Click it and Unblock the Notifications
Mercedes EQE SUV ರಿವ್ಯೂ: ಅದ್ಬುತ ವಿನ್ಯಾಸ, 550 ಕಿ.ಮೀ ರೇಂಜ್, ಬೃಹತ್ ದೊಣಿಯ ಅನುಭವ
ಜರ್ಮನ್ ಐಷಾರಾಮಿ ಕಾರು ತಯಾರಕರಾದ ಮರ್ಸಿಡಿಸ್ನವರು ದಶಕದ ಅಂತ್ಯದ ವೇಳೆಗೆ ಭಾರತದಲ್ಲಿ ಸಂಪೂರ್ಣವಾಗಿ ಎಲೆಕ್ಟ್ರಿಕ್ ಕಾರುಗಳನ್ನೇ ಮಾರುವಂತೆ ತೋರುತ್ತಿದೆ. ಏಕೆಂದರೆ ಅತಿ ಹೆಚ್ಚು ಬೆಂಝ್ ಕಾರುಗಳು ಮಾರಾಟವಾಗುವ ವಿಶ್ವದ ದೊಡ್ಡ ಮಾರುಕಟ್ಟೆಗಳಲ್ಲಿ ಭಾರತವು ಒಂದು. ಈಗ ಇವರ ಇವಿಗಳಿಗೆ ಬೇಡಿಕೆ ಹೆಚ್ಚಾಗಿದ್ದು, ಇತ್ತೀಚೆಗೆ ಮತ್ತೊಂದು ಎಲೆಕ್ಟ್ರಿಕ್ ಕಾರನ್ನು ಪರಿಚಯಿಸಿದ್ದಾರೆ.
ಈ ಹಿಂದೆ ಕಂಪನಿಯ EQS ಸೆಡಾನ್ ಅನ್ನು ನಾವು ನೋಡಿದ್ದೇವೆ. ಇದಾದ ಬಳಿಕ EQB 7-ಸೀಟರ್ SUV ಅನ್ನು ಕೂಡ ನೋಡಿದ್ದೇವೆ. ಈಗ EQ ಪೋರ್ಟ್ಫೋಲಿಯೊದಿಂದ ಭಾರತದಲ್ಲಿ ಹೊಸ EQE SUV ಅನ್ನು ಪರಿಚಯಿಸಲಾಗಿದೆ. ಈ ಹೊಸ EQE SUV ಅನ್ನು ರಿವ್ಯೂ ಮಾಡಲು ಕಂಪನಿಯು ಕಾಶ್ಮೀರದ ಗುಲ್ಮಾರ್ಗ್ಗೆ ನಮ್ಮನ್ನು ಆಹ್ವಾನಿಸಿತ್ತು. ಈ ಸುಂದರ ಪ್ರದೇಶಗಳಲ್ಲಿ ಕಾರನ್ನು ಓಡಿಸಿ ಅದರ ಸಂಪೂರ್ಣ ರಿವ್ಯೂ ನೀಡಿದ್ದೇವೆ.
Mercedes EQE SUV ರಿವ್ಯೂ(ವಿನ್ಯಾಸ) : ಹೊಸ Mercedes EQE SUV ಮುಂಭಾಗದಲ್ಲಿ, ಸಾಮಾನ್ಯ ICE ಗ್ರಿಲ್ನಂತೆ ಕಾಣುವ EQ ಲೈನ್ಅಪ್ನ ಆಫ್ ಸೆಟಪ್ ನೀಡಲಾಗಿದೆ. ಮಧ್ಯದಲ್ಲಿ ಬೃಹತ್ ಕಂಪನಿಯ ಲೋಗೋ ಜೊತೆಗೆ ಅದರ ಕಪ್ಪು ಬಣ್ಣದಲ್ಲಿ ವಿಸ್ತರಿಸಿರುವ ಪ್ಲೇಟ್ ಮೇಲೆ ನೂರಾರು ಬೆಂಝ್ ನಕ್ಷತ್ರದ ಲೋಗೊಗಳನ್ನು ನೋಡಬಹುದು.
ಫಾಕ್ಸ್ ಗ್ರಿಲ್ನ ಮೇಲೆ ಡಿಜಿಟಲ್ ಲೈಟ್ ಎಲ್ಇಡಿ ಹೆಡ್ಲೈಟ್ಗಳನ್ನು ಸಂಪರ್ಕಿಸುವ ಲೈಟ್ಬಾರ್ ಹೊಂದಿದ್ದು ಅದು ಅಡಾಪ್ಟಿವ್ ಹೈ ಬೀಮ್ ಸೆಟಪ್ ಅನ್ನು ಹೊಂದಿರುತ್ತದೆ. ಅದರ ಕೆಳಗೆ ಬಂಪರ್ ನೋಂದಣಿ ಪ್ಲೇಟ್ ಅಡಿಯಲ್ಲಿ ಕ್ರೋಮ್ ನೀಡಲಾಗಿದೆ. EQE SUV ಯ 20-ಇಂಚಿನ ಅಲಾಯ್ ವೀಲ್ಗಳು, ಡೋರ್ ಹ್ಯಾಂಡಲ್ಗಳ ಮೇಲೆ ಹೊಳೆಯುವ ಕ್ರೋಮ್ ನೀಡಲಾಗಿದೆ.
ಟೈಲ್ಲೈಟ್ಗಳ ಕೆಳಗೆ ಬೆಂಝ್ ಬ್ಯಾಡ್ಜ್ ಇರುತ್ತದೆ, ಅದನ್ನು ಒತ್ತಿದಾಗ ಬೂಟ್ ತೆರೆದುಕೊಳ್ಳುತ್ತದೆ. EQE SUV ಯ ಕ್ಯಾಬಿನ್ನೊಳಗೆ ಹೆಜ್ಜೆ ಇಟ್ಟರೆ ಎಡ್ಜ್-ಟು-ಎಡ್ಜ್, 56-ಇಂಚಿನ MBUX ಹೈಪರ್ಸ್ಕ್ರೀನ್ ಸೆಟಪ್ ಅನ್ನು ನಾವು EQE SUV ಯಲ್ಲಿ ನೋಡಬಹುದು. EQS ನಲ್ಲಿರುವಂತೆ, ಹೈಪರ್ಸ್ಕ್ರೀನ್ ವಾಸ್ತವವಾಗಿ ಟೆಂಪರ್ಡ್ ಗ್ಲಾಸ್ನ ಹಿಂದೆ ಮೂರು ಪ್ರದರ್ಶನಗಳನ್ನು ಹೊಂದಿದೆ.
ಈ ಸ್ಕ್ರೀನ್ ಅಂತರ್ನಿರ್ಮಿತ ನ್ಯಾವ್ ಸಿಸ್ಟಮ್, ಹಾಗೆಯೇ ವೈರ್ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ಪ್ಲೇ ಸೇರಿದಂತೆ ವಿವಿಧ ಅಪ್ಲಿಕೇಶನ್ಗಳನ್ನು ಸಪೋರ್ಟ್ ಮಾಡುತ್ತದೆ. ಕ್ಯಾಬಿನ್ ಅನ್ನು ಕನ್ಸರ್ಟ್ ಹಾಲ್ ಆಗಿ ಪರಿವರ್ತಿಸುವ ಅದ್ಭುತವಾದ 15-ಸ್ಪೀಕರ್ ಬರ್ಮೆಸ್ಟರ್ 3D ಸರೌಂಡ್ ಸೌಂಡ್ ಸಿಸ್ಟಮ್ನೊಂದಿಗೆ ಜೋಡಿಯಾಗಿ ಬರುತ್ತದೆ.
EQE SUV ಪ್ರಯಾಣದಲ್ಲಿ ಅದರ ಆಸನಗಳ ಮೇಲೆ ಕುಳಿತುಕೊಳ್ಳಲು ಪ್ರಯಾಣಿಕರಿಗೆ ಸಂಪೂರ್ಣ ಮುದ ನೀಡುತ್ತದೆ. ಗಾಳಿ ಇರುವ ಮುಂಭಾಗದ ಆರಾಮ ಆಸನಗಳು ನಿಮ್ಮನ್ನು ತಂಪಾಗಿರಿಸುತ್ತದೆ. ಅದ್ಭುತವಾದ ಸೊಂಟದ ಬೆಂಬಲವನ್ನು ನೀಡುತ್ತದೆ. ಮಸಾಜ್ ಕಾರ್ಯ ಕೂಡ ಇದ್ದು, ಕಠಿಣ ದಿನದ ಕೆಲಸದ ಮುಗಿಸಿ ಮನೆಗೆ ಹೊರಟು ಡ್ರೈವ್ ಮಾಡುವಾಗ ಹಿತವಾದ ಪ್ರಯಾಣದಂತೆ ಭಾಸವಾಗುತ್ತದೆ.
ಎಲೆಕ್ಟ್ರಿಕ್ SUV ಗೆ ಡ್ಯುಯಲ್ ಮೋಟರ್ ಸೆಟಪ್ ಇದ್ದು, ಅದು ದೊಡ್ಡ 90.56kWh ಬ್ಯಾಟರಿ ಪ್ಯಾಕ್ಗೆ ಸಂಪರ್ಕ ಹೊಂದಿದೆ. EQE 500 SUV ಯ ಡ್ಯುಯಲ್-ಮೋಟಾರ್, ಆಲ್-ವೀಲ್ ಡ್ರೈವ್ ಸೆಟಪ್ 402bhp ಪವರ್ ಮತ್ತು 858Nm ಪೀಕ್ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಇದು EQE SUV ಅನ್ನು 4.6 ಸೆಕೆಂಡುಗಳಲ್ಲಿ 100km ವೇಗ ತಲುಪಲು ಸಹಕರಿಸುತ್ತದೆ. ಇದರ ಗರಿಷ್ಠ ವೇಗವು 210km ಇದೆ.
ಡ್ರೈವಿಂಗ್ ಸ್ಮೂತ್ ಆಪರೇಟರ್: ಮರ್ಸಿಡಿಸ್ EQE SUV ನಯವಾದ ಮತ್ತು ನಿಶಬ್ದವಾಗಿ ಮುನ್ನುಗ್ಗುತ್ತದೆ. EQE ಯ ಡ್ರೈವ್ಟ್ರೇನ್ ಅತ್ಯಂತ ಪರಿಷ್ಕೃತವಾಗಿದ್ದು, ನೀವು ಯಾವ ಮೂರು ಡ್ರೈವಿಂಗ್ ಮೋಡ್ಗಳಾದ ಇಕೋ, ಕಂಫರ್ಟ್, ಸ್ಪೋರ್ಟ್, ಆಫ್-ರೋಡ್ ಯಾವುದನ್ನು ಆರಿಸಿಕೊಂಡರೂ ಉತ್ತಮ ಡ್ರೈವ್ ಅನುಭವ ನೀಡುತ್ತದೆ. ನೀವು ಇಕೋದಿಂದ ಸ್ಪೋರ್ಟ್ಗೆ ಚಲಿಸುವಾಗ ನೀವು ತೂಕದಲ್ಲಿರುವ ಡ್ರೈವ್ ಮೋಡ್ ಅನ್ನು ಅವಲಂಬಿಸಿ ಸ್ಟೀರಿಂಗ್ ಸ್ವತಃ ಸರಿಹೊಂದಿಸುತ್ತದೆ.
ಆಫರ್ನಲ್ಲಿ ಮೂರು ಹಂತದ ರೆಜೆನ್ಗಳಿವೆ, ಅವು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ. ಆದಾಗ್ಯೂ, ಬ್ರೇಕ್ ಪೆಡಲ್ ಅನುಭವದ ವಿಷಯದಲ್ಲಿ ಉತ್ತಮವಾಗಿಲ್ಲ ಎಂದು ನಾವು ಭಾವಿಸುತ್ತೇವೆ, ಇದನ್ನು ಕಂಪನಿಯು ಸರಿಪಡಿಸಬಹುದು ಎಂದು ನಾವು ಭಾವಿಸಿದ್ದೇವೆ. ಅಂತಿಮ ಅನಿಸಿಕೆಗಳನ್ನು ಮತ್ತು ಒಟ್ಟಾರೆ ತೀರ್ಪನ್ನು ಈ ಕೆಳಗೆ ನೋಡೋಣ.
EQE SUV 500 ಅನ್ನು ಪ್ರಸ್ತುತ CBU ಆಗಿ ಮಾರಾಟ ಮಾಡಲಾಗಿರುವುದರಿಂದ ಬೆಲೆ ಮಾತ್ರ ಉತ್ತುಂಗದಲ್ಲಿದೆ ಎಂದು ಹೇಳಬಹುದು. ಇದನ್ನು ದೊಡ್ಡ ಶ್ರೀಮಂತರದಾದರೆ ಯಾವುದೇ ಶ್ರಮವಿಲ್ಲದೇ ಖರೀದಿಸಬಹುದು. ಇದರ ರಿವ್ಯೂ ವಿಡಿಯೋ ಕೂಡ ಇದ್ದು, ಆಸಕ್ತ ಆಟೋ ಉತ್ಸಾಹಿಗಳನ್ನು ಈ ವಿಡಿಯೋಗಾಗಿ ಡ್ರೈವ್ಸ್ಪಾರ್ಕ್ ಕನ್ನಡ ಸಾಮಾಜಿಕ ಜಾಲತಾಣಗಳಿಗೆ ಭೇಟಿ ನೀಡಬಹುದು.
Continue with Google