ಚಮತ್ಕಾರ ಮಾಡಿತೇ ನೂತನ ಹೋಂಡಾ ಸಿಬಿಆರ್

ನೂತನ ಹೋಂಡಾ ಸಿಬಿಆರ್300ಆರ್ 286ಸಿಸಿ ಸಿಂಗಲ್ ಸಿಲಿಂಡರ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ. ಇದು 76ಎಂಎಂ ಬೋರ್ ಹಾಗೂ 63ಎಂಎಂ ಸ್ಟ್ರೋಕ್ ಹೊಂದಿರಲಿದೆ.

ಇದು ಸದ್ಯ ಮಾರುಕಟ್ಟೆಯಲ್ಲಿರುವ ಸಿಬಿಆರ್250ಆರ್ 249.6 ಸಿಸಿ ಎಂಜಿನ್‌ಗಿಂತಲೂ ಹೆಚ್ಚು ಶಶ್ತಿಶಾಲಿ ಎಂಜಿನ್ ಪಡೆದುಕೊಳ್ಳಲಿದೆ.

ಹೋಂಡಾದ ನೂತನ ಸಿಬಿಆರ್300ಆರ್ ಎಂಜಿನ್ 30.4 ಅಶ್ವಶಕ್ತಿ (8500ಆರ್‌ಪಿಎಂ) ಹಾಗೂ 27ಎನ್ ಟಾರ್ಕ್ (7250 ಆರ್‌ಪಿಎಂ) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಪ್ರಸ್ತುತ ಈ ವಿಭಾಗದಲ್ಲಿ ನಿಂಜಾ 300 ಹೆಚ್ಚಿನ ಯಶಸ್ಸನ್ನು ಸಾಧಿಸಿದೆ. ಇದರ 296ಸಿಸಿ ಟ್ವಿನ್ ಸಿಲಿಂಡರ್ ಎಂಜಿನ್ ಎಂಜಿನ್ 39 ಅಶ್ವಶಕ್ತಿ (27ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಹಾಗಾಗಿ ಈ ಸವಾಲನ್ನು ಹೋಂಡಾ ಹೇಗೆ ನಿಭಾಯಿಸಲಿದೆ ಎಂಬುದು ಕುತೂಹಲವೆನಿಸಿದೆ.

ಭಾರ ನಿರ್ಣಾಯಕ ಅಂಶವೆನಿಸಲಿದೆ. ಎಬಿಎಸ್ ತಂತ್ರಜ್ಞಾನದೊಂದಿಗೆ ಆಗಮನವಾಗಲಿರುವ ಹೋಂಡಾ ಸಿಬಿಆರ್300ಆರ್ 164 ಕೆ.ಜಿ ತೂಕ ಹೊಂದಿರಲಿದೆ. ಇನ್ನೊಂದೆಡೆ ನಿಂಜಾ 172 ಕೆ.ಜಿ ಭಾರವಿದೆ. ಇದು ಸಹ ಬೈಕ್ ಖರೀದಿಗಾರರಲ್ಲಿ ಪೈಪೋಟಿ ಸೃಷ್ಟಿ ಮಾಡಲು ಕಾರಣವಾಗಲಿದೆ.