ಯುದ್ಧ ವಿಮಾನ ವಾಹಕ ನೌಕೆಯ ಕುರಿತಾದ ಆಸಕ್ತಿದಾಯಕ ಸಂಗತಿಗಳು

ಎರಡನೇ ಮಹಾಯುದ್ಧ ಕಾಲಘಟ್ಟದಲ್ಲಿ ಜಪಾನ್ ಜಲಾಂತರ್ಗಾಮಿ ವಿಮಾನ ವಾಹಕಗಳನ್ನು ಹೊಂದಿದ್ದವು. ಇವುಗಳು ಶತ್ರು ರಾಷ್ಟ್ರಗಳಿಗೆ ಅರಿಯದೇ ಮೂರು ವಿಮಾನಗಳನ್ನು ನೀರಿನಡಿಯಲ್ಲಿ ಹೊತ್ತೊಯ್ಯುವ ಸಾಮರ್ಥ್ಯವನ್ನು ಪಡೆದಿತ್ತು.

ಅಮೆರಿಕದ ವಿಮಾನ ವಾಹಕ ನೌಕೆಯು ಎಷ್ಟು ಬಲಶಾಲಿಯೆಂದರೆ ಇತರೆಲ್ಲ ದೇಶದ ವಿಮಾನ ವಾಹಕ ನೌಕೆಗಳನ್ನು ಒಟ್ಟುಗೂಡಿಸಿದರೆ ಶೇಕಡಾ 70ರಷ್ಟಕ್ಕೆ ಸಮವಾಗಿದೆ.

ಫ್ರಾನ್ಸ್‌ನ ವಿಮಾನ ವಾಹಕ ಹಡಗಿಗೆ ಒಂದನೇ ಮಹಾಯುದ್ಧ ಕಾಲಘಟ್ಟದಲ್ಲಿದ್ದ ಮಾಜಿ ಜನರಲ್ ಮತ್ತು ಮಾರ್ಷಲ್ ಫೆರ್ಡಿನಾಂಡ್ ಫೋಚ್ ಎಂಬವರ ಹೆಸರನ್ನಿಡಲಾಗಿದೆ.

ಮಗದೊಂದು ಕುತೂಹಲದಾಯಕ ಸಂಗತಿಯೆಂದರೆ ಹಿಂದೊಮ್ಮೆ ಇಬೇ ವೆಬ್ ಸೈಟ್ ಮೂಲಕ ತನ್ನ ವಿಮಾನ ವಾಹಕ ನೌಕೆಯನ್ನು ಮಾರಾಟ ಮಾಡಲು ಬ್ರೆಜಿಲ್ ಶ್ರಮಿಸಿತ್ತು.

ಅಮೆರಿಕದ ಗೇರಾಲ್ಡ್ ಆರ್.ಫೋಲ್ಡ್ ಕ್ಲಾಸ್ ವಿಮಾನ ವಾಹಕ ನೌಕೆಯನ್ನು ನಿರ್ವಹಿಸಲು ಒಂದು ದಿನದಲ್ಲಿ 7 ಮಿಲಿಯನ್ ಅಮೆರಿಕನ್ ಡಾಲರ್ ಖರ್ಚಾಗುತ್ತಿದೆ.

ಇಂಧನ ಮರು ತುಂಬದೆಯೇ ನಿಮಿಟ್ಜ್ ಕ್ಲಾಸ್ ಯುದ್ಧ ವಿಮಾನ ವಾಹಕಗಳನ್ನು 20 ವರ್ಷಗಳ ವರೆಗೆ ಬಳಕೆ ಮಾಡಬಹುದಾಗಿದೆ.

ಎರಡನೇ ಮಹಾಯುದ್ಧ ಕಾಲಘಟ್ಟದಲ್ಲಿ ತನ್ನ ಪೈಲಟ್ ಗಳಿಗೆ ತರಬೇತಿ ನೀಡಲು ಎರಡು ಯುದ್ಧ ವಿಮಾನ ವಾಹಕ ನೌಕೆಗಳನ್ನು ಅಮೆರಿಕ ಬಳಕೆ ಮಾಡಿತ್ತು.

ಅಮೆರಿಕ ಹೊರತಾಗಿ ಅಣ್ವಸ್ತ್ರ ಚಾಲಿತ ವಿಮಾನ ವಾಹಕ ನೌಕೆ ಹೊಂದಿರುವ ಏಕೈಕ ರಾಷ್ಟ್ರ ಫ್ರಾನ್ಸ್ ಆಗಿದೆ.

ಅತ್ಯಂತ ಶಕ್ತಿಶಾಲಿ ಸಿ-130 ಹೆರ್ಕ್ಯೂಲಿಸ್ ಯುದ್ಧ ವಿಮಾನ ಲ್ಯಾಂಡ್ ಮತ್ತು ಟೇಕ್ ಆಫ್ ಆಗುವ ಸಾಮರ್ಥ್ಯವನ್ನು ಹೊಂದಿದೆ.

ಎರಡನೇ ಮಹಾಯುದ್ಧ ಸಂದರ್ಭದಲ್ಲಿ ಜರ್ಮನಿಯ ವಿರುದ್ಧವಾಗಿ ಮರದ ತಿರುಳು ಮತ್ತು ಮಂಜುಗಡ್ಡೆಯಿಂದ ವಿಮಾನ ವಾಹಕ ಯುದ್ಧ ನೌಕೆ ನಿರ್ಮಿಸಲು ಬ್ರಿಟನ್ ಯೋಚನೆ ನಡೆಸಿತ್ತು.

1970ರಲ್ಲಿ ಬೋಯಿಂಗ್ 747 ವಿಮಾನದಿಂದ ವಿಮಾನ ವಾಹಕ ಯುದ್ಧ ಹಡಗು ನಿರ್ಮಿಸಲು ಅಮೆರಿಕ ಯೋಜನೆ ಹಾಕಿಕೊಂಡಿತ್ತು.

1929ರಲ್ಲಿ ಟಕೊಮಾ ನಗರಕ್ಕೆ ಒಂದು ತಿಂಗಳಷ್ಟು ಕಾಲ ವಿದ್ಯುತ್ ರವಾನಿಸಲು ಅಮೆರಿಕದ ಯುಎಸ್‌ಎಸ್ ಲೆಕ್ಸಿಂಗ್ಟನ್ ಸಿವಿ-2 ಯುದ್ಧ ವಾಹಕ ನೌಕೆ ನೆರವಾಗಿತ್ತು.

1957ರಲ್ಲಿ ಕಡಲ್ಗಳ್ಳರಂತೆ ಬಟ್ಟೆಗಳನ್ನು ಧರಿಸಿದ ಸಿಡ್ನಿ ವಿಶ್ವ ವಿದ್ಯಾಲಯದ ವಿದ್ಯಾರ್ಥಿಗಳು ಹಡಗು ವಾಹಕ ನೌಕೆಗೆ ತಲುಪಿ ತಾವು ನೌಕೆಯನ್ನು ವಶಪಡಿಸಿಕೊಂಡಿದ್ದೆವು ಎನ್ನುವ ಮೂಲಕ ರೋಚಕ ಕ್ಷಣಗಳನ್ನು ಸೃಷ್ಟಿ ಮಾಡಿದ್ದರು.

ಎರಡನೇ ಮಹಾಯುದ್ಧದಲ್ಲಿ ಅತಿ ದೊಡ್ಡ ವಿಮಾನ ವಾಹಕ ನೌಕೆ ನಿರ್ಮಿಸಿದ ಜಪಾನ್ ತನ್ನ ಮೊದಲ ಪಯಣದಲ್ಲೇ ನೀರಿನೊಳಗೆ ಮುಳುಗಡೆಗೊಂಡಿತ್ತು.

ವಿಮಾನದಲ್ಲಿ ವಾಹಕ ಯುದ್ಧ ನೌಕೆಯಲ್ಲಿ ಫ್ಲೈಟ್ ಡೆಕ್ ಕಾರ್ಯಾಚರಣೆ ನಿರ್ವಹಿಸುವ ಕಮಾಂಡ್ ಸೆಂಟರ್ ಭಾಗವನ್ನು 'ದ್ವೀಪ' ಎಂದು ಕರೆಯಲಾಗುತ್ತದೆ.

2016 ಮೇ 25ರಂದು ಬಿಡುಗಡೆಯಾಗಿರುವ ಲೆಕ್ಕಾಚಾರ ಪ್ರಕಾರ ಜಗತ್ತಿನೆಲ್ಲೆಡೆಯ 12 ನಾವಿಕ ಸೇನೆಯಲ್ಲಾಗಿ ಒಟ್ಟು 37 ಯುದ್ದ ವಿಮಾನ ವಾಹಕ ಹಡಗುಗಳು ಸಕ್ರಿಯವಾಗಿ ಕಾರ್ಯಾಚರಣೆ ನಡೆಸುತ್ತಿದೆ.

ಅಮೆರಿಕದ ಬಳಿ 10 ನ್ಯೂಕ್ಲಿಯರ್ ಚಾಲಿತ ಯುದ್ದ ವಾಹಕ ಯುದ್ಧ ನೌಕೆಗಳಿವೆ. ಸೂಪರ್ ಕೇರಿಯರ್ ಎನಿಸಿಕೊಳ್ಳುವ ಇವುಗಳು 90 ಯುದ್ಧ ವಿಮಾನಗಳನ್ನು ಸಾಗಿಸಬಲ್ಲಬಹುದಾಗಿದೆ.

ಭಾರತ ಸಹ ಐಎನ್‌‍ಎಸ್ ವಿಕ್ರಮಾದಿತ್ಯ ಮತ್ತು ಐಎನ್‌ಎಸ್ ವಿರಾಟ್ ಗಳಂತಹ ಶಕ್ತಿಶಾಲಿ ಯುದ್ಧ ವಿಮಾನ ವಾಹಕ ನೌಕೆಗಳನ್ನು ಹೊಂದಿದೆ. ಇವೆರಡು ಅನುಕ್ರಮವಾಗಿ 45,400 ಮತ್ತು 28,700 ಟನ್ ಗಳಷ್ಟು ಭಾರವನ್ನು ಪಡೆದಿದೆ.

ಐಎನ್‌ಎಸ್ ವಿಕ್ರಾಂತ್ ಮತ್ತು ಐಎನ್‌ಎಸ್ ವಿಶಾಲ್ ಭವಿಷ್ಯ ಭಾರತದ ಯುದ್ಧ ವಿಮಾನ ವಾಹಕ ನೌಕೆಗಳಾಗಿದೆ.