ದೇಶದ ಅತ್ಯುತ್ತಮ ಮೈಲೇಜ್ ಬೈಕುಗಳು!

ಇಲ್ಲಿ ನಗರ ಪ್ರದೇಶ ಹಾಗೂ ಹೆದ್ದಾರಿ ಪಯಣವನ್ನು ಜತೆಗೂಡಿಸಿ ಮೈಲೇಜ್ ಲೆಕ್ಕಾಚಾರವನ್ನು ಕೊಡಲಾಗಿದೆ. ಹಾಗೆಯೇ ಅಂತಹ ನಿರ್ದಿಷ್ಟ ಬೈಕುಗಳು ಹೊಂದಿರುವ ಇಂಧನ ಟ್ಯಾಂಕ್ ಸಾಮರ್ಥ್ಯ ಹಾಗೂ ದರ ಸೇರಿದಂತೆ ಇತರ ಅಗತ್ಯದ ಮಾಹಿತಿಯನ್ನು ಹಂಚಲಾಗಿದೆ.

ಟಿವಿಎಸ್ ಸ್ಟಾರ್ ಸ್ಪೋರ್ಟ್

ಚೆನ್ನೈ ಮೂಲದ ಕಂಪನಿಯಾಗಿರುವ ಟಿವಿಎಸ್ ಎಂಟ್ರಿ ಲೆವೆಲ್ 100ಸಿಸಿ ವಿಭಾಗದಲ್ಲಿ ಆಕರ್ಷಕ ಸ್ಟಾರ್ ಸ್ಪೋರ್ಟ್ ಬೈಕ್‌ನ್ನು ಮಾರುಕಟ್ಟೆಗೆ ಪರಿಚಯಿಸಿತ್ತು. ಇದರ ಎಕ್ಸ್ ಶೋ ರೂಂ ದರ 40,000 ರು.ಗಳ ಅಸುಪಾಸಿನಲ್ಲಿದೆ. ಇದರಲ್ಲಿ 99.7 ಸಿಸಿ ಸಿಂಗಲ್ ಸಿಲಿಂಡರ್ 4 ಸ್ಟ್ರೋಕ್ ಎಂಜಿನ್ ಆಳವಡಿಸಲಾಗಿದೆ. ಹಾಗೆಯೇ ಸ್ಪೀಡ್ ಗೇರ್ ಬಾಕ್ಸ್ ಹೊಂದಿದೆ.

ಟಿವಿಎಸ್ ಸ್ಟಾರ್ ಸ್ಪೋರ್ಟ್

ಮೈಲೇಜ್

ಟಿವಿಎಸ್ ಸ್ಟಾರ್ ಸ್ಪೋರ್ಟ್- 16 ಲೀಟರ್ (ರಿಸರ್ವ್: 2.5 ಲೀಟರ್)

ಸರಾಸರಿ ಮೈಲೇಜ್: 65 kmpl

ದರ ಮಾಹಿತಿ: 39,925 ರು.ಗಳಿಂದ 43,215 ರು.ಗಳ ವರೆಗೆ (ಎಕ್ಸ್ ಶೋ ರೂಂ ಬೆಂಗಳೂರು)

ಹೀರೊ ಸ್ಲ್ಪೆಂಡರ್ ಎನ್‌ಎಕ್ಸ್‌ಜಿ

2007ನೇ ಇಸವಿಯಲ್ಲಿ ಮೊದಲ ಬಾರಿಗೆ ಲಾಂಚ್ ಆಗಿದ್ದ ಹೀರೊ ಸ್ಲ್ಬೆಂಡರ್ ಎನ್‌ಎಕ್ಸ್‌ಜಿ ಇದುವರೆಗೆ ಎರಡು ಬಾರಿ ಅಪ್‌ಗ್ರೇಡ್ ವರ್ಷನ್ ಪಡೆದುಕೊಂಡಿದೆ. ಇದು ಸ್ಲ್ಪೆಂಡರ್ ದರ್ಜೆಯ ಬೈಕುಗಳಲ್ಲಿ 'ಡಿಲಕ್ಸ್' ಬೈಕೆಂಬ ಖ್ಯಾತಿಯನ್ನು ಪಡೆದಿದೆ. ಇದರಲ್ಲಿ 97.2 ಸಿಸಿ 4 ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಎಂಜಿನ್ ಆಳವಡಿಸಲಾಗಿದೆ. ಹಾಗೆಯೇ 4 ಸ್ಪೀಡ್ ಗೇರ್ ಬಾಕ್ಸ್ ಹೊಂದಿದೆ.

ಹೀರೊ ಸ್ಲ್ಪೆಂಡರ್ ಎನ್‌ಎಕ್ಸ್‌ಜಿ

ಮೈಲೇಜ್

ಹೀರೊ ಸ್ಲ್ಪೆಂಡರ್ ಎನ್‌ಎಕ್ಸ್‌ಜಿ: 9.51 ಲೀಟರ್ (ರಿಸರ್ವ್: 1.8 ಲೀಟರ್)

ಸರಾಸರಿ ಮೈಲೇಜ್: 65 kmpl

ದರ ಮಾಹಿತಿ: 44,442 ರು.ಗಳಿಂದ 51,224 (ಎಕ್ಸ್ ಶೋ ರೂಂ ಬೆಂಗಳೂರು)

ಮಹೀಂದ್ರ ಸೆಂಚುರೊ

ಕೆಲವು ತಿಂಗಳುಗಳ ಹಿಂದೆಯಷ್ಟೇ ಸೆಂಚುರೊ ಲಾಂಚ್ ಮಾಡಿದ್ದ ಮಹೀಂದ್ರ, ದ್ವಿಚಕ್ರ ಪ್ರಯಾಣಿಕ ಸೆಗ್ಮೆಂಟ್‌ಗೆ ಭರ್ಜರಿ ರಿ ಎಂಟ್ರಿ ಕೊಟ್ಟಿತ್ತಲ್ಲದೆ ಕೇವಲ 18 ದಿನಗಳೊಳಗೆ 10,000ಕ್ಕೂ ಹೆಚ್ಚು ಬುಕ್ಕಿಂಗ್ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು. ಇದರಲ್ಲಿ ಎಂಸಿಐ-5 106.7 ಸಿಸಿ ಎಂಜಿನ್ ಆಳವಡಿಸಲಾಗಿದ್ದು (8 ಅಶ್ವಶಕ್ತಿ, 8.5 ಎನ್‌ಎಂ ಟಾರ್ಕ್) 4 ಸ್ಪೀಡ್ ಗೇರ್ ಬಾಕ್ಸ್ ಹೊಂದಿದೆ.

ಮಹೀಂದ್ರ ಸೆಂಚುರೊ

ಮೈಲೇಜ್

ಮಹೀಂದ್ರ ಸೆಂಚುರೊ- 13.7 ಲೀಟರ್ (ರಿವರ್ಸ್ 1.6 ಲೀಟರ್)

ಸರಾಸರಿ ಮೈಲೇಜ್- 70 kmpl

ದರ ಮಾಹಿತಿ- 46,329 ರು. (ಎಕ್ಸ್ ಶೋ ರೂಂ ಬೆಂಗಳೂರು)

ಹೋಂಡಾ ಸಿಬಿ ಟ್ವಿಸ್ಟರ್

110ಸಿಸಿ ಬೈಕ್‌ಗಳು ದೇಶದಲ್ಲಿ ಹೆಚ್ಚು ಜನಪ್ರಿಯತೆಯನ್ನು ಗಿಟ್ಟಿಸಿಕೊಂಡಿದೆ. ಇದರಂತೆ 2009ರಲ್ಲಿ ಲಾಂಚ್ ಕಂಡಿದ್ದ ಹೋಂಡಾ ಟ್ವಿಸ್ಟರ್ 109ಸಿಸಿ ಫೋರ್ ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು 8 ಬಿಎಚ್‌ಪಿ (9 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಹೋಂಡಾ ಸಿಬಿ ಟ್ವಿಸ್ಟರ್

ಮೈಲೇಜ್

ಹೋಂಡಾ ಸಿಬಿ ಟ್ವಿಸ್ಟರ್- 8 ಲೀಟರ್

ಸರಾಸರಿ ಮೈಲೇಜ್- 70 kmpl

ದರ ಮಾಹಿತಿ: 48,112 ರು.ಗಳಿಂದ 54,982 ರು.ಗಳ ವರೆಗೆ. (ಎಕ್ಸ್ ಶೋ ರೂಂ ಬೆಂಗಳೂರು)

ಬಜಾಜ್ ಡಿಸ್ಕವರ್ 100ಟಿ

110 ಸಿಸಿ ವಿಭಾಗವನ್ನು ತೆರೆದು ನೋಡಿದಾಗ ಬಜಾಜ್ ಡಿಸ್ಕವರ್ ಹೆಚ್ಚು ಆಕರ್ಷಕ ವಿನ್ಯಾಸವನ್ನು ಹೊಂದಿರುವುದನ್ನು ನೋಡಬಹುದು. ಇದರಲ್ಲಿ 102 ಸಿಸಿ ಡಿಟಿಎಸ್-ಐ ಎಂಜಿನ್ ಆಳವಡಿಸಲಾಗಿದ್ದು, 10.2 ಪಿಎಸ್ ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ 5 ಸ್ಪೀಡ್ ಗೇರ್ ಬಾಕ್ಸ್ ಲಗತ್ತಿಸಲಾಗಿದೆ.

ಬಜಾಜ್ ಡಿಸ್ಕವರ್ 100ಟಿ

ಮೈಲೇಜ್

ಬಜಾಜ್ ಡಿಸ್ಕವರ್ 100ಟಿ- 10 ಲೀಟರ್ (ರಿಸರ್ವ್: 3.5 ಲೀಟರ್)

ಸರಾಸರಿ ಮೈಲೇಜ್: 75 kmpl

ದರ ಮಾಹಿತಿ: ರು. 48,412 (ಎಕ್ಸ್ ಶೋ ರೂಂ ಬೆಂಗಳೂರು)

ಅಂತಿಮ ತೀರ್ಪು

ಅಂತಿಮದಲ್ಲಿ ಮೈಲೇಜ್, ದರ, ವಿಶ್ವಸಾರ್ಹತೆ, ತಂತ್ರಗಾರಿಕೆ ಹಾಗೂ ವಿನ್ಯಾಸವನ್ನು ಪರಿಗಣಿಸಿದಾಗ ಹೋಂಡಾ ಸಿಬಿ ಟ್ವಿಸ್ಟರ್ ಇತರ ಬೈಕ್‌ಗಳಿಗಿಂತ ಸ್ವಲ್ಪ ಮುನ್ನಡೆಯನ್ನು ಕಾಯ್ದುಕೊಂಡಿದೆ. ಇದರಲ್ಲಿ ಫುಲ್ ಟ್ಯಾಂಕ್ ಇಂಧನ ಭರ್ತಿ ಮಾಡಿದರೆ ನಗರ ಹಾಗೂ ಹೆದ್ದಾರಿ ಪ್ರದೇಶವನ್ನು ಸೇರಿಸಿ 500 ಕೀ.ಮೀ. ತನಕ ಸಾಗಬಹುದಾಗಿದೆ. ಇನ್ನೊಂದೆಡೆ ದೀರ್ಘ ಪ್ರಯಾಣವನ್ನು ಬಯಸುವುದಾದ್ದಲ್ಲಿ ಟಿವಿಎಸ್ ಸ್ಟಾರ್ ಸ್ಪೋರ್ಟ್ ಉತ್ತಮ ಆಯ್ಕೆಯಾಗಿರಲಿದೆ. ಇದರ 16 ಲೀಟರ್ ಇಂಧನ ಟ್ಯಾಂಕ್ ನೆರವಿನಿಂದ 1040 ಕೀ.ಮೀ. ರೇಂಜ್ ವರೆಗೆ ಸರಾಗವಾಗಿ ಚಲಿಸಬಹುದಾಗಿದೆ.

ಮೇಲೆ ನೀಡಿರುವ ಮೈಲೇಜ್ ನಿಖರವಾಗಿರಬೇಕೆಂದಿಲ್ಲ. ಯಾಕೆಂದರೆ ಈ ಮೈಲೇಜ್ ಮಟ್ಟ ತಲುಪಲು ಗಂಟೆಗೆ 40ರಿಂದ 50 ಕೀ.ಮೀ. ವೇಗದಲ್ಲಿ ಚಲಿಸಬೇಕಾಗುತ್ತದೆ. ಸದ್ಯದ ನಮ್ಮ ಟ್ರಾಫಿಕ್ ಪರಿಸ್ಥಿತಿಯಲ್ಲಿ ಇದು ಅಸಾಧ್ಯದ ಮಾತು.

ಇದೀಗ ನಿಮ್ಮ ಬೈಕ್ ಎಷ್ಟು ಮೈಲೇಜ್ ನೀಡುತ್ತಿವೆ ಎಂಬುದರ ಕುರಿತು ಕಾಮೆಂಟ್ ಬಾಕ್ಸ್‌ನಲ್ಲಿ ಚರ್ಚೆ ಆರಂಭಿಸಿ. ಈ ಮುಖಾಂತರ ಕನ್ನಡಿಗರಿಗೆ ಉತ್ತಮ ಮಾಹಿತಿ ದೊರಕುವಂತಾಗಲಿ. ಹ್ಯಾಪಿ ಡ್ರೈವಿಂಗ್!