ಹೀರೊದಿಂದ ಬರಲಿದೆ ಯುರೋಪ್ ಶೈಲಿಯ 150 ಸಿಸಿ ಸ್ಕೂಟರ್

ಯುರೋಪ್‌ನ ಮ್ಯಾಕ್ಸಿ ಸ್ಕೂಟರ್ ಶೈಲಿಯಲ್ಲಿ ಝಡ್‌ಐಆರ್ 150 ಸಿಸಿ ಸ್ಕೂಟರ್ ವಿನ್ಯಾಸಗೊಳಿಸಲಾಗಿದೆ. ನಿಮ್ಮ ಮಾಹಿತಿಗಾಗಿ, ಈ ಹಿಂದೆ ಕೈನಾಟಿಕ್ ಬ್ಲೇಜ್ 165 ಸಿಸಿ ಗಾಡಿ ಅತಿ ಹೆಚ್ಚು ಎಂಜಿನ್ ಸಾಮರ್ಥ್ಯದ ಸ್ಕೂಟರ್ ಎನಿಸಿಕೊಂಡಿತ್ತು.

ಸ್ಟೆಪ್ ಮತ್ತು ಫ್ಲ್ಯಾಟ್ ಬೋರ್ಡ್‌ಗಳೆಂಬ ಎರಡು ವೆರಿಯಂಟ್‌ಗಳಲ್ಲಿ ಹೀರೊ ಝಡ್‌ಐಆರ್ ಆಗಮನವಾಗಲಿದೆ. ಇದು 139 ಕೆ.ಜಿ ಭಾರ ಹಾಗೆಯೇ 2,085 ಎಂಎಂ ಉದ್ದ, 745 ಎಂಎಂ ಅಗಲ ಮತ್ತು 1385 ಎಂಎಂ ಎತ್ತರವಿರಲಿದೆ.

ನೂತನ ಝಡ್‌ಐಆರ್ ಸ್ಕೂಟರ್, ಎಲೆಕ್ಟ್ರಾನಿಕ್ ಫ್ಯೂಯಲ್ ಇಂಜೆಕ್ಟಡ್, 157 ಸಿಸಿ ಲಿಕ್ವಿಡ್ ಕೂಲ್ಡ್ 4 ಸ್ಟ್ರೋಕ್ 2 ವಾಲ್ವೆ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಇದು 14.08 ಅಶ್ವಶಕ್ತಿ (12.7 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ.

ಪ್ರಸ್ತುತ ಆಟೋಮ್ಯಾಟಿಕ್ ಸ್ಕೂಟರ್ ಗಂಟೆಗೆ 110 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿರಲಿದೆ.

ಇನ್ನುಳಿದಂತೆ ಫೋರ್ಸ್‌ಡ್ ಡೈನಾಮಿಕ್ ಕೂಲಿಂಗ್ ಏರ್ ಸಿಸ್ಟಂ ಮತ್ತು ಇಂಟೆಗ್ರೇಟಡ್ ಹೈಡ್ರಾಲಿಕ್ ಬ್ರೇಕಿಂಗ್ ಸಿಸ್ಟಂ (ಐಎಚ್‌ಬಿಎಸ್) ಪ್ರಮುಖ ಫೀಚರ್ ಆಗಿರಲಿದೆ. ಹಾಗೆಯೇ ಫ್ರಂಟ್ ಆಂಡ್ ರಿಯರ್ ಫ್ಲವರ್ ಟೈಪ್ ಡಿಸ್ಕ್ ಬ್ರೇಕ್ ಕೂಡಾ ಹೊಂದಿರಲಿದೆ.

ಪ್ರೀಮಿಯಂ ಸ್ಕೂಟರ್ ವಿಭಾಗದಲ್ಲಿ ಗುರುತಿಸಿಕೊಳ್ಳಲಿರುವ ಹೀರೊ ಝಡ್‌ಐಆರ್, ಡ್ಯುಯಲ್ ಪ್ರೊಜೆಕ್ಟರ್ ಹೈಡ್‌ಲೈಟ್ ಜತೆ ಡೇಟೈಮ್ ರನ್ನಿಂಗ್ ಲೈಟ್ಸ್, ಇಂಟೆಗ್ರೇಟಡ್ ಪಿಲ್ಲಿಯನ್ ಹ್ಯಾಂಡಲ್, ಡಿಜಿಟಲ್ ಕನ್ಸೋಲ್ ಮತ್ತು ಫೋನ್ ಚಾರ್ಜಿಂಗ್ ಡಾಕ್ ಪಡೆದುಕೊಳ್ಳಲಿದೆ.

ಮಗದೊಂದು ವಿಶೇಷತೆಯೆಂದರೆ ಝಡ್‌ಐಆರ್‌ನ ಎಲೆಕ್ಟ್ರಾನಿಕ್ ಫ್ಯೂಯಲ್ ಇಂಜೆಕ್ಷನ್ ತಂತ್ರಗಾರಿಕೆ ಸ್ಮಾರ್ಟ್ ಫೋನ್ ಜತೆ ಕನೆಕ್ಟ್ ಮಾಡಬಹುದಾಗಿದೆ. ಈ ಮೂಲಕ ಎಂಜಿನ್ ಹಾಗೂ ರೈಡಿಂಗ್ ಬಗ್ಗೆ ಮಾಹಿತಿ ಪಡೆಯಲಿದೆ.

ಅಂದ ಹಾಗೆ 2016ನೇ ಇಸವಿಯಲ್ಲಿ ಲಾಂಚ್ ಆಗಲಿದೆ. ಅಷ್ಟಕ್ಕೂ ಹೆಚ್ಚು ಎಂಜಿನ್ ಸಾಮರ್ಥ್ಯದ ಸ್ಕೂಟರ್‌ಗಳು ದೇಶದಲ್ಲಿ ಯಶಸ್ವಿಯಾಗುವುದೇ? ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚೆಕೊಳ್ಳಿರಿ...