ಸ್ಮಾರ್ಟ್ ತಂತ್ರಜಾನ, ಹೊಸ ಬಣ್ಣಗಳೊಂದಿಗೆ ಯಮಹಾ ಹೈಬ್ರಿಡ್ ಸ್ಕೂಟರ್ ಸಿರೀಸ್ ಬಿಡುಗಡೆ

ಪ್ರಮುಖ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿರುವ ಯಮಹಾ, ಇಂದು ತನ್ನ 125cc Fi ಹೈಬ್ರಿಡ್ ಸ್ಕೂಟರ್ ಶ್ರೇಣಿಗೆ ಅತ್ಯಾಕರ್ಷಕ ನವೀಕರಣವನ್ನು ಪ್ರಕಟಿಸಿದೆ. ಫ್ಯಾಸಿನೊ 125 Fi ಹೈಬ್ರಿಡ್ ಮತ್ತು ರೇಝಡ್ಆರ್ 125 Fi ಹೈಬ್ರಿಡ್ ಈಗ ಸುಧಾರಿತ ಸ್ಮಾರ್ಟ್ ಫೀಚರ್ಸ್ ಮತ್ತು ರೋಮಾಂಚಕ ಬಣ್ಣ ಆಯ್ಕೆಗಳೊಂದಿಗೆ ಬಂದಿದ್ದು, ಸವಾರರಿಗೆ ಹೆಚ್ಚು ಸಂಪರ್ಕಿತ, ಸೊಗಸಾದ ಮತ್ತು ಕ್ರಿಯಾತ್ಮಕ ಸವಾರಿ ಅನುಭವವನ್ನು ನೀಡಲಿವೆ. ಎರಡೂ ಸ್ಕೂಟರ್‌ಗಳು ಈ ಬಾರಿ ಇನ್ನೂ ಯಾವೆಲ್ಲಾ ವಿಶೇಷತೆಗಳನ್ನು ಒಳಗೊಂಡಿವೆ ಎಂಬುದನ್ನು ಈ ಕೆಳಗೆ ವಿವರಿಸಲಾಗಿದೆ.

2025 ಯಮಹಾ ಹೈಬ್ರಿಡ್ ಸ್ಕೂಟರ್ ಸಿರೀಸ್ ಈಗ 'ವರ್ಧಿತ ಪವರ್ ಅಸಿಸ್ಟ್' ಕಾರ್ಯವನ್ನು ಹೊಂದಿದೆ. ಇದು ಯಮಹಾದ ನಿಜವಾದ ಹೈಬ್ರಿಡ್ ತಂತ್ರಜ್ಞಾನದ ಮೇಲೆ ನಿರ್ಮಿಸಲಾದ ಸ್ಮಾರ್ಟ್, ಕಾರ್ಯಕ್ಷಮತೆ-ಚಾಲಿತ ವ್ಯವಸ್ಥೆಯಾಗಿದೆ. ಹೆಚ್ಚಿನ ಕಾರ್ಯಕ್ಷಮತೆಯ ಬ್ಯಾಟರಿಯಿಂದ ನಡೆಸಲ್ಪಡುವ ಇದು ನಿರಂತರವಾದ ಹೆಚ್ಚಿನ ಟಾರ್ಕ್ ಅನ್ನು ನೀಡುತ್ತದೆ. ಇದು ಬಲವಾದ ವೇಗವರ್ಧನೆ ಮತ್ತು ಸುಧಾರಿತ ಕಾರ್ಯಕ್ಷಮತೆಗೆ ಕಾರಣವಾಗುತ್ತದೆ.

ವಿಶೇಷವಾಗಿ ನಿಂತಿರುವ ಸ್ಥಳದಿಂದ ಪ್ರಾರಂಭಿಸುವಾಗ, ಲೋಡ್‌ಗಳನ್ನು ಹೊತ್ತೊಯ್ಯುವಾಗ ಅಥವಾ ಇಳಿಜಾರುಗಳನ್ನು ಹತ್ತುವಾಗ ಇದು ಪ್ರಯೋಜಕಾರಿಯಾಗಿರುತ್ತದೆ. ಸ್ಮಾರ್ಟ್ ಮೋಟಾರ್ ಜನರೇಟರ್ (SMG) ತಂತ್ರಜ್ಞಾನ, ಸೈಲೆಂಟ್ ಸ್ಟಾರ್ಟ್ ಮತ್ತು ಸ್ಟಾಪ್ & ಸ್ಟಾರ್ಟ್ ಸಿಸ್ಟಮ್ (SSS) ನಿಂದ ಪೂರಕವಾಗಿರುವ ಈ ಸ್ಕೂಟರ್‌ಗಳು ಉನ್ನತ ಸವಾರಿ ಸೌಕರ್ಯದೊಂದಿಗೆ ವರ್ಗ-ಪ್ರಮುಖ ಮೈಲೇಜ್ ನೀಡುತ್ತವೆ.

ಹೆಚ್ಚುವರಿಯಾಗಿ, ಪ್ರೀಮಿಯಂ ವೇರಿಯೆಂಟ್ ಆಗಿರುವ-ಫ್ಯಾಸಿನೊ ಎಸ್, ಈಗ ಟರ್ನ್ - ಬೈ - ಟರ್ನ್ (TBT) ನ್ಯಾವಿಗೇಷನ್‌ನೊಂದಿಗೆ ಸುಸಜ್ಜಿತವಾದ ಕಲರ್ TFT ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಹೊಂದಿದೆ. ಕಲರ್ ಟಿಎಫ್‌ಟಿ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ವೈ-ಕನೆಕ್ಟ್ ಅಪ್ಲಿಕೇಶನ್ ಮೂಲಕ ತಡೆರಹಿತ ಸ್ಮಾರ್ಟ್‌ಫೋನ್ ಸಂಪರ್ಕವನ್ನು ನೀಡುತ್ತದೆ. ಫ್ಯಾಸಿನೊ ಎಸ್ ಮತ್ತು ರೇಝಡ್ಆರ್ ಸ್ಟ್ರೀಟ್ ರ‍್ಯಾಲಿ ರೂಪಾಂತರಗಳು ಹೆಚ್ಚುವರಿಯಾಗಿ ಆನ್ಸರ್ ಬ್ಯಾಕ್ ವೈಶಿಷ್ಟ್ಯ ಮತ್ತು ಎಲ್ಇಡಿ ಡೇಟೈಮ್ ರನ್ನಿಂಗ್ ಲೈಟ್‌ಗಳನ್ನು (ಡಿಆರ್‌ಎಲ್) ನೀಡುತ್ತವೆ.

ಇದು ಸವಾರರು ಪ್ರಯಾಣದಲ್ಲಿರುವಾಗ ಸಂಪರ್ಕದಲ್ಲಿರಲು ಅನುವು ಮಾಡಿಕೊಡುತ್ತದೆ. ಗೂಗಲ್ ನಕ್ಷೆಗಳೊಂದಿಗೆ ಸಂಯೋಜಿಸಲ್ಪಟ್ಟ ಇದು ಟರ್ನ್ - ಬೈ - ಟರ್ನ್ (ಟಿಬಿಟಿ) ನ್ಯಾವಿಗೇಷನ್ ಅನ್ನು ಸಪೋರ್ಟ್ ಮಾಡುತ್ತದೆ, ನೈಜ - ಸಮಯದ ನಿರ್ದೇಶನಗಳು, ಛೇದಕ ಎಚ್ಚರಿಕೆಗಳು (Intersection warnings), ನ್ಯಾವಿಗೇಷನ್ ಸೂಚ್ಯಂಕ ಮತ್ತು ರಸ್ತೆ ಹೆಸರುಗಳನ್ನು ಒದಗಿಸುತ್ತದೆ.

ಇತ್ತೀಚಿನ ವೈಶಿಷ್ಟ್ಯಗಳ ನವೀಕರಣಗಳಿಗೆ ಪೂರಕವಾಗಿ, ಫ್ಯಾಸಿನೊ ಎಸ್ 125 ಫೈ ಹೈಬ್ರಿಡ್, ಈಗ ಸ್ಟೈಲಿಶ್ ಮ್ಯಾಟ್ ಗ್ರೇ ಬಣ್ಣದಲ್ಲಿ ಲಭ್ಯವಿದೆ. ಫ್ಯಾಸಿನೊ 125 ಫೈ ಹೈಬ್ರಿಡ್‌ನ ಡಿಸ್ಕ್ - ಬ್ರೇಕ್ ರೂಪಾಂತರವು ರಿಫ್ರೆಶ್ ಮೆಟಾಲಿಕ್ ಲೈಟ್ ಗ್ರೀನ್ ಅನ್ನು ಹೊಂದಿದೆ. ಆದರೆ ಡ್ರಮ್ - ಬ್ರೇಕ್ ರೂಪಾಂತರವು ಸೊಗಸಾದ ಮೆಟಾಲಿಕ್ ವೈಟ್ ಅನ್ನು ಹೊಂದಿದೆ.

ಇದರ ಜೊತೆಗೆ, ರೇಝಡ್ಆರ್ 125 ಫೈ ಹೈಬ್ರಿಡ್ ಸ್ಟ್ರೀಟ್ ರ್ಯಾಲಿಯನ್ನು ಮ್ಯಾಟ್ ಗ್ರೇ ಮೆಟಾಲಿಕ್ ವರ್ಣದಲ್ಲಿ ನೀಡಲಾಗುತ್ತದೆ. ಡಿಸ್ಕ್ ರೂಪಾಂತರದಲ್ಲಿ ರೇಝಡ್ಆರ್ 125 ಫೈ ಹೈಬ್ರಿಡ್ ಸ್ಪೋರ್ಟಿ ಸಿಲ್ವರ್ ವೈಟ್ ಕಾಕ್‌ಟೈಲ್ ಬಣ್ಣವನ್ನು ನೀಡಲಾಗಿದೆ. ಈ ನವೀಕರಣಗಳು 125 ಸಿಸಿ ಸ್ಕೂಟರ್ ವಿಭಾಗದಲ್ಲಿ ಯಮಹಾದ ಉಪಸ್ಥಿತಿಯನ್ನು ಬಲಪಡಿಸುತ್ತವೆ ಎಂದು ಕಂಪನಿ ಹೇಳಿಕೊಂಡಿದೆ.

ಯಮಹಾದ ಹೈಬ್ರಿಡ್ ಸ್ಕೂಟರ್ ಮಾದರಿಗಳು ಅತ್ಯಾಧುನಿಕ ಏರ್ - ಕೂಲ್ಡ್, ಇಂಧನ - ಇಂಜೆಕ್ಟೆಡ್ (FI) ಮತ್ತು 125 ಸಿಸಿ ಬ್ಲೂ ಕೋರ್ ಹೈಬ್ರಿಡ್ ಎಂಜಿನ್‌ಗಳನ್ನು ಒಳಗೊಂಡಿವೆ. ಈ ಹಗುರವಾದ ಸ್ಕೂಟರ್‌ಗಳು ಟೆಲಿಸ್ಕೋಪಿಕ್ ಸಸ್ಪೆನ್ಷನ್, ಸೈಡ್ ಸ್ಟ್ಯಾಂಡ್ ಎಂಜಿನ್ ಕಟ್ - ಆಫ್ ಸ್ವಿಚ್, 21 - ಲೀಟರ್ ಅಂಡರ್ ಸೀಟ್ ಸ್ಟೋರೇಜ್, E20 ಇಂಧನ ಹೊಂದಾಣಿಕೆ ಮತ್ತು ಸುಧಾರಿತ ಮೈಲೇಜ್ ಸಹ ನೀಡುತ್ತವೆ.