ಒಂದು ಕೋಟಿ ರೂಪಾಯಿಯ ಬೆಂಝ್ ಸ್ಪೋರ್ಟಿ ಬ್ಯೂಟಿ

ವಿಶ್ವ ದರ್ಜೆಯ ಐಷಾರಾಮಿ ಕಾರ್ ತಯಾರಿಕಾ ಕಂಪನಿ ಮರ್ಸಿಡಿಸ್ ಬೆಂಝ್ ನ ನೂತನ ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್ ಶೀಘ್ರದಲ್ಲಿ ದೇಶದ ರಸ್ತೆಗಿಳಿಯಲಿದೆ. ಸುಮಾರು 1.10 ಕೋಟಿ ರೂ. ದರದ ನೂತನ ಜಿ-ಕ್ಲಾಸ್ ಎಸ್ ಯುವಿ ವೆಹಿಕಲ್ ಗಳನ್ನು ಈ ತಿಂಗಳ ಅಂತ್ಯದಲ್ಲಿ ಇಲ್ಲಿನ ರಸ್ತೆಗೆ ತಂದು ಬಿಡಲಿದೆ. ದರ ಹೆಚ್ಚಾದರೂ ಇದಕ್ಕೆ ಬೇಡಿಕೆ ಕಡಿಮೆಯಾಗುವುದಿಲ್ಲ. ಈಗಾಗಲೇ 20 ನೂತನ ಜಿ-ಕ್ಲಾಸ್ ಕಾರ್ ಬುಕ್ಕಿಂಗ್ ಆಗಿರುವುದೇ ಇದಕ್ಕೆ ಸಾಕ್ಷಿ.

ನೂತನ ಎಸ್ ಯುವಿ ಈಗಾಗಲೇ ಜಾಗತಿಕವಾಗಿ ಮಿಂಚಿರುವ ಸ್ಪೋರ್ಟಿ ಬ್ಯೂಟಿಯಾಗಿದೆ. ಒಟ್ಟಾರೆ ಜಾಗತಿಕವಾಗಿ ಸುಮಾರು 2 ಲಕ್ಷದಷ್ಟು ಜಿ-ಕ್ಲಾಸ್ ಎಸ್ ಯುವಿ ಮಾರಾಟಗೊಂಡಿರುವುದಾಗಿ ಬೆಂಝ್ ಇಂಡಿಯಾದ ಮಾರಾಟ ಮತ್ತು ಮಾರುಕಟ್ಟೆ ವಿಭಾಗದ ನಿರ್ದೇಶಕರು ಹೇಳಿದ್ದಾರೆ. ಜಿ-ಕ್ಲಾಸ್ ಸ್ಪೋರ್ಟಿ ವಾಹನಗಳು ತನ್ನ ವೇಗದ ಆವೇಗದಿಂದ ಶ್ರೀಮಂತ ಕಾರ್ ಪ್ರೇಮಿಗಳ ಮೆಚ್ಚುಗೆ ಪಡೆದಿದೆ.