Ultraviolette: ದೇಶಾದ್ಯಂತ ಸದ್ದು ಮಾಡುತ್ತಿದೆ ಕರ್ನಾಟಕ ಮೂಲದ ಮೋಟಾರ್‌ಸೈಕಲ್ ಕಂಪನಿ

ದೇಶಾದ್ಯಂತ ಅತ್ಯಾಧುನಿಕ ಅನುಭವ ಕೇಂದ್ರ (Experience Centre)ಗಳನ್ನು ಪ್ರಾರಂಭಿಸುವ ಮೂಲಕ ಬೆಂಗಳೂರು ಮೂಲದ ಅಲ್ಟ್ರಾವೈಲೆಟ್ (Ultraviolette) ತನ್ನ ವ್ಯಾಪಾರವನ್ನು ವೇಗವಾಗಿ ವಿಸ್ತರಿಸುತ್ತಿದೆ. ಕಂಪನಿಯು 72 ಗಂಟೆಗಳಲ್ಲಿ ಕೋಲ್ಕತ್ತಾ, ಜೈಪುರ, ಮಧುರೈ, ಬೆರ್ಹಾಂಪೋರ್ ಮತ್ತು ಬೆಂಗಳೂರಿನಲ್ಲಿ ಹೊಸ ಅನುಭವ ಕೇಂದ್ರಗಳನ್ನು ಉದ್ಘಾಟಿಸಿದೆ. ಇದು ಬೆಂಗಳೂರಿನಲ್ಲಿ ತನ್ನ ಎರಡನೇ ಅನುಭವ ಕೇಂದ್ರವಾಗಿದೆ. ಇವು 2026 ರ ಹಣಕಾಸು ವರ್ಷಕ್ಕೆ ಕಂಪನಿಯ ಮಹತ್ವದ ವಿಸ್ತರಣಾ ಯೋಜನೆಗಳಿಗೆ ಅನುಗುಣವಾಗಿದೆ. ಅತ್ಯಾಧುನಿಕ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳನ್ನು ಭಾರತದಾದ್ಯಂತ ಗ್ರಾಹಕರಿಗೆ ಹತ್ತಿರ ತರುವುದು ನಮ್ಮ ಗುರಿಯಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಈ ಹೊಸದಾಗಿ ಸ್ಥಾಪಿಸಲಾದ ಕೇಂದ್ರಗಳು ವಿವಿಧ ಡೀಲರ್ ಪಾಲುದಾರಿಕೆಯಲ್ಲಿ, ಅಲ್ಟ್ರಾವೈಲೆಟ್ ಮೋಟಾರ್‌ಸೈಕಲ್‌ಗಳಾದ F77 MACH 2 ಮತ್ತು F77 ಸೂಪರ್‌ಸ್ಟ್ರೀಟ್ ಅನ್ನು ಅನ್ವೇಷಿಸಲು ಗ್ರಾಹಕರಿಗೆ ಸಮಗ್ರ ಅನುಭವವನ್ನು ಒದಗಿಸುತ್ತದೆ. ಈ ಕೇಂದ್ರಗಳು ಗ್ರಾಹಕರಿಗೆ ಸಂಪೂರ್ಣ ಖರೀದಿ ಅನುಭವವನ್ನು ನೀಡಲು ವಿನ್ಯಾಸಗೊಳಿಸಲಾಗಿದೆ ಎಂದು ಕಂಪನಿ ಹೇಳಿದೆ.

ಹಾಗೆಯೇ ಇಲ್ಲಿ ಪರೀಕ್ಷಾ ಸವಾರಿಗಳಿಂದ (ಟೆಸ್ಟ್‌ ರೈಡ್) ಹಿಡಿದು ಅಲ್ಟ್ರಾವೈಲೆಟ್‌ನ ಅಸ್ತಿತ್ವದಲ್ಲಿರುವ ಮಾಡಲ್‌ಗಳ ವಿತರಣೆವರೆಗೆ ಎಲ್ಲವನ್ನು ಒಳಗೊಂಡಿದೆ. ಇದಕ್ಕೆ ಪೂರಕವಾಗಿ, ನಿಜವಾದ ಬಿಡಿಭಾಗಗಳನ್ನು ನೀಡುವುದರ ಜೊತೆಗೆ ಎಲ್ಲಾ ಬೆಂಬಲ ಮತ್ತು ನಿರ್ವಹಣಾ ಅಗತ್ಯಗಳನ್ನು ಪೂರೈಸಲು ಸಂಪೂರ್ಣವಾಗಿ ಸಜ್ಜಾಗಿರುವ ಸೇವಾ ಕೇಂದ್ರವು, ಮಾಲೀಕತ್ವದ ಪ್ರಯಾಣವನ್ನು ಖಚಿತಪಡಿಸುತ್ತದೆ.

ಕಂಪನಿಯ ಇತ್ತೀಚಿನ ಜಿಗಿತವು ಎಲೆಕ್ಟ್ರಿಕ್ ವಾಹನ ವಿಕಸನದಲ್ಲಿ ಒಂದು ನಿರ್ಣಾಯಕ ಕ್ಷಣವನ್ನು ತಲುಪಿದೆ, ಕಂಪನಿಯ 'GEN3 ಪವರ್‌ಟ್ರೇನ್ ಫರ್ಮ್‌ವೇರ್' ಮತ್ತು 'ಬ್ಯಾಲಿಸ್ಟಿಕ್+' ಪರ್ಫಾಮೆನ್ಸ್ ವರ್ಧನೆಯೊಂದಿಗೆ ಇದು ಎಲ್ಲಾ F77 ಹಿಂದಿನ ಮತ್ತು ಹೊಸ ಗ್ರಾಹಕರಿಗೆ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಲಭ್ಯವಿದೆ. F77 ಬೈಕ್‌ಗಳು ಈಗ ಹೆಚ್ಚು ತೀಕ್ಷ್ಣವಾದ ಪ್ರತಿಕ್ರಿಯೆ, ತ್ವರಿತ ವೇಗವರ್ಧನೆ ನೀಡುತ್ತವೆ ಎಂದು ಕಂಪನಿ ತಿಳಿಸಿದೆ.

2024 ರಲ್ಲಿ, F77 ಬೈಕ್‌ಗಳಲ್ಲಿ ವಿಕಾಸದ ಮೊದಲ ಹಂತವು ಟ್ರಾಕ್ಷನ್ ಕಂಟ್ರೋಲ್, ಡೈನಾಮಿಕ್ ಸ್ಟೆಬಿಲಿಟಿ ಕಂಟ್ರೋಲ್ (UVDSC), 10 ಹಂತದ ಪುನರುತ್ಪಾದಕ ಬ್ರೇಕಿಂಗ್ (ರೀಜೆನ್ ಬ್ರೇಕಿಂಗ್), ಹಿಲ್ - ಹೋಲ್ಡ್ ಅಸಿಸ್ಟ್, ವೈಲೆಟ್ A.I. ಸೇರಿದಂತೆ ಇನ್ನೂ ಹೆಚ್ಚಿನ ಸುರಕ್ಷತಾ ವೈಶಿಷ್ಟ್ಯಗಳ ಮೇಲೆ ಕೇಂದ್ರೀಕರಿಸಿದೆ.

ಅಲ್ಟ್ರಾವೈಲೆಟ್‌ನ ಸಿಇಒ ಮತ್ತು ಸಹ-ಸಂಸ್ಥಾಪಕ ನಾರಾಯಣ್ ಸುಬ್ರಮಣಿಯಂ ಮಾತನಾಡಿ, "ಅಲ್ಟ್ರಾವೈಲೆಟ್‌ನ ಸಕ್ರಿಯ ವಿಸ್ತರಣೆಯು ಕೇವಲ ಸ್ಕೇಲಿಂಗ್ ಬಗ್ಗೆ ಮಾತ್ರವಲ್ಲ, ಅದರ ಪ್ರಭಾವದ ಬಗ್ಗೆಯೂ ಆಗಿದೆ. 72 ಗಂಟೆಗಳ ಕಡಿಮೆ ಅವಧಿಯಲ್ಲಿ ಐದು ಹೊಸ ಅನುಭವ ಕೇಂದ್ರಗಳನ್ನು ತೆರೆಯುವುದರೊಂದಿಗೆ ಇಂದು ಬೆಂಗಳೂರಿನಲ್ಲಿ ಎರಡನೇ ಅನುಭವ ಕೇಂದ್ರವನ್ನು ಪ್ರಾರಂಭಿಸಲಾಗಿದೆ. ಇದು ಬಲವಾದ ಮಾರಾಟ ಮತ್ತು ಮಾರಾಟದ ನಂತರದ ಸೌಲಭ್ಯಗಳನ್ನು ನೀಡುವ ನಮ್ಮ ಬದ್ಧತೆಯನ್ನು ತೋರಿಸುತ್ತದೆ.

ಜೂನ್ 2025 ರಲ್ಲಿ ಯುರೋಪಿನಾದ್ಯಂತ ಹತ್ತು ದೇಶಗಳಲ್ಲಿ ನಮ್ಮ ಕಂಪನಿಯ ಪ್ರಾರಂಭ ಮತ್ತು ಭಾರತದ ವಿಸ್ತರಣೆಯ ಎರಡನೇ ಹಂತವು ನಮ್ಮ ಕಾರ್ಯಾಚರಣೆಯ ಮಾದರಿಯ ಚುರುಕುತನವನ್ನು ಮತ್ತು 2026 ರ ಹಣಕಾಸು ವರ್ಷದ ವೇಳೆಗೆ ನೂರು ನಗರಗಳಲ್ಲಿ ನಮ್ಮ ಗ್ರಾಹಕರಿಗೆ ಸೇವೆ ಸಲ್ಲಿಸುವ ನಮ್ಮ ದೃಷ್ಟಿಕೋನವನ್ನು ಒತ್ತಿಹೇಳುತ್ತದೆ ಎಂದು ಹೇಳಿದರು.

ಭಾರತದಲ್ಲಿ ವಿನ್ಯಾಸ ಮತ್ತು ನಿರ್ಮಾಣವು ಕೇವಲ ಒಂದು ತತ್ವಶಾಸ್ತ್ರವಲ್ಲ, ಇದು ದೀರ್ಘಾವಧಿಯ ಮೌಲ್ಯ ಸೃಷ್ಟಿಗೆ ಅಡಿಪಾಯ ಹಾಕುವುದು. ಹೊಸ ಉತ್ಪನ್ನ ಬಿಡುಗಡೆಗಳಿಗೆ ಮುಂಚಿತವಾಗಿ ಸೇವಾ ಶ್ರೇಷ್ಠತೆಗೆ ಆದ್ಯತೆ ನೀಡುವುದು. ನಾವು ವಿನ್ಯಾಸ - ನೇತೃತ್ವದ ಮತ್ತು ಮುಂದುವರಿದ ತಂತ್ರಜ್ಞಾನದ ಜೊತೆಗೆ ಮುಂದಿನ ಅಲೆಯನ್ನು ಪ್ರಾರಂಭಿಸುತ್ತಿದ್ದೇವೆ ಎಂದು ಹೇಳಿದರು.