Ola: ಪೆಟ್ರೋಲ್ ವಾಹನದಲ್ಲಿ 1 ಕಿ.ಮೀಗೆ 2 ರೂ. ಖರ್ಚು: ನಮ್ಮ ಸ್ಕೂಟರ್‌ನಲ್ಲಿ ಕೇವಲ 20 ಪೈಸೆ: ಓಲಾ CEO

ಎಲೆಕ್ಟ್ರಿಕ್ ವಾಹನಗಳ (EV) ಬಗ್ಗೆ ಬಲವಾದ ಅರಿವಿದ್ದರೂ, ಮತ್ತೊಂದೆಡೆ ಅದರ ಪ್ರಯೋಜನಗಳ ಬಗ್ಗೆ ವ್ಯಾಪಕವಾದ ತಪ್ಪು ಕಲ್ಪನೆಗಳು ಕೂಡ ಇವೆ. ಈ ತಪ್ಪು ಕಲ್ಪನೆಗಳು ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಪರಿವರ್ತನೆಗೊಳ್ಳುತ್ತಿರುವವರಿಗೆ ಒಂದು ತಡೆಗೋಡೆಯಾಗಿ ಉಳಿದಿವೆ ಎಂದು ಹೊಸ ರಾಷ್ಟ್ರವ್ಯಾಪಿ ಅಧ್ಯಯನವೊಂದು ತಿಳಿಸಿರುವುದಾಗಿ ಓಲಾ ಎಲೆಕ್ಟ್ರಿಕ್ ಪ್ರಕಟಣೆಯಲ್ಲಿ ಹೇಳಿದೆ. ಎಲೆಕ್ಟ್ರಿಕ್ ವಾಹನಗಳು ತರುವ ಉಳಿತಾಯವನ್ನು ಜನರು ಎಷ್ಟು ಕಡಿಮೆ ಅರ್ಥಮಾಡಿಕೊಂಡಿದ್ದಾರೆ ಎಂಬುದು ತಿಳಿದು ನನಗೆ ಆಘಾತವಾಗಿದೆ ಎಂದು ಓಲಾ ಸಿಇಒ ಭವಿಶ್ ಅಗರ್ವಾಲ್ ಹೇಳಿದ್ದಾರೆ.

ಓಲಾ ಸಿಇಒ ಭವಿಷ್ ಅಗರ್ವಾಲ್ ಈ ಬಗ್ಗೆ X (ಟ್ವಿಟರ್) ನಲ್ಲಿ ಪೋಸ್ಟ್ ಮಾಡಿದ್ದು, ಎಲೆಕ್ಟ್ರಿಕ್ ವಾಹನಗಳು ವಾಹನಗಳು ತರುವ ಉಳಿತಾಯವನ್ನು ಜನರು ಎಷ್ಟು ಕಡಿಮೆ ಅರ್ಥಮಾಡಿಕೊಳ್ಳುತ್ತಾರೆ ಎಂಬುದು ಆಘಾತಕಾರಿ! ಸತ್ಯವೆಂದರೆ ಎಲೆಕ್ಟ್ರಿಕ್ ವಾಹನಗಳು 90% ಅಗ್ಗವಾಗಿವೆ! ನಾವು ಇದನ್ನು ಉತ್ತಮವಾಗಿ ಮಾರುಕಟ್ಟೆ ಮಾಡಬೇಕಾಗಿತ್ತು. ಈಗ ನಾವು ಅದನ್ನು ಮಾಡುತ್ತೇವೆ ಎಂದಿದ್ದಾರೆ.

ಭವಿಶ್ ಅಗರ್ವಾಲ್ ಲೆಕ್ಕಾಚಾರ ಇಲ್ಲಿದೆ:

ICE 2W (ಇಂಧನ ಚಾಲಿತ ದ್ವಿಚಕ್ರ ವಾಹನ) ಮೈಲೇಜ್ ನೋಡುವುದಾದರೆ, 100 ರೂ. ಇರುವ ಒಂದು ಲೀಟರ್ ಪೆಟ್ರೋಲ್‌ನಲ್ಲಿ ಸಾಮಾನ್ಯ ಸ್ಕೂಟರ್‌ಗಳು 50 ಕಿ.ಮೀ ಮೈಲೇಜ್ ನೀಡುತ್ತವೆ, ಅಂದರೆ ಪ್ರತಿ ಕಿಲೋಮೀಟರ್‌ಗೆ 2 ರೂಪಾಯಿ ವೆಚ್ಚಸಿದಂತೆ. ಅದೇ ನಮ್ಮ 2W ಎಲೆಕ್ಟ್ರಿಕ್ ವಾಹನಗಳು 30 Wh/km ಚಲಿಸುತ್ತವೆ.

ಅಂದರೆ ಪ್ರತಿ KWh ಗೆ 33 ಕಿಲೋಮೀಟರ್ ಓಡಿಸಬಹುದು. 1 ಯೂನಿಟ್ ವಿದ್ಯುತ್ ರೂ. 6.5 ಅಂದರೆ ಪ್ರತಿ ಕಿ.ಮೀಗೆ ಕೇವಲ 0.2 ಪೈಸೆ ಆಗುತ್ತದೆ. ಅಲ್ಲಿಗೆ ಇಂಧನ ಚಾಲಿತ ದ್ವಿಚಕ್ರ ವಾಹನಗಳಿಗೆ ಹೋಲಿಸಿದರೆ ಎಲೆಕ್ಟ್ರಿಕ್ ವಾಹನಗಳು 90% ಅಗ್ಗ ಎಂದು ವಿವರಣೆ ನೀಡಿದ್ದಾರೆ. ಅವರ ಈ ಒಂದು ಟ್ವೀಟ್ ಸೋಷಿಯಲ್ ಮೀಡಿಯಾದಲ್ಲಿ ತುಂಬಾ ವೈರಲ್ ಆಗಿದೆ.

ಅಧ್ಯಯನ ಏನು ಹೇಳುತ್ತದೆ?

ಹೆಚ್ಚಿನ ಗ್ರಾಹಕರು ಎಲೆಕ್ಟ್ರಿಕ್ ವಾಹನಗಳ ಆರ್ಥಿಕ ಮತ್ತು ಕ್ರಿಯಾತ್ಮಕ ಅನುಕೂಲಗಳನ್ನು ಕಡಿಮೆ ಅಂದಾಜು ಮಾಡುತ್ತಾರೆ ಎಂದು ಅಧ್ಯಯನವು ಬಹಿರಂಗಪಡಿಸಿದೆ. ಎಲೆಕ್ಟ್ರಿಕ್ ವಾಹನಗಳು ಪೆಟ್ರೋಲ್ ವಾಹನಗಳಿಗಿಂತ ಚಲಾಯಿಸಲು ಕೇವಲ 20-50% ಅಗ್ಗವಾಗಿವೆ ಎಂದು ನಂಬಿದ್ದಾರೆ, ಆದರೆ ಎಲೆಕ್ಟ್ರಿಕ್ ವಾಹನಗಳ ಚಾಲನೆಯ ವೆಚ್ಚವು 90% ವರೆಗೆ ಕಡಿಮೆಯಿದೆ ಎಂದು ಅಧ್ಯನ ತೋರಿಸುತ್ತದೆ.

ಮುಂಗಡ ವೆಚ್ಚಕ್ಕಿಂತ ಹೆಚ್ಚಾಗಿ ಆತಂಕ ಮತ್ತು ದೀರ್ಘಕಾಲೀನ ವಿಶ್ವಾಸವು EV ವಾಹನ ಖರೀದಿಗೆ ಪ್ರಾಥಮಿಕ ಅಡೆತಡೆಗಳಾಗಿವೆ ಎಂದು ಅಧ್ಯಯನವು ಎತ್ತಿ ತೋರಿಸಿದೆ. ಪ್ರಮುಖ ಕಂಪನಿಗಳ ಇವಿ ದ್ವಿಚಕ್ರ ವಾಹನಗಳು ಸಿಂಗಲ್ ಚಾರ್ಜ್‌ನಲ್ಲಿ 300 ಕಿ.ಮೀ ನಿಂದ 500 ಕಿ.ಮೀವರೆಗೆ ರೇಂಜ್ ನೀಡುತ್ತಿದ್ದರೂ, ಹೆಚ್ಚಿನ ಗ್ರಾಹಕರು 100 - 150 ಕಿ.ಮೀಗೆ ಸೀಮಿತವಾಗಿದೆ ಎಂದು ನಂಬಿದ್ದಾರೆ. ಈ ಬಗ್ಗೆ ದೇಶಾದ್ಯಂತ ಯಾರಿಗೂ ಸರಿಯಾಗಿ ತಿಳಿದಿಲ್ಲ.

AQI (ವಾಯು ಗುಣಮಟ್ಟ ಸೂಚ್ಯಂಕ) ನಂತಹ ಜೀವನ ಗುಣಮಟ್ಟದ ಅಂಶಗಳು ದೊಡ್ಡ ಪ್ರಮಾಣದ EV ಅಳವಡಿಕೆಯಿಂದ ಮಾತ್ರ ಸಾಧ್ಯ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ. ಈ ನಂಬಿಕೆಯ ಅಂತರವನ್ನು ಪರಿಹರಿಸಲು, EV ತಯಾರಕರು ಜಾಹೀರಾತು, ಮಾಲೀಕತ್ವ ಮತ್ತು ಸೇವಾ ಸಂವಹನದವರೆಗೆ ಎಲ್ಲಾ ಗ್ರಾಹಕ ಸಂಪರ್ಕ ಬಿಂದುಗಳಲ್ಲಿ ವರ್ಗ ನಿರ್ಮಾಣವನ್ನು ದ್ವಿಗುಣಗೊಳಿಸುವ ಅಗತ್ಯವನ್ನು ಅಧ್ಯಯನವು ಎತ್ತಿ ತೋರಿಸಿದೆ ಎಂದು ಓಲಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಡ್ರೈವ್‌ಸ್ಪಾರ್ಕ್ ಕನ್ನಡ ವೆಬ್‌ಸೈಟ್ ತ್ವರಿತವಾಗಿ ಆಟೋಮೊಬೈಲ್ ಸಂಬಂಧಿಸಿದ ಸುದ್ದಿಗಳನ್ನು ನೀಡುತ್ತದೆ. ಜೊತೆಗೆ ಸೋಷಿಯಲ್ ಮೀಡಿಯಾಗಳ ಮೂಲಕ ತಕ್ಷಣವೇ ಓದುಗರೊಂದಿಗೆ ಸುದ್ದಿಗಳನ್ನು ಶೇರ್ ಮಾಡುತ್ತೇವೆ. ಇತ್ತೀಚಿನ ಕಾರು, ಬೈಕ್ ಸುದ್ದಿ, ಟೆಸ್ಟ್ ಡ್ರೈವ್ ವರದಿಗಳು ಮತ್ತು ವೀಡಿಯೊಗಳನ್ನು ಪಡೆಯಲು ನಮ್ಮ ಫೇಸ್‌ ಬುಕ್, ಇನ್‌ಸ್ಟಾಗ್ರಾಮ್, ಯೂಟ್ಯೂಬ್ ಪೇಜ್‌ಗಳೊಂದಿಗೆ ಫಾಲೋ ಮಾಡಿ. ನಿಮಗೆ ನಮ್ಮ ಯಾವುದೇ ಸುದ್ದಿ ಇಷ್ಟವಾದರೆ ಲೈಕ್, ಕಾಮೆಂಟ್ ಮಾಡುವುದನ್ನು ಮರೆಯದಿರಿ.