆ. ಹೆಲ್ಮೆಟ್ ಅನ್ನು ಎಲ್ಲಾ ರೀತಿಯ ಸವಾರರಿಗೆ ಬಹುಮುಖ ಆಯ್ಕೆಯಾಗಿ ವಿನ್ಯಾಸಗೊಳಿಸಲಾಗಿದ್ದು, ಇದು ಪ್ರಯಾಣಿಕರು ಮತ್ತು ವಿರಾಮ ಸವಾರರಿಗೆ ಸೂಕ್ತವಾದ ದೈನಂದಿನ ಒಡನಾಡಿಯಾಗಿದೆ.

ಸುರಕ್ಷತೆ ಮತ್ತು ಸೌಕರ್ಯಕ್ಕಾಗಿ ವಿನ್ಯಾಸ: ನಿಯಂತ್ರಿತ - ಸಾಂದ್ರತೆಯ EPS ನೊಂದಿಗೆ ರಚಿಸಲಾದ ವೋಗ್ D1 ಸ್ಕ್ವೇರ್ ವಿವಿಧ ಸವಾರಿ ಪರಿಸ್ಥಿತಿಗಳಲ್ಲಿ ರಕ್ಷಣೆಯನ್ನು ಖಚಿತಪಡಿಸುತ್ತದೆ. ತ್ವರಿತ ತೆರೆದುಕೊಳ್ಳುವಿಕೆಯ ಚಿನ್ ಸ್ಟ್ರಾಪ್‌ನೊಂದಿಗೆ, ಇದು ಅನುಕೂಲತೆ ಮತ್ತು ಭದ್ರತೆಯನ್ನು ನೀಡುತ್ತದೆ. ದೀರ್ಘ ಪ್ರಯಾಣ ಮತ್ತು ಸಣ್ಣ ಪ್ರಯಾಣ ಎರಡಕ್ಕೂ ಸೂಕ್ತವಾಗಿದೆ.

ಈ ಹೆಲ್ಮೆಟ್ ಹೈಪೋಲಾರ್ಜೆನಿಕ್ ಲೈನರ್ ಮತ್ತು ಟಾಪ್ ಏರ್ ಎಕ್ಸಾಸ್ಟ್‌ಗಳೊಂದಿಗೆ ಬರುತ್ತದೆ. ಇದು ದೀರ್ಘಕಾಲದ ಬಳಕೆಯ ನಂತರವೂ ಸೌಕರ್ಯ ಮತ್ತು ತಾಜಾತನವನ್ನು ಒದಗಿಸುತ್ತದೆ. ಇದು ಭಾರತದ ಬಿಸಿ ವಾತಾವರಣಕ್ಕೂ ಸೂಕ್ತವಾಗಿರುತ್ತದೆ ಎಂದು ಕಂಪನಿ ಹೇಳಿದೆ. ಹೊಸ ವೋಗ್ D1 ಸ್ಕ್ವೇರ್ ಬೆಲೆ ಮತ್ತು ಲಭ್ಯತೆಯ ವಿವರಗಳು ಕೆಳಗಿವೆ.

ವೋಗ್ D1 ಸ್ಕ್ವೇರ್ XS, S, M, ಮತ್ತು L ಎಂಬ 4 ಘಾತ್ರಗಳಲ್ಲಿ ಲಭ್ಯವಿದೆ. ಹಾಗೆಯೇ 6 ಆಕರ್ಷಕ ಬಣ್ಣ ಆಯ್ಕೆಗಳು, ಹೊಸ ಗ್ರಾಫಿಕ್ ಮುಕ್ತಾಯದೊಂದಿಗೆ ಡಿಸೈನ್ ಮಾಡಲಾಗಿದೆ. ಬಣ್ಣ ಆಯ್ಕೆಗಳಲ್ಲಿ ಬ್ಲಾಕ್ & ಬ್ಲೂ, ಬ್ಲಾಕ್, ವೈಟ್ & ರೆಡ್, ಬ್ಲಾಕ್ & ರೋಸ್, ಬ್ಲಾಕ್ & ರೆಡ್, ಬ್ಲಾಕ್ & ಗ್ರೇ, ಬ್ಲಾಕ್ & ಬ್ಲೂ ಸೇರಿವೆ.

ಹೆಲ್ಮೆಟ್ ಮೌಲ್ಯದಲ್ಲಿ ರಾಜಿ ಮಾಡಿಕೊಳ್ಳದೆ ಸುರಕ್ಷಿತ ಮತ್ತು ಆರಾಮದಾಯಕ ಸವಾರಿ ಅನುಭವವನ್ನು ನೀಡುತ್ತದೆ. ಬೆಲೆ ರೂ. 1,095 ನಿಂದ ಪ್ರಾರಂಭವಾಗುತ್ತದೆ. ಇದನ್ನು ಆಫ್‌ಲೈನ್ ಚಿಲ್ಲರೆ ಅಂಗಡಿಗಳು, ಸ್ಟಡ್ಸ್ ವಿಶೇಷ ಬ್ರ್ಯಾಂಡ್ ಔಟ್‌ಲೆಟ್‌ಗಳು ಮತ್ತು ಬ್ರ್ಯಾಂಡ್‌ನ ಅಧಿಕೃತ ವೆಬ್‌ಸೈಟ್ ನಿಂದ ಖರೀದಿಸಬಹುದು. ಪ್ರಮುಖ ಮಾರುಕಟ್ಟೆಗಳಲ್ಲಿ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ ಎಂದು ಕಂಪನಿ ತಿಳಿಸಿದೆ.

"STUDDS ಆಕ್ಸೆಸರೀಸ್ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಸಿದ್ಧಾರ್ಥ ಭೂಷಣ್ ಖುರಾನಾ ಮಾತನಾಡಿ," ಸ್ಟಡ್ಸ್ ನಲ್ಲಿ, ಸುರಕ್ಷತೆ ಮತ್ತು ಸೌಕರ್ಯದ ನಮ್ಮ ಪ್ರಮುಖ ಭರವಸೆಗೆ ಬದ್ಧರಾಗಿ, ನಮ್ಮ ಗ್ರಾಹಕರ ಶೈಲಿ ಮತ್ತು ಆದ್ಯತೆಗಳಿಗೆ ಹೊಂದಿಕೆಯಾಗುವಂತೆ ನಾವು ನಿರಂತರವಾಗಿ ನಮ್ಮ ಉತ್ಪನ್ನಗಳನ್ನು ವಿಕಸಿಸುತ್ತಿದ್ದೇವೆ.

ಹೆಚ್ಚು ಅಭಿವ್ಯಕ್ತಿಶೀಲ ಮತ್ತು ಸಮಕಾಲೀನ ವಿನ್ಯಾಸಗಳಿಗಾಗಿ ಸವಾರರಿಂದ ಬಂದ ಬೇಡಿಕೆಯು ನಮ್ಮ ಹೆಚ್ಚು ಮಾರಾಟವಾಗುವ ಹೆಲ್ಮೆಟ್‌ಗಳಲ್ಲಿ ಒಂದಾದ ವೋಗ್ ಸಿರೀಸ್ ಅನ್ನು ನವೀಕರಿಸಲು ನಮಗೆ ಸ್ಫೂರ್ತಿ ನೀಡಿದೆ. ನಮ್ಮ ಹೆಚ್ಚು ಮಾರಾಟವಾಗುವ ಹೆಲ್ಮೆಟ್ ಸಿರೀಸ್ ನಲ್ಲಿ ರೋಮಾಂಚಕ ಹೊಸ ಗ್ರಾಫಿಕ್ಸ್‌ನ ಪರಿಚಯದೊಂದಿಗೆ, ನಾವು ಸವಾರರಿಗೆ ಸುರಕ್ಷಿತ ಮತ್ತು ವಿಶ್ವಾಸಾರ್ಹ ಮಾತ್ರವಲ್ಲದೆ ದೃಷ್ಟಿಗೆ ಇಷ್ಟವಾಗುವ ಉತ್ಪನ್ನವನ್ನು ನೀಡುವ ಗುರಿಯನ್ನು ಹೊಂದಿದ್ದೇವೆ.

ಪುರುಷರು ಮತ್ತು ಮಹಿಳೆಯರಿಗಾಗಿ ವಿನ್ಯಾಸಗೊಳಿಸಲಾದ ಈ ಹಗುರವಾದ ತೆರೆದ ಮುಖದ ಹೆಲ್ಮೆಟ್, ಆಧುನಿಕ ವಿನ್ಯಾಸವನ್ನು ವಿಶ್ವಾಸಾರ್ಹ ರಕ್ಷಣೆಯೊಂದಿಗೆ ಸಂಯೋಜಿಸುತ್ತದೆ. ಸ್ಟಡ್ಸ್ ನ ಸುರಕ್ಷತೆ ಮತ್ತು ವಿಶ್ವಾಸಾರ್ಹತೆಯ ಭರವಸೆಯನ್ನು ಆನಂದಿಸುವಾಗ ಸವಾರರು ರಸ್ತೆಯಲ್ಲಿ ತಮ್ಮ ಪ್ರತ್ಯೇಕತೆಯನ್ನು ವ್ಯಕ್ತಪಡಿಸಲು ಅನುವು ಮಾಡಿಕೊಡುತ್ತದೆ" ಎಂದು ಹೇಳಿದರು.