Jawa Yezdi: ಅಮೇಜಾನ್, ಫ್ಲಿಪ್‌ಕಾರ್ಟ್‌ನಲ್ಲಿ ಯೆಜ್ಡಿ ಬೈಕ್‌ಗಳು: ಶೋರೂಂಗಿಂತ ಕಮ್ಮಿ ಬೆಲೆ!

ಪ್ರಮುಖ ಮೋಟಾರ್‌ಸೈಕಲ್ ತಯಾರಕ ಕಂಪನಿಯಾದ ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್ (Jawa Yezdi Motorcycles), ತನ್ನ ಹೊಚ್ಚ ಹೊಸ ಮಾಡಲ್‌ಗಳಾದ 2025 ಯೆಜ್ಡಿ ಅಡ್ವೆಂಚರ್ ಮತ್ತು 2025 ಯೆಜ್ಡಿ ರೋಡ್‌ಸ್ಟರ್ ಇಲ್ಲಿಯವರೆಗೆ ಶೋರೂಂಗಳಲ್ಲಿ ಮಾತ್ರ ಲಭ್ಯವಿತ್ತು, ಈಗ ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ಗೆ ತರಲಾಗುತ್ತಿದೆ. ಭಾರತದ ಅತಿದೊಡ್ಡ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಕೇವಲ ಒಂದು ಕ್ಲಿಕ್ ಮಾಡುವ ಮೂಲಕ ಬೈಕ್‌ನ್ನು ಖರೀದಿಸಬಹುದು. ಇದು ಸವಾರರೊಂದಿಗೆ ಬ್ರ್ಯಾಂಡ್‌ನ ಸಂಪರ್ಕವನ್ನು ಬಲಪಡಿಸುತ್ತದೆ ಎಂದು ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್ ಪ್ರಕಟಣೆಯಲ್ಲಿ ಹೇಳಿದೆ.

ಆನ್‌ಲೈನ್ ಖರೀದಿ ಹೇಗೆ?

ಅಮೆಜಾನ್ ಅಥವಾ ಫ್ಲಿಪ್‌ಕಾರ್ಟ್‌ನಲ್ಲಿ ಎಕ್ಸ್-ಶೋರೂಂ ಬುಕಿಂಗ್ ಮೊತ್ತವನ್ನು ಪಾವತಿಸಿ. ಅಧಿಕೃತ ಸ್ಥಳೀಯ ಡೀಲರ್ ಆರ್ಡರ್ ದೃಢೀಕರಿಸುತ್ತಾರೆ, ಉಳಿದ ಆನ್ - ರೋಡ್ ಪಾವತಿಗೆ ಗ್ರಾಹಕರಿಗೆ ಮಾರ್ಗದರ್ಶನ ನೀಡುತ್ತಾರೆ. ನೋಂದಣಿ ಮತ್ತು ವಿಮೆ (Registration and insurance) ಯನ್ನು ಡೀಲರ್‌ಶಿಪ್‌ನಲ್ಲಿ ಪೂರ್ಣಗೊಳಿಸಲಾಗುತ್ತದೆ, ನಂತರ ಅಂತಿಮ ಹಸ್ತಾಂತರ ಮಾಡಲಾಗುತ್ತದೆ. ಪರಿಕರಗಳು ಮತ್ತು ಆಡ್ - ಆನ್‌ಗಳು (Accessories and add-ons) ಡೀಲರ್‌ಶಿಪ್ ಖರೀದಿಗಳಾಗಿ ಉಳಿದಿವೆ.

ಅಮೆಜಾನ್‌ನಲ್ಲಿ ರೂ. 6,500 ವರೆಗಿನ ಕ್ರೆಡಿಟ್ ಕಾರ್ಡ್ ಕ್ಯಾಶ್‌ಬ್ಯಾಕ್, ಅಮೆಜಾನ್ ಪೇ ಐಸಿಐಸಿಐ ಸಹ - ಬ್ರಾಂಡೆಡ್ ಕ್ರೆಡಿಟ್ ಕಾರ್ಡ್‌ನಲ್ಲಿ ಅಮೆಜಾನ್ ಪ್ರೈಮ್ ಗ್ರಾಹಕರಿಗೆ 5% ಕ್ಯಾಶ್‌ಬ್ಯಾಕ್ ಮತ್ತು 6 ತಿಂಗಳವರೆಗೆ ಉಚಿತ ಇಎಂಐ ನೀಡುತ್ತದೆ. ಫ್ಲಿಪ್‌ಕಾರ್ಟ್‌ನಲ್ಲಿ, ರೂ. 10,000 ವರೆಗಿನ ಬ್ಯಾಂಕ್ ಆಫರ್ ಮತ್ತು ರೂ. 4,000 ವರೆಗಿನ ಕ್ರೆಡಿಟ್ ಕಾರ್ಡ್ ಕ್ಯಾಶ್‌ಬ್ಯಾಕ್ ಆಫರ್ ನೀಡಲಾಗಿದೆ.

ಆನ್‌ಲೈನ್‌ನಲ್ಲಿ ಲಭ್ಯವಿರುವ ಮಾಡಲ್‌ಗಳು

2025 ಯೆಜ್ಡಿ ಅಡ್ವೆಂಚರ್ ಮತ್ತು 2025 ರೋಡ್‌ಸ್ಟರ್ ಸೇರಿದಂತೆ ಯೆಜ್ಡಿ ಸೀರೀಸ್ ಮತ್ತು ಪೂರ್ಣ ಜಾವಾ ಪೋರ್ಟ್‌ಫೋಲಿಯೊ (350, 42, 42 ಎಫ್‌ಜೆ, 42 ಬಾಬರ್ ಮತ್ತು ಪೆರಾಕ್) ಈಗ ಎರಡೂ ಪ್ಲಾಟ್‌ಫಾರ್ಮ್‌ಗಳಲ್ಲಿ ಪಟ್ಟಿ ಮಾಡಲಾಗಿದೆ. ಕಂಪನಿಯ ಇ-ಕಾಮರ್ಸ್ ನೆಟ್‌ವರ್ಕ್ ಪ್ರಸ್ತುತ 44 ನಗರಗಳಲ್ಲಿ 55 ಡೀಲರ್‌ಗಳೊಂದಿಗೆ ಕಾರ್ಯನಿರ್ವಹಿಸುತ್ತಿದೆ ಎಂದು ಯೆಜ್ಡಿ ತಿಳಿಸಿದೆ.

ಎಲ್ಲಾ ಜಾವಾ ಮತ್ತು ಯೆಜ್ಡಿ ಮೋಟಾರ್‌ಸೈಕಲ್‌ಗಳು ಸಮಗ್ರ 'ಜಾವಾ ಯೆಜ್ಡಿ ಬಿಎಸ್‌ಎ ಮಾಲೀಕತ್ವ ಭರವಸೆ ಕಾರ್ಯಕ್ರಮ'ದಿಂದ ಬೆಂಬಲಿತವಾಗಿವೆ. ಇದರಡಿ ಬೈಕ್‌ಗಳ ಮೇಲೆ 4-ವರ್ಷ ಅಥವಾ 50,000 ಕಿ.ಮೀ ಪ್ರಮಾಣಿತ ವಾರೆಂಟಿ ನೀಡಲಾಗುವುದು. ಈ ಕಾರ್ಯಕ್ರಮವು ಸವಾರರಿಗೆ ಅವರ ಮೋಟಾರ್‌ಸೈಕಲ್‌ಗಳನ್ನು ಬಾಳಿಕೆ ಬರುವಂತೆ ನಿರ್ಮಿಸಲಾಗಿದೆ ಎಂದು ಧೃಡಪಡಿಸುವ ವಿಶ್ವಾಸಾರ್ಹ ವಾರೆಂಟಿಯಾಗಿದೆ.

ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್‌ನ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ ಮಾತನಾಡಿ, "ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್‌ನಲ್ಲಿ ನಮ್ಮ ಎರಡು ಅತ್ಯಂತ ಪ್ರೀತಿಯ ಯೆಜ್ಡಿಗಳನ್ನು ತರುವುದರಿಂದ ಭಾರತದಾದ್ಯಂತ ಸವಾರರು ಕ್ಲಾಸಿಕ್ ಮೋಟಾರ್‌ಸೈಕ್ಲಿಂಗ್‌ನ ರೋಮಾಂಚನವನ್ನು ಅನುಭವಿಸಲು ಸುಲಭವಾಗಿಸಲಾಗಿದೆ. 2025 ರ ಅಡ್ವೆಂಚರ್ ಮತ್ತು ರೋಡ್‌ಸ್ಟರ್ ನಮ್ಮ ಶೋರೂಮ್‌ಗಳಲ್ಲಿ ಅಗಾಧ ಪ್ರತಿಕ್ರಿಯೆಯನ್ನು ಪಡೆದಿವೆ.

ಇವು ಸಂಪ್ರದಾಯ ಮತ್ತು ಆಧುನಿಕ ಎಂಜಿನಿಯರಿಂಗ್ ಅನ್ನು ದಾಟಬಲ್ಲ ಪರ್ಫಾಮೆನ್ಸ್ ಕ್ಲಾಸಿಕ್‌ಗಳ ಮೇಲಿನ ರೈಡಿಂಗ್ ಸಮುದಾಯದ ಪ್ರೀತಿಯ ಪ್ರೋತ್ಸಾಹದಾಯಕ ಮತ್ತು ವಿನಮ್ರ ಜ್ಞಾಪನೆಯಾಗಿದೆ. ಆನ್‌ಲೈನ್ ವ್ಯಾಪಾರದೊಂದಿಗೆ, ನಾವು ಲೆಗ್‌ವರ್ಕ್ ಅನ್ನು ಸರಳೀಕರಿಸುತ್ತಿದ್ದೇವೆ, ಆದ್ದರಿಂದ ನಮ್ಮ ಡೀಲರ್‌ಶಿಪ್‌ಗಳು ಸಾಧ್ಯವಾದಷ್ಟು ಅನುಕೂಲಕರ ರೀತಿಯಲ್ಲಿ ತಮ್ಮ ಬೈಕ್‌ನೊಂದಿಗೆ ಸವಾರನನ್ನು ಒಂದುಗೂಡಿಸುತ್ತಾರೆ" ಎಂದು ಹೇಳಿದರು.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.