ಸುಜುಕಿ ಜಿಕ್ಸರ್ 150ಸಿಸಿ ಬೈಕ್‌ನಲ್ಲಿ ಅಂತದ್ದೇನಿದೆ?

ಬಾಲಿವುಡ್‌ನ ಮೋಸ್ಟ್ ಎಲಿಜಬಲ್ ಬ್ಯಾಚುಲರ್ ಹಾಗೂ ಸಂಸ್ಥೆಯ ಪ್ರಮುಖ ಪ್ರಚಾರ ರಾಯಭಾರಿ ಕೂಡಾ ಆಗಿರುವ ಸಲ್ಮಾನ್ ಖಾನ್ ಮುಂಬೈನಲ್ಲಿ ನಡೆದ ಸಮಾರಂಭದಲ್ಲಿ ನೂತನ 150ಸಿಸಿ ಜಿಕ್ಸರ್ ಬೈಕ್ ಅನಾವರಣಗೊಳಿಸಿದ್ದರು.

ಸ್ಟೈಲಿಷ್ ಬೈಕ್

ಮೊದಲ ನೋಟಕ್ಕೆ ಆಕ್ರಮಣಕಾರಿ ವಿನ್ಯಾಸ ಪಡೆದುಕೊಳ್ಳುವಲ್ಲಿ ಸುಜುಕಿ ಜಿಕ್ಸರ್ ಯಶಸ್ವಿಯಾಗಿದೆ. ಇದು ಖಂಡಿತವಾಗಿ ಯಮಹಾ ಎಫ್‌ಝಡ್ ಹಾಗೂ ಹೋಂಡಾ ಸಿಬಿ ಟ್ರಿಗರ್ ಆವೃತ್ತಿಗಳಿಗೆ ನೇರ ಪ್ರತಿಸ್ಪರ್ಧಿಯಾಗಿರಲಿದೆ.

ಸ್ಮರ್ಧಾತ್ಮಕ ದರ

ಇನ್ನೊಂದು ಪ್ರಮುಖ ಅಂಶವೆಂದರೆ ಸ್ಮರ್ಧಾತ್ಮಕ ದರಗಳಲ್ಲಿ ಆಗಮನವಾಗಬೇಕಾಗಿರುವುದು ಅತಿ ಮುಖ್ಯವಾಗಿದೆ. ಇದು 150ಸಿಸಿ ವಿಭಾಗದಲ್ಲಿ ಪಲ್ಸರ್‌ಗಿಂತ ಸ್ವಲ್ಪ ಪ್ರೀಮಿಯಂ ಆಗಿ ಗುರುತಿಸಿಕೊಳ್ಳಲಿರುವುದರಿಂದ ದರ ಬಹುದೊಡ್ಡ ಪಾತ್ರ ವಹಿಸಲಿದೆ.

ಸುಜುಕಿ ಜಿಕ್ಸರ್‌ನಲ್ಲಿ ಕಂಡುಬಂದಿರುವ ಇನ್ನೊಂದು ಪ್ರಮುಖ ಫೀಚರ್ ಏನೆಂದರೆ, ಹಿಂದುಗಡೆ ಮೊನೊ ಶಾಕ್ ಸಸ್ಪೆಷನ್ ಮತ್ತು ದಪ್ಪವಾದ ಟ್ಯೂಬ್‌ಲೆಸ್ ಟೈರ್ ಆಳವಡಿಸಲಾಗಿದೆ.

ಇನ್ನು ಕ್ರೀಡಾತ್ಮಕ ಲುಕ್‌‌ ಪ್ರಧಾನ ಮಾಡುವ ನಿಟ್ಟಿನಲ್ಲಿ ಹಿಂದುಗಡೆ ಪ್ರಯಾಣಿಕರಿಗೆ ಬಾಗಿರುವಂತಹ ವಿನ್ಯಾಸ ಕಲ್ಪಿಸಲಾಗಿದೆ. ಅಂತೆಯೇ ಕ್ಯಾನ್ ರೂಪಿತ ಡ್ಯುಯಲ್ ಎಕ್ಸಾಸ್ಟ್ (ಸೈಲನ್ಸರ್) ಕೊಡಲಾಗಿದೆ.

ಇನ್ನು ಮುಂದಗಡೆಯಿಂದ ನೋಡುವಾಗ ಪಲ್ಸರ್ 200ಎನ್‌ಎಸ್ ತರಹನೇ ಭಾಸವಾಗುತ್ತಿದೆ. ಇದರ ಪ್ರಯೋಜನವನ್ನು ಸುಜುಕಿ ಜಿಕ್ಸರ್ ಪಡೆಯುವ ಸಾಧ್ಯತೆಯಿದೆ.

ಈ ಮೊದಲೇ ತಿಳಿಸಿರುವಂತೆಯೇ ಸುಜುಕಿ 155ಸಿಸಿ ಬೈಕ್‌ನಲ್ಲಿ ನೂತನ ಸುಜುಕಿ ಇಕೊ ನಿರ್ವಹಣೆ (ಎಸ್‌ಇಪಿ) ತಂತ್ರಗಾರಿಕೆ ಆಳವಡಿಸಲಾಗಿದೆ. ಇದು ಗರಿಷ್ಠ ಇಂಧನ ಕ್ಷಮತೆ ನೀಡಲಾಗಿದೆ.