ಬಿಡುಗಡೆಗೆ ಸಜ್ಜಾಗಿರುವ ಹೊಸ ಕಿಯಾ ಸೆಲ್ಟೋಸ್ ರಿವ್ಯೂ: ರಗಡ್ ಎಸ್‌ಯುವಿ ಹೇಗಿದೆ ಗೊತ್ತಾ?

ಪ್ರಮುಖ ಕೊರಿಯಾ ಕಾರು ತಯಾರಕರಾದ 'ಕಿಯಾ ಮೋಟಾರ್ಸ್', ಇತ್ತೀಚೆಗಷ್ಟೆ ತನ್ನ ಹೊಸ ಪೀಳಿಗೆಯ ಕಿಯಾ ಸೆಲ್ಟೋಸ್ ಅನ್ನು ಅನಾವರಣಗೊಳಸಿತ್ತು. ಈ ಕಾರು ಭಾರತದ ಕಾಂಪ್ಯಾಕ್ಟ್ ಎಸ್‌ಯುವಿ ಮಾರುಕಟ್ಟೆಯಲ್ಲಿ ತನ್ನದೇ ಆದ ಸ್ಥಾನವನ್ನು ಪಡೆದುಕೊಂಡಿದ್ದು, ದೇಶಾದ್ಯಂತ ಬುಕಿಂಗ್‌ಗಳು ಪ್ರಾರಂಭವಾಗಿದ್ದೇ ತಡ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಗ್ರಾಹಕರು ತಮ್ಮ ನೆಚ್ಚಿನ SUV ಅನ್ನು ರೂ. 25,000 ಆರಂಭಿಕ ಮೊತ್ತದೊಂದಿಗೆ ಬುಕ್ ಮಾಡಬಹುದು. ಈ ಕಾರು 2026 ರ ಜನವರಿ 2 ರಂದು ಬಿಡುಗಡೆಯಾಗಲಿದೆ. ಅದಕ್ಕೂ ಮುನ್ನ ಈ ಕಾರನ್ನು ಓಡಿಸಲು ನಮಗೆ ಅವಕಾಶ ಸಿಕ್ಕಿದ್ದು, ಸಂಪೂರ್ಣ ರಿವ್ಯೂ ಇಲ್ಲಿದೆ.

ವಿನ್ಯಾಸ: ಕಿಯಾ ಸೆಲ್ಟೋಸ್ ತನ್ನ ನವೀಕೃತ ವಿನ್ಯಾಸದೊಂದಿಗೆ ಎದ್ದು ಕಾಣುತ್ತದೆ. ಡಾರ್ಕ್ ಕ್ರೋಮ್ ಗ್ರಿಲ್ ಅದರ ಮುಂಭಾಗದ ನೋಟವನ್ನು ಇನ್ನೂ ಪ್ರೀಮಿಯಂ ಹಾಗೂ ರಗಡ್ ಆಗಿಸಿದೆ. ಎಲ್‌ಇಡಿ ಹೆಡ್‌ಲೈಟ್‌ಗಳು ಮತ್ತು ಡಿಆರ್‌ಎಲ್‌ಗಳು ಆಧುನಿಕ ಸ್ಪರ್ಶವನ್ನು ನೀಡುತ್ತವೆ. ಗ್ಲಾಸಿ ಬ್ಲ್ಯಾಕ್ ಆಕ್ಸೆಂಟ್ಸ್ ಮತ್ತು 18-ಇಂಚಿನ ಡೈಮೆಂಟ್ ಕಟ್ ಅಲಾಯ್ ವೀಲ್‌ಗಳು, ಮುಂಭಾಗ ಮತ್ತು ಹಿಂಭಾಗದಲ್ಲಿ ನಿಯಾನ್ ಗ್ರೀನ್ ಬ್ರೇಕ್ ಕ್ಯಾಲಿಪರ್‌ಗಳು ವಿಶಿಷ್ಟ ಶೈಲಿಯನ್ನು ನೀಡುತ್ತವೆ.

ಹಿಂಭಾಗವು ಡ್ರಾಪ್ ಪರಿಣಾಮದೊಂದಿಗೆ ಸಂಪರ್ಕಿತ ಟೈಲ್ ಲೈಟ್ ವಿನ್ಯಾಸವನ್ನು ಹೊಂದಿದೆ. ಗ್ಲಾಸ್ ಬ್ಲ್ಯಾಕ್ ಟ್ರಿಮ್ ಕೆಳಗಿನ ಬಂಪರ್, ಹಿಡನ್ ವೈಪರ್ ಮತ್ತು ವಾಷರ್ ಸಿಸ್ಟಮ್ ಮತ್ತು ಹೈ-ಮೌಂಟ್ ಸ್ಟಾಪ್ ಲೈಟ್ ಅನ್ನು ಸಹ ನೀಡಲಾಗಿದೆ. ಬೂಟ್ 447 ಲೀಟರ್ ಜಾಗವನ್ನು ನೀಡುತ್ತದೆ, ಇದನ್ನು 60:40 ವಿಭಜಿತ ಹಿಂಭಾಗದ ಸೀಟುಗಳೊಂದಿಗೆ ವಿಸ್ತರಿಸಬಹುದು.

ಫೀಚರ್ಸ್: ಕಿಯಾ ಸೆಲ್ಟೋಸ್ ಸಂಪೂರ್ಣವಾಗಿ ಮರುವಿನ್ಯಾಸಗೊಳಿಸಲಾದ ಕ್ಯಾಬಿನ್ ಅನ್ನು ಒಳಗೊಂಡಿದೆ. ಡ್ರೈವರ್ ಲುಂಬಾರ್ ಸಪೋರ್ಟ್‌ನೊಂದಿಗೆ ಎಲೆಕ್ಟ್ರಿಕಲ್ಲಿ ಅಡ್ಜಸ್ಟ್ ಮಾಡಬಹುದಾದ ಸೀಟ್ ಪಡೆಯಬಹುದು. ಇದು ಕಡಿಮೆ ಮತ್ತು ದೀರ್ಘ ಪ್ರವಾಸಗಳಲ್ಲಿ ಆರಾಮವನ್ನು ಖಚಿತಪಡಿಸುತ್ತದೆ, ಚಾಲಕನ ಸೀಟ್‌ಗಾಗಿ ಮೆಮೊರಿ ಫಂಕ್ಷನ್ ಸಹ ನೀಡಲಾಗಿದೆ.

ಡ್ಯಾಶ್‌ಬೋರ್ಡ್ ಸಂಪರ್ಕಿತ ಸ್ಕ್ರೀನ್ ಲೇಔಟ್ ಅನ್ನು ಒಳಗೊಂಡಿದೆ. ಸ್ಮೋಕಿ ಬ್ಲ್ಯಾಕ್ & ವೈಟ್ ಡ್ಯುಯಲ್ - ಟೋನ್ ಇಂಟೀರಿಯರ್ ಮತ್ತು ಲೆದರೆಟ್ ಸೀಟ್‌ಗಳೊಂದಿಗೆ ವಿಶಾಲವಾದ ಕ್ಯಾಬಿನ್, ವಿಸ್ತಾರವಾದ 75.18 ಸೆಂ.ಮೀ (30 - ಇಂಚಿನ) ಟ್ರಿನಿಟಿ ಪನೋರಮಿಕ್ ಡಿಸ್ಪ್ಲೇ ಪ್ಯಾನೆಲ್ ಹೊಂದಿದೆ. ಇದು ಡಬಲ್ ಡಿ - ಕಟ್ ಡ್ಯುಯಲ್ ಟೋನ್ ಲೆದರೆಟ್ - ಸ್ಟೀರಿಂಗ್ ವೀಲ್‌ನೊಂದಿಗೆ ಕ್ಯಾಬಿನ್ ಇನ್ನಷ್ಟು ಪ್ರೀಮಿಯಂ ಆಗಿ ಕಾಣುತ್ತದೆ.

10-ವೇ ಪವರ್ಡ್ ಡ್ರೈವರ್ ಸೀಟ್, ORVM ಸೆಟ್ಟಿಂಗ್‌ಗಳೊಂದಿಗೆ ಸಿಂಕ್ ಮಾಡಲಾದ ಇಂಟಿಗ್ರೇಟೆಡ್ ಮೆಮೊರಿ ಡ್ರೈವರ್ ಸೀಟ್ ಮತ್ತು ಫ್ರಂಟ್ ವೆಂಟಿಲೇಟೆಡ್ ಸೀಟ್‌ಗಳನ್ನು ನೀಡಲಾಗಿದೆ. ಇವಿಷ್ಟೆ ಅಲ್ಲದೆ 8 ಸ್ಪೀಕರ್‌ಗಳೊಂದಿಗೆ ಬೋಸ್ ಪ್ರೀಮಿಯಂ ಸೌಂಡ್ ಸಿಸ್ಟಮ್, 64 - ಬಣ್ಣದ ಆಂಬಿಯೆಂಟ್ ಮೂಡ್ ಲೈಟಿಂಗ್ ಮತ್ತು ಸ್ಮಾರ್ಟ್‌ಫೋನ್ ವೈರ್‌ಲೆಸ್ ಚಾರ್ಜರ್ ಒದಗಿಸಲಾಗಿದೆ.

ಹಿಂಭಾಗದ ಪ್ರಯಾಣಿಕರಿಗಾಗಿ 60:40 ಸ್ಪ್ಲಿಟ್ ಸೀಟ್ ರಿಕ್ಲೈನ್ ಮತ್ತು ಟೈಪ್-ಸಿ ಯುಎಸ್‌ಬಿ ಚಾರ್ಜಿಂಗ್ ಪೋರ್ಟ್‌, ಡ್ಯುಯಲ್ ಪೇನ್ ಪನೋರಮಿಕ್ ಸನ್‌ರೂಫ್ ವಿಶಾಲವಾದ ಕ್ಯಾಬಿನ್‌ಗೆ ನೈಸರ್ಗಿಕ ಬೆಳಕನ್ನು ತರುತ್ತದೆ. ವಿಭಾಗದಲ್ಲಿಯೇ ಮೊದಲನೆಯದಾಗಿ ಸ್ಮಾರ್ಟ್ ಕೀ ಪ್ರಾಕ್ಸಿಮಿಟಿ ಅನ್‌ಲಾಕ್, ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ, ಕಿಯಾ ಕನೆಕ್ಟ್ 2.0 ಸೂಟ್ ನೀಡಾಗಿದೆ.

ಸುರಕ್ಷತೆ ಮತ್ತು ಅನುಕೂಲಕರ ವೈಶಿಷ್ಟ್ಯಗಳು ಹೇರಳವಾಗಿವೆ. ಆಟೋ-ಡಿಮ್ಮಿಂಗ್ ಒಳಗಿನ ರಿಯರ್‌ವ್ಯೂ ಮಿರರ್ ಮತ್ತು ಸನ್ ಗ್ಲಾಸ್ ಹೋಲ್ಡರ್ ಸಹ ಸೇರಿವೆ. ಪ್ರಯಾಣಿಕರ ಸೈಡ್ ವ್ಯಾನಿಟಿ ಮಿರರ್‌ಗಳನ್ನು ಒದಗಿಸಲಾಗಿದೆ. ಕಾರಿನ ಬೂಟ್‌ನಲ್ಲಿ ಸಬ್ ವೂಫರ್‌ನೊಂದಿಗೆ ಬೋಸ್ ಸೌಂಡ್ ಸಿಸ್ಟಮ್ ಅನ್ನು ಹೊಂದಿದೆ.
ಸ್ಟೀರಿಂಗ್ ವೀಲ್ ಹೊಸ ಮೂರು-ಸ್ಪೋಕ್ ವಿನ್ಯಾಸವನ್ನು ಹೊಂದಿದ್ದು, ಟಿಲ್ಟ್ ಮತ್ತು ದೂರದವರೆಗೆ ಹೊಂದಾಣಿಕೆ ಮಾಡಬಹುದಾಗಿದೆ.

ಪ್ಯಾಡಲ್ ಶಿಫ್ಟರ್‌ಗಳು ಚಾಲನಾ ಅನುಭವವನ್ನು ಹೆಚ್ಚಿಸುತ್ತವೆ. ಡ್ರೈವ್ ಮತ್ತು ಟ್ರಾಕ್ಷನ್ ಮೋಡ್‌ಗಳ ನಿಯಂತ್ರಣಗಳು ಸ್ಟೀರಿಂಗ್ ವೀಲ್‌ನಲ್ಲಿವೆ. ಹಿಲ್ ಡೀಸೆಂಟ್, ಟ್ರಾಕ್ಷನ್ ಕಂಟ್ರೋಲ್ ಮತ್ತು ಎಲೆಕ್ಟ್ರಾನಿಕ್ ಪಾರ್ಕ್ ಬ್ರೇಕ್‌ಗಾಗಿ ಬಟನ್‌ಗಳನ್ನು ಅನುಕೂಲಕರವಾಗಿ ಇರಿಸಲಾಗಿದೆ.

ಎಂಜಿನ್ ಮತ್ತು ಆಯಾಮಗಳು: ಹೊಸ ಕಿಯಾ ಸೆಲ್ಟೋಸ್‌ನಲ್ಲಿ ಸ್ಮಾರ್ಟ್‌ಸ್ಟ್ರೀಮ್ G1.5 ಪೆಟ್ರೋಲ್ (115PS, 144Nm) ಎಂಜಿನ್, ಸ್ಮಾರ್ಟ್‌ಸ್ಟ್ರೀಮ್ G1.5 T-GDI ಪೆಟ್ರೋಲ್ (160PS, 253Nm) ಎಂಜಿನ್ ಅಥವಾ 1.5l CRDi VGT ಡೀಸೆಲ್ (116PS, 250Nm) ಎಂಜಿನ್‌ಗಳು ಆಯ್ಕೆಯಲ್ಲಿ ಸಿಗಲಿವೆ. ಚಾಲನಾ ನಮ್ಯತೆಗಾಗಿ 6 - ಸ್ಪೀಡ್ MT, 6 - ಸ್ಪೀಡ್ iMT, IVT, 7DCT ಮತ್ತು 6AT ಗೇರ್‌ಬಾಕ್ಸ್ ಆಯ್ಕೆಗಳು ಸೇರಿವೆ.

ಹೊಸ ಕಿಯಾ ಸೆಲ್ಟೋಸ್ ಲೈನ್‌ಅಪ್ ನಾಲ್ಕು ಸ್ಟ್ಯಾಂಡರ್ಡ್ ಟ್ರಿಮ್‌ಗಳಾದ - HTE, HTK, HTX, ಮತ್ತು GTX - ಜೊತೆಗೆ HTE(O), HTK(O), HTX(A), GTX(A) ಎಂಬ ನಾಲ್ಕು ಆಯ್ಕೆಯ ವೇರಿಯೆಂಟ್‌ಗಳನ್ನು ಹೊಂದಿದೆ. ಹೆಚ್ಚುವರಿ ವ್ಯತ್ಯಾಸಕ್ಕಾಗಿ, X - ಲೈನ್ ಸ್ಟೈಲಿಂಗ್ ಪ್ಯಾಕ್ ಅನ್ನು GTX & GTX(A) ನಲ್ಲಿ ಪ್ರತ್ಯೇಕವಾಗಿ ನೀಡಲಾಗುತ್ತದೆ.

ಕಾರಿನಲ್ಲಿ ಹೆಚ್ಚಿನ ಸ್ಥಳ, ಸೌಕರ್ಯ ವರ್ಧಿತ ಆಯಾಮಗಳೊಂದಿಗೆ ಹೊಸ ಸೆಲ್ಟೋಸ್ ಈಗ 4,460 ಮಿ.ಮೀ ಉದ್ದ ಮತ್ತು 1,830 ಮಿ.ಮೀ ಅಗಲವನ್ನು ಹೊಂದಿದೆ. 2,690 ಎಂಎಂ ವೀಲ್ ‌ಬೇಸ್‌ನೊಂದಿಗೆ ದೊಡ್ಡ ಕ್ಯಾಬಿನ್ ಸ್ಥಳವನ್ನು ಪಡೆದುಕೊಂಡಿದೆ. ಮಿಡ್‌ ಸೈಜ್ ಎಸ್‌ಯುವಿ ವಿಭಾಗದಲ್ಲಿನ ಪ್ರತಿಸ್ಪರ್ಧಿಗಳಿಗಿಂತ ಭಿನ್ನವಾಗಿ, ಡಾರ್ಕ್ ಗನ್ ‌ಮೆಟಲ್ ಅಕ್ಸೆಂಟ್‌ಗಳೊಂದಿಗೆ ಬ್ಲಾಕ್ ಹೈ ಗ್ಲೋಸಿ ಗ್ರಿಲ್‌ನೊಂದಿಗೆ ಎದ್ದು ಕಾಣುತ್ತದೆ.

ಚಾಲನಾ ಅನಿಸಿಕೆಗಳು: 6-ಸ್ಪೀಡ್ ಟಾರ್ಕ್ ಕನ್ವರ್ಟರ್‌ನೊಂದಿಗೆ ಜೋಡಿಸಲಾದ 1.5-ಲೀಟರ್ ಟರ್ಬೊ ಡೀಸೆಲ್ ಎಂಜಿನ್ ಉತ್ತಮ ಪರ್ಫಾಮೆನ್ಸ ನೀಡುತ್ತದೆ. ಆರಂಭಿಕ ಬೂಸ್ಟ್‌ಗೆ ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ, ಆದರೆ ವೇಗವರ್ಧನೆಯು ಸಮರ್ಥವಾಗಿದೆ. ತಕ್ಷಣದ ಪವರ್‌ಗಾಗಿ, ಟರ್ಬೊ ಪೆಟ್ರೋಲ್ ಎಂಜಿನ್ ಉತ್ತಮವಾಗಿದೆ, ಇದು ಅದರ ವರ್ಗಕ್ಕೆ ಉತ್ತಮ ಪರ್ಫಾಮೆನ್ಸ್ ನೀಡುತ್ತದೆ.

ಸೆಲ್ಟೋಸ್ ವಿವಿಧ ಡ್ರೈವ್ ಮತ್ತು ಟ್ರಾಕ್ಷನ್ ಮೋಡ್‌ಗಳನ್ನು ಹೊಂದಿದೆ. ಈ ಮೋಡ್‌ಗಳು ಸ್ಟೀರಿಂಗ್ ಬಿಗಿತ ಮತ್ತು ಥ್ರೊಟಲ್ ಪ್ರತಿಕ್ರಿಯೆಯನ್ನು ಹೊಂದಿಸುತ್ತವೆ. K3 ಪ್ಲಾಟ್‌ಫಾರ್ಮ್ ಕಾರನ್ನು ದೊಡ್ಡದಾಗಿಸಿದ್ದು, ಇದಕ್ಕೆ ತಕ್ಕಂತೆ ಉತ್ತಮ ಸಸ್ಪೆನ್ಶನ್ ನೀಡಲಾಗಿದೆ. ಈ ಸೆಟಪ್ ದೃಢವಾಗಿದ್ದು, ಉತ್ತಮ ನಿರ್ವಹಣೆ ಮತ್ತು ಆರಾಮವನ್ನು ನೀಡುತ್ತದೆ.

ಸೀಟಿಂಗ್ ಉತ್ತಮ ಕುಶನಿಂಗ್ ನೀಡುತ್ತದೆ, ಪ್ರಯಾಣವನ್ನು ಆಹ್ಲಾದಕರವಾಗಿಸುತ್ತದೆ. ಅದರ ವಿಶಿಷ್ಟ ವಿನ್ಯಾಸದ ಹೊರತಾಗಿಯೂ, ಸ್ಟೀರಿಂಗ್ ವೀಲ್ ಹಿಡಿದಿಡಲು ಆರಾಮದಾಯಕವಾಗಿದೆ. ಒಟ್ಟಾರೆ ಚಾಲನಾ ಅನುಭವವು ನಿರ್ವಹಣೆ ಮತ್ತು ಸವಾರಿ ಗುಣಮಟ್ಟವನ್ನು ಸಮತೋಲನಗೊಳಿಸುತ್ತದೆ, ಇದು ಸೆಲ್ಟೋಸ್ ಅನ್ನು ವೈವಿಧ್ಯಮಯ ಪರಿಸ್ಥಿತಿಗಳಿಗೆ ಹೊಂದಿಕೊಂಡು ಚಾಲಕನಿಗೆ ಉತ್ತಮ ಡ್ರೈವ್ ಅನುಭವ ನೀಡುತ್ತದೆ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ: ಕಿಯಾ ಸೆಲ್ಟೋಸ್ ವಿನ್ಯಾಸ, ಎಂಜಿನ್ ಆಯ್ಕೆಗಳು ಮತ್ತು ವೈಶಿಷ್ಟ್ಯಗಳಲ್ಲಿ ಉತ್ತಮವಾಗಿದೆ. ಇದರ ದೊಡ್ಡ ಆಯಾಮಗಳು ಮತ್ತು ಸುಧಾರಿತ ಪ್ಲಾಟ್‌ಫಾರ್ಮ್ ಹೆಚ್ಚು ವಿಶಾಲವಾದ ಮತ್ತು ಸ್ಥಿರವಾದ ಸವಾರಿಯನ್ನು ನೀಡುತ್ತದೆ. ಚಾಲನಾ ಡೈನಾಮಿಕ್ಸ್, ವಿಶೇಷವಾಗಿ ಸಸ್ಪೆನ್ಶನ್ ಟ್ಯೂನಿಂಗ್, ಭಾರತೀಯ ರಸ್ತೆಗಳಲ್ಲಿ ಸಮತೋಲಿತ ಅನುಭವವನ್ನು ನೀಡುತ್ತದೆ. ಇದರ ನವೀಕರಣಗಳು ಮತ್ತು ಮಾರುಕಟ್ಟೆ ಉಪಸ್ಥಿತಿಯೊಂದಿಗೆ, ಕಿಯಾ ಸೆಲ್ಟೋಸ್ ಆಕರ್ಷಕ ಆಯ್ಕೆಯಾಗಿ ಉಳಿದಿದೆ.