ಕ್ಷೆನನ್, ಸಫಾರಿ ಸವಾರಿ; ರೇಸಿಂಗ್ ಗೆ ಟಾಟಾ ರೆಡಿ

ಟಾಟಾ ಮೋಟರ್ಸ್ ತನ್ನೆರಡು ಕಿಲ್ಲರ್ ಕಾರ್ ಗಳಾದ ಟಾಟಾ ಸಫಾರಿ ಮತ್ತು ಕ್ಷೆನನ್ ಎಕ್ಸ್ ಟಿ ಮೂಲಕ ರೇಸಿಂಗ್ ಇವೆಂಟ್ ನಲ್ಲಿ ಭಾಗವಹಿಸಲಿದೆ. ಕಂಪನಿಯ ರೈಡ್ ದಿ ಹಿಮಾಲಯಸ್ ತಂಡ ರೇಸಿಂಗ್ ನಲ್ಲಿ ಕಂಪನಿಯನ್ನು ಪ್ರತಿನಿಧಿಸಲಿದ್ದಾರೆ. ಇಂತಹ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಮೂಲಕ ಉತ್ಪನ್ನಗಳ ತಂತ್ರಜ್ಞಾನ ಸಾಮರ್ಥ್ಯವನ್ನು ಬಹಿರಂಗಪಡಿಸಲಿರುವುದಾಗಿ ಟಾಟಾ ಮೋಟರ್ಸ್ ಪ್ಯಾಸೆಂಜರ್ ಕಾರ್ ವಿಭಾಗದ ಉಪಾಧ್ಯಕ್ಷರು ಹೇಳಿದ್ದಾರೆ.

ಇಂತಹ ರೇಸಿಂಗ್ ಟಾಟಾ ಮೋಟರ್ಸ್ ಗೆ ಹೊಸತೇನಲ್ಲ. ಕಳೆದ 2007ರಿಂದಲೇ ಮೋಟರ್ ಸ್ಪೋರ್ಟ್ ನಲ್ಲಿ ಭಾಗವಹಿಸುತ್ತಿದೆ. 1998ರಲ್ಲಿ ಲಂಡನ್ ಕೇಪ್ ಟೌನ್ ರಾಲಿಯಲ್ಲಿ, 2005ರ ಏಷ್ಯಾ ರಾಲಿಯಲ್ಲಿ, 2007ರ ಸಾರ್ಕ್ ರಾಲಿಯಲ್ಲಿ ಟಾಟಾ ಮೋಟರ್ಸ್ ನ ಸಫಾರಿ ಕಾರ್ ಭಾಗವಹಿಸಿತ್ತು.

ಸಫಾರಿ ಮತ್ತು ಕ್ಷೆನನ್ ಪಿಕ್ ಅಪ್ ಗಳೆರಡರ ರೇಸಿಂಗ್ ಅನುಭವ ಅನನ್ಯ. ಈ ರೇಸಿಂಗ್ ಇವೆಂಟ್ ಏಪ್ರಿಲ್ ನಲ್ಲಿ ಕೋರಿಯಾ, ಇಂಡೋನೇಷ್ಯಾ, ಸಿಂಗಪುರ ಮತ್ತು ಭಾರತದಲ್ಲಿ ನಡೆಯಲಿದೆ. ಇಂತಹ ಕಾರ್ಯಕ್ರಮಗಳು ಉತ್ಪನ್ನಗಳನ್ನು ಪ್ರಮೋಟ್ ಮಾಡುವ ಅವಕಾಶಗಳಾಗಿದ್ದು, ಇಲ್ಲಿ ತಂತ್ರಜ್ಞಾನದ ಪರೀಕ್ಷೆ ಮತ್ತು ಅಭಿವೃದ್ಧಿಯೂ ಈ ಇವೆಂಟ್ ನಲ್ಲಿ ಸೇರಿದೆ ಎಂದು ಕಂಪನಿ ಪ್ರಕಟಿಸಿದೆ.