ಸುಜುಕಿ ಕ್ರೀಡಾ ಬೈಕ್ ಜಿಎಸ್ಎಕ್ಸ್ 250ಆರ್ ಅನಾವರಣ

ಸುಜುಕಿ ಜಿಎಸ್‌ಎಕ್ಸ್ 250ಆರ್ ಕ್ರೀಡಾ ಬೈಕ್ ಭಾರತಕ್ಕೂ ಬರುವುದೇ ಎಂಬುದು ಬಹಳಷ್ಟು ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿದೆ.

By Nagaraja

Updated: Friday, October 21, 2016, 13:05 [IST]

ಸಾಕಷ್ಟು ಊಹಾಪೋಹಗಳ ಬಳಿಕ ಚೀನಾದ ಬೀಜಿಂಗ್ ನಲ್ಲಿ ಅತಿ ನೂತನ ಸುಜುಕಿ ಜಿಎಸ್ ಎಕ್ಸ್250-ಆರ್ ಬೈಕ್ ಭರ್ಜರಿಯಾಗಿ ಅನಾವರಣಗೊಂಡಿದೆ. ನಿಕಟ ಭವಿಷ್ಯದಲ್ಲಿ ಈ ಬಹುನಿರೀಕ್ಷಿತ ಭಾರತವನ್ನು ತಲುಪಲಿದೆ ಎಂಬುದು ಕುತೂಹಲಕ್ಕೆ ಎಡೆ ಮಾಡಿಕೊಟ್ಟಿದೆ.
ಸುಜುಕಿ ಜಿಎಸ್ ಎಕ್ಸ್-ಆರ್1000 ರೇಸಿಂಗ್ ಬೈಕ್ ನಿಂದ ಸ್ಪೂರ್ತಿ ಪಡೆದುಕೊಂಡು ಇದನ್ನು ರಚಿಸಲಾಗಿದೆ.

ಸುಜುಕಿ ಕ್ರೀಡಾ ಬೈಕ್ ಜಿಎಸ್ಎಕ್ಸ್ 250ಆರ್ ಅನಾವರಣ

ಸುಜುಕಿ ಜಿಎಸ್ ಎಕ್ಸ್ 250ಆರ್ ಒಂದು ಫುಲ್ ಫೇರ್ಡ್ ಬೈಕಾಗಿದ್ದು, 248 ಸಿಸಿ ಪೆಟ್ರೋಲ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 23.3 ಎನ್ ಎಂ ತಿರುಗುಬಲದಲ್ಲಿ 24.7 ಅಶ್ವಶಕ್ತಿ ಉತ್ಪಾದಿಸುತ್ತಿದ್ದು, ಆರು ಸ್ಪೀಡ್ ಗೇರ್ ಬಾಕ್ಸ್ ಪಡೆದಿದೆ.

ಕ್ರೀಡಾತ್ಮಕ ವಿನ್ಯಾಸ, ದೊಡ್ಡದಾದ ವಿಂಡ್ ಸ್ಕ್ರೀನ್, ರಿಯರ್ ವ್ಯೂ ಮಿರರ್, ಕ್ಲಿಪ್ ಆನ್ ಹ್ಯಾಂಡಲ್ ಬಾರ್, ಸಂಪೂರ್ಣ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ದೊಡ್ದದಾದ ಇಂಧನ ಟ್ಯಾಂಕ್, ವಿಭಜಿತ ಸೀಟು ಸೇವೆಗಳಿರಲಿದೆ.

ಹೊಸತಾದ ಹೆಡ್ ಲೈಟ್ ಸಹ ಕೊಡಲಾಗಿದ್ದು, ಎಲ್ ಇಡಿ ಪೈಲಟ್ ಲ್ಯಾಂಪ್ ಮತ್ತು ಎಲ್ ಇಡಿ ಟೈಲ್ ಲ್ಯಾಂಪ್ ಕೂಡಾ ಇರುತ್ತದೆ.

15 ಲೀಟರ್ ಗಳ ಶಕ್ತಿಯುತ ಇಂಧನ ಟ್ಯಾಂಕ್ ಅತ್ಯುತ್ತಮ ಸ್ವಭಾವ ನೀಡಲಿದೆ. ಮುಂದುಗಡೆ ಕನ್ವೆನ್ಷನಲ್ ಟೆಲಿಸ್ಕಾಪಿಕ್ ಸಸ್ಷೆನ್ಷನ್ ಮತ್ತು ಹಿಂದುಗಡೆ ಏಳು ವಿಧಗಳಲ್ಲಿ ಹೊಂದಾಣಿಸಬಹುದಾದ ಮೊನೊಶಾಕ್ ಸಸ್ಷೆನ್ಷನ್ ವ್ಯವಸ್ಥೆಯಿರಲಿದೆ.

ಅಂತೆಯೇ ನಿಖರ ಬ್ರೇಕಿಂಗ್ ಗಾಗಿ ಮುಂದುಗಡೆ 290 ಎಂಎಂ ಸಿಂಗಲ್ ಪೆಡಲ್ ಡಿಸ್ಕ್ ಜೊತೆ ಟ್ವಿನ್ ಪಿಸ್ತಾನ್ ಕ್ಯಾಲಿಪರ್ ಮತ್ತು ಹಿಂದುಗಡೆ 240 ಎಂಎಂ ಪೆಡಲ್ ಡಿಸ್ಕ್ ಜೊತೆ ಸಿಂಗಲ್ ಪಿಸ್ತಾನ್ ಕ್ಯಾಲಿಪರ್ ಇರಲಿದೆ.