ಆಕ್ಟಿವಾ ಆಯ್ತು; ಬರುತ್ತಿದೆ ಆಕ್ಟಿವಾ 125 ಸ್ಕೂಟರ್

By Nagaraja

Published: Monday, February 10, 2014, 16:39 [IST]

ದೇಶದ ಮುಂಚೂಣಿಯ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿರುವ ಹೋಂಡಾ ಟು ವೀಲರ್ಸ್, ಸ್ಕೂಟರ್ ವಿಭಾಗದಲ್ಲೂ ಅತ್ಯಂತ ಹೆಚ್ಚು ಮಾರಾಟ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು.

2014 ಆಟೋ ಎಕ್ಸ್ ಪೋ

ಇತ್ತೀಚೆಗಿನ ವರ್ಷಗಳಲ್ಲಿ ಆಕ್ಟಿವಾ ಹೋಂಡಾ ಮಾರಾಟದಲ್ಲಿ ದೊಡ್ಡ ಪಾಲು ವಹಿಸಿತ್ತು. ಇದರ ಅನುಕೂಲಕರ ವಿನ್ಯಾಸ ಗ್ರಾಹಕರಲ್ಲಿ ಸಂತಸಕ್ಕೆ ಕಾರಣವಾಗಿತ್ತು. ಹಾಗಿದ್ದರೂ ಸುಜುಕಿ ಆಕ್ಸೆಸ್ 125 ಸಿಸಿ ಸ್ಕೂಟರುಗಳಿಗೆ ಟಕ್ಕರ್ ನೀಡುವಲ್ಲಿ ಆಕ್ಟಿವಾ ವಿಫಲವಾಗಿತ್ತು. ಇದರ ಕಡಿಮೆ ನಿರ್ವಹಣೆ ಆಕ್ಟಿವಾ ಹಿನ್ನಡೆಗೆ ಕಾರಣವಾಗಿತ್ತು. ಇವೆಲ್ಲಕ್ಕೂ ಪರಿಹಾರದ ರೂಪದಲ್ಲಿ ಜಪಾನ್ ಮೂಲದ ಈ ವಾಹನ ತಯಾರಕ ಸಂಸ್ಥೆಯು ನೂತನ 125 ಸಿಸಿ ಆಕ್ಟಿವಾ ಸ್ಕೂಟರ್ ಪರಿಚಯಿಸಲಿದೆ.

ನವದೆಹಲಿಯಲ್ಲಿ ನಡೆಯುತ್ತಿರುವ 12ನೇ ಆಟೋ ಎಕ್ಸ್ ಪೋದಲ್ಲಿ ಹೋಂಡಾ ತನ್ನ ನೂತನ ಕಾನ್ಸೆಪ್ಟ್ ಪ್ರದರ್ಶಿಸಿದೆ. ಸ್ಕೂಟರುಗಳ ರಾಜ ಎಂದೇ ಬಂಬಿಸಲ್ಪಟ್ಟಿರುವ ಆಕ್ಟಿವಾ 125 ಸ್ಕೂಟರ್, 8.6 ಅಶ್ವಶಕ್ತಿ ಉತ್ಪಾದಿಸಬಲ್ಲ (10.12 ಟಾರ್ಕ್) 124 ಸಿಸಿ ಎಂಜಿನ್ ಹೊಂದಿದೆ.