ಹೋಂಡಾ 150ಸಿಸಿ ಸ್ಕೂಟರ್; ನಿಮ್ಮ ನಿರೀಕ್ಷೆ ಏನು?

ಈ ಹಿಂದೆ 2014 ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿರುವ ಹೋಂಡಾದ ಹೊಸ 15ಸಿಸಿ ಸ್ಕೂಟರ್ ಪಿಸಿಎಕ್ಸ್ ಎಂದೆನಿಸಿಕೊಳ್ಳಲಿದೆ. ಹೋಂಡಾ ಆರ್ ಆಂಡ್ ಡಿ ಘಟಕದಲ್ಲಿ ಪರೀಕ್ಷೆಗಾಗಿ ವಿದೇಶದಿಂದ ತಲುಪಿರುವ ಈ ಬಹುನಿರೀಕ್ಷಿತ ಮಾದರಿಯನ್ನು ಪ್ರಸಕ್ತ ಸಾಲಿನಲ್ಲೇ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

ದೇಶದ ದ್ವಿಚಕ್ರ ವಾಹನ ಮಾರುಕಟ್ಟೆಯಲ್ಲಿರುವ ಇತರ ಸಾಮಾನ್ಯ ಸ್ಕೂಟರ್‌ಗಳಿಗೆ ಹೋಲಿಸಿದರೆ ಹೋಂಡಾದ ಹೊಸ 150ಸಿಸಿ ಸ್ಕೂಟರ್ ಎಂಜಿನ್ ವಿಚಾರದಲ್ಲಿ ಮಾತ್ರವಲ್ಲದೆ ಆಕಾರದಲ್ಲೂ ದೊಡ್ಡದಾಗಿರಲಿದೆ. ಅಲ್ಲದೆ 130 ಕೆ.ಜಿ ತೂಕವನ್ನು ಹೊಂದಿರಲಿದೆ. ಸಾಮಾನ್ಯ ಸ್ಕೂಟರ್‌ಗಳು 100ರಿಂದ 130ರಷ್ಟು ಕೆ.ಜಿ ಭಾರವನ್ನು ಹೊಂದಿರುತ್ತದೆ.

ಈ ಮೊದಲೇ ತಿಳಿಸಿರುವಂತೆಯೇ ಹೋಂಡಾ ಹೊಸ ಸ್ಕೂಟರ್ 153ಸಿಸಿ ಸಿಂಗಲ್ ಸಿಲಿಂಡರ್, 4 ಸ್ಟ್ರೋಕ್, ಎಸ್‌ಒಎಚ್‌ಸಿ ಲಿಕ್ವಿಡ್ ಕೂಲ್ಡ್ ಪಿಜಿಎಂ-ಎಫ್‌ಐ ಪೆಟ್ರೋಲ್ ಮೋಟಾರ್‌ನಿಂದ ನಿಯಂತ್ರಿಸ್ಪಡಲಿದೆ. ಇದು 14 ಎನ್‌ಎಂ ತಿರುಗುಬಲಕ್ಕೆ (5,000 ಆವರ್ತನ) ಗರಿಷ್ಠ 13.4 ಅಶ್ವಶಕ್ತಿ (8500 ಆವರ್ತನಕ್ಕೆ) ಉತ್ಪಾದಿಸಲಿದೆ. ಅಂತೆಯೇ ವಿ ಮ್ಯಾಟಿಕ್ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಸಹ ಹೊಂದಿರಲಿದೆ. ಪ್ರಸ್ತುತ ಸ್ಕೂಟರ್ ಎಂಟು ಲೀಟರ್ ಸಾಮರ್ಥ್ಯದ ಇಂಧನ ಟ್ಯಾಂಕ್ ಸಹ ಹೊಂದಿರಲಿದೆ.

ಇನ್ನು ವೈಶಿಷ್ಟ್ಯದ ಬಗ್ಗೆ ಮಾತನಾಡುವುದಾದ್ದಲ್ಲಿ ಹೋಂಡಾ ಪಿಎಲ್‌ಎಕ್ಸ್ 150 ಸ್ಕೂಟರ್ ವಿಶಾಲವಾದ ಹೆಡ್ ಲ್ಯಾಂಪ್ ಪಡೆದುಕೊಳ್ಳಲಿದ್ದು, ಇದರ ಮೇಲ್ಗಡೆಯಾಗಿ ವಿಂಡ್ ಡಿಫ್ಲೆಕ್ಟರ್ ಇರಲಿದೆ.

ಹೋಂಡಾ 150 ಸಿಸಿ ಸ್ಕೂಟರ್ ಸಂಪ್ರದಾಯಿಕ ಹ್ಯಾಂಡಲ್ ಬಾರ್ ಹಾಗೂ ವಿಶಾಲವಾದ ಆಸನ ವ್ಯವಸ್ಥೆಯನ್ನು ಹೊಂದಿದೆ. ಉಳಿದಂತೆ ಅಲಾಯ್ ವೀಲ್, ಅನಲಾಗ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಜೊತೆ ಡಿಜಿಟಲ್ ಡಿಸ್‌ಪ್ಲೇ, ರೈಡರ್ ಫೂಟ್ ರೆಸ್ಟ್, ಪಿಲ್ಲಿಯನ್ ಗ್ರಾಬ್ ರೈಲ್ ಮುಂತಾದ ಸೌಲಭ್ಯಗಳನ್ನು ಹೊಂದಿರಲಿದೆ.

ಇನ್ನು ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದ್ದು, ಡಿಸ್ಕ್ ಬ್ರೇಕ್ ಹಾಗೂ ಟೆಲಿಸ್ಕಾಪಿಕ್ ಫ್ರಂಟ್ ಸಸ್ಪೆಷನ್ ಪಡೆದುಕೊಂಡಿರಲಿದೆ.

ಅಂದ ಹಾಗೆ ಮುಂಬರುವ ಹೀರೊ ಮೊಟೊಕಾರ್ಪ್ ಝಿರ್ 150 ಸಿಸಿ ಮಾದರಿಗೆ ಸ್ಪರ್ಧಿಯಾಗಲಿರುವ ಹೋಂಡಾ ಪಿಸಿಎಕ್ಸ್ 150 ಸ್ಕೂಟರ್, ಎಕ್ಸ್ ಶೋ ರೂಂ ಬೆಲೆ 70,000 ರು.ಗಳಿಂದ 75,000 ರು.ಗಳಷ್ಟು ದುಬಾರಿಯೆನಿಸಲಿದೆ.