ದೇಶಿ ಕಾರು, ಬೈಕುಗಳಿಗೆ ಸುಗ್ಗಿ ಕಾಲ

Published: Monday, June 18, 2012, 10:03 [IST]

Domestic car sales jump 39 pc, bikes 17 pc in April

ನವದೆಹಲಿ, ಮೇ.10: ಕಳೆದ ಏಪ್ರಿಲ್ ನಲ್ಲಿ ಮಾರುಕಟ್ಟೆಯಲ್ಲಿ ದೇಶಿಯ ಪ್ರಯಾಣಿಕರ ಕಾರುಗಳ ಮಾರಾಟದಲ್ಲಿ ಶೇ.39.48 ಹೆಚ್ಚಳವಾಗಿದ್ದು ಒಟ್ಟು 1,43,976 ಕಾರುಗಳು ಮಾರಾಟವಾಗಿವೆ. ಕಳೆದ ವರ್ಷದ ಏಪ್ರಿಲ್ ನಲ್ಲಿ 1,03,227 ಕಾರುಗಳು ಮಾರಾಟವಾಗಿದ್ದವು. ಸೊಸೈಟಿ ಆಫ್ ಇಂಡಿಯನ್ ಆಟೋಮೋಬೈಲ್ ಮ್ಯಾನುಫ್ಯಾಕ್ಚರರ್ಸ್(SIAM) ಇಂದು ಈ ಅಂಕಿ ಅಂಶಗಳನ್ನು ಬಿಡುಗಡೆಗೊಳಿಸಿದೆ.

ಏಪ್ರಿಲ್ ನಲ್ಲಿ ಮೋಟಾರ್ ಸೈಕಲ್ ಗಳ ಮಾರಾಟದಲ್ಲಿ ಶೇ.16.67 ಏರಿಕೆ ದಾಖಲಾಗಿದ್ದು ಒಟ್ಟು 6,56,119ಬೈಕ್ ಗಳು ಮಾರಾಟವಾಗಿದೆ. ಕಳೆದ ವರ್ಷ ಇದೇ ಆವಧಿಯಲ್ಲಿ 5,62,349 ಬೈಕ್ ಗಳು ಮಾರಾಟವಾಗಿದ್ದವು.

ಒಟ್ಟು ದ್ವಿಚಕ್ರ ವಾಹನಗಳ ಮಾರಾಟದಲ್ಲಿ ಶೇ.22.06 ಏರಿಕೆ ದಾಖಲಾಗಿದೆ. ಏಪ್ರಿಲ್ ನಲ್ಲಿ 8,55,670 ದ್ವಿಚಕ್ರ ವಾಹನಗಳು ಮಾರಾಟವಾಗಿದ್ದರೆ, 2009 ರ ಏಪ್ರಿಲ್ ನಲ್ಲಿ 7,00,987 ದ್ವಿಚಕ್ರ ವಾಹನಗಳು ಮಾರಾಟವಾಗಿದ್ದವು. ವಾಣಿಜ್ಯ ವಾಹನಗಳ ಮಾರಾಟದಲ್ಲಿ ಶೇ 64.49 ಏರಿಕೆ ದಾಖಲಾಗಿದ್ದು, 49,086 ವಾಹನಗಳು ಮಾರಾಟವಾಗಿದೆ. ಕಳೆದ ಏಪ್ರಿಲ್ ನಲ್ಲಿ 29,842 ವಾಹನಗಳು ಮಾರಾಟವಾಗಿದ್ದವು ಎಂದು ಅಂಕಿ ಅಂಶಗಳು ತಿಳಿಸುತ್ತವೆ.

Article Published On: Monday, May 10, 2010, 17:45 [IST]

More from DriveSpark