ಅತಿ ಶೀಘ್ರದಲ್ಲೇ ಹೋಂಡಾ ಆಕ್ಟಿವಾ 125 ಸಿಸಿ ಸ್ಕೂಟರ್ ಲಾಂಚ್

ಒಟ್ಟು ಎರಡು ವೆರಿಯಂಟ್‌ಗಳಲ್ಲಿ ನೂತನ ಹೋಂಡಾ ಆಕ್ಟಿವಾ 125 ಸಿಸಿ ಸ್ಕೂಟರ್ ಲಭ್ಯವಾಗಲಿದೆ. ಅವುಗಳೆಂದರೆ ಸ್ಟಾಂಡರ್ಡ್ ಹಾಗೂ ಡಿಲಕ್ಸ್ (ಎವಿಯೇಟರ್‌ನಲ್ಲಿರುವುದಕ್ಕೆ ಸಮಾನ)

ಸ್ಟಾಂಡರ್ಡ್ ವೆರಿಯಂಟ್‌ನಲ್ಲಿ ಅಲಾಯ್ ವೀಲ್‌ ಹಾಗೂ ಡ್ರಮ್ ಬ್ರೇಕ್‌ಗಳ ಕೊರತೆ ಕಾಡಲಿದೆ. ಇನ್ನೊಂದೆಡೆ ದಿಲಕ್ಸ್ ವೆರಿಯಂಟ್‌ಗಳಲ್ಲಿ ಫ್ರಂಟ್ ಡಿಸ್ಕ್ ಹಾಗೂ ಅಲಾಯ್ ವೀಲ್ ಸೌಲಭ್ಯವಿರಲಿದೆ.

ಇದರ ಡಿಸ್ಕ್ ಬ್ರೇಕ್ 190 ಎಂಎಂ ಹಾಗೂ ಡ್ರಮ್ ಬ್ರೇಕ್ 130 ಎಂಎಂ ಆಗಿರಲಿದೆ. ಅಲ್ಲದೆ ಹೋಂಡಾದ ಕಂಬೈನ್ಡ್ ಬ್ರೇಕಿಂಗ್ ಸಿಸ್ಟಂ (ಸಿಬಿಎಸ್) ಸಹ ಸ್ಟಾಂಡರ್ಡ್ ಆಗಿ ದೊರಕಲಿದೆ.

ಕಲರ್ ವೆರಿಯಂಟ್

ಬ್ಲ್ಯಾಕ್, ಮೆಟ್ಯಾಲಿಕ್ ಬ್ಲ್ಯೂ, ಪೀಯರ್ಲ್ ವೈಟ್ ಮತ್ತು ಮೆಟ್ಯಾಲಿಕ್ ಸಿಲ್ವರ್

ಹಾಗೆಯೇ ಟೆಲಿಸ್ಕಾಪಿಕ್ ಫೋರ್ಕ್ ಫ್ರಂಟ್ ಸಸ್ಪೆಷನ್ ಸ್ಟಾಂಡರ್ಡ್ ಆಗಿರಲಿದೆ. ಅಂದರೆ ಫ್ರಂಟ್ ಹಾಗೂ ರಿಯರ್ ವೀಲ್‌ಗಳು ಎವಿಯೇಟರ್‌ನಲ್ಲಿರುವುದಕ್ಕೆ ಸಮಾನವಾಗಿ ಅನುಕ್ರಮವಾಗಿ 12 ಹಾಗೂ 10 ಇಂಚುಗಳಲ್ಲಿ ಆಗಮನವಾಗಲಿದೆ.

ಹೋಂಡಾದ ನೂತನ ಆಕ್ಟಿವಾ ಸ್ಕೂಟರ್ 124.9 ಸಿಸಿ ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದ್ದು, 8.6 ಬಿಎಚ್‌ಪಿ (10.12 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ. ಅಲ್ಲದೆ ವಿ-ಮ್ಯಾಟಿಕ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಪಡೆದುಕೊಳ್ಳಲಿದೆ.

ದರ ಮಾಹಿತಿ (ಎಕ್ಸ್ ಶೋ ರೂಂ)

ಆಕ್ಟಿವಾ 125 ಸ್ಟಾಂಡರ್ಡ್ - ರು. 56,000 (ಆವಿಯೇಟರ್ ರು. 50,915, ಆಕ್ಟಿವಾ 110 ಸಿಸಿ ರು. 49881)

ಆಕ್ಟಿವಾ 125 ಡಿಲಕ್ಸ್ - ರು. 61,000 (ಆವಿಯೇಟರ್ ರು. 56,286)

ಬಲ್ಲ ಮೂಲಗಳ ಪ್ರಕಾರ, ನೂತನ ಹೋಂಡಾ ಆಕ್ಟಿವಾ 125 ಸಿಸಿ ಸ್ಕೂಟರ್ ಬುಕ್ಕಿಂಗ್ ಈಗಾಗಲೇ ಡೀಲರ್‌ಶಿಪ್‌ಗಳಲ್ಲಿ ಆರಂಭಗೊಂಡಿದೆ. ಇದಕ್ಕಾಗಿ ಗ್ರಾಹಕರು ಮುಂಗಡವಾಗಿ ರು. 5000 ಪಾವತಿಸಬೇಕಾಗಿದೆ.

ಇದೀಗ ಪವರ್‌ಫುಲ್ ಫ್ಯಾಮಿಲಿ ಸ್ಕೂಟರ್ ಎಂದೆನಿಸಿಕೊಂಡಿರುವ ಸುಜುಕಿ ಆಕ್ಸೆಸ್ 125 ಆವೃತ್ತಿಗೆ ಹೋಂಡಾದ ನೂತನ ಆಕ್ಟಿವಾ ಸೆಡ್ಡು ನೀಡಲಿದೆ.