ನಿನ್ನೆಯಷ್ಟೆ ಬಿಡುಗಡೆಯಾದ ದುಬಾರಿ BMW M 1000 R ವಿಶೇಷತೆಗಳು

ದುಬಾರಿ ಹಾಗೂ ಪ್ರೀಮಿಯಂ ಮೋಟಾರ್‌ಸೈಕಲ್ ಬ್ರಾಂಡ್ ಆಗಿರುವ ಬಿಎಂಡಬ್ಲ್ಯು ತನ್ನ ಅತ್ಯಂತ ಸ್ಪೋರ್ಟಿ ಬೈಕ್ ಆಗಿರುವ ಹೊಸ ಬಿಎಂಡಬ್ಲ್ಯು ಎಂ 1000 ಆರ್ (BMW M 1000 R) ಸೂಪರ್‌ಸ್ಪೋರ್ಟ್ ರೋಡ್‌ಸ್ಟರ್ ಮೋಟಾರ್‌ಸೈಕಲ್‌ನ್ನು ನಿನ್ನೆಯಷ್ಟೆ ಭಾರತದಲ್ಲಿ ಬಿಡುಗಡೆ ಮಾಡಿದೆ. ಇದರ ಎಕ್ಸ್-ಶೋರೂಂ ಬೆಲೆಯು ಬರೋಬ್ಬರಿ 33,50,000 ನಿಂದ ಪ್ರಾರಂಭವಾಗುತ್ತದೆ. ಹೊಸ ಬಿಎಂಡಬ್ಲ್ಯು ಎಂ 1000 ಆರ್‌ನ ಮತ್ತಷ್ಟು ಕಸ್ಟಮೈಸೇಷನ್‌ಗಾಗಿ ಆಪ್ಷನಲ್ ಉಪಕರಣಗಳು ಮತ್ತು ಮೂಲ ಬಿಎಂಡಬ್ಲ್ಯು ಮೋಟಾರ್‌ಸೈಕಲ್ ಪರಿಕರಗಳ ಸಮಗ್ರ ಶ್ರೇಣಿ ಕೂಡ ಲಭ್ಯವಿದೆ ಎಂದು ಕಂಪನಿ ತಿಳಿಸಿದೆ.

ಹೊಸ BMW M 1000 R ಕೇವಲ 3.2 ಸೆಕೆಂಡುಗಳಲ್ಲಿ 100 ಕಿ.ಮೀ ವೇಗವನ್ನು ತಲುಪುತ್ತದೆ ಮತ್ತು 280 ಕಿ.ಮೀ ಟಾಪ್ ಸ್ಪೀಡ್ ಹೋಗಬಲ್ಲದು. ಇದರ ಪವರ್‌ಫುಲ್‌ ಎಂಜಿನ್ ವಿಷಯಕ್ಕೆ ಬಂದರೆ 13,750 rpm ನಲ್ಲಿ 210 hp (154 kW) ಗರಿಷ್ಠ ಪವರ್ ಮತ್ತು 11,100 rpm ನಲ್ಲಿ 113 Nm ಪೀಕ್ ಟಾರ್ಕ್ ಹೊರಹಾಕುವ 999 cc ಸಾಮರ್ಥ್ಯದ ವಾಟರ್-ಕೂಲ್ಡ್ ಇನ್‌ಲೈನ್ 4-ಸಿಲಿಂಡರ್ ಎಂಜಿನ್‌ ಹೊಂದಿದೆ.

ಫೀಚರ್ಸ್ ವಿಷಯಕ್ಕೆ ಬಂದರೆ ಹಗುರವಾದ M-ಬ್ಯಾಟರಿ, ಹಿಂಭಾಗದ USB ಚಾರ್ಜಿಂಗ್ ಸಾಕೆಟ್, LED ಲೈಟ್ ಯೂನಿಟ್‌ಗಳು, ಅಡಾಪ್ಟಿವ್ ಟರ್ನಿಂಗ್ ಲೈಟ್, ಎಲೆಕ್ಟ್ರಾನಿಕ್ ಕ್ರೂಸ್ ಕಂಟ್ರೋಲ್ ಲಭ್ಯವಿದೆ. M GPS ಡೇಟಾಲಾಗರ್ ಮತ್ತು M GPS ಲ್ಯಾಪ್‌ಟ್ರಿಗ್ಗರ್‌ಗಾಗಿ ರೆವ್ ಕೌಂಟರ್ ಮತ್ತು OBD ಇಂಟರ್ಫೇಸ್‌ನ ಹೊಸ ಪ್ರದರ್ಶನವನ್ನು ಹೊಂದಿರುವ ದೊಡ್ಡದಾದ 6.5-ಇಂಚಿನ TFT ಡಿಸ್ಪ್ಲೇ, M ಲೋಗೋದೊಂದಿಗೆ ಸ್ಟಾರ್ಟ್-ಅಪ್ ಅನಿಮೇಷನ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಹೊಂದಿದೆ.

ಬುಕ್ ಮಾಡಿದವರಿಗೆ ಡೆಲಿವರಿಗಳು ಮೇ 2026 ರಿಂದ ಪ್ರಾರಂಭವಾಗುತ್ತವೆ ಎಂದು BMW ಪ್ರಕಟಣೆಯಲ್ಲಿ ತಿಳಿಸಿದೆ. ಈ ಮೋಟಾರ್‌ಸೈಕಲ್ ಅನ್ನು ಈಗ ಎಲ್ಲಾ BMW ಮೋಟರ್‌ರಾಡ್ ಇಂಡಿಯಾ ಅಧಿಕೃತ ಡೀಲರ್‌ಶಿಪ್‌ಗಳಲ್ಲಿ ಪ್ರೀ-ಬುಕಿಂಗ್ ಮಾಡಬಹುದು. ಇಂತಹ ಪವರ್‌ಫುಲ್ ಬೈಕ್ ಸಂಪೂರ್ಣವಾಗಿ ಬಿಲ್ಟ್ - ಅಪ್ ಯೂನಿಟ್ (CBU) ಆಗಿ ಲಭ್ಯವಿರುತ್ತದೆ.

ಆಪ್ಷನಲ್ M ​​ಕಾಂಪಿಟೇಷನ್ ಪ್ಯಾಕೇಜ್ ಬ್ಲಾಕ್‌ಸ್ಟಾರ್ಮ್ ಮೆಟಾಲಿಕ್/ಎಂ ಮೋಟಾರ್‌ಸ್ಪೋರ್ಟ್ ಅಥವಾ ವೈಟ್ ಅಲ್ಯೂಮಿನಿಯಂ ಮೆಟಾಲಿಕ್ ಮ್ಯಾಟ್ ಬಣ್ಣಗಳಲ್ಲಿ ಖರೀದಿಗೆ ಲಭ್ಯವಿದೆ. ಇದು BMW RR ಮಾಡಲ್‌ಗಳಿಂದ ಪಡೆದ ಹೊಸ ಡ್ಯುಯಲ್-ಫ್ಲೋ LED ಹೆಡ್‌ಲೈಟ್ ಮತ್ತು M ಲೋಗೋ ಈ ಮೋಟಾರ್‌ಸೈಕಲ್‌ಗೆ ಆಕ್ರಮಣಕಾರಿ ಲುಕ್ ನೀಡುತ್ತದೆ.

"ರೇನ್", "ರೋಡ್", "ಡೈನಾಮಿಕ್", "ರೇಸ್" ಮತ್ತು "ರೇಸ್ ಪ್ರೊ 1-3" ರೈಡಿಂಗ್ ಮೋಡ್‌ಗಳು ಹಾಗೂ 6-ಆಕ್ಸಿಸ್ ಸೆನ್ಸರ್ ಬಾಕ್ಸ್‌ನೊಂದಿಗೆ ಇತ್ತೀಚಿನ ಡೈನಾಮಿಕ್ ಟ್ರಾಕ್ಷನ್ ಕಂಟ್ರೋಲ್ DTC ಮತ್ತು DTC ವೀಲಿ ಫಂಕ್ಷನ್ ಹೊಸ BMW M 1000 R ಅನ್ನು ವಿವಿಧ ಬಳಕೆಯ ಪರಿಸ್ಥಿತಿಗಳಿಗೆ ಸೂಕ್ತವಾದ ಹೊಂದಾಣಿಕೆಯನ್ನು ಒದಗಿಸುತ್ತದೆ.

'ಪ್ರೊ ಮೋಡ್ಸ್' ಜೊತೆಗೆ ಬರುವ ಮತ್ತೊಂದು ವೈಶಿಷ್ಟ್ಯವೆಂದರೆ ಲಾಂಚ್ ಕಂಟ್ರೋಲ್ ಮತ್ತು ಪಿಟ್-ಲೇನ್ ಲಿಮಿಟರ್ ಪರಿಪೂರ್ಣ ರೇಸ್ ಆರಂಭ ಮತ್ತು ಪಿಟ್ ಲೇನ್‌ನಲ್ಲಿ ನಿಖರವಾದ ವೇಗಕ್ಕಾಗಿ ನೀಡಲಾಗಿದೆ. ಇವು ಎಂಜಿನ್ (ಥ್ರೊಟಲ್), ಎಂಜಿನ್ ಬ್ರೇಕ್, ಟ್ರಾಕ್ಷನ್ ಕಂಟ್ರೋಲ್, ವೀಲಿ-ಕಂಟ್ರೋಲ್, ABS ಮತ್ತು ABS ಪ್ರೊನಂತಹ ಅತ್ಯಂತ ವೈವಿಧ್ಯಮಯ ನಿಯಂತ್ರಣ ಕಾರ್ಯಗಳ ವೈಯಕ್ತಿಕ ಹೊಂದಾಣಿಕೆಯನ್ನು ಸವಾರನ ಸ್ವಂತ ಕೌಶಲ್ಯ ಮಟ್ಟ ಮತ್ತು ಸವಾರಿ ಶೈಲಿಗೆ ಸರಿಹೊಂದುವಂತೆ ಸಕ್ರಿಯಗೊಳಿಸುತ್ತವೆ.

M ಶಾರ್ಟ್ - ಸ್ಟ್ರೋಕ್ ಥ್ರೊಟಲ್‌ನೊಂದಿಗೆ ಸಂಯೋಜಿಸಲ್ಪಟ್ಟಿದ್ದು, ವಿಶೇಷವಾಗಿ ಟ್ರ್ಯಾಕ್‌ಗಳಲ್ಲಿ ರೇಸ್ ಮೋಡ್‌ನಲ್ಲಿ ಗಮನಾರ್ಹ ಸುಧಾರಣೆಯನ್ನು ತರುತ್ತದೆ. ರಿಮ್‌ಗಳ ಮೇಲಿನ M ವಿನ್ಯಾಸದಲ್ಲಿರುವ ಟೇಪ್‌ಗಳು ಈ ಉನ್ನತ ದರ್ಜೆಯ, ಉನ್ನತ ತಂತ್ರಜ್ಞಾನದ ನೋಟವನ್ನು ಹಾಗೂ MR ರೇಸಿಂಗ್ ಅನ್ನು ಒತ್ತಿಹೇಳುತ್ತವೆ. ಟ್ರಾಕ್ಷನ್ ಕಂಟ್ರೋಲ್ ಡಿಟಿಸಿಯನ್ನು ಸಹ ಪರಿಷ್ಕರಿಸಲಾಗಿದೆ. ನಿಯಂತ್ರಣ ತಂತ್ರವನ್ನು RR ಮಾಡಲ್‌ಗಳಿಂದ ಪಡೆಯಲಾಗಿದೆ.