ಯಮಹಾದಿಂದ ಮಹಿಳೆ ಹಾಗೂ ಮಕ್ಕಳಿಗಾಗಿ ವಿಶೇಷ ಹೆಲ್ಮೆಟ್

ವಿಶೇಷವಾಗಿ ರೂಪಿಸಲಾಗಿರುವ ಯಮಹಾ ಹೆಲ್ಮೆಟ್‌ಗಳು 990 ರು.ಗಳಿಂದ ಆರಂಭವಾಗಿ 1,380 ರು.ಗಳಷ್ಟು ದುಬಾರಿಯೆನಿಸಲಿದೆ.

ದೆಹಲಿ ಸರಕಾರ ಇತ್ತೀಚೆಗಷ್ಟೇ ಹೊರಡಿಸಿರುವ ಆದೇಶದಲ್ಲಿ ಸಹ ಪ್ರಯಾಣಿಕದಂತೆ ಮಹಿಳೆಯರು ಕಡ್ಡಾಯವಾಗಿ ಹೆಲ್ಮೆಟ್ ಧರಿಸಬೇಕು ಎಂದು ಆದೇಶ ಹೊರಡಿಸಿತ್ತು. ಇದನ್ನು ಸ್ವಾಗತಿಸಿರುವ ಯಮಹಾ ಸಂಸ್ಥೆಯು ಗರಿಷ್ಠ ಸುರಕ್ಷತೆಯ ನಿಟ್ಟಿನಲ್ಲಿ ಮಕ್ಕಳಿಗೂ ಹೆಲ್ಮೆಟ್ ಬಳಕೆ ಕಡ್ಡಾಯಗೊಳಿಸಬೇಕು ಎಂದಿದೆ.

ಇದಾದ ಬಳಿಕ ರಾಷ್ಟ್ರ ರಾಜಧಾನಿಯ ಅನೇಕ ಮಹಿಳಾ ಸವಾರರು ದಂಡನೆಗೊಳಗಾಗಿದ್ದರು. ಅಲ್ಲದೆ ಮಹಿಳೆಯರಿಗೆ ಹೊಂದಿಕೆಯಾಗುವಂತಹ ಹೆಲ್ಮೆಟ್‌ಗಳ ಅಭಾವವಿದೆ ಎಂಬ ಕೂಗು ಕೇಳಿ ಬಂದಿತ್ತು.

ಇದನ್ನು ಗಂಭೀರವಾಗಿ ಪರಿಗಣಿಸಿರುವ ಯಮಹಾ ಸಂಸ್ಧೆಯು ಹೊಸತಾದ ಐಎಸ್‌ಐ ಮಾನ್ಯತೆ ಪಡೆದಿರುವ ಶಿರಸ್ತ್ರಾಣಗಳನ್ನು ಅಭಿವೃದ್ಧಪಡಿಸಿದೆ.