ZELIO E: ಕೇವಲ ರೂ. 54 ಸಾವಿರ ಬೆಲೆ: ಹೊಸ ಸ್ಕೂಟರ್ ಬಿಡುಗಡೆ: 130 ಕಿ.ಮೀ ರೇಂಜ್!

ಭಾರತದ ಪ್ರಮುಖ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಕಂಪನಿಯಾದ (ZELIO E) ಝೀಲಿಯೋ ಇ ಮೊಬಿಲಿಟಿ, ತನ್ನ ಜನಪ್ರಿಯ ಲೋ-ಸ್ಪೀಡ್ ಎಲೆಕ್ಟ್ರಿಕ್ ಸ್ಕೂಟರ್ ಗ್ರೇಸಿ ಪ್ಲಸ್ (Gracy+)ನ ಫೇಸ್‌ಲಿಫ್ಟ್ ಸ್ಕೂಟರ್ ಬಿಡುಗಡೆ ಮಾಡಿದೆ. ಆಧುನಿಕ ನಗರ ಪ್ರಯಾಣಕ್ಕೆ ಅನುಗುಣವಾಗಿ ವಿನ್ಯಾಸಗೊಳಿಸಲಾದ, ಹೊಸ Gracy+ ವರ್ಧಿತ ಪರ್ಫಾಮೆನ್ಸ್, ಸುಧಾರಿತ ಸವಾರಿ ಸೌಕರ್ಯವನ್ನು ನೀಡುತ್ತದೆ. ವಿದ್ಯಾರ್ಥಿಗಳು, ಕೆಲಸ ಮಾಡುವ ವೃತ್ತಿಪರರು ಮತ್ತು ಸಣ್ಣ ಕೆಲಸಗಾರರಿಗೆ ಸೂಕ್ತವಾದ ಆಯ್ಕೆಯಾಗಿದೆ. ಸ್ಮಾರ್ಟ್, ಸುಸ್ಥಿರ ಮತ್ತು ಕೈಗೆಟುಕುವ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಹೊಸ Gracy+ ವೈವಿಧ್ಯಮಯ ನಗರ ಪ್ರಯಾಣದ ಆದ್ಯತೆಗಳನ್ನು ಪೂರೈಸಲು ಆರು ಬ್ಯಾಟರಿ ವೇರಿಯೆಂಟ್‌ಗಳಲ್ಲಿ ಲಭ್ಯವಿದೆ. ಲಿಥಿಯಂ-ಐಯಾನ್ ಬ್ಯಾಟರಿ ವೇರಿಯೆಂಟ್‌ಗಳಾದ 60V/30AH ಬೆಲೆಯು 65,000 ರೂ. ಇದ್ದು, ಇದನ್ನು ಒಮ್ಮೆ ಚಾರ್ಜ್ ಮಾಡಿದರೆ 110 ಕಿ.ಮೀ ಓಡಿಸಬಹುದು. ಹಾಗೆಯೇ 74V/32AH ಬೆಲೆಯು ರೂ. 69,500 ಇದ್ದು 130 ಕಿ.ಮೀ ಓಡಬಲ್ಲದು.

ಜೆಲ್ ಬ್ಯಾಟರಿ ರೂಪಾಂತರಗಳಾದ 60V/32AH ಬೆಲೆಯು ರೂ. 54,000 ಇದ್ದು, 80 ಕಿ.ಮೀ ರೇಂಜ್ ನೀಡುತ್ತದೆ. 60V/42AH ಬೆಲೆಯು ರೂ. 58,000 ವಿದ್ದು, 100 ಕಿ.ಮೀ ರೇಂಜ್ ಹೊಂದಿದೆ. 72V/32AH ಬೆಲೆಯು ರೂ. 56,500 ಇದ್ದು 100 ಕಿ.ಮೀ ಓಡಬಲ್ಲದು. 72V/42AH ಬೆಲೆಯು ರೂ. 61,000 ಇದ್ದು 130 ಕಿ.ಮೀ ರೇಂಜ್ ನೀಡುತ್ತದೆ.

ಹೊಸ ಫೇಸ್‌ಲಿಫ್ಟೆಡ್ ಗ್ರೇಸಿ+ ಗಂಟೆಗೆ 25 ಕಿ.ಮೀ ಗರಿಷ್ಠ ವೇಗವನ್ನು ಹೊಂದಿದೆ. ಒಂದೇ ಚಾರ್ಜ್‌ನಲ್ಲಿ 130 ಕಿಲೋಮೀಟರ್‌ಗಳವರೆಗೆ ವಿಸ್ತೃತ ರೇಂಜ್ ನೀಡುತ್ತದೆ. ಇದು ಪೂರ್ಣ ಚಾರ್ಜ್‌ಗೆ ಕೇವಲ 1.8 ಯೂನಿಟ್ ವಿದ್ಯುತ್ ಅನ್ನು ಬಳಸುವ ಉನ್ನತ-ಕಾರ್ಯಕ್ಷಮತೆಯ 60/72V BLDC ಮೋಟಾರ್‌ನಿಂದ ನಿಯಂತ್ರಿಸಲ್ಪಡುತ್ತದೆ.

ಈ ಸ್ಕೂಟರ್ ಈಗ 180mm ಹೆಚ್ಚಿನ ಗ್ರೌಂಡ್ ಕ್ಲಿಯರೆನ್ಸ್, 88kg ಒಟ್ಟು ತೂಕ ಮತ್ತು 150 ಕೆ.ಜಿ ಪೇಲೋಡ್ ಸಾಮರ್ಥ್ಯವನ್ನು ಹೊಂದಿದೆ. ಚಾರ್ಜಿಂಗ್ ಸಮಯವು ಬ್ಯಾಟರಿ ಪ್ರಕಾರವನ್ನು ಅವಲಂಬಿಸಿ ಬದಲಾಗುತ್ತದೆ. ಲಿಥಿಯಂ-ಐಯಾನ್ ರೂಪಾಂತರಗಳು 4 ಗಂಟೆಗಳಲ್ಲಿ ಚಾರ್ಜ್ ಆಗುತ್ತವೆ. ಜೆಲ್ ಬ್ಯಾಟರಿ ಮಾದರಿಗಳು 8 ರಿಂದ 12 ಗಂಟೆಗಳಲ್ಲಿ ಚಾರ್ಜ್ ಆಗುತ್ತವೆ.

ಫೇಸ್‌ಲಿಫ್ಟೆಡ್ ಗ್ರೇಸಿ+ ಮುಂಭಾಗದ ಚಕ್ರದಲ್ಲಿ ಡ್ರಮ್ ಬ್ರೇಕ್ ಮತ್ತು ಹಿಂಭಾಗದ ಚಕ್ರದಲ್ಲಿ ಡಿಸ್ಕ್ ಬ್ರೇಕ್ ಅನ್ನು ಹೊಂದಿದ್ದು, 90-90/12 ಮುಂಭಾಗ ಮತ್ತು 90-100/10 ಹಿಂಭಾಗದ ಟೈರ್‌ಗಳನ್ನು ಅಳವಡಿಸಲಾಗಿದೆ. ಹೈಡ್ರಾಲಿಕ್ ಶಾಕ್ ಅಬ್ಸಾರ್ಬರ್‌ಗಳೊಂದಿಗೆ ಸಂಯೋಜಿಸಲ್ಪಟ್ಟ ಈ ಸೆಟಪ್ ವಿವಿಧ ನಗರ ರಸ್ತೆ ಪರಿಸ್ಥಿತಿಗಳಲ್ಲಿ ವರ್ಧಿತ ಸ್ಥಿರತೆ ಮತ್ತು ಸೌಕರ್ಯವನ್ನು ಒದಗಿಸುತ್ತದೆ.

ಈ ಸ್ಕೂಟರ್ ಡಿಜಿಟಲ್ ಡಿಸ್ಪ್ಲೇ, ಡೇಟೈಮ್ ರನ್ನಿಂಗ್ ಲೈಟ್‌ಗಳು (DRL), ಕೀಲೆಸ್ ಡ್ರೈವ್, ಆಂಟಿ-ಥೆಫ್ಟ್ ಅಲಾರ್ಮ್, ಪಾರ್ಕಿಂಗ್ ಗೇರ್, USB ಚಾರ್ಜಿಂಗ್ ಪೋರ್ಟ್ ಮತ್ತು ಪ್ರಯಾಣಿಕರ ಫುಟ್‌ರೆಸ್ಟ್ ಸೇರಿದಂತೆ ಸ್ಮಾರ್ಟ್ ವೈಶಿಷ್ಟ್ಯಗಳನ್ನು ಸಹ ಒಳಗೊಂಡಿದೆ. ವೈಟ್, ಗ್ರೇ, ಬ್ಲಾಕ್ ಮತ್ತು ಬ್ಲೂ ಬಣ್ಣಗಳಲ್ಲಿ ಲಭ್ಯವಿದೆ.

ವಾಹನದ ಮೇಲೆ 2 ವರ್ಷಗಳ ವಾರೆಂಟಿ, ಲಿಥಿಯಂ - ಐಯಾನ್ ಬ್ಯಾಟರಿ ರೂಪಾಂತರಗಳ ಮೇಲೆ 3 ವರ್ಷಗಳ ವಾರೆಂಟಿ ಮತ್ತು ಜೆಲ್ ಬ್ಯಾಟರಿ ರೂಪಾಂತರಗಳ ಮೇಲೆ 1 ವರ್ಷದ ವಾರೆಂಟಿ ಒದಗಿಸುತ್ತದೆ. 2,00,000 ಕ್ಕೂ ಹೆಚ್ಚು ಸವಾರರು ಮತ್ತು 400 ಕ್ಕೂ ಹೆಚ್ಚು ಔಟ್‌ಲೆಟ್‌ಗಳನ್ನು ಮೀರಿದ ಡೀಲರ್‌ಶಿಪ್ ಜಾಲವನ್ನು ಹೊಂದಿರುವ ಕಂಪನಿಯು, 2025 ರ ಅಂತ್ಯದ ವೇಳೆಗೆ 1,000 ಡೀಲರ್‌ಶಿಪ್‌ಗಳಿಗೆ ವಿಸ್ತರಿಸುವ ಗುರಿಯನ್ನು ಹೊಂದಿದೆ.